ايه خطوات تحويل العربيه من اتومتك الى منيوال
وهل ليها تاثير على الموتور يعنى لو حولناها للمنيوال هتبقى زى ما اكنها اتعملت على اساس المنويل ولا هيبقى فى اختلاف ويريت الشرح الوافى
عرض للطباعة
ايه خطوات تحويل العربيه من اتومتك الى منيوال
وهل ليها تاثير على الموتور يعنى لو حولناها للمنيوال هتبقى زى ما اكنها اتعملت على اساس المنويل ولا هيبقى فى اختلاف ويريت الشرح الوافى
ويرت فين الاماكن الى يتعملى فيها الموضوع ده وعلى اعلى مستوى والاسعار تبقى فى حدود كام
ويؤيت الناس الى عندها خبره تفيدنا
الموضوع علي ما اعتقد هيكون مكلف جدا لانك هتغير الفتيس والضفيرة والكنترول يونيت فحسب نوع العربية فاعتقد هيكون مكلف جدا
التكلفه الحقيقية بتكون في سعر الفتيس نفسه وطقم الدبرياج بتاعه ومش بتحتاج تغيرلا كنترول ولا ضفيرة بس هتحتاج تفصل الفيشة بتاعت الفتيس الاتوماتيك
يعنى كل اللى هتحتاجه الأتى
فتيس مانيوال + طقم دبرياج كامل (اسطوانة وديسك وبليه وسلك دبرياج) + بدال دبرياج + عصاية الفتيس + ميكانيكي شاطر
وملهاش علاقة بالتأثير على الماتور ياريت تقول لنا العربية ايه عشان نقدر نفيدك اكثر
يبقى احسلك تبيع الماتور بتاعك وتجبلك واحد منيوال اقوى واحسن وهتلاقى الفرق هوا هوا
متابع
هو بيتكلم على تحويل الفتيس من أتوماتيك لى مانيوال مش الماتور! هيه المشكلة اللى ممكن توجه ان الفتيس وطقم الدبرياج يكونو غالين ومش متوفرين بسهوله يعنى كمثال في الهوندا سيفيك لو عاوز تغير الفتيس الأتوماتيك بتاع مواتير الـ SiR لفتيس مانيوال هيكون عندك الفتيس بـ 2500 أو 3000 جنية عشان هيقولك انا هحلهولك من على مكنة + طقم دبرياج 1200 جنية يبقى انت كده هتدخل في حسبة 4500 او 5000 جنية بالمصنعيه في حين ان الماتور كامل SiR بفتيس مانيوال وبضفيرة والكنترول في حدود 7500 جنية يعنى تزود شوية وتجيب ماتور بمشتمالته أحسن بس هيه من عربية للثانية بتفرق حسب سعر الفتيس وطقم الدبرياج.
انا عملت الحوار ده فى عربيتنا فعلا
هى كانت اوتوماتيك تويوتا كريسيدا كامله و التكلفه كانت عباره عن طقم الدبرياج و تمن الفتيس و عند العفشجى و تبيتها يومين عنده و تستلمها اكنها مانيوال من المصنع
يعنى التكلفه كانت عباره عن الفتيس بـ1300 استيراد و طقم دبرياج كان ب150 تقريباا او 200 و العفشجى اخد مصنعيه 100 جنيه
و الفتيس كان بتاع نفس الموديل بس المانيوال منها
العربيه 1600cc نيسان تيدا 2008
الموتور لسه بحالته لانها مش مشيه غير 18 الف كيلوا
العربيه دى نازل منها منيوال 6 سعرعا وكمان فى خمس سرعات
بس هما فى التوكيل قالوا انهم منزلين الفتيس الخمس سرعات ده للموتور 1800cc
على فكره العربيه خليجى
من قطر
وهما منزليمن منها موتورين للعربيه
فا هيحصل حاجه لو ركبت الفتيس 6 سرعات
وايه ويريت يا خونا تفيدونا عشان موضع التحويل ده واقف على كلمكوا
والخبرات مطلوبه كمان لو حد جايب عربيه جديده وحولها من اوتو لى منيوال
تسلموا على المركات الجميله دى بس دى حاجه ديما بنستناها من رجاله المنتدى
تحياتى
وهل الموتور لما يكون اساس معمول لعربيه اتومتك ويتحول للمونيوال هيحل حاجه ولا ملهاش علاقه بالموتور مع العلم انها عربيه حديثه ومعداش عليها اكتر من سنه واربع اشهر لانى شريها فى اوخر 2008
وريرت المشركه تكون مبنه على اساس المعرفه الكامله عشان انا ميحصليش مشكله بعد كده
تحياتى وهشلكوا الجميله دى ديما
ايه يا رجاله انتوا فين
عشان تركب فتيس ست سرعات بتاع 1800 لازم يكون نفس الجيل بتاع الفتيس 1600 وتتأكد انه يركب على الماتور عندك غير كدة مش هيركب و سعتها تركب الفتيس بتاعها وموضوع الماتور متخافش عليه مش هيتأثر في حاجه بس تروح لواحد بيفهم كويس وعمل الموضوع ده قبل كده مش يجرب فيك .. لكن انت عاوز تقلب مانيوال ليه والعربية تعتبر لسه زيرو غاوى جرى؟
بصراحه الاتوماتك حاجه والموانيول حاجه تنيه الواحد مش بيحس انوا سايق عربيه لو اتومتك
مهو مينفعش انا معايا عربيه محترمه ويابنى و1600ويجيى حد معاه عربيه عمرها الافتراضى وموكن تكون اقل فى cc ويشد معيا ويطلع منى عشان بس عربيته منيوال
ده غير ان السواقه بجد تكون وانتى سايق منيوال
وموضوع الجرى ده اكيد
العربية جديدة خسارة إنك تعمل فيه التعديلات دي..ربنا يباركلك فيها وينفعك بيها
خليك ماشي بيها في العدي وسيبك من موضوع الشد والكلام ده...العربيات معمولة عشان توصلنا للمكان اللي إحنا رايحنه بسهولة وسلاسة وسلامة فقط لا غير
لما بعد كده الفتيس يهيس ويحتاج عمرة أو تغيير فممكن وقتها تعدل براحتك
ده رأيي ونصيحتي كأخ وأرجو إني مكنش ضايقتك
ايه يا اخونا
عمتا الاراء كلها مرحب بيها
طيب بالنسبه فى العداد الى بيقى فى التبلوه ده لما اقلبها منيوال ايه الى هيحصل وهل بيبقى فى اى ضرر على اى حاججه خصوصا ان دى عربيه كانت اوتو وهتبقى منيوال
طيب ماتبيعها وتجيب واحدة مانيوال وتخلص من قرف الميكانيكية
هتصرف كتير أوي
الموضوع مش على أد الفتيس بس..
ده مواااااااااااااال