السلام عليكم و رحمه الله و بركاته,
لة سمحتم محتاج لنصيحه فى الشراء لأنى محتار بين ال Sunny و ال Yaris , انا ناوى اجيب اوتوماتيك بأذن الله و مش بتاع جرى بالعربيه خالص, فياريت تقولولى ايه ينفعلى اكتر و مزايا كل واحده عن التانيه.
الف شكر مقدما
السلام عليكم و رحمه الله و بركاته,
لة سمحتم محتاج لنصيحه فى الشراء لأنى محتار بين ال Sunny و ال Yaris , انا ناوى اجيب اوتوماتيك بأذن الله و مش بتاع جرى بالعربيه خالص, فياريت تقولولى ايه ينفعلى اكتر و مزايا كل واحده عن التانيه.
الف شكر مقدما
ياااااااااااااااااريس
شكرا للرد السريع , لكن عاوز اعرف هل فى ياريس 2010 و لا 2009 كانت اخر حاجه ؟
و ايه ميزه ال ياريس عن ال sunny ؟
بص يا سيدى..انا كنت فى نفس موقفك ده..وبفاضل بين اللإتنين دول..و الحمد لله معايا الصنى..
أولا كموتور..الياريس 1300..الصنى 1600 بنفس سعرها..كماليات أكتر بكتير من اللى فى الياريس..و تقريبا انا لما كنت بجيب كانت اليارس1300 فو أوبشانز..كانت ب106 تقريبا..
الصنى ال1600 فول اوبشانز كانت ب96 و فيها absكمان..الإتنين اوتوماتيك بس خلى بالك ان الصنى مكنتها اكبر و أقوى..
تانى حاجه..الصنى ثبات مريح جدا..مش مسألة جرى أو حاجه بس العربيه ثباتها جميل..قاعده العجل عريضه..مصنفه على إنها عربيه عائليه..شنطه واسعه و كبيره جدا...بس الكنبه اللى ورا ضيقه بعض الشىء لو انت من اللى بيرجعوا الكرسى على أخره.عفشتها ناشفه شويتين بس طبعا على حساب الثبات..و مره تانيه بقول إن الثبات مش شرط يكون للى بيجرى..لأ الثبات مطلوب فى كل الحالات.
الياريس..تختلف نوعا ما..لإنها ممكن تكون سياره مدينه..إستهالاك قليل فى البنزين بحكم صغر الموتور..شنطتها مش زى الصنى طبعا..عاليه شويه .على حساب ثبات العربيه..ناعمه جدا فى عفشتها..بحكم إنها تويوتا..
طبعا الإتنين تكيفهم ممتاز..بس يعنى بحك التعود على الصنى انا شايف ان التكييف جبااااااار..
الياريس ركبتها كام مره كده..تكيفها حلو جدا بردو...يعنى مش دى اللى نفاضل مبينهم..
إستهلاك الصنى فى البنزين عالى شويه..
لو حضرتك عايز العربيه ليك لوحدك..مش لعيله مثلا..ومش بتسافر كتير..الياريس مناسبه ليك جدا..
اما بقى لو العيله ومشوارك للشغل أو لحاجه..أنصحك بالصنى..حتخدمك ..
وربنا يباركلك فى اللى ناوى تجيبه إن شاء الله
صنننننننننننننننننننننننن ننننننننننننننننننننننننن ننننننننننننننننننننننننن ننى
من هنا لبكره
الصنى مانوال و أوتوماتيك أسعارها نزلت ContactCars | وكيل "نيسان" يخفض أسعار "صني 2010"
صني.
ياريييييييييييييييييييييي ييييييييييييييييييييييييي يييييييس من هنا لبعد بكرة
الياريس عربية حلوة و موفرة في البنزين و مفيدة للناس اللي مش بتسافر كتير و عيبها انها غالية قوي قوي قوي و متستهالش ثمنها و التوكيل اخر استعباط في التسعير . ( العربية بتتباع برة جميع الكماليات و موتور 1500 كمان وبما يعادل ثمانين ألف جنيه مصري .
