سيفيك 2010 سعرها هيذيد

**Hosam_Optrawy** · 20-12-2009 12:18 PM

يعنى الكلام طلع صح

عموما مش فارقه

**human** · 20-12-2009 12:57 PM

بالاثبات و البراهين و كله كله التوكيل مش بيشرب
هوه بياكل
و احنا اللى بنشرب
لو خلوها ب 200 الف برضه الناس بتشترى
مبروك ليهم الكام مليون اللى جايين من الهوا

**human** · 20-12-2009 12:59 PM

المشاركة الأصلية كتبت بواسطة sa7aby

إشمعنا الناس فى الدول المتقدمة بتقدر تدى التاجر على قفاه و إحنا عندنا العكس هو إللى بيحصل؟

عشان هنا المواطن هو اللى بياخد على قفاه
و من المعلوم و المعروف ان اللى بياخد على قفاه ماينفعش يدى حد على قفاه

لغايه دلوقتى فى مصر اللى بيبيع حاجه و ياخد فلوسك بيحسسك انه عمل فيك جميل

**abo samra** · 20-12-2009 01:33 PM

المشكله كمان ان فيه ستوك من السيفيك 2009 كتير جدا فى السوق ولو حد راح فرع التجمع اللى على الدائرى هيلاقى كميه هائله من السيفيك وكل الالوان موجوده عندهم يعنى لو بيفهموا (أ- ب) فى البيزنس كانوا المفروض يرخصوا سعر 2009 علشان يخلصوا منه وبعدين يجيبوا 2010 لا والمضحك كمان عاملين حسابهم وبيقولوا للعملاء انهم هيغلوا 2010 اللى لسه قدامه شهرين ونصف على ما يوصل علشان طبعا الزبون الطيب يقول الحق اشترى 2009 قبل ما 2010 ينز وتغلى
واتمنى ان يكون ده مجرد كلام علشان يخوفوا الناس ويشتروا 2009 لان لو غلوا 2010 زى ما بيقولوا يبقى تهريج

رايحه على فين يا بــــــــــــــــــــــــ ـــــــــــــــــــــــــ ــــــــلد !!!!!!!!!!

**asd7778** · 20-12-2009 01:54 PM

والله يا جماعة اعتقد موضوع زيادة السعر دى فبركة من هوندا عشان الناس تشترى الاستوك الى موجود دلوقتى
موضوع تعديل التعريفه الجمركيه حيكون لجميع السيارت فى مصر وليس الاوربى
انا عارف ان المعلن اه حيكون لدول الاتفاقية الاتحاد الاوربى (ومنها التشيك على فكره)
بس الى حيحصل فى اول السنه انه القرار حيكون لكافة السيارت
لان التخفيض الجمركى للسيارت حيكون سياسه عامه مش مجرد اتفاقيه
طبعا فى المقابل حيكون فى زياده فى اسعار البنزين 92 و95
والترخيص حيكون مبلغ محترم
التأمين الشامل لكل السيارت حيكون اجبارى
نظام غرامات مرور اشد
ضرائب فى الترخيص تعلا
ده توقعى
بس موضوع الجمراك ده بالعقل لازم يحصل والا الكورى واليابانى يقفل احسن ويقعدوا فى البيت
البديهى ان اسعار السيارات تكون فى النازل
بس مش حنحس بالموضوع الا كمان خمس سنين وبالذات 2000 سىسى فيما فوق
اى توكيل حيرفع السعر حيكون اقل شئ اهبل
لان سياسيه الدولة خفض جمارك مما يعطى السوق الانطباع العام لتخفيض السعر
وطبعا نزول السعر يؤدى لمبيعات اكبر فهامش ربح الوكيل الكبير جدا جدا حاليا لازم يقل
المنافسه الان حاميه جدا
الكورى رفع مستواه جدا واصبح منافس خطير لليابانى
الاوروبى بدأ يشد فى مصر
فلا مجال لرفع سعر فى سوق وصل لاقصى اسعاره فعلا
الموقف الان النزول او الثبات اما رفع فأعتقد لا
وطبعا لا ننسى ان مصر بلد ذو خصوصيه
يعنى فى النهايه ممكن يحصل بردوا فيها العجائب

**kareemhisham** · 20-12-2009 02:08 PM

المشاركة الأصلية كتبت بواسطة human12

لو خلوها ب 200 الف برضه الناس بتشترى

+1111111111111 ..

اكبر و اهم مشكلة فى السوق .. و المخلية التوكيلات سايقة الهبل على الشيطنة ..

الياريس توصل ل114 و الناس تشترى ..

السيفيك توصل ل150 و الناس تشترى ..

و التريوس توصل اقل فئة ب120 و توصل لمية حاجة و اربعين .. و الناس بتشترى عادى جدا

و طبعا غير حاجات تانية كتير ..

يبقا التوكيلات حقها تعمل الهى عايزاه و محدش يقدر يلومهم

**wal** · 20-12-2009 03:08 PM

الفورد فوكاس هى كمان سعرها زاد 3 الاف جنيه على كل فئة يعنى اللى كانت ب150 الف بقت ب153 الف علشان لمايبدا التخفيض من شهر ينايرترجع السيارة لسعرها الطبيعى لان التخفيض تقريبا هيكون فى نفس الحدود 3 الاف جنيه