الـ Abs و الـ Air Bag مش مهمين في بلدنا!!

الكلمه دي سمعتها كتير قوي من اخوه هنا في المنتدى و هما بيقارنو عربيات ببعض... لأن الناس مفترضه ان الـ ABS ده للبلاد اللي فيها جليد!! او علشان احنا الطرق عندنا مبتسمحش بسرعات عاليه فبالتالي النظام ده مش مهم.

امبارح بعد ما رجعت من الشغل لقيت زملاء بيتصلو بي و بيبلغوني ان 4 من العاملين معانا في الشركه عملوه حادثه بالعربيه و همه مروحين.. و دي صور العربيه بعد الحادثه

http://www3.0zz0.com/thumbs/2007/12/01/09/70638972.jpg

http://www3.0zz0.com/thumbs/2007/12/01/09/32171942.jpg

http://www3.0zz0.com/thumbs/2007/12/01/09/71240912.jpg

و دي صوره الطريق اللي كانوا ماشيين فيه
http://www3.0zz0.com/thumbs/2007/12/01/09/43204526.jpg

اللي حصل انهم كانو مروحين و فيه عربيات نقل واقفه على الجنبين... و بعدين لما قربوا من العربيات دي عربيه منهم اتحركت فجأه علشان تقطع الشارع.. فزميلنا استعمل الفرامل.. و لكن مع الأسف العربيه اتزحلقت مسافه كبيره و مكنش ليه اي سيطره على اتجاهها لغايه ما دخلت في مقطوره كانت راكنه على جنب و حصل اللي في الصوره.

الطريق كان مندي و اللي بيزيد من خطورته البري اللي بينتج من كاوتشات العربيات النقل الكتير المتواجده في المنطقه دي و مع الندي بيكون مركب خطير جدا يخلي اي عربيه تفرمل تتزحلق حتى لو كانت ماشيه بسرعه 50 كم/س

مين فيكو مبيعديش على طرق زي دي باستمرار؟؟ مين مبيقابلوش بقع زيت؟؟ ميين مقابلوش قبل كده ملف فجأه و كان على الأسفلت ميه او رمل؟؟

يا ترى لسه هنقول ان الحاجات دي مش مهمه و مش محتاجينها في مصر؟؟؟ يا ترى لسه هنقول ان دي اضافات عملوها المصنعين علشان يكسبوا مننا اكتر؟؟

الخبر الحلو ان الحمد لله الزملاء 3 منهم خرجو من المستشفى باصبات طفيفه... و الرابع 24 ساعه تحت الملاحظه و ان شاء الله يخرج بالسلامه.

ربنا ينجينا جميعا و يحفظنا.

أولا حمدلله على سلامة زملائك والحمد لله الحادثة مش جامدة

طبعا نظام الـ ABS من اجمل واهم التكنولوجيا اللي اتطورت في العربيات وفيه فيديو جميل جدا على اليوتيوب بيوضح نظام الـABS بوضوح ومدى اهميته الشديدة وطبعا واضح ان الكلام مش مرتبط بالأرض الثلجية فقط :

http://www.youtube.com/watch?v=xd5KDvXbE3M

وعلى الجنب تحت عنوان Related Videos فيه شوية افلام تانية متعلقة بموضوع الفرامل ABS برضه

سواء ال ABS او ال airbags دي انظمة امان ما فيش عربية واحدة تنزل امريكا ألا لو فيها الحاجات دي و الكلام دة يمكن من ال ثمانينات

اقتباس:

---

المشاركة الأصلية كتبت بواسطة Ahmed Hassan

الكلمه دي سمعتها كتير قوي من اخوه هنا في المنتدى و هما بيقارنو عربيات ببعض... لأن الناس مفترضه ان الـ ABS ده للبلاد اللي فيها جليد!! او علشان احنا الطرق عندنا مبتسمحش بسرعات عاليه فبالتالي النظام ده مش مهم.

امبارح بعد ما رجعت من الشغل لقيت زملاء بيتصلو بي و بيبلغوني ان 4 من العاملين معانا في الشركه عملوه حادثه بالعربيه و همه مروحين.. و دي صور العربيه بعد الحادثه

---

اولا الحمد لله على سلامة زملائك و ربنا يكرم الزميل الرابع و يقوم بالسلامة ان شاء الله ,ربنا ستر الحمد لله , اذا كانت السرعة اكبر شوية كان ممكن النتيجة مختلفة , الحمد لله .