الصني موتور اكبر و اقوى ... ثبات عالي و مميز عن الياريس ..... يعيبها استهلاكها اعلى شوية في البنزين خصوصا الاوتوماتيك ..صاجها أقوى .... متينة و ماسكة نفسها .....
من الآخر
لو سعر الياريس مش فارق معاك ... و عايز حاجة موفرة في البنزين و مش بستافر كتير بها و مش بتاع جري ..هات الياريس (كعربية حلوة )
لو عايز موتور أكبر و قيمة أفضل للمال المدفوع و ثبات أعلى عندك الصني .
و لو عايز ترشيحات تانية غير الأثنين دول ......... قول و أحنا تحت امرك
أولا شكرا لكل اللى رد
ثانيا ... خلونى اوضح انى بادور على عربيه اوتوماتيك ماتزيدش عن 100.000 جنيه
الصنى انا عارف انها عربيه كويسه بس بصراحه شكلها هو المشكله الوحيده بالنسبه لى
الياريس النهارده اكتشفت انها مش هاتنزل 2010 , و بصراحه مش شايف انها هاتكون حركه كويسه انى اجيب 2009 و موديلات 2010 فى كل العربيات موجوده !!!
فياريت اللى عنده توصيه يقولهالى
أتفضل في بدائل
جين 2 أوتوماتيك 90 الف جميع الكماليات ( يوجد تخفيض من 3 الى 4 الاف جنيه على عربيات برتون عموما )
بيرسونا أوتومايتك 90 الف جميع الكماليات
عربيات بروتون كلها ( جميع الكماليات - وسائل الأمان - 2 وسادة هوائية - فرامل abs , ebd - )
هيونداي نيو اكسنت اوتومايتك ( في معدل حاجة و 80 الف جنيه )
كيا ريو .... بس مش عارف فيه منها أوتومايتك و لا لاءة .
و معاهم الصني ...... دي من أفضل العربيات اللي في معدل السعر ده و يستاهلوا ثمنهم بجد
ألف شكر يا tutankhamoun , انا بس عاوز ابعد عن الصينى كله و الماليزى كمان , يعنى يا اما كورى يا اما يابانى , و طبعا الاوروبى بعيد عن السعر اللى انا محدده
الصنى عمر افتراضى اطول - صاج امتن - علب شاسيه محمله اكتر - ماتور اقوى - اكصدامات اقوى - عفشه افضل - ما بتحكش فى المطبات زى اليارس لو راكب معاك 3 ورا واعتمادية وقطع غيارها معمره قطع الغيار المعمره ميزه مشتركة
اليارس ماتور اوفر استهلاك ما هو اصغر
انعم حاجه بسيطه من الصنى
اوسع شويه من الصنى بس والباقى عيوب( مش هاقولك العدادات فى نص التابلوه والكلام ده )
اكصدامات خفيفه
صاج خفيف
ماتور مش متناسب مع وزن العربيه
ثبات تعبان
شكل وحش (بالنسبه لى) ممكن غيرى يشوف العكس
عندك يا باشا الانترا اوتوماتيك ب 99.900 وعربيه تحفه و بضمان الوكيل فكر فيها
على فكرة الماليزي ممتاز ممتاز بجد ( أنا معايا جين 2 بقالها 2 سنة معايا و تمام التمام .... و العربية بتتباع في أنجلترا و أستراليا ..... يعني دخلت أسواق جامدة مش سهل دخولها ... )اقتباس:
ألف شكر يا tutankhamoun , انا بس عاوز ابعد عن الصينى كله و الماليزى كمان , يعنى يا اما كورى يا اما يابانى , و طبعا الاوروبى بعيد عن السعر اللى انا محدده
عموما لو مش مستريح نفسيا لشئ ..... أوعى تشتريه علشان ما تتعبش نفسيا بعد كدا ...
إنما لو محتاج تطمين .......... العربية ممتازة و كقيمة مقابل سعر أكثر من ممتازة .
و بالنسبة للكوري ...... فهو ممتاز أيضا
على فكرة حضرتك متجني على وصفك للياريس قوي ....
