راضي على عربيتك ؟؟؟!!!

**Ashraf_Ashraf** · 17-12-2009 10:10 AM

الحمد الله
ومهما كان نوع العربيه اكيد كل واحده وليها مشاكلها الفرق انت بتستحمل المشاكل دى ولا لا وبتعرف تتصرف معها ولا لا اعتقد دا الفرق

**SAMEH_FOUAD** · 17-12-2009 10:44 AM

الحمد لله راضى جدا والحمد لله بس فية حاجة فى لابلد دية حرام بجد الواحد يجيب عربية غالية لانهم فعلا بيبالغوا جدا فى تكلفة صيانتها ولو لاقدر الله الواحد عمل حادث بسيط ممكن يلاقى نفسة متكلف نص تمن العربية على حبة حاجات هايفة

**N.a.j.d** · 17-12-2009 11:04 AM

ربنا يباركلكو ف عربياتكو ويحفضها

**م.احمد زكريا** · 17-12-2009 11:08 AM

الحمد لله راضي عنها جدا ... ربنا يبارك فيها

بس تعليقات الأخوة فكرتني بمثل قديم

حمارتك العارجة .. تغنيك عن سؤال اللئيم

والحمد لله على النعمة

**amrbakly** · 17-12-2009 11:26 AM

المشاركة الأصلية كتبت بواسطة shaddadfalcon1

لانوس ومش راضي عن اي حاجه فيها بس لما الواحد بيروح في يوم فيه شتا جامد ولا متاخر ويشوف الناس واقفه مش لاقيه حمار حتي تركبه بيحمد ربنا علي النعمه اللي هو فيها

بس اعتقد اني سبب سخطي علي العربيه اني بتفرج كتير علي العربيات الجامدة قوي وده بيعقدني من اي عربيه في مصر

هو دة الرد اللي فعلا اصاب بيت القصيد عندي بالظبط

انا معايا فيات أونو، مضايق منها طبعا لأن عفشتها من لطيفة و ناشفة شوية و مفيهاش اي نوع من أنواع الدلع بإستثناء تكييف ضعيف صيفا و دفاية مش شغالة شتاءا لأن التكييف تركيب، و يمكن أنا مش طمعان في حاجة عالية قوي يعني يكفيني جولف أواخر تسعينات مستعمل او جراند بونتو مثلا

لكن فعلا لما بكون راجع الساعة 3 الفجر ولاقي الناس مرمية في الشوارع ولا واحد صاحبي من عارف يروح علشان مفيش مواصلات بليل، ولا و أنا مسافر اسكندرية أريح يومين ولا لما بشوف أب غلبان واقف في الشارع بيستجدي سواقين التاكسي علشان يرجعوة بيتة هو و مراتة و أولادة الصغيرين (اللي ياعيني عمال يلمهم من هنا و من هناك) بعرف قيمة العربية حتي لو كان الواحد راكب كلبة علي اربع عجلات

**sherif_84** · 18-12-2009 08:00 PM

الحمدلله راضى طبعا والحمد لله وفعلا العربية دلوقتى نعمة كبيرة فى ظل المواصلات السيئة وبلطجة السائقين وعدم نظافة وسائل المواصلات وبالذات الميكروباصات وربنا يسترها فى طريقنا يارب

**M.Osman** · 18-12-2009 08:06 PM

الحمد لله راضي طبعاً
بس مش معنى كدا اني مش عايز اجيب الحتة الأودي !!

**moudy88** · 18-12-2009 09:25 PM

انا معايا نوبيرا 2003 ..والحمد لله راضي عنها ..فيها كل الكماليات المطلوبه من زجاج كهرباء وتكييف ومرايات ..واتوماتيك ..ودي الكماليات الاساسيه المطلوبه ... وسعرها على قد امكانياتي الماديه ...وطبعا فيها عيوب ونقط ضعف ...ولكن الواحد عارف ان دي امكانياته ..لان الواحد لو بص بره امكانياته هيتعب ومش هينوبه الا الضيق وعدم الرضا..
ولما ربنا يفرجها على الواحد يبقى ساعتها يفكر في تغييرها