الموضوع: استفسار ... سرينة الشرطة

الف مبروك و عقبالى

كنت مركب سارينة جايبها من التوفيقية و كانت ب 400 جنية وفيها كذا صوت وكمان مايك تتكلم منة ذى بتاعة الشرطة و الاسعاف بالضبط وانا ماشى فى شارع طلعت حرب وكان جنبى واحد ابن حلال قاعد يجرب فيها ويتكلم اوم اية الاقى وزارة الداخلية كلها مستنيانى فى ميدان طلعت حرب وعلى فكرة كان فى عدد كبير من امناء الشرطة وكان فى رائد شاب بس الحقيقة كان ظريف اوى وقفونى كلهم كانى هم قبضوا على تاجر مخدرات و قالى الرائد الظريف اياة انت مركب سرينة قلتولة ايوة قالى معاك تصريح بيها قات لا قالى مركبها لية قلت لة علشان ابعد عنى سواقين الميكروباسات قالى قدامك حل من اتنين اما نعمل محضر و سيادتك تروح لنيابة المرور او اخدها الوقتى منك استرحمتة بالله و استرجيتة لكنة بادرنى بقولة ان لو علية هو كان سابنى لكن اللى معلقك ياباشا دة اسماعيل بية الشاعر شخصيا و حتما ولابد ان هيسأل عن المجرم اللى مركب سرينة ذى بتاعتة عملتوا فية اية المهم مطولش عليكم سبتهالو و مشيت و من يوميها ومركبتش غيرها

المشاركة الأصلية كتبت بواسطة zoro3027

اما نعمل محضر و سيادتك تروح لنيابة المرور او اخدها الوقتى منك

هو لو الواحد ركب السارينة فى المكان اللى حضراتكم قولتو عليه فوق الكاوتش ... وحط سارينة تانية هبلة منظر من ام 30 40 جنيه ... وطلب منه الظابط انه يصادرها ... ممكن الواحد يستهبل وانتشهالة بسرعة من الحوض واديهالة .. ولا يعرف وياخد بالة ... وطبعا النتشة لازم يتقطع فيها السلك علشات ميعرفش يجربها .. دا لو مش مصدق انها هى اللى كانت عاملة الصوت دة ....

طبعا انا استمتعت جدا بقراءه الصفحات والمشاركات الكتييير اوي في الموضوع ده
خلوني احكي ليكم حكايه حصلت معايا من ايام بسيطه اوي علشان كلنا في اوقات كتير ما بنعرفش تاثير حاجات بسيطه بنعملها علي حياه ناس تانيه
انا شغال في مكتب استشاري في الدقي ومن المعادي يعني باخد الطريق من عند جنينه الحيوانات لغايه الشيرتون واخد شارع التحرير من اوله
القصه بدءت في الحته اللي قدام مدريه امن الجيزه كده عربيه اسعاف مشغله السريينه والسواق هيعيط علشان الناس تفتح السكه
وطبعا كلنا عارفين انه بيهجص مش هو دا الاعتقاد السائد
اتوبيس نقل عام طلع عين اللي خلفوه وراه يجي يمين يجيله يمين يجي شمال يجيله شمال
دا غير كميه الفهلويه اللي مشيين وراه علشان يوسع ليهم السكه
المهم بمعجزه عرف يخرج من الاتوبيس علشان يصطاده بتاع ميكروباص عمل معاه نفس الفيلم بالملي
نهايته فلت منهم ومن عسكري المرور الحلو اللي ما كنش عايز يفتح ليه الاشاره بتاعت الشيرتون والراجل جري وانا كنت ماشي عادي
حوالي 500 متر كده وفعلا اتصدمت وحسيت اني نفسي بجد اعيط من اللي شفته قدامي
واحده ست هيه وابنها الصغير عربيه شلتهم والدم مالي الارض والاسعاف دي كانت رايحه ليهم
بجد وقتها اتمنيت اني اجيب مسدس وارجع اقتل سواق الاتوبيس هو والاخ بتاع الميكروباص
عارفين ليه كل الناس ما وسعتش لما سمعو السريينه علشان احنا اللي خلينا معناه في عيون الناس روشنه و وانها مش شرط تكون حاله حياه او موت
بالتةفيق لكل اللي عايز يركب سرينه

المشاركة الأصلية كتبت بواسطة tamer_a7

طبعا انا استمتعت جدا بقراءه الصفحات والمشاركات الكتييير اوي في الموضوع ده
خلوني احكي ليكم حكايه حصلت معايا من ايام بسيطه اوي علشان كلنا في اوقات كتير ما بنعرفش تاثير حاجات بسيطه بنعملها علي حياه ناس تانيه
انا شغال في مكتب استشاري في الدقي ومن المعادي يعني باخد الطريق من عند جنينه الحيوانات لغايه الشيرتون واخد شارع التحرير من اوله
القصه بدءت في الحته اللي قدام مدريه امن الجيزه كده عربيه اسعاف مشغله السريينه والسواق هيعيط علشان الناس تفتح السكه
وطبعا كلنا عارفين انه بيهجص مش هو دا الاعتقاد السائد
اتوبيس نقل عام طلع عين اللي خلفوه وراه يجي يمين يجيله يمين يجي شمال يجيله شمال
دا غير كميه الفهلويه اللي مشيين وراه علشان يوسع ليهم السكه
المهم بمعجزه عرف يخرج من الاتوبيس علشان يصطاده بتاع ميكروباص عمل معاه نفس الفيلم بالملي
نهايته فلت منهم ومن عسكري المرور الحلو اللي ما كنش عايز يفتح ليه الاشاره بتاعت الشيرتون والراجل جري وانا كنت ماشي عادي
حوالي 500 متر كده وفعلا اتصدمت وحسيت اني نفسي بجد اعيط من اللي شفته قدامي
واحده ست هيه وابنها الصغير عربيه شلتهم والدم مالي الارض والاسعاف دي كانت رايحه ليهم
بجد وقتها اتمنيت اني اجيب مسدس وارجع اقتل سواق الاتوبيس هو والاخ بتاع الميكروباص
عارفين ليه كل الناس ما وسعتش لما سمعو السريينه علشان احنا اللي خلينا معناه في عيون الناس روشنه و وانها مش شرط تكون حاله حياه او موت
بالتوفيق لكل اللي عايز يركب سرينه

اولا انا اسف على التعليق ده بس للتوضيح:-
اتوبيس بياخد غرز قدام الاسعاف ليه يا استاذى هو كان ماشى فى شارع ولا فى حارة؟

ثانيا الناس اللى موسعتش دى كلها معندهاش دم يعنى ؟ لو واحد رخم فى عشرة محترمين هيوسعوله
لو واحد بص بس فى مرايته هيميز اللى راكب عربية ملاكى صغيرة من اللى راكب ميكروباص اسعاف بالحجم ده

انا ستى كانت بتموت وطلبنا الاسعاف جت بعد نص ساعه واحنا البلد كلها قد الحق
المهم السواق ماشى ولا على باله وكل اشارة يقف فيها وماشى اقل من 60 ومش مشغل السرينة

اسف انا مش مقتنع بالكلام ده