سؤال ياريت نجاوب عليه بصراحه هل انت راضي على عربيتك ؟؟؟؟!!! بصراحه
عرض للطباعة
سؤال ياريت نجاوب عليه بصراحه هل انت راضي على عربيتك ؟؟؟؟!!! بصراحه
يشرفني ان انا اول واحد يرد
الحمد لله راضي
في مصر(فابيا)
في السعودية (لاند كروزر)(كورولا)
الحمدلله راضي اكيد
الحمد لله راضى عن أداءها من حيث الثبات و المناورة خاصا على السرعات العالية و ده عشان نظام سواقتى مش الشد و الدراج لانى لو كده مكنتش حبقى راضى أوى لان تجميعها بطئ شوية
امبريزا 2004
السؤال ده طرحته لان لي صديق عنده فورد اسكورت مطلعه عينه وآخر معاه bmw 320 موديل93 عايز يولع فيها من مشاكلها واخر عنده بيتلز طالع بيها السما وواحد عنده الينترا زهق منها جاب سكودا a5 واخر عنده مازدا 3 صارف عليها 23 الف جنيه مره واحده بسبب حدثه عبيطه لما كره اسم مازدا وتسمع مميزات العربيه وهي مع صاحبها ولما يبعها يحكي لك علي عيوبها وان كان فيها .....وفيها .....وفيها ويحمد ربنا انه اتخلص منها مع العلم ان العربيه سعات تعمل مشوار بتمنها مليون مرة وسعات في مشوار تزعل اوي مثلا لي صديق من اوائل من سكن التجمع الاول ابنه الرضيع احتاج يروح مستشفى فورا الساعة 1 باليل فعلا كان مشوار العربيه هنا بكنوز الدنيا ومرة كان معايا بيجو 504 وكنت راجع باليل ومعايا الاولاد وتعطل في حته صحرا مقطوعة فعلا زعلتني اوي وبسبب الموقف ده بعتها
لانوس ومش راضي عن اي حاجه فيها بس لما الواحد بيروح في يوم فيه شتا جامد ولا متاخر ويشوف الناس واقفه مش لاقيه حمار حتي تركبه بيحمد ربنا علي النعمه اللي هو فيها
بس اعتقد اني سبب سخطي علي العربيه اني بتفرج كتير علي العربيات الجامدة قوي وده بيعقدني من اي عربيه في مصر
انا سمعت زمان كلمة عجبتنى اووى .... ان عربيتك تحت بيتك عزوتك.......فعلا بتحسها لما بتتزل لو لقدر الله العربية مش معاك او حصلها حاجة .....
راضى عنها ......نسبيا مش اووى
الحمد لله حاليا في مصر في الظروف المنيله اللي احنا فيها
لو معاك عربيه تبوس ايدك وش وضهر ويا سلام لو كانت مكيفه في الصيف
ناس كتير فاكره ان العربيات للمنظره
الحمد لله راضي قوي بس حاسس ان الموديل قديم شويه كورولا 94
الحمد لله راضى تمام الرضا و حاسس انى اخترت الاختيار الافضل ليا ..
و الحمد لله على كل شئ
راضي جداااااااااااا
الحمد لله
بعد ما الواحد كان بيطلع عينه في المواصلات دلوقتي بقى راكب عربيه
والحمد لله ان ربنا سبحانه وتعالى رزقني ورزق عائلتي بيها
لانها وفرتلنا وقت ومجهود كبير اوي ووفرتلنا راحه
الحمد لله
السياره (جين 2 )
جدا جدا لينيا ٢٠٠٩
نعم كورورلا ٢٠٠٦ (السعوديه)
مش قوي ميركوري جراند مرقيس ٩٤ (السعوديه) إبتدت تفتح بقها
السلام عليكم دية اول مشاركة لية فى المنتدى
انا راضى جدا على اداء عربيى من حيث الاداء و الثبات و التجميع السريع و الفرامل
لانسر البومة 2008 اوتوماتك
راضى عنها جدا جدا الحمد لله ..
بس بفكر ابيعها !!!
