عاوز اركب سرينة الشرطة منين اجيبها اة احسن نوع واركبها عند مين والسرينة دى هتاخد الكهرباء من الضفيرة ولة مين بالظبط انا سمعت ان احسن واحدة الفيدرالى عاملة 650 تقريبا
عرض للطباعة
عاوز اركب سرينة الشرطة منين اجيبها اة احسن نوع واركبها عند مين والسرينة دى هتاخد الكهرباء من الضفيرة ولة مين بالظبط انا سمعت ان احسن واحدة الفيدرالى عاملة 650 تقريبا
هتلاقى فى التوفيقية ناس قاعدين بيها بس
انا جبتها من التوفيقيه ..
من حوالي اسبوعين ..مش اصليه ..كانت تايواني
صوتها -تقريبا - زي الاصلي
كنت شاريها بـ 180 جنيه
بس جامده جدا
وتركيبها مش بياخد 10 دقايق
وهناك في كهربائي بيركبها ..تبع المحل
في هناك محل بيبيعها ..لو روحتله
قوله انك تبع الدكتور أحمد بتاع الشرقيه الي جه ركبها عند من كام اسبوع
انا اتصاحبت عليه
هههههه ان اما بسمع الارقام ده بستغرب و الله
انا شوفت واحد صاحبى مركب وحده السربنه ده بس كده لوحدها ام ميكروفون كانت بـ45 جنيه
طبعا هى باضت بس اشتغلت بتاع 6 اشهر 100/100
يا جماعه ام 45 اللى بتتكلمو عليها دى بتطلع صووووووت بالعاااافيه فاطشه اوى يعنى الكلاكس بتاع العربيه انضف منها اساسآ متتقارنش تمامآ بالسرينه التانيه اللى بـ 200 جنبه وانت طالع
انا فعلا زمان كنت مركب واحده من أم 40 جنيه دي ..وكان لها مايك كمان
بس لا وجه للمقارنه مع الي انا ركبتها بـ 180 جنيه دي
إطلاقا
أم 40 جنيه دي ..يدوبك كانت بتسمعني صوتها ..يدوبك
لكن أم 180 جنيه دي ....لما بشغلها وأنا ماشي ع الأسفلت ..الناس بيجيلها صداع منها ..وأنا جربتها كلم مره في الزحمه ..الكل بيفتح طريق
الهورن بتاعها كبير أوي..
طب يا احمد كنت مركب الزراير فين؟ وهل هي باينة ولا لا؟
ةيا هيما كنت جايب منين اللي ب 40....وعايز اسمع رايك فيها لو كنت جربت اللي ب 180 ؟
والف شكر
يا جماعة طيب هوة بيركبها ازاى يعنى بياخد الكهرباء منين هيعوض بقى يقطع فى اسلاط وحوار ولة بيركبها على البطرية ؟؟؟؟
نصيحه بس لأي حد يركبها انه مايركبهاش في الحوض
علشان سعات بيكون في لجان للموضوع ده
طبعا ماافيش اي مقااارنة بين اللي ب40 جنية واللي ب180 وانت طاالع
كلام صح 100 %
انا جربت الاتنين ..مفيش وجه مقارنه نهائي
وام 40 جنيه دي ..بجد بتضحك عليك الناس ..عن تجربه والله
لكن التانيه ..
ووووووووووووووووووووووووو وو
.
وبخصوص شكلها
الهورن الي عندي مستطيل ..وحجمه كبير
وبالنسبه للي شكله دائري..مشفتوش هناك في التوفيقيه خاالص ..وبصراحه معرفش عنه حاجه.
لو كنا بالنهار ..كنت صورتهالك في العربيه عندي
معتقدش لها مكان تاني غير الحوض
هتتركب فين يعني
ما هوا أكيد من هينفع في الشنطه؟؟؟؟؟
ولا الصالون طبعا
جميل جدا اقبال الناس على مخالفة القانون
انا مركبها تحت الاكصدام الامامى بفك الاكصدام وبركبها وبركب عليها الاكصدام تانى عادى جدآآ .. وطبعآ مفيش مقارنه اطلاقآ بين ام 40 جنيه وام 180 جنيه بجد انا مجرب الاتنين ..
زميلى كان مركبها فى البيكانتو شال الكرتيرة البلاستيك الى فوق العجل الى قدام وركبها وركب الكرتيرة البلاستيك تانى طبعا مش باينة خالص
سلام كبير قوي للقانون المرور
كل يوم بشوف واحد ظريف فاكر نفسه الواد الكوول حتتلي سارينا
و عجبي!!!!!!!
انا مركبها
وانا مش واد كوووول
بس هقولك ..الممنوع مرغوب دي حاجه
الحاجه التانيه
انا مش بستعملها ع الفاضي والمليان
انا حاططها عشان ساعات بتنفع
يعني مثلا أحكيلك...
اتنين سواقين ..واحد كسر ع التاني ..نزلوا اتخانقوا ووقفوا الطريق
والناس تقولهم طيب اركنوا على جمب
وهما ولا هما هنا
انا فضله واقف شويه وانا مش عارف ايه الي وقف الطريق
نزلة بصيت ..لقيتهم - بكل غباء- بيزعقوا قصاد بعض وموقفين الطريق
حطيت ايدي ع السرينه
ثواني
كل واحد فيهم ركب عربيته ومشيوا
والطريق مشي
..