عموما الياريس كعربية حلوة و أنا شايف أن كلام حضرتك عنها فيه مبالغة شوية زي المبالغة في سعرها من التوكيل
العربية عالية و مش بتحك في المطبات و دي حقيقية و دي من أسباب قلة ثباتها .
بس يعني أيه موتور مش متناسب مع وزن العربية ؟؟؟
العربية أصلا خفيفة جدا ...... و بتجري .... و ناعمة كمان في الجري .
متفق معاك في الثبات و الشكل المبعجر ... ( آسف لوصفي لها كذلك و لكني لا أستسيغ شكل أي سيارة تويوتا - شكلا - )
برضه حضرتك مكبر الوصف الخاص بتقفيل الماليزي ...
أيوة في عيوب تقفيل بتظهر في بعض العربيات و لكن العين على الماركة و علشان كدا التعليقات كتيرة على الموضوع ده .
و كمان مش بيظهر طبعا غير المشاكل .....
طيب خلينى اخد رأيكم النهائى فى التصفيات اللى انا عملتها دى ...
انا نويت بأذن الله انى اعلى شويه بالسعر و دى الحاجات اللى قصادى حاليا (على امل ان الاسعار تقل اول السنه :) )
Kia Cerato LX A/T for 103.000
Sunny F/O A/T Super Salon for 100.000
Yaris 2009 A/C P/S R/C A/T for 96.000
Elantra 2010 A/T for 100.000
ايه رأيكم بقى فى الاختيارات دى ... هاشترى واحده بس انشاءالله :) ... ممكن اسمع اقتراحاتكم
انا رأى ياريس ... اعتمادية وعمر افتراضى وقطع غيار متوفرة واسعارها معقولة
ونعومة مش طبيبعية
ووسع داخلى كبير
وموتور رشيق جدا مع العربية
ومش بتحك فى مطبات نهائى ...
بس خد بالك ... بالياريس انتا بتشترى city car ....
يعنى خفة ورشاقة وغرز ونعومة اخر جمال
لكن فى الصنى انتا بتشترى compact ... يعنى هتبقى افضل نسبيا خارج المدينة وعلى السراعات العالية
بص يا باشا
اولا : يعنى ايه ماتور العربية مش متناسب مع حجمها اقول لسعاتك
وزن العربية تقريبا طن وخمسين جرام وماتورها بيطلع 84 حصان يعنى الماتور ابو 84 حصان بيجر طن و50 جرام
نيص لعربية تانيه زى النيو اكسنت وزنها تقريبا برضه نفس الوزن وماتورها بيطلع 112 حصان يعنى العربيتن نفس الوزن بس اليارس 84 حصان والاكسنت 110 حصان
ثانيا :نجى بقى لموضوع تحك فى المطبات فأنا باقول لو محمله وده عن تجربة شخصيه وكان صاحبى لسه جايبتها وكل ما تحك فى المطب وشه يجيب الوان كنت راكب جمبه وراكب ثلاثه ورا
ثالثا : بالنسبة للماليزى أنا ازاى بكبر فى موضوع التفقيل هو لفظ تعبان شويه معناه تكبير امال لفظ تعبان قوى وتعبان جدا وتعبان خالص وتعبان اخر حاجة وتعبان طحن كل ديه هى الفاظ التكبير والمبالغه يا باشا لكن كلمة شويه مش من الفاظ التكبير ده لفظ تصغير
طيب يا جماعه ارجع افكركم تانى بمشاركتى دى:
انا نويت بأذن الله انى اعلى شويه بالسعر و دى الحاجات اللى قصادى حاليا (على امل ان الاسعار تقل اول السنه :) )
Kia Cerato LX A/T for 103.000
Sunny F/O A/T Super Salon for 100.000
Yaris 2009 A/C P/S R/C A/T for 96.000
Elantra 2010 A/T for 100.000
ايه رأيكم بقى فى الاختيارات دى ... هاشترى واحده بس انشاءالله :) ... ممكن اسمع اقتراحاتكم
طيب بالنسبة لرأيك عن حجم العربية .....
