يا أخ metoz فيه ايه يا سيدي .... فين بس السخرية دلوقتي ...أنا بأقول كلنا اخوات والموضوع مجرد مناقشة.....فين بس الغلط اللي أنا قولتوا ؟
عرض للطباعة
ماهو الناس بتقول أجيب لانوس ليه دي فاضية و بـ70.000 طيب ما أنا أجيب A516 بنفس التمن بس فيها كذا و كذا علشان كده الناس بتجيب الصيني علشان مليانة حاجات بنفس السعر طب قولي ليه أسيب A516 واروح لللانوس
و يقولك كده كده لانوس مش قد كده فمش فارقة أجيب الصيني لكن مين الهيعيش أكتر ومش هتبان عيوب جامدة....لانوس معروفة خلاص و أي حد ممكن يصلها وقطع غيرها ممكن تجيبها من التموين هاهاهاها...
لكن طبعا حرام ادفع 109.000 في A620
لما أنا ممكن أجيب الانترا أو أبترا أو كروز
حرام ادفع 105.000 في تيجو 4x4
لما ممكن هقسط الباقي و أجيب تريوس صحيح هي مش 4x4
بس أنا اراهن ال4x4
بتاع التيجو مش جامد لدرجة أنا اروح بيها صحرا و اعيش في الدور
أنا مش ضد الصيني لكن أنا ضد العربيات الصيني الموجودة في مصر دلوقتي علشان كلهم كشك وأي كلام
لكن لو كانوا نزلوا بكفائة الكوري و ده مش صعب على الصين لكن طبعا هما بيبعتوا لينا حاجات أي كلام
وبعدين يا باشا إنت بتقول ان الصيني رخيص علشان ال dealers
التانيين واخدين باقي الفلوس في جيبهم ماهو الصيني لازم يبقى رخيص هو إنت عاوز A516 تبقى أكتر من 70.000 والله لو كانت نازلة باكتر من كده ماكانتش عملت الإنتشار ده أو مثلا لو اللانوس كانت نزلت بنفس الكماليات كانت A516 حتنيش
وكمان ماهو الصناعة الصيني مش معمرة ولا في العربيات ولا الحاجات التانية زي الكهربا و و.....
أرجع و قول لو في عربية صيني في امريكا هاشتري العربية دي علشان هناك مش بيهزروا و هيوافقو بس على العربيات الكويسة بس!!!
فعلا هو دة لب الموضوع. الناس خايفة من الصينى علشان سوايقة اللى مش تمام لكن لو كان الاخوة التجار جابو منتجات بنفس الجودة اللى تروح دول الخليج كان الوضع تغير. عندوكو مثلا العربيات البروتون ما هى ماليزى وجديدة لكن العربية انتشرت جدا لان العربية جودتها معقولة وتمنها كويس. لكن لو كان التجار نزلوا حاجات ماليزى قبل كدة وكانت سيئة كان حيحصل نفس المشكلة معاها.
المشكلة ان"الانطباعات الاولى تدوم" ومحتاجة وقت طويل جدا علشان تتغيير.
وبعدين كل صوابعك مش ذى بعضها وكل واحد حر فى اختيار عربيتة والفائدة من النقاش عرض تجارب واقعية وعرضها على الاخريين للاستفادة منها ولكل واحد مطلق احرية فى عدم الاستفادة
في حاجة كمان
اسمها First Impression
لما تروح أي interview
الراجل بيعمل حسب لل First Impression
ليك
زي الصيني.....فشل فشل زريع مع المصريين مش بس في العربيات لكن في كل حاجة اسمها صيني
هيه مش كده خالص
و مش first impression ابدا
انت عندك سوء فى المنتج نفسه و هو منتج ردئ و مصر مش من الدول اللى يهمها مصلحه المواطن المصرى فالسياره اصلا تعتبر وقيع
و بعدين مانا الI-Phone اللى معايا صينى و مش متضايق و مبسوط بيه جدا و حاجات كتيير كويسه و ممتازه و صينى
انا لنا بلاقى ماركه محترمه و بيقولى ده صينى ولا بتفرق معايا ابدا
