سؤال فى الموبايل !

**Shocky** · 30-11-2007 03:34 PM

انا مش عارف اقولكم إية والله
اشكركم جدا جدا
والله انا ما توقعتش الاهتمام دة

بشكر حضراتكم جدا على الردود
GoldenManEye
noble911
OsKaR
BASHAR
etch007

وبإذن الله هراجع نصايحكم تانى , واشوف الأفضل , واللى فية الخير يقدمة ربنا
شكراً لحضراتكم مرة تانية
وشكر خاص للأستاذ karim_monir على الرد الوافى , وإن شاء الله هشوف ال HTC , انا شفتة كذا مرة لكن الموقع فى خصائص كتير انا معرفهاش

والسلام عليكم

**meza** · 30-11-2007 06:03 PM

المشاركة الأصلية كتبت بواسطة karim_monir

المشاركة الأصلية كتبت بواسطة meza

إسمع كلامى
النوكيا نوكيا

أجهزة نوكيا من أكتر الأجهزة المعمرة ....... و بتتحمل الخبطات بطرية عجيب .... ده غير الكفائة

صحيح أبل مغرى عشان شكله ...... بس N95 يتفوق عليه بمراحل ;)

كمان فى عيب فى أبل إنت مش واخد بالك منه
الجهاز مفهوش 3G زى نوكيا
فمش هتقدر تستفاد بمميزات الخدمة دى

ها ها
اعجب كلمة سمعتها على اجهزة نوكيا انها بتستحمل

:D :D :D
هوا حسب تجربتى ... كل أجهزة النوكيا اللى جبتها ... كنت بعمل فيها بلاوى..... و عمرها ما حصل فيها حاجة
ده بالعكس أنا رأيى إن أجهزة ال Touch screen بتبوظ بسرعة ..... و ده عن تجربة لل i-mate
لكن مش عارف ال i-phone إيه نظامه ؟؟؟ بس عيبه الأساسى إن مفهوش 3G

**eng_mkhalaf** · 30-11-2007 07:58 PM

أحسن حاجة عليك وعلى 688 أو البنانة وتشترى دماغك :D :D :D :D

**hesham_tawfiq** · 30-11-2007 08:55 PM

انا اوافق الاستاذ كريم منير فى كل كلامه الاتش تى سى هايل جدا وشكله فى منتهى الاناقه و موديلاته متعدده جدا .
هو هينزل فى فروع رايه كمان اسبوع انشاء الله

**medo_2060** · 30-11-2007 10:27 PM

ازيك يا shocky بما انك عايز تغير نوكيا اولا ما انصحكش ب اي فون لانه ببساطه لا يدعم الجيل الثالث وحرام تدفع فيه مبلغ وهو مش فيه الميزه دي وفي نفس الوقت لو انت غاوي اغاني وترفيه انصحك بيه! لانه نازل معاه ipodفي التلفون نفسه ولو شيلت ثمن الipodمن سعر التليفون هتلاقي ان سعره قليل جدا ولسه معا امكانيات
وفي النهايه الجهاز الوحيد اللي يقدر يبافس n95 وكمان في رايي احسن منه هو(sony ericsson k850)
وعلى فكره امكانياته خطيره جدا والكاميرا بتاعته 5 mega pixel
ودي صور له
[img]

وفي النهايه اتمنى اكون ما طولتش عليك واكون افادتك ان شاء الله

**dragonsmith** · 01-12-2007 05:23 PM

السلام عليكم،

ال Nokia هيكون أحسن لو حضرتك بتستعمل التليفون كتير و انت سايق. ال iPhone لعين مع السواقة.

شكرا.

**oshy** · 01-12-2007 06:22 PM

i think that NOKIA 95 is better than apple e

**الدكتوور** · 02-12-2007 10:51 AM

الصراحة أنا ضد نوكيا بالمرة ، بحسها بتستغل العملاء يعني مثلا الموبايل السامسونج أو سوني أريكسون اللي ب1500 هو نفس مواصفات النوكيا الل ب3000 و قدرتهم على التحمل أكتر "عن تجربة "

أنصحك بالiphone لأنه من apple مع العلم اني ماجربتوش ،
أو ممكن تشوف أجهزة بوكيت بيسي ، أنا كان معايا آيميت الأولاني و بعدين دلوقتي معايا samsung i750 و الجهازين تحفة