المشاركة الأصلية كتبت بواسطة ghazy12
أنا ملاحظ حاجه غريبه جداا في قسم كيا النهارده..!!!!
الحياه متوقفه تماما في القسم..!!!! مفيش ردود, مفيش مشاركات, مفيش مواضيع جديده.!!!!!
كل الناس منتظره التقرير بتاع السيراتو في ترقب و صمت غريييب جداا!!!
خلوني اسأل سؤال و نفكر مع بعض, و هو ماذا لو...
أولا: ماذا لو, التقرير طلع ايجابي و العربيه زي الفل (يا رب يكون كده طبعاا)
1- ملاك العربيه مش هيسيبوا الناس اللي كانو بيشككوا في العربيه, و ربنا يستر و الموضوع مايكبرش...
2- خلونا مقتنعين ان اللي اشتروا العربيه مش هيبيعوها, و لا اللي مش عجباه العربيه هيشتري بردو... يعني كل واحد هيحتفظ بموقفه
ثانيا: ماذا لو, التقرير اثبت وجود عيوب جوهريه في العربيه؟؟؟ (الله لا يقدر)
1- اللي كانوا بيشككوا في العربيه و في جودتها مش هيسيبوا الملاك او المعارضين في حالهم, و بردو ربنا يستر و الموضوع ما يكبرش
2- اللي اشترى و مقتنع مش هيبيع, و اللي مش عجباه مش هيشتري بردو, و كل واحد هيحتفظ بموقفه..
يعني الخلاصه يا رجاله... سواء التقرير كويس او وحش, النتيجه المشتركه ان كل شخص خد قرار هيحتفظ بموقفه للاخر, قبل التقرير و بعد التقرير...
انا بقول الكلام ده لسبب واحد بس, التقرير ده هيكون للافاده لكل الأعضاء, بس بالنسبه للأعضاء اللي متردده و مش عارفه تشتري ولا لأ أكتر أكيييد... و يا رب تطلع العربيه زي الفل علشان حتى الناس اللي دفعت فلوسها و شقاها في العربيه دي ما تروحش هدر, او يعيش بيها و هو قلقان...
و ربنا يهدي الجميع و منمسكش في بعض مهما كانت النتيجه بتاعة التقرير...