اخوانى الأعزاء
ارجو ان تدلونى على تكييف لعربيتى الماروتى موديل 2007
ويتكلف كام
واركبة عند مين
اشكركم
عرض للطباعة
اخوانى الأعزاء
ارجو ان تدلونى على تكييف لعربيتى الماروتى موديل 2007
ويتكلف كام
واركبة عند مين
اشكركم
أخي الكريم
ماروتي أيه بس اللي أنت عايز تحط فيها تكييف ؟؟؟؟؟؟؟؟؟؟؟؟؟
أنت كدا تبقى حكمت على العربية بالإعدام
أولا السيارة 800 سم مكعب ( سي سي ) فقط ........ أي أنها ضعيفة و لن تستحمل تكييف
أنا لا أعرف إمكانية تركيبه من عدمه و لكن حتى لو ينفع يتركبلها تكييف
هاتستهلك بنزين كتير ........... المحرك هايضعف جدا مع عمل التكييف ........... عمر المحرك سيقل كثيرا
أحسن سيارة يركبلها تكييف لا تقل عن 1300 سم مكعب و هذا على الأقل ........ الأداء الجيد من السيارة بتكييف بيكون في عربية 1500 أو 1600 سم مكعب
و في النهاية نصيحة لوجه الله ......... ما تركب تكييف فيها :o:o:o:o
يا جماعة ياريت حد يفيده يركب تكييف فين ومحدش له دعوة بتسارع العربية الراجل هيركبه ولما يحتاجه هيشغله ولما مش هيحتاجه هيطفيه والعربية هتبقا بتسارعها الطبيعي...رجاء أفيدوه اذا حد عنده معلومة يركب فين
يا أستاذ شوقي ......... الراجل بيسأل سؤال و بيأخد رأينا و ده هو وظيفة المنتدى
و الراجل عايز يعمل حاجة هاتدمر الموتور و أحنا بننصحه و لا نقوله على الغلط ؟؟؟؟؟؟؟؟؟
العربية موتورها ضعيف جدا جدا على التكيف و أنا أشك أصلا إن ممكن يتركبلها تكييف و الله أعلم
و نصيحتنا علشان الراجل يحافظ على فلوسه و عربيته و المسألة مش مسألة تسارع بس و لكن عمر العربية و المحرك و أيضا التسارع اللي هايضيع خالص معاه و الأهم الموتور اللي عمرها هايتأصف بسبب التكييف
الراجل وصلته النصيحة فعلاً فاضل حد يفيده فين يركب التكييف
الدايو ماتيز 900 cc كانت بتنزل بالتكيف عادي، المهم ان يكون التكيف اللي هيركب على العربية مناسب لسعتها اللترية لان التكيف اللي هيركب على ماروتي 850cc غير اللي هيركب على سوناتا 2400cc.
المهم اخي الكريم صاحب الموضوع افضل الانواع الموجودة بمصر هي ساندن الياباني اتصل بالدليل وخد تليفونات توكيل ساندن وركب هناك.
انا مش هاركب التكييف على موتور العربية لانى عارف انه بيهلكها
انا هاركبة على موتور منفصل 50 سى سى بتاع موتوسيكل صوغنون
وكنت جربت الموضوع ده من حوالى 8 سنين فى عربية رينوا بتاعه صديق ليا ولسه للنهاردة شغال بكفاءة وما حصلش له حاجه خالص
جبت موتور ماكينة رش مبيدات اللى بتتشال على الظهر من اول شارع السبتية على الشمال وشيلت طمبورة الكرنك بتاعتها
وخرطت طمبورة سير التكييف عند الخراط وركبت الموتور فوق الكمبريسور وكان بياخد بنزين من تانك صوغنون بلاستيكى هو بتاع ماكينة الرش فيه 5 لتر فقط ووصلت الشكمان الصوغنون بتاعه على ماسورة شكمان العربية الاصلية كانت مشكلته فقط كيفية الادارة لانه طبعا كان بيدور يدوى
مرت حبل الادارة بيد بخرم صوغنون اسفل التابلوه يمين كان لما يحب يشغل التكييف يفتح زر علشان الكهرباء تمر للموتور ده ويشد اليد فتنور لمبة خضراء بالتبلوه دليل تشغيل المحرك وبعدين يسيبة دقيقتين يسخن وبعدين يشغل التكييف ويعيش
بس انا عندى هاجيب موتور بمرش من المواتير الصينى الموجودة
اتمنى ان الفكرة دى تعجبكم وانا مستعد اساعد اى حد عايز ينفذها
اشكركم
م/ ناصر زكريا
ايه يعم ده متعملنا عربية مصرى وتخلص :d :d
نفسى فعلا اعمل عربية بايدى من الألف للياء