انا شخصيا باعتبر ال ابى اس و الاير باج دة من اهم الاخترعات فى السيارات بعد اختراع المتورو العجلة , و بالاحصئيات الاتنين دول انقذو ارواح كتير , طبعا الاعمار بيد الله , بس احنا لازم ناخد بالاسباب طبعا , و اى تطوير يساهم فى امان الراكب اعتقد لازم كلنا نهتم باضافة على السيارة .
هى الا اى بى اس فى البداية فعلا كان استخدمها على الطرق الزلقة و الجليد , بس الموضوع تطور و اصبحت مهمة لاى طريق , اهم حاجة فى فكرة الا بى اس انها بتمنع الفرامل انها توقف العجل فجأة و دة بيدى فرصة للسائق انة يتحكم فى اتجاه السيارة بعد الفرامل , يعنى و انت بتفرمل فى سيارة عادية العجل بيتوقف تمام و بتفقد السيطرة علية فى مسافة التوقف , و اللى بتكون كبيرة لو السرعة علية , انما مع الاى بي اس العجل بيتوقف فى نفس المسافة او اقل لكن بتقدر تتحكم فى اتجاة , هو الاى بى اس بيعمل اية هى عبارة عن فرامل عادية بس الجهاز
بيقوم بعمل نبضات تقفل الفرامل و تفتحها بسرعة كبيرة , بتقوم بتوقيف السيارة و لكن بتدى فرصة للعجل انة يتحرك كمان عشان يحافظ على الاتجاة , طبعا دة كمان بيحافظ على اتزان السيارة اثناء الفرملة , فى تحسينات و اضفات كتير اتعملت علية , و معظمها كانت فى
المجسات اللى بتقوم بتقدير مستوى الانزلاق على كل عجلة , و كل دة بيروح لكمبيوتر بيقوم بضبط الفرملة على كل عجلة حسب احتياجها و حسب الموقف .
اختراع مهم جدا و حيطور كمان و كمان , و ربنا ما يحوج حد لاستخدامة لكن هو مهم جدا خصوصا مع السرعات العالية دلوقتى .

اما الاير باج فدة مش محتاج كلام لان واضح اهميتها فى الحوادث طبعا .
اهم حاجة بقى ان اللى راكب يكون عندة ثقة فى قضاء الله و ما يتخيلش ان الاجهزة دى حتحمية من حاجة , الفكرة هى بس اننا بناخد بالاسباب , انما اللة هو اللى بيحفظ و هو اللى بيحمى و هو اللى بيستر .

انا طول عمرى بقول ال Abs و الأيرباجز مهمين جدا جدا

اقتباس:

---

المشاركة الأصلية كتبت بواسطة wawoo

انا شخصيا باعتبر ال ابى اس و الاير باج دة من اهم الاخترعات فى السيارات بعد اختراع المتورو العجلة , و بالاحصئيات الاتنين دول انقذو ارواح كتير , طبعا الاعمار بيد الله , بس احنا لازم ناخد بالاسباب طبعا , و اى تطوير يساهم فى امان الراكب اعتقد لازم كلنا نهتم باضافة على السيارة .
.

---

+10000000000000000000000000000000000

انا عربيتي مفيهاش Abs هل يمكن تركيبها ام انها بتنزل مع العربية

لأ مع الاسف مبيركبش.. لازم العربيه تكون نازله بيه

اقتباس:

---

المشاركة الأصلية كتبت بواسطة Ashraf A.Kader

انا عربيتي مفيهاش Abs هل يمكن تركيبها ام انها بتنزل مع العربية

---

ممكن بس مكلف فى حدود 4 إلاف جنية وفى موضوع فى المنتدى كنا أتكلمنا فية بأستفاضة فى الموضوع دة

مش ممكن الا لو العربيه الي عايز تركب فيها Abs فيه منها موديل نازل بيه.. و بردو هيكون صعب... و على حد علمي مش موجود في مصر

طيب واللى عنده عربيه مثلا زى اللادا 2107 مافيهاش يعمل ايه بقى ؟
امره الى الله طبعا

اقتباس:

---

المشاركة الأصلية كتبت بواسطة ibrahimsaad

طيب واللى عنده عربيه مثلا زى اللادا 2107 مافيهاش يعمل ايه بقى ؟
امره الى الله طبعا

---

لأ عنده حل سهل جداً يغير العربية :D:D:D:D

اهو ده اللى مش ممكن ابدا ماهو لو كان قادر يغيرها كان جاب من الاول يبقى الحل ايه ؟

حسب ما قيل لى من ميكانيكى أثق مليون المية فى رأيه لما كنت عاوزه يركب Abs بتاع Bmw E30 فى عربيتى القديمة اللى هيا كانت برضة E30 انه هايركب بس هيكون فى مشاكل كتير

انا ياجماعه قلت كذا مره عن اهميه الايه بي اس وكان في موضوع قبل كده عن عدم فائدته في نيسان صني وانه لولا ان مفيش النظام ده كان عمل حادثه جامده مش عارف ازاي قال كده وناس كتير وافقت معاه وانا كنت معترض
لاني اكتر واحد مجرب النظام ده قول كل يومين بيحصل حاجه وربنا بيستر طبعا وبقول الحمد لله بس هو فعلا سبب ان احنا ناخد بيه وبالذات انه نظام مفيد جدا وربنا يستر علينا كلنا