الموضوع: اية العربية الى علمت عليها( فقط لاصحاب بروتون )

السلام عليكم و رحمة الله و بركاته
رغم إنى من هواة الجرى جدا بس مش بحب الشد مع حد لكن فى بعض الأحيان تلاقى ناس كده مصرة يتعلم عليها تقوم معلم عليه و سايبه و باى باى و سمعنى بودعك:
نبتدى الأول بالجين 2 الأتواماتيك بتاعت اخويا موديل 2007:
علمت بيها على جولف 4 كنت رايح الشغل فى بورسعيد من القاهرة و معادى الساعة 10 و خارج من القاهرة على أول الصحراوى الساعة 8:45 بالليل و طبعا كنت شادد فى الجرى علشان ألحق ميعادى المهم كانت الجين 2 لسه مش منتشرة و عديت جنب أخونا بتاع الجولف سخن و راح جارى ورايا حصلنى فى كارتة إسماعلية بالعافية علشان كان فى طوابير و كان نفسه يعرف المشكلة عنده فين بالظبط
ده غير المازدا 3 و الكرولا القديمة و اللانسر بكل موديلاتها حتى الشارك و العديد و العديد مش فاكرهم كلهم مع إنى مش بحد الشد مع حد.
نيجى بقى للواجا هانم بتاعتى 2006 أتوماتيك:
على الرغم من إن المحرك عندى ميتسوبيشى 1600 ال 102 حصان بس باعدى من أى لانسر بردوا بسهولة و لما يشد معايا بيبقى الفارف لصالحى بيجى 50 متر كده مع إن الواجا ما بتعديش ال 175 كم / س فى الطرق العادية يعنى مش منازل.
ده غير بقى الكرولا القديمة و حاجات تانية.
نيجى بقى للى علم عليا:
فى الجين 2 كانت مرسيدس إس 500 لما كنت باشد مع بتاع الجولف دخل وسطنا و بصلنا إحنا الإتنين و إبتسم و بعدين ..... ما شوفناهوش تانى مع إن الكارتة فى إسماعلية كانت زحمة
أما الواجا فاللى علم عليا فيها كانت الكرولا الجديدة 1600 و بى إم 318 مش عارف كان مصر يشد معايا ليه بس الفرق بينا كان مش كبير.
كفايا كده بقى بس يا ريت الناس كلها تبطل موضوع الشد ده و مش كل واحد قلب نورأو ضرب كلكس نجرى وراه أو نقفل عليه ممكن يكون وراه حاجه و عاوز يلحق معاده فا يا ريت مش كل حاجة تستفزنا لأن فى بعض الأحيان بيبقى الواحد بيجرى علشان حاجة مهمة يجى واحد مش فاهم يشد معاك و يقفل عليك بدون أى سبب و يمكن لسه الموضوع حاصل معايا من 10 أيام كنت مسافر من بورسعيد للقاهرة لأن الوالد كان مريض جدا و حالته متأخرة جدا و معايا زوجتى و إبنى و ماشى 150 كم / س الساعة 5 المغرب و واحد مش عارف إيه مشكلت جيه جانبى و أنا مش شايفه خالص و زنق عليا بدون سبب كان هاليبسنى فى الحاجز فى وسط الطريق و كانت هاتبقى حادثة مروعة و لما قدرت ألملم نفسى و أتمالك أعصابى كان فات يجى ساعة و أنا أصلا كنت قلقان جدا على وادلى و للأسف لما وصلت كان توفاه ربنا إدعولوا ربنا يرحمه و و الله ساعتها بقيت نفسى كنت أمسك اللى زنق عليا ده و أخنقه بس أقول إيه ربنا يهديه و يغفر لينا جميعا علشان كده يا جماعة بلاش جرى و ربنا يديكم بلاش نشد مع حد هوا مش بيشد معانا أصلا.

اشطه انا كمان علمت علي معظم العربيات ديه بس FRV بجد بتستفزني و لازم اخنق عليها لحد متشد معايه و ابوظه و بعدين استناه و ابوظه تاني موتير و غرز و كل اللي نفسه فيه .

مره غبيت علي C3 و سيفيك في مطلع المقطم و بهدلتهوم انا نازل خد في و شي فيرنا و اوبترا

بس بصراحه اللي كانت جمده بس مكنتش بعربيتي و شفتها مرتين علي طريق الاسماعليه.

جين 2 و امبريزا الشكل الجديد و القديم و مكنش معلم عليه بس ده كان كاتب جين 2 علي السوبارو كان يجري و يستناه و يجري و يستناه ......................... افتره

المشاركة الأصلية كتبت بواسطة KHALED AYMAN

ربنا يخليك يا ايمن بيه ..
ده شرف ليا انى اخد دعوه من انسان محترم زيك ...
ان شاء الله هحاول اجى المقابله الجايه ...
و هجرب ال 20 جين ههههههههههههه
و كمان هاجى بتاكسى عشان محدش فيكو يجرب عربيتى بهظر طبعا ..

