اعرف معيد فى جامعه الاسكندريه شاورتله بنت علشان يوصلها وفى السكه طلعوا عليهم اهلها وضربوه وموتوه وسرقوا عربيته
الكلام ده كان فى 1998 فى عزبه المطار فى الاسكندريه
عرض للطباعة
اعرف معيد فى جامعه الاسكندريه شاورتله بنت علشان يوصلها وفى السكه طلعوا عليهم اهلها وضربوه وموتوه وسرقوا عربيته
الكلام ده كان فى 1998 فى عزبه المطار فى الاسكندريه
لازم يكون الواحد لية نظرة فى اللى هيركبة .بس مايمتنعش وخلاص بحجة انة خايف
انا مرات عملتها .وانا اللى بروح للشخص واطلب منة انى اوصلة
ومرات معملتهاش مع ان ناس كانت عنيها هتنطق .(بس لما بيبقى معايا فلوس فى العربية ومبالغ كبيرة مش صغيرة ومش مخبيها كويس ومش معقول هخبيها قدام اللى هركبة)
بس على فكرة كل اللى بيركبو عربيات بينسو بالتدريج كمية المعاناة اللى بتحصل للناس فى المواصلات
انا قبل مايكون عندى عربية كنت هموت ويكون عندى عربية ترحمنى من عذاب المواصلات والحتت المقطوعة اللى كنت بأضطر انى اخدها مشى .ومشوار مايخدش 30 دقيقة من طريق مختصر مبتعديش علية المواصلات تروحة فى 3 ساعات عشان المواصلات وهكذا
ومرة عربية مرسيدس فخمة وكان راكبها راجل كبير اواخر الخمسينات وطريقة كلامة واسلوبة بتقول انة راجل منصبة مش طبيعى فى البلد وقفلى فى حتة مقطوعة باليل مفيهاش مواصلات وكنت باخدها مشى لحد بيتى فى 45 دقيقة لكن بالعربية فى 5 دقايق واصر انة يوصلنى لحد البيت مع انة مش طريقة .طبعااا انا كنت مستغرب من كرم الراجل دة ومكنتش عارف اشكرة ازاى وحسيت اد اية الدنيا فيها خير
ولما مبقاش عندى عربية مبقتش اخرج من البيت الا للضرورة القصوى عشان قرف المواصلات وسكان المدن الجديدة بالذات اللى انا منهم هما اكتر ناس بيعانومن قرف المواصلات
عملتها اربع مرات
تلات مرات منهم كانت رعب مرة واحد كان عايز ازازة مياه يملا حقنه عشان ياخدها طلع مدمن دا كان رايح يجيب بنزين لعربيته قطعت في الدائري
تاني مرة في شارع عمار بن ياسر قعد يحور انا مهندس وممش من هنا وعايز ارجع بلدي . . . . .
تالت مرة بالليل متأخر في صلاح سالم وبعد ماركب حط ايدة تحت المسند وبدا يحرك ايده زي مايكون بيدور على حاجة وشلت الموبايل ونزلته برضة بالأدب قلتله انا داخل من هنا وهو نازل الكيس اللي معاه كان في ازايز وكان كيس اسود !!!!
رابع مرة كان عسكري ونصيحة محدش يركب غير بالكتير عساكر دول غلابة غير كدة قلق
كتير الحمد لله لكن بعد نظرة متفحصة للى واقف .. دة بالنهاروأحيانا من غير ما يشاور
أما بالليل الوضع بيبقى قلق فا لو حد شاور 90% مش بقف ، لكن لو مشاورش بهدى اشوف شكلة الأول وبعدين اقرر اقفلة ولا لأ
والحمد لله لحد دلوقتى محصلش حاجة
أنا ياما عملتها في النهار وفي الليل ومع ستات كبيرة ورجالة وفي حتت زراعية مقطوعة وجوة مدن وعلى طرق صحراوية .....
ولله الحمد لم يصبني شيء
انا كتير جدا بركب معايا ناس معرفهاش و انا طالع المقطم فى رمضان تقريبا كل يوم و بيبقوا فى الغالب ظباط جيش او عساكر والمواصلات صعبة جدا فى الحتة دى فى رمضان بالذات
صور سيارات هيونداى
انا هقولك موقف حصل مع قريبي من سنه تقريبا
وهو نازل من منزل المقطم وكان بليل (المنزل اللي عند السلاب)
لقي 2 ماشيين علي رجليهم فعرض عليهم يوصلهم
خلي بالك ان هو اللي عرض مش هما اللي شاورو
ومافيش دقيقه محسش بحاجه غير وهو فايق
وواخدين الكاسيت والسماعات والبطاريه والفلوس والموبايل
تاني موقف انك بتقول لو لقيت واحد ومراته وعيل صغير
انا قريت هنا ان حصل لواحد موقف زي ده وباردو وصلهم والراجل حاول يتعرضلوا علشان ياخد منه الفلوس
يبقي فين الثقه اللي ممكن تثق بيها في حد؟؟؟؟؟؟
موقف حصلي انا شخصيا
كنت في المقطم بجيب واحده زميلتي ساكنه فوق علشان عندنا امتحان
وبعد ما جبتها واحنا عند المنزل اللي ينزلني الطريق الدائري علشان اخد نفق كارفور واطلع في اتجاه القطاميه كده
المهم انا لسه هدخل علي الدائري ولقيت ست كبيره في السن بتشاورلي
وعماله تعيط وتقولي ممكن توديني المستشفي اللي هنا (قصدها علي مستشفي البنك الاهلي)
علشان انا مش لاقيه تاكسي خالص وهديلك اللي انت عايزه بس علشان قالولي ان ابني عامل حادثه ونقلوه هناك
طبعا انا حسيت انه حوار بس بيني وبينكم قولت الطريق اللي هنمشيه فيه فيه ناس وعربيات كتير وكمان البنت اللي معايا قولتلها تقعد بصالها ورا وتخلي عينها عليها لو حست بحركه مش طبيعيه تقولي
المهم الست ركبت معانا وطول ما احنا في الطريق عماله تشكر في ابنها ده وتقولي دا احن اخواته وبيحبني ومافيش حد اغله منه في قلبي انا كانت دموعي قربت تنزل
وعلي فكره ابنها كان في 4 كليه شرطه المهم وانا ماشي سألناها علي نوع العربيه يمكن نلاقيها المهم ماشوفناش حاجه
لفيت واخد نفق القطاميه ودخلت علي المستشفي واحنا علي البوابه
الراجل وهو بيسألني وقولتله اني تبع حادثه الطالب اللي في شرطه
لقيت وشه ميطمنش وقالي ادخل
وقتها حسيت ان الولد في حاله حرجه
وصلت لحد باب الطواريء ونزلتها انا كنت ناوي انزل معاها لو محتاجه حاجه بس خفت اشوف منظرها
المهم بعدها عرفت الولد ده مين من واحد صاحبي ظابط في المقطم كان وقتها معاه في الكليه
وعرفت ان الولد توفي من الحادث
ودي كانت اول مره اوصل فيها حد واخر مره لأني بقلق جدا من الموضوع ده
بس لو راكب الدبابه مش بخاف وبركب اي حد بس في اماكن معقوله يعني وسط المينه بس
الشخص ده ممكن يكون خطر عليا لأي سبب