والاستاذ اللى بيقول لو ال BMW اتعملت فى الصين و كده اقوله لأ ال BMW لو اتعملت فى مدغشقر برضه هتفضل BMW عشان ال Quality Control واحده و تضمنلك اينما كنت مستوى متقارب من الجوده و الامان و الطمأنينه و ده اللى بتفقده بشده اى عربيه المحروسه بتجيبها من الصين
انا متوقع كمان 10 ولا 15 سنه هيبقى فيه عربيه كويسه من الصين و ممكن اشتريها كمان
بس انا ماقبلش انى ابقى حقل تجارب عشان يموت ناس من بلدى لغايه ماهما يتعلموا او لغايه ما الدوله ترفع من مستوى البضاعه المستورده اللى بتوافق عليها
و بعدين بشهاده الاعضاء بيقولوا العربيات الصينى قرف يعنى ناس سايقين نفس العربيه و ناس مبسوطه و ناس لأ بس انا اعتقد ان الفرق فى ظروف التشغيل
يعنى اى عربيه الواحد يركبها الصبح يوح الشغل و يرجع اخر النهار و يركن العربيه و 50 كيلوا فى اليوم و واخد باله من الصيانه اكيد العربيه مش هيحصل فيها حاجه و مافيش حاجه يشتكى منها الا فيما ندر
و ده مش مقياس ابدا عشان يقول العربيه فله و شمعه منوره
لا حول ولا قوة الا بالله حقل تجارب مين يا استاذ انا حقولك نفس الكلام اللي قلته قبل كده هل أسوأ عربيه صيني حتكون اوحش في الامان من ال 128 ولا ال 127 ولا اي عربيه قديمه بقالها فوق ال 30 سنه و مفكتش من بعضها ولا حد مات بسببها مع ان في مثلا حاليا ناس بتقولك السيراتو الجديده بتتقلب وانتا ماشي على 100 وواحد كان حيموت و و و و مع ذلك في ناس كتير دافعت عنها و قالت كلام كويس عنها و مشوفتش حضرتك ولا استاذ مافيا هناك بتشتموا فيها عارف ليه عشان مش صيني
انما لو كان الكلام ده اتقال عن عربيه صيني كنت حلاقي اول ردود منك انتا و استاذ مافيا
حقولك من الاخر الناس اللي بتشتري اكيد بتدرس و تعرف تقارن و بتسأل
يعني انا مثلا مش معايا عربيه صيني بس ركبتها و مش اكتفيت بكده لا سألت اكتر ناس سايقينها طول اليوم اللي هما سواقين التاكسي و اغلبهم شكر فيها جدا و بعضهم قالي ملاحظات على التقفيل و العفشه انها ناشفه شويه و ممكن صفارة الفرامل لما بيجي عليها ميه لكن محدش اشتكى من ماتور ولا ثبات ولا ان الصاج بتاعها وحش ولا حتى اشتكوا من ان الكماليات اللي فيها مش شغاله كويس مثلا ودول يعني ناس اكيد بحكم انهم في الشارع طول اليوم و سايقين علطول بيفهموا اكيد بالفطره
لو اتكلمنا بقى من ناحيه الهندسه حقولك ان فعلا العربيات دي مواصفتها الهندسيه عاليه موتور كويس عزمه كويس فرامل كويسه وزن العربيه كويس العفشه متعددة النقاط اللي في ناس كتير بتشتم فيها دي نفس عفشه اللانسر اللي نفس الناس بتشكر فيها
حيكون فاضل بس حتة الاعتماديه و هل العربيه دي حتعمر ولا حيحصل فيها مشاكل و ده مش حيبان الا بعد اكتر من 3 سنين اللي هيا ضمان العربيه
وكل واحد مقايسه بتفرق يعني اللي جايب عربيه يروح بيها الشغل و مشي جوا المدينه مش حتفرق معاه اي عربيه و اللي جايب عربيه يسافر بيها اكيد حيكون اختياره في تحديد و عايز عوامل امان اكتر مثلا.
على فكره انا اصلا مجبتش سيرة ال bmw الا عشان ارد على استاذ مافيا لما قال ان لو دي اتعملت في الصين محدش حيركبها و اعتبر ان انتا رديت و قلت الجوده و كده
و شكرا ليكم و اتمنى بجد الموضوعيه في الردود
الموضوع بقى سخيف جدا!!!!!!!!