كل اللى مابيفكرش يبيع عربيته راض عنها أكيد
الحمد لله راضى بنسبه كبيره جدا
وزى ما الاعضاء الأفاضل قالوا الواحد أحسن من غيره كتير
أي عربية تعتبر نعمة على صاحبها تستوجب الشكر. بغض النظر عن هيه أيه (جديد ولا قديم . مطلعة عينه ولا مريحاه .غالية ولارخيصة)
عاوز تعرف مدى صحة كلامي أسئل أي واحد معندوش عربية يقولك أي حاجة بس تجي إن شاء الله سيات (القديمة طبعاً)وترحمنا من أرف الموصلات وهمها.ولو ساكن في مدينة جديدة هتعرف قيمة العجلة مش العربية.
إذن العيب في موضوع العربية هو عدم وجودها:U_thin1[1]:
الحمد الله
ومهما كان نوع العربيه اكيد كل واحده وليها مشاكلها الفرق انت بتستحمل المشاكل دى ولا لا وبتعرف تتصرف معها ولا لا اعتقد دا الفرق
الحمد لله راضى جدا والحمد لله بس فية حاجة فى لابلد دية حرام بجد الواحد يجيب عربية غالية لانهم فعلا بيبالغوا جدا فى تكلفة صيانتها ولو لاقدر الله الواحد عمل حادث بسيط ممكن يلاقى نفسة متكلف نص تمن العربية على حبة حاجات هايفة
بشكل عام التيريوس مريحانى و معنديش شكوى منها..... لانى كنت عايز عربية قوية تستحمل السواقة فى شوارعنا البايظة..... كمان انا مش من النوع بتاع الشد و الحرق و الكلام الفارغ ده فبالنسبة لى هى كسيارة ادائها هادى و مناسب لاسلوب سواقتى.....
ربنا يباركلكو ف عربياتكو ويحفضها
الحمد لله راضي عنها جدا ... ربنا يبارك فيها
بس تعليقات الأخوة فكرتني بمثل قديم
حمارتك العارجة .. تغنيك عن سؤال اللئيم
والحمد لله على النعمة
هو دة الرد اللي فعلا اصاب بيت القصيد عندي بالظبط
انا معايا فيات أونو، مضايق منها طبعا لأن عفشتها من لطيفة و ناشفة شوية و مفيهاش اي نوع من أنواع الدلع بإستثناء تكييف ضعيف صيفا و دفاية مش شغالة شتاءا لأن التكييف تركيب، و يمكن أنا مش طمعان في حاجة عالية قوي يعني يكفيني جولف أواخر تسعينات مستعمل او جراند بونتو مثلا
لكن فعلا لما بكون راجع الساعة 3 الفجر ولاقي الناس مرمية في الشوارع ولا واحد صاحبي من عارف يروح علشان مفيش مواصلات بليل، ولا و أنا مسافر اسكندرية أريح يومين ولا لما بشوف أب غلبان واقف في الشارع بيستجدي سواقين التاكسي علشان يرجعوة بيتة هو و مراتة و أولادة الصغيرين (اللي ياعيني عمال يلمهم من هنا و من هناك) بعرف قيمة العربية حتي لو كان الواحد راكب كلبة علي اربع عجلات
عندكو حق كان عندي فيات 1100 موديل 1962 علمتني الميكانيكا صح قعدت عندي 10 سنيين معظمها في العناية المركزة:36_1_40[1]: لها طبعا بس كانت بتعمل معايا حركات رجولة في الغالب بتعطل بعد مخلص مشواري :hlopaet_prv:وساعات بتعملها بجد:beatdeadhorse5: وكذا مرة سقتها بدون فرامل:T_thum1[1]: علمتني تسقيط الغيارات صح بس الصراحة العربية:B4_048: او اي حاجة بتتركب (بلاش فكركو يروح لبعيد:U_thin1[1]:) بتبقي زي الحصان الجامح عايز اللي يعرف يروضه ويحسسه انه عارف ملاعيبه علشان متعملهاش معاه وتوقعه زي الحصان لما بيحس ان اللي عايز يقوده ملوش فيه بالضبط وآسفين للإطالة:Zb_sor1[1]:
الحمدلله راضى طبعا والحمد لله وفعلا العربية دلوقتى نعمة كبيرة فى ظل المواصلات السيئة وبلطجة السائقين وعدم نظافة وسائل المواصلات وبالذات الميكروباصات وربنا يسترها فى طريقنا يارب
الحمد لله راضي طبعاً
بس مش معنى كدا اني مش عايز اجيب الحتة الأودي !!