لكن صعب انا مهندس سيارات وعارف ان استثمارات صنع سيارة مصرية كتير اوى
وما حدش من اللى بيرموا فلوسهم فى بورضات اوروبا او امريكا او بيحطها فى بنوك سويسرا هيدى حد فى مصر
مليم احمر يستثمرها فى صنع سيارة مصرية
الحمد لله على كل شىء
واشكركم على ردودكم
للاسف اخى العقول المصريه بخير لكن مش لاقيها اللى يقدرها
نعمل ايه فى بلدنا اللى بيتحكم فيها المال والسلطه وكلاهما نفسى وبس وان شاء الله البلد تولع مش مهم
حسبنا الله ونعم الوكيل
بصراحة انا الفكرة دى بتدور فى دماغى من زمان هل نجحت التجربة و كلفتك كام ؟ و عملتها فين؟
أرجو الإفادة
يا جماعة تكييف الماروتى بيركب عادى و الموديلات القديمة منها كانت بتنزل بتكييف والى الان الالتو ال 800 فيها تكييف و بيتركب عند اى حد بتاع تكييف كويس و بيتكلف من 2.5الى 3 الف ج
واكتر واحد مشهور فى الموضوع دة (المهندس كار ) فى طريق مصر اسكندرية الصحراوى ..و مبيأثرش فى العربية للدرجة الكبيرة لكن طبعاً بتحس بية
الله ينور عليك والله فكرة حلوة
هل حضرتك ركبت التكيف ولا لسه ؟
و ايه رايك فيه
لسه واللهى ما ركبته ما حدش رد عليا وقالى اركبة فين والتوكيل ما عندهوش
ممكن تشوف ساندن اللي في المعادي شارع النصر و ممكن عند مقار الدقي في اخر شارع التحرير
el motoorr da gbtkobekaam ?? w meann w walahi enta mashi2 allah 3alik 3abkryy fekraa momtazaaa :)اقتباس:
انا مش هاركب التكييف على موتور العربية لانى عارف انه بيهلكها
انا هاركبة على موتور منفصل 50 سى سى بتاع موتوسيكل صوغنون
وكنت جربت الموضوع ده من حوالى 8 سنين فى عربية رينوا بتاعه صديق ليا ولسه للنهاردة شغال بكفاءة وما حصلش له حاجه خالص
جبت موتور ماكينة رش مبيدات اللى بتتشال على الظهر من اول شارع السبتية على الشمال وشيلت طمبورة الكرنك بتاعتها
وخرطت طمبورة سير التكييف عند الخراط وركبت الموتور فوق الكمبريسور وكان بياخد بنزين من تانك صوغنون بلاستيكى هو بتاع ماكينة الرش فيه 5 لتر فقط ووصلت الشكمان الصوغنون بتاعه على ماسورة شكمان العربية الاصلية كانت مشكلته فقط كيفية الادارة لانه طبعا كان بيدور يدوى
مرت حبل الادارة بيد بخرم صوغنون اسفل التابلوه يمين كان لما يحب يشغل التكييف يفتح زر علشان الكهرباء تمر للموتور ده ويشد اليد فتنور لمبة خضراء بالتبلوه دليل تشغيل المحرك وبعدين يسيبة دقيقتين يسخن وبعدين يشغل التكييف ويعيش
بس انا عندى هاجيب موتور بمرش من المواتير الصينى الموجودة
اتمنى ان الفكرة دى تعجبكم وانا مستعد اساعد اى حد عايز ينفذها
اشكركم
م/ ناصر زكريا
المحرك ده كان محرك ماكينة رش مبيدات المحموله على الظهر
وكان ايامها ب 350 من شارع السبتيه عند بتوع اماكن ده فى الشارع الموازى للنفق على نصيته فسخانى
وعملت طنبورة عند خراط هناك كلفتنى ايمها 15 جنيه
وعملت له براكت تثبيت وسير بحوالى 20 كمان وخلص الموضوع
أعتقد دلوقتى فى ظل الغزو الصينى هيكون ارخص من كده لانى اللى جبته كان كوبوتا يابانى
امبارح رحت لمحمد يحى اللى موجود فى اول شارع احمد عرابى خلف مسرح البالون كان مركب تكييف لماروتى زيرو رحت وقفت مع صحاب العربيه وكلمته وقولتله اخبار التكييف ايه قالى ادخل العربيه واحكم دخلت العربيه يا جماعه لقيتها تلاجه من جوا كان لسه مركب التكييف ولسه هيجربها
المشكله اللى لاحظتها فعلا صوت الموتور عالى زى ما يكون شادد فلتر البنزين كلت الميكانيكى قاللى لسه بظبطها صاحبها خدها يجربها ومازل الصوت عالى
