ممكن اعلرف الترس دا كلفك كام؟
و سعر الاتومايك كام ؟
و شكرا
رقم العضوية : 2660
تاريخ التسجيل : 17Oct2007
المشاركات : 3,907
النوع : ذكر
الاقامة : حدائق الاهرام
السيارة: :(
السيارة[2]: lanos 99
دراجة بخارية: nop
الحالة :
دوف ترس اسمه ترس البينديكس ممكن يكون متاكل فا مش بيلقت بسرعه في ترس الفلام
والله اعلم لان المشكلة كانت عتدي في اللانوس وغيرت الترس ده
رقم العضوية : 162
تاريخ التسجيل : 24Apr2007
المشاركات : 3,521
النوع : ذكر
الاقامة : Cairo
السيارة: Opel Corsa 1998
السيارة[2]: KIA Carens 2011
دراجة بخارية: no
الحالة :
ممكن اعلرف الترس دا كلفك كام؟
و سعر الاتومايك كام ؟
و شكرا
رقم العضوية : 2420
تاريخ التسجيل : 01Oct2007
المشاركات : 3,015
النوع : ذكر
الاقامة : مصر
السيارة: شاريد 90
السيارة[2]: سيريون 2010
دراجة بخارية: دايون 2012
الحالة :
المشارش لو سليم والترس اللي بيوصل المارش بالفلام (البندكس)سليم وبطاريتك كويسه يبقي المشكله يا استاذ في المبينه بتاعه الكهرباء
وانشاء الله العيب مش حبخرج برا التشخيص ده عن تجربه في مرسيدس 79 بعد ما طلعت عنيي وكنت فاكر ان المشكله كبيره وخصوصا انها اتوماتيك لما تبطل انسي تصبر عليها لحد ما تبرد خالص وبعدين تدور
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
بص يا سيدى
فى الأول انت محتاج لعملية تشخيص بسيطة تعزل بها سبب المشكلة لأن المشكلة دى لها سبب من 2، إما ان المارش ضعيف او ان الكهرباء اللى واصلة له ضعيفة
انت محتاج كهربائى فاهم ومتعاون يعمل لك وصلة مباشرة من البطارية للمارش ، وتجرب تدور بيها لما المشكلة دى تحصل عن طريق انك تفتح الكونتاكت على وضع التشغيل العادى وتلمس الوصلة فى البطارية وتشوف المارش هيدور العربية وللا لأ
لو العربية دارت بالطريقة دى يبقى انت محتاج كتاوت مارش
لو مدارتش يبقى المارش ضعيف وفى هذة الحالة انت محتاج إما إنك تكشف على المارش وتصلحه( بوبينة، شربونات، جلب الخ) او انك تجيب مارش تانى
سبعاوى
_______________________________________________
رقم العضوية : 3343
تاريخ التسجيل : 21Nov2007
المشاركات : 2,166
النوع : ذكر
الاقامة : EL-Dokki
السيارة: lanos II 2008
السيارة[2]: Daewoo Nubira II - 2001
دراجة بخارية: NO
الحالة :
مع احترامي للكل من ابدي رايه بس انا كان عندي نفس المشكله في عربيه اسكودا فليشيا .. وطلع العيب من الفبره بتاعت الكونتاكت غيرها وكلفتني حوالي 60 ج.م وبعدها العربيه كشتغل وبقت تمام .. وكانت نفس العيوب بالظبت فا انصحك اولا تشوف كهربائي كويس يبصلك علي فبره الكونتاكنت قبل ماتغير المارش علي الفاضي
رقم العضوية : 1678
تاريخ التسجيل : 04Aug2007
المشاركات : 553
النوع : ذكر
الاقامة : minya
السيارة: lancer1998
السيارة[2]: yaris2008
الحالة :
مع احترامى لآراء الأخوه الكرام فالعيب ليس فى البوبينه ولا فى ترس الفولام
رأيى متوافق مع الاستاذ كيمو ان العيب أكيد فى مجموعة الكونتاكت
وعلشان تتاكد من كده لابد من تجربة المارش بعيدا عن المفتاح
يعنى وصله مباشره من البطاريه كما قال الاخ سبعاوى
وهى بسيطه جدا لو انت عندك بعض الخبره ممكن بمفك تعملها
هتلاقى طرفين كهرباء فى المارش احدهما قادم من البطاريه (كابل سميك )