انا معايا نوبيرا 2003 ..والحمد لله راضي عنها ..فيها كل الكماليات المطلوبه من زجاج كهرباء وتكييف ومرايات ..واتوماتيك ..ودي الكماليات الاساسيه المطلوبه ... وسعرها على قد امكانياتي الماديه ...وطبعا فيها عيوب ونقط ضعف ...ولكن الواحد عارف ان دي امكانياته ..لان الواحد لو بص بره امكانياته هيتعب ومش هينوبه الا الضيق وعدم الرضا..
ولما ربنا يفرجها على الواحد يبقى ساعتها يفكر في تغييرها
الحمد لله أولا و أخرا .. راضي عنها جدا
الحمد لله راضي جدا جدا وأنا معايا سيفيك 2008 و بالنسبة بالي شايف ان فيها كل حاجة الحمد لله
و حتي اللي معاه حتى سيات هو أحسن كتيييييرمن غيره اللي بيتعذبوا في المواصلات (لان شكرتم لازيدنكم)
غير راضي عن الأداء لأني بني آدم حنبلي وعايز كل حاجة تبقى مظبوطة 100 % ، وده طبعاً مستحيل مع صنايعية بلدنا
لكن الحمد لله أبوس إيدي وش وضهر ، كفاية لما أشوف منظر الناس وهيا بتتحايل على سواق تاكسي ، أو بيتخانقوا على ركوب ميكروباص ، ساعتها بيبقى هاين عليا أركن وأنزل أصلي ركعتين شكر
الحمد لله على كل شىء
هيونداى ماتريكس 2007 مانيوال راضى عنها جدا الحمد لله و شايف انها كقيمة مقابل السعر ممتازه ما شاء الله
هيونداى آى 10 2009 مانيوال راضى الحمد لله و مبسوط منها جدا بس بيضايقنى ان عفشتها ناشفه شويه و الموتور ضعيف شويه مقارنة بالماتريكس مع انه لا يجوز مقارنتهم :khd: و التكييف اقل من الماتريكس فى الاداء و الشنطة صغيره شويه (بدأت احس بالمشكلة دى) و طبعا مفيش ليها قطع غيار و لا اكسسوارات بره التوكيل بس الحمد لله مريحانى جدا و ما شاء الله عربية جميله لما ركبت اللانوس حسيت بقيمتها فى حاجات كتيير
فيات بونتو 2008
راضى الحمد لله, و لما عملت حادثة و أخدت وقت طويل فى تصليحها و اتبهدلت فى المواصلات عرفت قيمتها أكتر
أنا بس كان نفسى سرعتها و ثباتها يزيدوا شوية , بس هى كدة كويسة
سيات ليون (السعودية)، راضي جدا الحمد لله
(مصر) سوذوكي التو، كنت راضي قبل ماروح السعودية و اركب الليون.
راضى و الحمد لله على نعمة السيارة
يا رب لك الحمد و الشكر كما ينبغي لجلال وجهك و عظيم سلطانك
الحمد لله راضي بالذات انى ركبت عربية أحلامي
ربنا يبارك في عربيتكم ويبعد عنكم كل وحش ويسترها معانا ومعاكم
والله احنا شعب طيب وقانوع فعلا لما الواحد بيسافر بره ويشوف العربيات التمام ويقارن بين السعر بره وجوه يعرف اد ايه احنا بيضحك علينا حسبي الله ونعم الوكيل
لنا ربنا ان شاء الله :120146b
طبعا الالمانى محترم ولا غبار علية
وعلى رئى المثل ان فاتك اليابانى متركبوش تانى
اصلى متعقد من اليابنى الورق