ياريت يا micro تتابع معاه لو قدرت و تقولنا اخر الأخبار
و الحقيقه الموضوع مفيد و جامد جدا . شكرا لصاحب الموضوع و الأعضاء المشاركين
انا مكنتش اعرف الزبون بس الراجل اللى ركب التكييف دا شاطر وعليه اقبال اوى
سعر التكييف بالتركيب 3000 جنيه تكييف ساندن يابانى
ولما كلمته عن مشاكل التكييف قالى التكيف حمل شخص معاك جوا العربيه يعنى لو مركب 3 يبقى العربيه تسحب بمقام 4 راكبين جواها
والتكييف بيستهلك بنسبه 10 الميه مالبنزين
بس دا بيخرج برا الضمان يا جماعه التوكيل نفسه بيقولك روح ركبه فى بافاريا
tyb howa el motor da leeh sott zay bt3 el rashashaat daa ?? ya3ni sotoo 3aliii ????اقتباس:
المحرك ده كان محرك ماكينة رش مبيدات المحموله على الظهر
وكان ايامها ب 350 من شارع السبتيه عند بتوع اماكن ده فى الشارع الموازى للنفق على نصيته فسخانى
وعملت طنبورة عند خراط هناك كلفتنى ايمها 15 جنيه
وعملت له براكت تثبيت وسير بحوالى 20 كمان وخلص الموضوع
أعتقد دلوقتى فى ظل الغزو الصينى هيكون ارخص من كده لانى اللى جبته كان كوبوتا يابانى
لأ مالهوش لانك بتعمل وصله منه لشكمان العربية الاصلى
ana gbt el motor be 230Le bss fe 7aga enta rakbt takiif 3arbya eih ??? ana 3aiiz agyb b2a takif yb2a tamam lel 3arbya ya3ni y5liha sa23aa kwyiss 3shan 5alas kda b2a el ta7mill mesh 3ala el motooor :Dاقتباس:
لأ مالهوش لانك بتعمل وصله منه لشكمان العربية الاصلى
على فكرة الماروتى ليها تكييف وبينزل مع العربيه لكن اللى فصر مافيها نكييف والدليل على كدة ان المستورد منها فيه تكييف وانا شفته بنفسى فيها تكييف اصلى
ما شاء الله
فكرة راااائعه
السلام عليكم
السادة الأفاضل بخصوص تركيب تكييف للماروتي
بما اني كنت شاريها زيرو موديل 2002 وركبت لها تكييف
الموديل اللي في مصر لا يصلح نهائيا لتركيب تكييف علي موتوره
لأنه 6 صباب أما الموديل الآخر اللي بالتكييف الأصلي بيكون موتور 9 صباب
ده الفرق الأساسي اللي أنا ماعملتش بيه وركبت دماغي وركبت برضه تكييف
وللأسف بعد حوالي سنة بالظبط العربية جابت موتور وعملت لها عمرة بس كانت نص نص
وماكملتش كام شهر والموتور بقي خشن أوي وعاوز عمرة تاني واللي إشتري مني العربية بايعهاله علي أنه حيشتري لها موتور إستيراد
لذا أعمل أي حاجة تاني حتي لو كنت حتركب لها تكيف يونيون إير شباك المهم إبعد عن موتورها
أنا الصراحه محتار ناس تقولك لا ماينفعش يركب تكييف وعن تجربه زي الأخ sv065 وناس تقولك ده أنا مركب لها تكييف وزي الفل و100100 وعن تجربه انا مش عارف أيه الحكايه بالضبط .
أنا رأئي مركبلهاش تكييف ... انا شوفت ناس كتيرة مركبة مروحة بتلف يمين وشمال .. هي مروحة صغيرة كده زي الي بيتحطوا في الحيط بس صغيرة وبتلف برده أعتقد دي تعمل شغل كويس وعلى قد الماروتي ..
بس السؤال المروحة دي بتركب عند مين؟ وبتتركب ازاي؟ ومحتاجة ايه؟ وبتكلف كام؟
برضه ماحدش رد انا مش عارف أحسم موضوع تكييف الماروتي ده وهل ياترى ينفع يركب في التوكيل ولو ركب في التوكيل بيبقى عليه ضمان ولا لأ ؟؟؟؟؟
يا جماعه انا قلت رأى قبل كده فى الموضوع ده
هاتو محرك مووسيكل 50 سى سى وركبو عليه طنبورة الكمبيرسور ويخلص الموضوع ده ويبقى مالهوش دعوه تماما بمحرك السيارة
وبسم الله ما شاء الله حوض الماروتى واسع يشيل المحرك ده وترتاحوا للابد من موضوع التكييف