طيب أنت كنت عايزها تبقى كام كيلوجرام ؟؟؟؟
و على فكرة الأهم في موضوع الوزن هو العزم و ليس القوة الحصانية في المقام الأول ...
مفيش حاجة بتكون معمولة كدا و خلاص ....
كل حاجة معمولة علشان حاجة تانية .... و طن في عالم السيارات هو الوزن المقارب لكل السيارات في فئة 1300 إلى 1600 سي سي
الجين 2 ......... 1200 كجم .
الماتركس ........ 1300 كجم . ( و عربية 1600 سي سي زي الجين 2 مثلا )
الفيرنا ............ 1050 كجم . ( و دي عربية 1600 سي سي )
لوتس إليز ........... 1800 سي سي ووزنها 850 كجم فقط لا غير .......
الرك على التصميم و أنت عايز أيه من العربية .
يعني لوتس لما يعمل عربية 1800 و يخلي وزنها 850 كجم و يهتم بالعفشة و أنظمة التعليق و الثبات علشان دي عربية رياضية ...
و لما شركة زي فولكس و أسكودا و بروتون يعملوا عربيات تقيلة في الوزن ...... ده علشان دي عربيات تجارية و معمولة علشان تستحمل ... فبيحط خامات في الصاج قوية مع خامات قوية في الشاسية .
لما هيونداي تنزل فيرنا و ماتركس بنفس الموتور تقريبا و لكن واحدة وزنها 1050 كجم و الآخرى وزنها 1300 كجم
ده علشان هو عايز يعمل عربية و يوفر في مصاريفه ...... فعمل الفيرنا ......
و لما حب بعلى بالخامات ..... و يعمل عربية أحسن شوية أهتم بالخامات بتاعة العربية و طلع الوزن 1300 كجم ..
الوزن المثالي بيتحقق مع تصميم العربية و الغرض منها ............. مش على اساس الموتور بس !!!
بالنسبة لرأيك عن موضوع التقفيل و موضوع كبر و صغر فده رأيك الشخصي و أنا أحترمه .
شكرا يا باشا , بس ليه ال Cerato اختيرا موفق بس :)
الأربعة عربيات ......... ممتازين .
أنا بس معترض على سعر الياريس ...
نيجي بقى لأختيار حضرتك ...
أنا بحب الصني جدا ............. عربية محترمة قوي .
بالنسبة للسيراتو ............... و الإلنترا .......... و الصني .......... الثلاثة ممتازين .
بس أنا بميل شخصيا للصني لو الأختيار محصور بين الثلاثة دول .
و طبعا أي واحدة فيهم حضرتك تختارها ...... إن شاء الله تعجبك لأن تقريبا مفيش فروق فنية بينهم .
الثلاثة ممتازين ....
و الأهم هو الأرتياح النفسي ......... و ربنا يوفقك
يا باشا أنا مش هاجدلك بس أنا هرد عليك تانى عشان مستمع بالمناقشه الحلوه
موضوع عدم ارتباط الهورس بور بوزن السيارة مش مهم امال ازاى اهم نسبة بتأثر على التسارع (فى حاجات تانيه بس ديه اهمهم )الى هى نسبة القوة للوزن (يعنى القوة بالحصان / الوزن )
يبقى ازاى تبقى قوة الماتور مش مرتبطة بالوزن فى المقام الاول على حد قول حضرتك ؟
اما موضوع أن أنا لما قلت التفقيل تعبان شويه حضرتك بتقولى أنت مكبر موضوع التفقيل فالموضوع مفيهوش وجهات نظر خالص ده أنا باقول لحضرتك انى معترض على أن كلمة تعبان شويه ديه مش كلمة تكبير
تعبان شويه يعنى وحش حاجة بسيطة ده معنى كلمة شويه
لو كنت عاوز اقول تقفيل وحش واكبر موضوع التقفيل كنت قلت تعبان خالص مثلا
ديه نقاط الخلاف بينى وبينك والباقى متفقين فيه
:satelite:
