برجاء التصويت وابداء الرآي

**ahmed-moga** · 22-12-2009 10:33 AM

المشاركة الأصلية كتبت بواسطة salehgharib

طبعا حكايه دوران رأس المال دى لازم تتفسر صح

هى تنفع بس مع واحد تكون نسبة السيولة معاه قليلة جدا يبقى أكيد لازم يدور رأس المال بطريقة مثلى
يعنى يشتغل فى الحاجة الى تتباع بسرعة حتى ولو هامش الربح الخاص بيها قليل
يعنى عشان ندرس الموضوع ده يبقى لازم نعمل دراسة جدوى لمجموعة من المتغيرات الى مش متوفرة ليك
بالإضافة الى هل ( الوكيل ) يعانى من مسأله السيولة عشان يدور على التدوير الأمثل لراس المال
بلاش ده وده
إنت تعرف تفاصيل التعاقد مع الشركة الأم فى اليابان ممكن تكون فرضة عليه كميه معينة من موديلات معينة بموصفات معينة يعنى فيه تفاصيل

وللتأكيد مرة أخرى حكايه السيولة دى تنفع مع مشروع صغير لكن مع وكيل ما أظنش

وحتى عمليه الإستيراد من قبل الوكيل إنت متخيل بيدفع ثمن البضاعة 100 % عشان تقول دورة راس المال

الخلاصة فيه تفاصيل مش متوفرة عند الشخص العادى

وانت متخيل إن الوكيل ده أهبل عشان تقول أن مستنى حد يقولة دورة راس المال

الكلام ده ينفع مع المستوردين ( الخليجى) أنا معاك يدور على إن يحط فلوسة فى الى يباع بسرعة
لكن معا الوكيل فى شروط ملزمة يعنى ما يقدرش يأخد القرار 100 % من نفسه

عرفت الزاى

ده قصدى

زميلي الفاضل انا ركزت جدا في كلامك ولقيت كلامك منطقي جدا ومن منظور اقتصادي بحت ومن خلال هذة النظرة الجديدة أوضحت لي عدة نقاط هامة تطرح أسئلة مهمة
هل ( الوكيل ) يعانى من مسأله السيولة عشان يدور على التدوير الأمثل لراس المال
أعتقد في ظل الزمة الأقتصادية التى تعاني منها جميع البلاد ان فية أزمة سيولة عند اي حد كبير أوصغير انا نفسي بعاني من أزمة في السيولة فمابالك بالوكيل اللي بيستورد حاجات بالمليارات مابين السيارات وقطع الغيار الشيئ لزوم الشيئ
هل الوكيل يحتاج لأنواع معينة من السيارات تباع بسرعة لتحقق لة نسبة ربح ولو بسيطة لكن تضمن لة الأستمرارية والمنافسة في ظل الظروف الراهنة
اكيد طبعا اي شركة تجارية كبيرة او صغيرة تبحث فيما تنتجة عما يلاقي روجا في السوق ومن هنا جاءت فكرتي السيارة 1300 لاتلاقي رواجا في السوق المصرية وفي المقابل 1600 علي قمة مبيعات اللانسر ولكن موديلات 2010 اصابت الكثير بالأحباط خصوصا ان في كثريين يردوها بعد تطويير الفتيس الجديد وأولهم أنا فما الداعي لبقاء 1300 الأتوماتك طب مايوفر فلوسها ويدعم الموديل المطلوب ويخفض من ثمنة ليحقق من سرعة مبيع
ة خصوصا انة مطلوب طب هاطرح عليك سؤال صغير لوانت مشتري جديد وعايز تشتري لانسر بومة هاتشتري بومة 1300 ب106 الف ولا هاتشتري 1600 اتوماتك 119 الف طيب لو سعر 1600 الجديد بقي 106 الف هاتشتريها ولا لأ
هل فعلا الشركة الأم في اليابان ممكن تكون فرضة عليه كميه معينة من موديلات معينة بموصفات معينة
هل مستورد الخليجي يخضع لشروط واحكام من الشركة الأم في اليابان حتي لايضر بوكالة الوكيل المصري في مصر وخصوصا ان السيارات التي يستوردها أرخص في السعر وأكثر في الكماليات
اعتقد فعلا ان في نقط غايبة علينا ومحتاجة شوية توضيح وأنا بستأذنك وبستأذن الباشمهندس طارق انة يتدخل ويجوبلنا علي هذة الأسئلة بصفتة حلقة الوصل بيننا وبين شركة متسوبيشي
وأشكر حضرتك علي هذة النقط الجديدة الهامة التي اضفتها للموضوع والتي افادتني شخصيا كثيرا

**مصراوي جدا** · 22-12-2009 12:26 PM

شركة ميتسوبيشي لا تضع شروط تخص نوعية الموديلات المشتراة أي لا تفرض مثلا ضرورة شراء 1300 ولكن الوكيل في كل دولة يطلب الموديلات التي تناسب السوق لديه

مستورد السيارات الخليجي ليس له اي علاقة من قريب او بعيد بالشركة الأم في اليابان وانما يشتري من الوكيل في الخليج مباشرة او من موزع له

الوكيل في الخليج ممكن ان يحصل على خصم اكبر من وكيل مصر اذا ما كانت مسحوباته اكتر وبالتالي يبيع بأسعار افضل للمستوردين المصريين

**ahmed-moga** · 22-12-2009 07:11 PM

المشاركة الأصلية كتبت بواسطة مصراوي جدا

شركة ميتسوبيشي لا تضع شروط تخص نوعية الموديلات المشتراة أي لا تفرض مثلا ضرورة شراء 1300 ولكن الوكيل في كل دولة يطلب الموديلات التي تناسب السوق لديه