لا كده انتى بتسخننى انى اجى المقابله ...
عشان اجرب الجين ...
انا الحمد لله لحد الان مجربتش اشد مع جين غير مره واحده ...
و طلعت منه بس هو اصلا مكنش بيشد ...
كان بيلعب على خفيف و انا اصلا كنت مستعجل ...
عموما انا هاجى المقابله بحاجه محدش يتوقعها ...
عربيه
2500 سى سى
تيربو ..
يا ترى تطلع من جين ؟؟؟
ولا تطلع فوق جين ؟؟:10D5C8~1107:
ههههههههههههه
شيفروليه الدبابه ..........
لا بهظر انا لو جيت ان شاء الله هاجى بالفيكترا

ربنا يوفق ...
و مستنى باقى اعضاء بروتون عشان اشوف الناس الى علمت على بعض

اهلا بيك وبالفكترا تنووور المقابله فرصه سعيده للتعرف عليك وعلى الفكترا ... ولو انى علمت عليها لانها حسيتها تقيله زى الباسات لما شديت معاها لكن الجيتا فيها روح عنهم والاوكتافيا برضه مع انهم اتعلم عليهم برضه
على فكره انا لما اتعلم عليا من المرسيدس ... كنت اصلا مستعجل فبجرى لوحدى ولما لقيته بيجري معايا ولقيته شديد فى السحب فببص عليها من ورا لقيتها 2 شكمان تبقى 280 وطالع وانا الى كنت فاكرها كومبسور هههههههه ده انا هاخد علقه منه دلوقتى هههههه وبعدين جيت جنبه بقوله انت كده كبير عنى لكن نكمل الى ابتديناه وكمل معايا لحد ماوصلت لمشوارى فى اكتوبر وسلمنا على بعض وابتدى يمشى هادى لان كنا مبهدلين الطريق ربنا يسترها انا فعلا مش بشد مع حد الا اذا فى غباء فى السواقه او استفزنى بجريه
موضوع هام للتجربه : وعن ثقه انا غالبا اى عربيه بسيبها تطلع شويه بفرق مثلا 500م وبعدين اجرى وراها واجيبها وده المتعه الحقيقه فى جين2 الجميله فى السرعات العاليه
ربنا يوفق

طب الجين 2 المانيوال بتعمل ايه مع اللينيا التربو تسارعها من صفر الى 100 فى 9 ثوانى و السرعه القصوى 211 كم من غير منازل
طلعت من بى ام 318i 2009من صفر الى 180 كم
تحياتى

المشاركة الأصلية كتبت بواسطة sameh127

البروتون جين2 المانيوال 1600سي سي الشكل القديم بتتسارع اعلي من جين2 الأوتوماتيك الشكل الجديد بس عيبها صوت موتورها العالي جدا حتي في السرعات المنخفضة و اقصي سرعة حققتها بعربية زيرو كانت 195 كم\س علي الرابع و التكيف ضعيف جدا و فراملها زبالة من اول 130كم\س و كننا حنعمل بيها حدثة موت كذا مرة وناشفة جدا في اي مطب مش بتمتص المطب و صوت المطب عالى جوه العربية "مش عارف ليه" رحت الحرفيين ورميت فراملها في الزبالة و ركبت فرامل طقم brembo على الأربعة عجلات و اللي عجبني فيها ثباتها علي السرعات العالية و صاجها المحمل و قوة المقدمة و المؤخرة للعربية في الحوادث. و قطع غيارها مولعة نار و مش متوفرة إلا عند التوكيل فقط"عز العرب".

معلش بس احنا كلنا لينا وجهت نظر تانيا بما اننا ملاك للعربيه ده

انا معايه اوتوماتك و بجيب 200 مستريح . و صوت الموتور رياضي غير مزعج .
الفرامل اقوي من عربيات كتير و ده نتيجة ان الاربع عجلات علي دسكات و ebd و انا شخصيا بفرمل في غرز و ملافات علي اكتر من 130 و ارض مزحلقه و كفائة الفرامل 10\10
واضح ان حضارتك لم تقراء في الموقع بتعنا عن قطع الغيار و اسعرها و توافرها و اماكن البيع بره و جوه التوكيل.

و لكم خالص التقدير و الاحترام

المشاركة الأصلية كتبت بواسطة khpopo

اهلا بيك وبالفكترا تنووور المقابله فرصه سعيده للتعرف عليك وعلى الفكترا ... :oc_sun1[1]: ولو انى علمت عليها لانها حسيتها تقيله زى الباسات لما شديت معاها لكن الجيتا فيها روح عنهم والاوكتافيا برضه مع انهم اتعلم عليهم برضه
على فكره انا لما اتعلم عليا من المرسيدس ...:b4_611: كنت اصلا مستعجل فبجرى لوحدى ولما لقيته بيجري معايا ولقيته شديد فى السحب فببص عليها من ورا لقيتها 2 شكمان تبقى 280 وطالع وانا الى كنت فاكرها كومبسور هههههههه ده انا هاخد علقه منه دلوقتى هههههه وبعدين جيت جنبه بقوله انت كده كبير عنى لكن نكمل الى ابتديناه وكمل معايا لحد ماوصلت لمشوارى فى اكتوبر وسلمنا على بعض وابتدى يمشى هادى لان كنا مبهدلين الطريق ربنا يسترها انا فعلا مش بشد مع حد الا اذا فى غباء فى السواقه او استفزنى بجريه :h_angry[1]:
موضوع هام للتجربه : وعن ثقه انا غالبا اى عربيه بسيبها تطلع شويه بفرق مثلا 500م وبعدين اجرى وراها واجيبها وده المتعه الحقيقه فى جين2 الجميله فى السرعات العاليه
ربنا يوفق

يا باشا شرف ليا انى اتعرف عليك ..
بس على فكره الفيكترا معايا و الاوكتافيا مع والدى ..
الفيكترا بتجرى عن الاوكتافيا بكتير ...
و هبقى اوريك (بس مش هشد مع جين:b4_611:)...
و الجيتا زى الاوكتافيا بالظبط ..
ممكن الفيكترا الى شديت معاها كانت فيها حاجه او شديت معاه تحت ال 40 (لانها ضعيفه اوى تحت 40 كم)...