كتير جدا واكتر من مرة ولى فيها مواقف
منها صول شرطة قالى ممكن تاخدنى فى طريقك من عند كوبرى السيدة عائشة
وانزله عند مرور الدراسة خدته معايا وقبل كبرى الفردوس ركنت يمين وبقوله اتفضل
بيقولى لسه قدام شوية ,بقوله انت طالع الكوبرى قالى لاء بس اطلع قدام شوية قلتله
ماينفعش محتاج مسافة علشان انا طالع الكوبرى نزل ورزع لى الباب ولا كلمة شكرا ومن يومها
اى فرد من الشرطة لاء :T_thum1[1]:
برضه موقف تانى راجل ومراته شيلين طفل صغير عند بداية السكة البيضاء من ناحية صلاح سالم
وبيقولى ممكن اخر الشارع صعبوا عليا الجو كان نار وخدتهم معايا المهم الاتنين ركبو ورا
بقولو تعالى جنبى بيقولى بكل استغراب ليه؟؟؟
علشان ما ينفعش انا مش السواق بتاعك قالى ما اقدرش اسيب المدام لوحدها :ma:
كملت لحد ما وصلتهم صعب على الطفل يبدو انه كان مريض ومش مهم غباء ابوه
ده غير ناس كتير جدا بس باخاف بالليل فى المناطق الغير عامرة
انا بعمل كده ابتغاء وجه الله واعتقد ان ده المفروض كصدقة وشكر نعمة السيارة