مستورد السيارات الخليجي ليس له اي علاقة من قريب او بعيد بالشركة الأم في اليابان وانما يشتري من الوكيل في الخليج مباشرة او من موزع له

الوكيل في الخليج ممكن ان يحصل على خصم اكبر من وكيل مصر اذا ما كانت مسحوباته اكتر وبالتالي يبيع بأسعار افضل للمستوردين المصريين

شكرا يابشمهندس طارق علي ردك الوافي بس كنت عايز أخد رأيك بالنسبة للموضعين اللي طرحهم الأستاذ صلاح بالنسبة لتدوير رأس المال والسيولة والمخاطرة هل وجهة النظر الأقتصادية البحتة المطروحة تطبق فعلا من قبل الوكيل في مصر ولا فية نظرية أخري وشكرا لحضرتك مرة اخري

**ahmed-moga** · 22-12-2009 09:58 PM

المشاركة الأصلية كتبت بواسطة salehgharib

أولا وهعيد تانى إن الناس الى بتتأثر بالسيولة وبتعمل حساب لدوران رأس المال فى الغالب الصغار

أما الكبار معاه سيولة متوفرة جدا ومش لاقى يوديها فين لكن لما تقول له استثمر أهم حاجة بيبص عليها فى ظل الظروف الحاليه هى نسبة المخاطرة

إبعده عن المخاطره الكبيرة الى ممكن تأكل من راس المال

يعنى فى ظل الأزمة الحالية التاجر الكبير الى فلوسة ترجعلة ومعاها شوية فكة يحمد ربنا

المهم ابعدة عن الخسارة الصريحة ( مش تكلفة الفرصة البديلة) يعنى أهم حاجة ميقفلش الدكان

مش عارف ياأستاذ صلاح الكلام بتاعك منطقي جدا بس مش قادر استوعبة كويس ممكن يكون علشان انا مانمتش من امبارح فعلشان كدة مش مركز مع حضرتك كويس بس انا حاسس ان الموضوع وسع وكبر قوي وبدأ ياخد منحني تاني يختلف عن هدف الموضوع اللي انا عاملة فممكن أستأذن حضرتك انك توضحلي مجمل اللي حضرتك عايز توصلهولي بس يكون في سياق الموضوع اللي انا عاملة وشكرا جزيلا لحضرتك

**kemoelord** · 23-12-2009 11:30 AM

المشاركة الأصلية كتبت بواسطة salehgharib

عشان يحصل كده لازم يكون هناك feedback بينك وبين الوكيل يعنى لازم عشان تعمل إستفتاء على حاجة زى موضوع دوران راس المال يعنى بتغير مش بس السياسات الماليه والإقتصادية لكن كمان السياسات التسويقية لدى الوكيل
ده من منظور إدارى
يعنى عشان ابسط المعلومة ممكن استيراد ال 1300 يبطأ من سرعة دوران راس المال لكن من منظور تسويقى يسبب مشكلة يعنى ايه المنظور التسويقى يعتمد على رضى مجموعة من العملاء مختلفة فى مستوى الإشباع يعنى كل واحد له مزاج فى إحتياجاته وعشان كده لازم الوكيل يوفر التنوع فى المنتجات وخاصة لما يكون وكيل

أما بالنسبة للمستوردين
بيعمل بمبلغ محدود يعنى الحاجة الى شغاله وهامش الربح بتاعها مرضى والمخاطرة محدودة هيشتغل بيها لا يهمة التنوع ولا المزيج السلعى ولا ولا ولا أى حاجة غير الى انا قولت عليها هو هامش ربح مرضى وفلوس بدور بسرعة
يعنى مستورد السيارات ده ممكن يكون غير متخصص فى استيراد السيارات ده ممكن يعمل كذا صفقة وخلاص يعنى ده شغال حسب ظروف السوق يعنى لو قلت له استيراد المكرونة بيكسب أكثر من إستيراد السيارات خلاص نشتغل فى المكرونة

أحب أقول تانى لازم عشان تعمل إستفتاء لازم تكون متأكد إن الوكيل حاسس بيك اصلا وهل الإستفتاء فى ريحة قبول ولا مرفوض من البدايه

عشان منكونش بنضيع وقت

+111111111111 كلام رائع جداااااااااااااااااااا وانا مع حضرتك في النقطه دي

**ahmed-moga** · 23-12-2009 08:12 PM

المشاركة الأصلية كتبت بواسطة salehgharib

أحب أقول تانى لازم عشان تعمل إستفتاء لازم تكون متأكد إن الوكيل حاسس بيك اصلا وهل الإستفتاء فى ريحة قبول ولا مرفوض من البدايه

يبقي مفيش قدامنا غير الباشمهندس طارق هو اللي يقدر يوصل الأستطلاع الرآي دة للوكيل بصفتة حلقة الوصل اللي بينا وبينة ويدينا رآية علشان منبقاش بنضيع وقت والموضوع كلة يبقي كلام في كلام أية رآيك يابشمهنندس طارق هل توافق علي نقل الأستطلاع دة للوكيل وتدينا رآية ولا عند حضرتك وجهة نظر تانية كما تعودنا منك تفيدنا أكتر
بس لحد دلوقتي ياأستاذ صلاح انا مش عارف ردك علي الموضوع نعم ولا لا
وشكرا جزيلا لحضرتك علي وجهة نظرك الجميلة وعلي المعلومات القيمة التي استفدت منها شخصيا