رأيي مازال هو لم يتغير
التغيير الوحيد اني جالي فوبيا من ركوب السيراتو بس
لكن كل كلمه في التقييم مازلت مصر عليها
السيراتو افضل
مع الوضع في الاعتبار ان مشكلة ضعف التكييف عندي في الالنترا كانت حاله فرديه
عرض للطباعة
اصل انا الحمد لله دفعت عربون النترا خليجى وهستلم النهارده او بكره ان شاء الله وصاحب المعرض صاحبى كان هيبوس رجلى عشان اخد سيراتو بس انا من الى سمعته فى المنتدى خفت والله و قلت النترا اضمن وماحدش اشتكى منها
شكرا يا دكتور
متابعة
اعتذر لوجود عطل فنى
يا فندم الف سلامة عليك و قدر و لطف ممكن تكون حالتك فردية لكن 99% من الباقى بشوفهم بيسوقوا كأنهم داخلين الفورميلا وان عندنا فى اسكندرية طريق الكورنيش باليل بعد 1 صباحا ياويلة اللى يفكر يمشى علية بيكون سباقاات و راليات ولازم كل يوم عربية تدشددشش و تيجى الاسعاف و من جميع المركات من البى ام للسيراتو
السيراتو بالذات عاملة حوادث كتير عشان شكلها مغرى للجرى و السرعات والكلام دة الشباب يشوف الجنوط و صوت الموتور يتجنن والله العظيم بشوفهم ياخدوا المنحنيات ع الكورنيش 140 و 150 و بيعدوا بستر الله ولما عربية تقلب ييجى يكتب هنا و يقول راحت السيراتو تعبانة يا سيراتو سقط السيراتو و الافلام دى ... لسة من كام يوم 320بى ام داخلة فى عمود و طارت نزلت ع الرملة الواد نازل يشتم يقول .....أم البى ام تخيل ... استهتار ما بعدة استهتار
كيا لما صممت السيراتو ما كنتش عارفة حيتعمل بيها اية دى عربية مدنية اسرية فخمة فقط مش عربية سباقات و منحنيات و راليات !
لكن واحد يقولك شفت سيراتوا قلبت ع 60 و واحد يقولك اخدت نقرة المساعد طار !!
هو الناس فاكرة ان العامة اللى بتقرا منا جهلة مثلا او عمرهم ما ساقوا ولا ركبوا
انا عمرى 27سنة و بسوق من 10سنيين و شفت الويل و ربنا نجانى من كوارث بسبب التهور برضة لحد ما فقت و عرفت ان الله حق
ربنا نجانى مرة و اتنين عشان اعتبر و افوق لكن التالتة استاهل اللى يجراللى
ثبات العربية جميل ورائع و معمول عشان يسعفك فى المواقف الحرجة ولية حدود حتتجاوزها ذى اى عربية فى العالم مش حتسعفك
السيراتو انا ركبتها 3ايام بالعدد لكن الحمد لله فهمتها من اول يوم و عرفت حدودها و السواق الشاطر اللى يعرف امكانيات عربيتة و ميتخاطيهاش و يعرف يستخدمها فى حدود امكانياتها لكن حستهبل هى كمان حتستهبل صح
لكن تقولى عربية زيرو اخدت حفرة عادية من بتوعنا مقص طار و مساعد اتفك دة كلام غير عقلانى العربيات عشان تخرج من المصنع فية مراقبات جودة و اختبارات عديدة مش استوردوا المقص دة امبارح من مصنع فسفسيكو الصينى وركبوا النهاردة و باعوا العربية !!! وفوجئوا بالمشكلة ... أكيد العربية دى كان فيها مشكلة غير طبيعية او سوء استخدام ادى لكدة
لكن التعميم وحش و استخدام الشباب و حش الغرز و الفرك و يفاجىء مرة واحدة برمل او زيت والعربية تروح منة ييجى يكتب هنا ترباتيييت ام السيراتوا !!!!!!
ع فكرة انا معيش سيراتو
و بتمنى اشتريها
أعلى فئة بجنوط 17 كمان
وحكون طاير بيها السما عشان عارف حدودها و امكانياتها
وححترمها حتحترمنى و النصيب حيجيلك لو سايق مايباخ
و حبى ليها بس فى 3ايام و برتب ميزانيتى عشان اشتريها
رغما عن كل المشككيكن ...
و اعتقد ان العربية دى واخدة عين تمام كل ما تعدى تتحسد لحد ما تخسف بيها الارض
ربنا يستر !
هختلف معاك فى نقطة صغير و هو رغم كل معايير الجودة ده ميمنعش ان شركات كثير بتلم عربيات من السوق بعد ماتنزلها عشان عيوب الصناعة و أولهم مرسيدس لمة الفئة تقريبا عشان كان فيها مشاكل فى الثبات(مش متأكد) و من كام يوم قريت ان تويوتا كانت بتلم بردو فئة معينة من الولايات المتحدة لو الذاكرة أسعفتنى, ف جايز طبعا يكون هناك عيب صناعة فى بعض قطع الغيار و الله أعلم.
أبسطها يوم أمس أختى مكلمانى من الامارات تحكيلى ان حصل عيب فى فتيس البيجو 307 station و محدش حددلهم العيب ايه بضبط و بعتو يجيبوا واحد غيروا من فرنسا من غير ما يناقشوهم (ده معناه ان التوكيل هناك محترم جدا و لكن بردو عارفين بوجود عيب فى الفتيس عشان محاولوش يعكوا فيه و غيروا علطول), رغم وجود شكاوى سابقة من فتيس ال 406 (يعنى مشكلة قديمة عند بيجو) و فى أحد أهم مكونات السيارة و لكن بردو أهى مشكلة متكررة عند أحد أعرق موديلات السيارات فى العالم
و أولهم مرسيدس لمة الفئة(a) تقريبا عشان كان فيها مشاكل فى الثبات
الف مليون شكر لاهتمامك ويارب يجعل السلامه دائما لجميع اعضاء منتدانا الحبيب :)
بخصوص موضوع السيراتو و المقص محضرلكم مفاجأة ان شاء الله, حد يقولى بس تفاصيل رفع صور على الموقع