الموضوع: أنا أحسن صنايعى فى مصر

الصنايعى كائن جاهل يفتى بدون علم لم يجد انسان يعلمه اى شى غير مدرب همه الاكبر ياخد فلوس وخلاص"

المشاركة الأصلية كتبت بواسطة m_nabil

ههههههه فكرتنى لما أكون عامل حاجه في العربية ومتظبطتش زى ما أنا عاوز وروح لواحد تانى أقوله كنت عاملها عند واحد قبلك بس مظبطهاش وقالى هو كده اخرها يقولى لالالالاااا أزى الكلام ده، ده مش فاهم حاجه ده حمار انا هفكها وهعملهلك ويعملى فيها كبير المهندسين وفي الأخر ميعرفش يعملها برضه ويقولى اصل العيب مش من التركيب العيب في ... كذا وكذا و يقعد يقول اى كلام عشان ميحرجش نفسه

دا شئ أساسى فى كل المهن تقريبا إلا ما رحم ربى
النجار يبص على أى حاجة مش عاملها يقول إيه القرف ده
الكهربائى يبص على أى حاجة مش مركبها يقول مين اللى عمل لك كده؟
حتى بعض الدكاترة بعد العمليات يقول للمريض: يانهار اسود مين اللى بوظ لك مناخيرك كده ، والأنقح إن ساعات يكون هو ونسى!

المشاركة الأصلية كتبت بواسطة tamertamer

انت لسة مكتشف الحكاية دية دلوقتى دة من زماننننننننننننننننننن ياةةةة حصلتلى كتير اوى عشان كدة انا جبت عدد لما كنت بسافر المانيا بفك بيها كل حاجة

الجراج موجود + الصحة موجودة + الوقت سعات بيبقا موجود + مخك المتعلم افضل من مخهم الضلم المحشش على طول = امكنيات خرافية التنفيز

أنا كمان عندى تقريبا كل العدد وعملت حاجات كتير لكن دايما فيه حاجات بكسل أعملها أو أخاف أعملها أخذا بمبدأ "إدى العيش لخبازه" لكن للأسف الطوابين قفلت....

المشاركة الأصلية كتبت بواسطة terrible_darsh

الصنايعي يفتى و الميكانيكى يألف .

الصنايعى يقعد ساعتين علشان يركب لمبة و الميكانيكى لازم لازم لازم يطلع عيب استخدام فيك او فى العربية كأن مفيش حاجة اسمها قدر عنده :):)

أكيد

المشاركة الأصلية كتبت بواسطة pharonicking

الصنايعى كائن جاهل يفتى بدون علم لم يجد انسان يعلمه اى شى غير مدرب همه الاكبر ياخد فلوس وخلاص"

كده لازم نضيف التعريف ده لموسوعة ويكبيديا
الصنايعى المصرى: كائن هلامى المؤهل ضئيل المعرفة معدوم التفكير مؤذى بطبعه يتميز بعدم النظافة والغرور والعجرفة والرغبة فى التنطيط على البشر ولا يجيد إلا فن الحصول على أكبر قدر من المال بأقل مجهود ممكن وإنفاق هذا المال غالبا على المكيفات ومفسدات العقل.

أنا أختلف مع حضرتك لأن الكلام دا بيفترض إنه يقدر يصلحها لكنه مش بيصلحها كويس علشان أفضل أجيله تانى
لا يافندم
الصنايعى بتاعنا مش بيصلح لأنه مش بيفهم كويس .... تييييييييييييت يعنى
وياريت تييت وبس ، لأ ويدّعى إنه الأمهر ويتأنتك ويتفزلك على خلق الله ويقبض بعد كل ده!
ولازم يرمى سبب فشله على أى كائن حى آخر سواء مصنّع القطعة المعطوبة أو الصنايعى اللى قبله أو المالك حتى ، انما هو مستحيل يحط نفسه من اسباب عدم تصليح العطل مهما حصل

اتفق معاك ولاكن لكل قاعده شواز يعنى فى ناس بتفهم وبشوف فى عنيهم انهم عارفين خلاصه الى فى العربيه بس يعملك مسكن عشان تجيله تانى والراجل كده فاهم وعمل الى عليه العيب فى العربيه وكام مره كده يلاقيك زهقت وحتروح لحد تانى يقوم حاللك المشكله من جذورها وهكذا
وكل مره بتدفع
والصنايعى مبيقتنعش بالكلام الى بتقوله حتى لو صح وهو عارف انه صح بيعمل الى فى دماغه

بتفكرنى من اسبوع كنت بعمل عربية اختى وجنبى واحد معاة نفس عربيتى وراجل شغال عمال يدق فى الطبلوة انا استغربت المهم رحتلة بقلة انت بدق اة قلى البتاعة دية مش عيزة تخش ببص الحمار عايز يدخل الطفاية وحاملة الكبيات وميعرفش انها فى تحتيهاء حديدة لازم ترفعها لفوق الاول المهم فهمتة ومن غير ولا دقة عملتهولة شوية وشرف الزبون انا سمعة بيقلة انها تعبتة جدا وانة لولا انة بيفك الحجات دية كتير ومتمكن مكنش هيعرف يغير المبة بتاعت الولاعة اعت اضحك

ههههههههههههه
دانت المفروض تديله على قفاه وتقوله دانا معلمك ياض