الف سلامه وفداك مليون عربيه
عرض للطباعة
الف سلامه وفداك مليون عربيه
الف شكر على المعلومات دى
هى المراية كلها فعلا
ايه راى حضرتك السقف يترش كله ولا يترش نصه و يتسحب الباقى ورنيش زى ما السمكرى بيقول
على فكرة السمكرى هو هو بتاع الدوكو اخوه عنده فرن جنبه
حاجة تانية انا حخليه يظبط الازاز الاول بس يرش قبل البربريز ما يركب ولا بعده
على فكرة انا لقيته فاكك الكراسى و فرش السقف و الارضية
هوه الحقيقه انا الى اعرفه انه الرش للجزء كله احسن من انه يسيح البوهيه((((((((((((((((((((((((( ده لو اللسحب هوه التسييح ))))))))))))))))
انما لو اقصده حاجه تانيه غير التسسيح فانا مش عارف الحقيقه
بالنسبه للزجاج يبقى يتعمل ليه برفا للتركيب وبعدين يتشال تانى ويترش تحته وبعد كده يركب فى النهايه
فك العربيه من جوه ضرورى عشان ياخد راحته
مش تقلق كل حاجه معروف مكانها
بس قولى الحادثه دى ازاى ؟؟؟؟؟؟
حاجه وقعت عليك ولا كنت نص قلبه ولا ايه
ومره تانيه حمد الله على سلمتك
يا باشا الله يسلمك انا مبحبش اقول تفاصيل الحوادث و لااسمعها بس انت الى سألت
انا كنت ماشى على الطريق الصحراوى و واحد اتحدف عليا يعنى باختصار شوية عربية كانت قدامى من اليمين يعنى كانت جنبى بس متقدم عنى بشوية خبطته و حدفته عليا و جرى و لبست انا الموضوع لانى انا الى وقفت و طلبت الاسعاف و النجدة
وربنا يستر طريقنا جميعا
قدر الله و ما شاء فعل و الحمد لله على سلامتك و على فكرة أنا سمعت أكثر من زميل بيشكروا قوى فى الورش الموجودة فى مدينة الحرفيين و بيقولوا شغلهم كويس قوى و أسعارهم مش مغالى فيها
حمدالله على سلامة حضرتك
المهم ان حضرتك بخير وان شاء الله كله يبقا تمام
والعربية ترجع زى الاول
حمدالله على سلامتك الاول
الصنايعى بيتمسك من الحساب
يعنى قبل ما يخلص يكون له عندك 25 % من الحساب مش تديله كله ولا تشيل 50 ولا 100 جنيه علشان وانت بتستلم لو فيه حاجة تعرف تظبطها
والافضل ان بتاع الدوكو يكون ما يعرفش السمكرى علاشن يعتبر بيراجع على شغله
بصراحه كتير 1000 جنيه كبدايه
انا مغير نص دايو بـ 1100 جنيه
ومغير نص خلفي اوبترا لحد الكنبه بـ 1400 او 1600 مش فاكر
الراجل ده اخره 200 جنيه بعد مايخلص الشغل كله وكان كفايه تقفل الـ 1000 جنيه بس
A.Yakout