انا بستعملها بس للضروره ..مش ع الفاضي والمليان
أنا من كتر ما باسمع السرينه بقيت بنفض و لو أي حد شغلها وراية ماهو ماشي خالص و بعند معاه
من كتر الاسعاف ماعملت الموضوع ده و استغلت السارينة خلاص الناس مبقتش تهتم لما هما يشغلها حتى لو فعلا فيه حالة حرجة جوه
ده في ناس بتفضل دايسة على السارينة اكنها ملبس أو حاجة
ده في ناس كمان بدل ما تدوس على الكلاكس في موكب الفرح يروحوا مشغلين السارينة
حاجة بجد استهتار و قلت ذوق
بس العيب مش على الناس العيب على قانون المرور لو فعلا جامد و صارم في موضوع المخالفات مفيش بني آدم هيفكر يجيب السارينة ولا حتى يشغلها
لا الالذ سواقين بعض عربيات النص نقل حطينها - علشان فى عربيات نص نقل حكومه او شرطه شبه عربياتهم- وطبعا بعد ما يعدى منك تلاقيه هيئته حرامى مش بوليس- زنقت واد منهم بعد ما عدى وكنت فاكره عربيه بوليس - نزلت وشديته من الكابينه الناس اتلمت ومعلش وعيل وغلط - الاجمل واحد يقول لك معلش اصل لو جه حد هو كمان ما هوش رخصه ؟؟؟؟
شيفين الاعذار الوجيهه البيه ما هوش رخصه وماشى عامل زفه بالسارينه - ده ايه الجبروت ده
:khd:
هقولك
انا لما روحت التوفيقيه
كنت رايح اتفرج على اي جديد للعربيه
مشيت في الشوارع هناك..كل شويه اسمع سارينه شرطه تهز الشارع
لحد لما لقيت ناس فارشين بيها
ومحلات بتبيعها
وبيجربوها كل شويه للزباين
صوتها عجبني كيك
لقيت الي هناك كلوا تايواني
قلت والله طالما مش صيني ..يعني ان شاء الله هتعيش
لقيت هناك نوع بـ180 ..ونوع تاني بنفس الصوت بـ225
الفرق بين الاتنين ..ان الاغلى ممكن يدخل صوتين على بعض
والارخص مفيهوش الخاصيه دي
.....
بس
وكلوا تايواني
الصراحة صوتها مزعج جدا واغلب الناس بتستعملها غلط
هما بيستخدوموها ليه من أصله ما فى الكلاكس.....ده إنت ممكن تعمل فرح بالكلاكس....
لكن ليه تجيب سارينة شرطة؟؟؟؟!!!!
على أساس إن الناس أصلا بتوسع للإسعاف!!!! هاهاهاها...ده من كتر مهما فضله يشغلوا السارينة على الفاضي والمليان الواحد خالص مش هيصدق أي عربية بتاعت إسعاف مشغلة السارينه.....
ده الواحد لو اتمسك في كندا بجهاز كشف الرادار....ليلة أمه سودا......غرامة مش أقل من 300 دولار وممكن توصل لسجن 6 شهور أو سحب رخص 6 شهور و لازم تروح المحكمة وتقف قدام القاضي و تقوله إنت ليه كنت ماشي بيه.....
فـمابالك بقى بسارينة!!!!!
ده حتى الفيميه ليه قانون لوحده....هاهاهاها.......لازم مش عارف كام % درجة الغامق و حوارات....مش أنا ظابط أو أبويا أو عارف رتبة جامدة تبقى فلة شمعة منورة!!!!
ياريتنى قريت الموضوع ده امبارح
امبارح نزلت اشتريت سرينى صينى 7 صوت هى لزيزة وصوتها مش بطال بس اضعف حاجة صوت الtut
وجبتها ب 60 جنيه وكان فى نوع تانى ب 50 والهورن بتاعها مستطيل وكبيرة
يلا قدر الله وماشاء فعل
الشهر الجاى انزل اجيب ام 180 دى
لو مفيهاش رزالة ممكن حضرتك تصورها يا دكتور احمد
شكرا مقدما
اعتقد لو بلد محترمة و ماشي بالسرينة ممكن فيها اعدام مثلا ....!!
بس دا ميمنعش اني نفسي اركبها الصراحة هههههههههههههههههههه
كويس ان ليها مخالفة
ليل ونهار حتي لو 4 الفجر عربيات معديه حاسس اني ساكن جوه كلية الشرطة والله ولا بعرف انام
وربنا يكتر من المبررات
ياباشا انا جيبها 7 اصوات كوبي اريجنال كوري 270ج بالتركيب من التوفيقيه عاوز ااولك انها بتهز الهربيه
هي روشنه للعربيه، بس قلق لباقى الناس والواحد مش هايسلك من التعليقات
انا نفسي اركبها برده، بس مش مقتنع
فعلا كترت قوي اليومين دووول دة حتي بقت في التكاااتك
ميت غمر بقي مافيش عربية مش مركبة سرينة
والانواع اللي اصحابي مركبينها ب250 بس صوتها جباااااااار
انا هاركبها اول الشهر باذن اللة
علي حد علمي
الفرق في قوة الصوووت وعدد الاصوات
واللي نازلة جديدة
الجهاز صغير قوي ومش هايشغل مكاان
مش زي الفدرالي القديمة جهاازها كان كبير قوي