الله يبارك فيك ياباشا بس هى بتاعة والدى وانا معايا شاهين بس ناوى استغلها :049: لانها اكيد اوفر فى البنزين
عرض للطباعة
يا جماعة..انا محتار اجيب 2009 القديمة ام
36000
ولا 38000 واجيب2010
مع العلم ان الحاجات الزيادة ب 440 جنية تقريبا
افتونى افادكم الله
بس بسرعة لانى هجيبها خلاص ان شاء الله
حضرتك لو بتتكلم عن الزيرو فالآفضل تجيب 2010 الا لو لاقيت دلوقتى 2009 زيرو ب 34000 أو 35000 لآن الفرق 3000 بيكون تعويض عن الموديل الجديد لكن مش ب 36000 لآن لو ب 36000 فالآفضل 2010 لآنك بتستفيد بموديل لسة نازل وعمر العربية لسة ممرش عليها سنة أونطة لما تيجى تغير قدام السنة الفرق دية بتنزل سعر العربية مش أقل من 3000 جنية . ونصيحة طالما 2010 نزل ما تجبش 2009 الا لو كانت زيرو 35000 أعلى تقدير
أما لو معاك كاش وتقدر تجيب كسر الزيرو زى الآخ pharonicking ما قال بس تكون متأكد منها 100 فى 100 بس مش سهل تجيب بنفس السعر بتاع الآخ pharonicking ولا تتضمن تكون حالة الفبريكا أصلى 100 فى 100 ممكن تكون عاملة حادثة أنا مش بخوفك بس عايزك تتأكد كويس أقوى قبل ما تشترى مستعمل حتى لو كان كسر زيرو .
أنا أنصحك بالزيرو حتى لو 2009 بس بالسعر اللى قولتلك علية 35000 ألف .
وربنا يوفق ويكرم الجميع
انا فعلا هبدأ اشترى و اجيب ال 2009 اللى قدامى لانها زيرو
وانا اولى بالفر ق.
وبالنسبة لفرق السنة فى بيع السيارة,,
انا اصلا مش ناوى ابيعها و لو هجيب سيارة اخرى بعد سنين هخلي الماروتى لمشاوير جوة البلد..
بس ياريت تعرفونى هوة تمنها فعلا 35000
اصل المعرض اللى عارضهاللى بيقول انها ب 36000
حد يعرف هوة السنة تنزل الف جنية؟؟؟؟
الف مبروك وربنا يكتبلك خيرها ويكفيك شرها
واللي فهمتوا من الجميع ان الزيادة بس في الكماليات فقط انما االشكل زي ماهو صح وياريت تقول ايه اخبار السنتر علشان كان في واحد مركب سنتر في التوكيل وكان بشتكي منه علي طول علشان عايز اركب سنتر عندهم انما الكاسيت نجبيهم من بره وهما يركبوه
1-بالنسبة لمسألة التقفيل فهى بالتأكيد تقفيلها نضيف جدا، لكن التقفيل المصرى مش كله شاهين، انا كان معايا الصنى تقفيل مصرى والماروتى تقفيل هندى، الماروتى كان فيها غلطة او اتنين حاجات بسيطة لكن الصنى بدون غلطات، اهم شئ بالنسبة لتقفيل الماروتى انك تراجع على خراطيم المية وتتأكد ان مافيش منها خرران لأن ساعات بتكون مش مربوطة كويس وتخر، راجع على كل وصلات الخراطيم، وتربط وصلات عصاية الفتيس كويس لأنها غلطة تقفيل تانية شهيرة فى الماروتى وهى سبب العضة اللى انت بتحس بيها، هى كلها حاجات بتتعمل فى 5 دقائق وبتديلك اداء ممتاز للسيارة
2-النشوفية فى المطبات واحساس ان السيارة خفيفة فى السرعات العالية هيتحسن مع الوقت لما المساعدين تريح شوية
وربنا يبارك لك فى السيارة ويديلك خيرها ويكفيك شرها، انا بسافر بيها كل مكان فى مصر وبعمل بيها احيانا 500-600 كيلومتر فى اليوم الواحد بدون مشاكل