شيفروليه نوبيرا؟؟

**basm** · 20-12-2009 12:49 AM

زاد الحديث في الفترة الاخيرة عن ان المدعو منصور بصدد انتاج النوبيرا بداية 2010 بعد انتهاء عقد احتكار ابو الفتوح لها 2009
حد عنده معلومة مؤكدة؟؟

**Hosam_Optrawy** · 20-12-2009 01:39 AM

الله اعلم

بس وارد

وانا شايف انه لو حصل هايبقى فى مصلحته جدا

لان هايبقى عليها اقبال جامد

لانها أكيد هاتبقى أحسن من الأفيو

وسعرها أكيد هايبقى أقل من الاوبترا

عموما الايام مفيش أقرب منها

**Hosam_Optrawy** · 20-12-2009 03:01 AM

المشاركة الأصلية كتبت بواسطة khattab_1989

معتقدش يا أستاذ حسام علشان النوبيرا ليها مشاكل معروفة و منصور مفروض ينزل وجوه جديدة علشان يقدر ينافس في السوق .. المنافسين بينزلو اشكال جديده و كماليات اعلى و منصور هيقعد ينتج في عربيات من 10 سنين !!!!

الكلام دا نظريا جميل بس عمليا هاتلاقيه عكس كدا

لو بصيت على اللانوس هاتلاقيها شغاله الله ينور

مع انها مش وجه جديد وبقالها اكتر من 10 سنين

وليها مشاكلها برضه

ومع ذلك شغاله ملاكى وتاكسى زى الفل

يبقى النوبيرا يمشى عليها نفس الكلام

منصور بيوجه العربيات دى لفئه معينه من المستهلكين

مبيفكروش لا فى شكل جديد ولا كماليات عاليه

منزلها للى بيفكر فى حاجه رخيصه وعمليه وماتتعبوش فى المصاريف ولا فى اعادة البيع

وفى نفس الوقت اسمه راكب زيرو

عشان كدا العربيات دى ناجحه ومنتشره

**egyptianmafia** · 20-12-2009 03:15 AM

واللهِ هو لو عمل كده يبقى بجد هيقلب السوق زي مقال حسام بص على الانوس ده في ناس باعت الدايو و جابت شيفروليه لانوس

كده كده هتلاقي ناس هتقول أنا أجيب نوبيرا أحسن علشان قطع الغيار رخيصة و العربية معروفة خلاص و اضمن من الصيني

**egyptianmafia** · 20-12-2009 12:24 PM

المشاركة الأصلية كتبت بواسطة ekrami

كلام صح لو اتعملت هتبيع كتير و هتكسب الافيوا

صح هي كده كده هتبقى نفس تمن الافيوا وكمان أو ممكن أكتر شوية أي حد عاوز يجب الافيوا دلوقتي عنده الاختيار علشان يجيب النوبيرا و هي معندهاش مشكلة ال rpm

**ashraf229** · 21-12-2009 09:12 AM

لو عمل كده منصور بيه...........أكيد

هيكتسح و يصنع تاريخ جديد للنوبيرا و كأنها بنت انهاردة مش من عشر سنين ولا حاجة.......

يا أخوانا مش كل الناس بتدور على الabs ولا تعرف يعني ايه سمارت كي ولا تفرق معاه لو العربية فيها 12 ايرباج!!!!

المهم تكون واسعة و معروفة و مريحة و متجربة و تتباع بسهولة و صيانها في أي حته و بأرخص الأسعار و عند أي ميكانيكي لو عايز و الأهم من كده..........زيرو...........

**egyptianmafia** · 21-12-2009 03:12 PM

أنا لسة سائل على الموضوع ده طلع ان منصور مش هيعيد تصنيع النوبيرا ولما سألت طب ليه الانوس قالولي ان الانوس لسة بتتصنع في أكرانيا الماتور و الفيتيس و شويت حاجات بتيجي من هناك لكن النوبيرا خلاص بقت ماضي

يلا بس برده لو كان عمل كده كان هيقلب السوق