الموضوع: تجارب الناس مع انفلونزا الخنازير

احب اشارككم لتجربة احد الزملاء فى الشغل.... و الميزة فيها انها بتوضح ان الدنيا مش ضلمة زى زمان و لازم الحميات و المستشفيات الحكومية و الكلام ده..... هو حس بالاعراض اتصل بدكتور الشركة اللى قاله متجيش الشغل و روح اعمل التحليل راح عمله فى معمل البرج طلعت النتيجة ايجابى.... بلغ الدكتور قاله اطلع على الحميات يصرفولك التاميفلو راح على الحميات بتقرير معمل البرج عملوله تحليل سريع بيطلع فى نص ساعة و ادوله التاميفلو شريط واحد قرص كل 12 ساعة و قعد اسبوع فى بيته و بقى زى الفل..... مع العلم ان الاعراض اللى اشتكى منها هى الحرارة و احتقان الزور و تكسير الجسم فقط..... الدنيا مش ضلمة زى زمان لان العلاج اصبح ممكن فى المستشفيات الخاصة للى هتحصله مضاعفات كما ان المعامل الخاصة بتعمل التحليل و حتى التاميفلو هيبيعوه قريب فى الصيدليات و بكده يبقى الموضوع فى حجمه الطبيعى لغاية ما يوصل المصل و يبقى المرض ده زيه زى اى انفلونزا عادية......