المشاركة الأصلية كتبت بواسطة abogogo
احكي ليكم موقف حصل لي , كان عندي صوت خبطه في العربيه من تحت فكنت عند قرايب لي فارحت لعفشجي مشهورعندهم اسمه اولاد محمد امام ناحية شارع البحر الاعظم في الجيزة وانتظرت دوري كان امامي 4 عربيات بعد دخول العربية على المجرى نزل الباشمهندس وفي ايده الموبيل وهو بيتكلم فيه والايد التانيا فيها دفتر زي روشتة الدكتور وبعد الفحص النظري طلع من المجرى وكتب شوية طلبات لازم اجبهم عشان يصلح العفشة وقال لي لازم بسرعة وماتمشيش بالعربية كتير لاحسن المشكلة تتفاقم وطلب 10جنيه كشف وده الى كتبة في الروشتة
1- علبة دركسيون بالبارات
2- كاوتش افيز دركسيون
3- عدد 2 مقص امامي
4- كاوتش ميزان
5- عدد 2 مساعدين امامي
6- عدد 2 بطاح مساعدين
7- شمعدان شمال
حجات معدية ال2500 جنيه طبعا الكلام معجبنيش لان الطلبات دي بتاعت عربية العفشة بتاعتها رايحة في دهيه , رحت لعفشجي تاني كشف على العربية ونزلت معاه في المجرى وقالي عفشتك زي الفل مشكلة الخبطه دي قاعدة الفتيس عايزة تطربط كويس عشان من المطبات المسامير هوت شوية وفعلا ربط القاعدة والصوت راح وخد 10 جنيه عشان كده الواحد لازم ياخد باله من اولا المظاهر الخداعة ثانيا لو عملية التصليح كبرت ووسعت نروح لصنيعي واحد واتنين وتلاتة ونسأل المعارف والاصحاب عن احسن وأأمن مكان للتصليح
وحسبي الله ونعم الوكيل