وهتلاقى كلبس صغير متوصل بسلكه عاديه قادمه من الكونتاكت
قم بتوصيل المفك بين طرف نهاية الكابل من ناحية المارش والكلبسه بتكون غالبا بجواره
او توصيل قطعة سلك من القطب الموجب للبطاريه للكلبسه فى المارش
اذا دارت السياره يبقى المشكله فى الكونتاكت
اما اذا لم تدور يبقى مشكلتك اكيد فى المارش نفسه
تمنياتى بالتوفيق
رقم العضوية : 162
تاريخ التسجيل : 24Apr2007
المشاركات : 3,521
النوع : ذكر
الاقامة : Cairo
السيارة: Opel Corsa 1998
السيارة[2]: KIA Carens 2011
دراجة بخارية: no
الحالة :
انا فعلا جربت اوصل بطارية تانية و المشكلة موجودة و العربية سخنة دارت على طول
كدة اعتقد الموضوع هيتحل بالكتاوت
حد عندة فكرة سعرهم كام ؟
رقم العضوية : 2387
تاريخ التسجيل : 30Sep2007
المشاركات : 3,446
النوع : ذكر
الاقامة : alexandria
السيارة: لا يوجد
السيارة[2]: accent'99-F/O A/T
الحالة :
السلام عليكم ورحمة الله وبركاته
أولا شكرا جدا جدا لكل الناس المحترمة اللي تجاوبت مع الموضوع
ثانيا آسف جدا جدا على تأخري في الرد لأني كنت مشغول جدا اليومين اللي فاتوا ومش بادخل المنتدى
ثالثا تحية خاصة للإخوة كيمو وأبوشريف وطبعا الباشمهندس سبعاوي فالبفعل كلامهم صحيح إلى حد كبير برغم إني ماقريتش المشاركات أصلا إلا بعد حل المشكلة بفضل الله
رابعا اللي حصل معايا بالضبط كالآتي ومعلش حاقوله بالتفصيل ممكن تكون فيه فايدة
1- غيرت الكهربائي كما أشار بعض الإخوة والراجل الصراحة كان ابن حلال ومتعاون جدا وأمين، هو من نفسه عمل موضوع تشغيل المارش من بره اللي قال عليه سبعاوي ولقاه شغال، فإداني سلكة وعلمني إزاي أجرب الموضوع ده لو حصلت معاي المشكلة تاني ، وهو ماحدث بالفعل، فالعربية عملت نفس المشكلة ودورتها بالسلكة ووفقا لتحليل الكهربائي للموضوع إن المارش كده سليم مفيهوش مشاكل والمشكلة في الوصلات وغالبا الطبلة على حد تعبيره.
2- فرحت جدا بموضوع السلكة وعشت الدور على أساس إني باعمل حركات بقه وبصلح العربية لما تعطل وبافتح الكبوت وباعمل شغل فده كان بيديني منظر جامد قدام زمايلي نظام ياااي وكده(على فكرة أنا دكتور يعني طب قسم ميكانيكا) المهم خليتها معايا في التابلوه ومشيت وأنا مطمئن وللأسف كسلت أروحله تاني لأني كنت مشغول جدا
3- مرة واحدة وأنا سايق العربية قطعت كونتاكت تماما، بس كانت بتجيب مارش عادي من المفتاح أي بدون سلكة، لما كنت حاتجنن مرة في كونتكات ومفيش مارش، ومرة في مارش ومفيش كونتكات
4-جبت الكهربائي فقالي كده المشكلة في الطبلة بنسبة كبيرة واحتمال تكون في التوصيلات اللي خارجة من الكونتاكت،
وكمان جرب يوصل كونتاكت من برة بسلكة على البطارية على طول فدارت العربية واتأكد التشخيص، وبالنسبة لموضوع الكتاوت قالي مش حاتفرق طالما المشكلة في الطبلة فالموضوع مش حايتحسن كتير
5- دخلنا في مشكلة تانية إن الطبلة بتاعة الموديل قليلة في السوق طبعا ولو لقيتها حتلاقيها من غير المفتاح بتاعها يعني برضه الموضوع صعب
6- اقترح الكهربائي عليا إني أمشي بسلكتين عشان كل ماتحصل المشكلة أوصل واحدة للمارش والتانية للكونتاكت.....طبعا بيهزر وكان مبسوط جدا وهو بيقول الاقتراح وكأنه عايز يقولي ماتجيب من الآخر وهات البالطو بتاعك وخليك معايا في الورشة.