معلوماتى ان مفيش ياريس حاليا
احتمال تنزل 2010 بس مش اليومين دول
واحتمال تتوقف خالص
عموما انتظر ليناير
وهات يا النترا يا سيراتو وسيبك من الباقى
يعنى سيبك من الصنى اليابانى وخليك فى النترا وسيراتو الكورى
ده كلام
طيب ما بنقولش الكورى وحش عشان محدش بزعل من الى عنده كورى بس صعبه لما نسكت وما نقولش وحش يتقال عليه احسن من اليابانى ده مينفعش حتى بحكم الاقدمية
يا جماعة لازم نتعلم احترام الكبير(اليابانى ) والعطف على الضغير(الكورى ) احنا عطفنا يبقى انتو احترموا هههههه
يا جماعه الياريس 2010 اتوماتك ب 106 موجوده في احد الموزعين (القصراوي) وقالي التسليم بعد 24 ساعه
انا في نفس الموقف محتار بين الياريس والصني
انا شايف الصني احسن بس خايف من الاتي:
1- الصني تكنولوجيا قديييمه موديل 2005 او تقريبا 2001 (لما ركبيت الصني 2001 الياباني ملقتش اي فرق بينها وبين الصني 2010 غير التغير الصغير في الفوانيس والشبكه اما كل سيارات نيسان الجديده فلها تابلوه مميز ومختلف عن الصني (تابلوه قديم) ممكن تشفوه في التيدا او اليفانا او السيلفي
2- احتمال كبير جدا نتفاجيء كلنا في 2011 بالصني الجديده وفي الحاله دي هيبقى مقلب كبييييير
3- الصني مش عارف ايه حكايتها في الامان ملقتش ليها اختبار تصادم
4- الصني تقفيلها مصري وما ادراك بالتقفيل المصري
5- ضيقه شويه من ورا
يا ترى اللانسر 1300 الشكل القديم ممكن تدخل في المنافسه؟؟؟
وهل في عربيه ياباني او اوربي سيدان اخرى في السعر ده
بصراحة انا عجباني الصني من الناحية العملية بس بصراحة لما بكن هاشتري زيرو لازم اخد في بالي الشكل يعني الصني شكلها من زمان زي ما هو لو عاجبك خلاص بس انا شايف ان ممكن يكون الكيا ريو الجديدة او الالنترا كويسين وكمان الماتريكس حلوة
Yaris:B4_048:
مينفعش تقارن الاتنين ببعض لان دى1300 ودى1600 لو عايز توفر استهلاك بنزين خاليك فى الياريس اما لو مش فارق معاك يبقا خاليك فى الصنى افضل لان فيها امكانيات حلوة بسعر حلو
طيب يا جماعه دي صور النيسان صني الجديده مييييييييييييين عارف يمكن تنزل مصر 2011 ويمكن يكون الخصم اللي على موديل 2010 ده سببه
2011 Nissan Sunny Neo - CarSpyShots
شوفو الصور
الياريس ثم الالنترا ثم السيراتو ثم الصني
ياريت مننساش ان الصنى 45 % مكونات مصريه لكن الياريس 100% يباني يعنى مافيش مقارنه
لو وصلت ل 100 الف وعايز عربيه عائليه وحديثه ..هات الانترا اول فئه اوتوماتيك تقريبا ب 100 الف
عربيه جميله -تابلوه شكله حديث ومميز - ماتور 1600 جبار (125 حصان ) تقريبا - استهلاك البنزين على مااسمع من ملاكها انه جيد جدا بالنسبه لفئه ال1600 على عكس الصني
وطبعا لو تعرف تجيب السيراتو يبقى احسن من الانترا ... واظن ان سعر اول فئه اوتوماتيك فيها ب 103 الف
ولو هتجيب حاجه في حدود 94 الف مثلا ..يبقى الاوبترا احسن من الصني في راي
وبالنسبه للياريس ..هي عربيه ممتاز لكن لا تستحق السعر ده ابدا وخاصه انها مفيهاش شئ مميز قوي يخليها بالسعر ده غير انها من انتاج شركة تويوتا