7- وهو بيفحص الطبلة لقاها مفيش مشاكل وكذلك مفيش مشاكل في الكونتاكت وإنما لقى المشكلة في الكابلات اللي طالعة من الطبلة إنها في جزء منها سايحة وبتلمس وفيها رطوبة وبتهرب كهرباء وحالتها طين، فلحمها والأمور مشيت كويس.
8- حلا لمشكلة قلة تواجد الطبلة من جهة، ومن جهة أخرى الاحتياج لتغيير السلوك كلها عشان الرطوبة واللحامات واحتمال تكرار المشكلة، عمل لي حل مؤقت ومفتكس لغاية ما أغير الطبلة ومجموعة الكونتاكت والتوصيلات كلها
9 الحل المفتكس هو زرار شداد على الجزء اللي فيه المشكلة ، والزرار صغير وشيك مستخبي تحت التابلوه فوق دواسات البنزين والفرامل، والتعامل معاه إني ساعة ما آجي أدور العربية أشده لتحت فيوصل الكونتاكت ويبقى أني أشغل المارش بالمفتاح عادي جدا، ومن ساعتها والحمد لله ماحصلش مشاكل والأمور ماشية عادي خالص ولسه بادور على الطبلة
10- الراجل حب أنه يخفف علي شوية وقع الطريقة الغريبة دي في الشغل فقاللي إن هناك بعض اصحاب السيارات بيطلبوا يعملوا حركة زرار الشد دي عشان لو حد جه يسرق العربية ما يعرفش ياخد باله من الحوار ده ويفضل يدور المارش لغاية البطارية ماتفضى وتبوظ العملية، فقلتله طيب ما الحرامي ممكن يدور العربية من بره برضه زي ماعملنا على أساس أنه منحرف وخبرة وكده، قاللي يابيه الحرامي بيبقى متوتر وقلقان ومش شرط يكون بيفهم في الكهرباء كويس عشان يعرف يعمل الحركات دي، يعني زرار الشداد حصن أمان للملايين.
11- المهم الراجل أكد عليا إني مانساش الكونتاكت (قصدي الزرار) مفتوح عشان مايسحبش البطارية ويعمل مشاكل
12- أنا دلوقتي بافكر أعمل زرار ضغط لتشغيل المارش بدون مفتاح زي عربيات الجاز، عشان تبقى العربية كلها توماتيكي توماتيكي
13- الكهربائي أخد في الحوار ده كله عشرين جنيه أول عن آخر، في المرة الأولى لما اداني السلكة عشان اجرب لما تحصل المشكلة اديته خمسة جنيه، وفي المرة التانية بتاعة الزرار اللذيذ طلب خمستاشر جنيه بمافيهم تمن الزرار
14- أرجو أني أكون أفدتكو بحاجة وربنا يكرمكوا جميعا وألف شكر ليكم
وأخيرا اللي يلاقي طبلة هوندا سيفيك عادة 84 بالمفتاح بتاعها يقوللي
أشوفكم على خير
رقم العضوية : 162
تاريخ التسجيل : 24Apr2007
المشاركات : 3,521
النوع : ذكر
الاقامة : Cairo
السيارة: Opel Corsa 1998
السيارة[2]: KIA Carens 2011
دراجة بخارية: no
الحالة :
مبروك يا ياباشا حل المشكلة
و يريت تفيد باقى العضاء بمكان الكهربائى دة
شكرا
رقم العضوية : 2387
تاريخ التسجيل : 30Sep2007
المشاركات : 3,446
النوع : ذكر
الاقامة : alexandria
السيارة: لا يوجد
السيارة[2]: accent'99-F/O A/T
الحالة :
الله يبارك فيك يا شريف باشا
الكهربائي العجيب ده في أبوقير
أيوه أبوقير
إسكندرية يعني
وكمان في حلقة السمك بتاعة أبوقير
تصلح العربية وتقعد تحت إغراء ريحة شوي السمك والجمبري لغاية ماتتهور وتروح تشتري والمعروف طبعا إنا اللي يتهور يتعور
وتعويرة تمن السمك في الحلقة مالهاش دوا
يعني اللي توفره عند الكهربائي حتدفعه في السمك
بس الصراحة السمك يستاهل
وتقدروا تعتبروا دي فقرة دعائية
المفضلات