ياجماعة دي وجهات نظر لا اللي بيحب الصيني هايغير رأيه من كلام حد ولا اللي بيكره الصيني هايغير رأيه من كلام حد
وكل واحد حر في رأيه وفي قراره يشتري صيني يشتري يباني يشتري حتى بسكلته هو حر لايصح ان احنا نقلل من شأن حد على حساب حد كل واحد بس يقول رأيه وله جزيل الشكر
يا ريت الادارة ترحمنا وتقفل الموضوع ده
اهلا بيك أ/ egyptmafia
انا عايز اقول لسيادتك حاجة قبل مااجيب التيجو كنت زيك حضرتك كدة مكنتش حابب العربيات الصينى و مفكرتش ان احطها اصلا من ضمن اختياراتى نظرا للخلفية المسبقة عن جودة المنتجات الصينى اللى موجودة عند اغلب الناس و مضحكش عليك كنت عايز حاجة اعتمادية و موثوق فيها
و كنت من ضمن العربيات اللى كنت حاططها من ضمن اختياراتى التويوتا ياريس full option manualو كنت حجيبها مش علشان جربتها او حاجة كنت حجيبها بس علشان يابانى 100%
لغاية اما روحت شفتها على الطبيعة لقيت صاجها ضعيف جدا و اكصدامتها زى الكرتون دة غير اللى سمعته من ملاكها عن رداءة دهان العربية و عدم ثباتها بعد ال 100 مع ان ممكن يبقى ليها مميزات تانية زى جودة التقفيل و قوة الموتور مع انه 1300 سي سي و علوها كويس عن الارض بس حسيت ان كتير عليها اوى 94000 جنيه فصرفت النظر عنها
بالنسبة لموضوع الثقة فى العربية و انها ممكن تعيش فطرة طويلة من عدمه حقول لحضرتك تجربة بسيطة بالنسبة لموضوع الاعتمادية دة
من حوالى 11 سنة او اكتر شوية كنا بندور على عربية مستعملة (تكون منطقة حرة استعمال برة) فكان الللى موجود وقتها عندنا فى بورسعيد فى منطقة الاستثمار اوبل موديل 90/92 و هوندا 93/94 و جولف 90/ 92 و كان لسه العربيات الكورى نازلة بورسعيد بقالها يمكن سنتين او ثلاتة زى الدايو نوبيراو الهيونداى avent و accent و alentra والكيا سيفيا موديل 92/94 كانت لسه يادوب نازلة وقتها اما جربنا كل دول عحبتنا جدا الكيا سيفيا موديل 93 عن العربيات المذكورة لاسباب مختلفة اهمها ان كان سعرها قليل اوى بالنسبة لعربية بكماليتها و كان العداد عامل حوالى 65000 كيلو فروحنا جايبينها على طول(وكان الفرق مش كبير ينها و بين الهوندا حوالى 2000 او 3000 الاف جنيه مع وجود كماليات اكتر فى الكيا)
المهم الناس عندنا فى بورسعيد كانو بيتكلمو عن الكورى زى اما اغلبية الناس بتتكلم على الصينى اللواقتى
يقولك ايه حد يسيب الجولف و الاوبل و الهوندا و يروح للكورى :rolleyes2:
بقى حد عربية اسمها كيا و كمان ايه :eee: كورى
مش عايز اقلك ان العربية ماشاء الله بعد اكتر من 11 سنة استعمال هنا داخل البلد بشوراعها بحفرها بمطباتها+5 سنوات استعمال برة يعنى بقالها شغالة اكتر من 16 سنة و الحمد لله زى الفل لحد اللواقتى بالرغم من الاستعمال القاسي ليها و استعمالها احيانا كعربية نقل :fun_36_3_4[1]:
يعنى بعد كل السنين دى نقدر نقول ان بعض العربيات الكورى(مثال لذلك الكيا سيفيا) اعتمادية و يثق بها زى بعض العربيات الالمانى و اليابانى
المهم اما اتلاقيت التيجو معروضة فى معرض و كانت ال 1600 لسه نازلة قلت اما ادخل ابص عليها مش حخسر حاجة المهم عجبنى اوى شكلها و علوها عن الارض و قوة صاجها و معجبنيش قفل الابواب و انها مش فخمة اوى من جوة بس فى نفس الوقت مريحة اوى فى الركوب و كانت ب82000 جنيه
باختصار بعد اما سالت عليها و دورت فى النت لقيت ان فعلا سعرها قليل عليها اوى عليها بالنسبة لمميزاتها و عيوبها فمتردتش ورحت شاريها على طول
حضرتك يتقول مينفعش اروح بالتيجو الصحرا و كدة
للعلم التيجو دخلت الرالى مرتين قبل كدة و تخيل ايه كمان:eee: ,,,,,
كملت السباق :Oc_sun1[1]: و اخدت مراكز كمان
و كمان ايه حتدخل رالى داكار مع اضافة بعض التعديلات :B4_033:
الخلاصة ان بعض الشركات الصينى بتثبت نفسها يوم عن يوم و سنة ورا سنة
والسنين و الايام مع كثرة التجربة هى التى سوف تحكم
ال127 و ال128 ديه اسمها death trap , محدش قال عليها حاجه كويسه
عربيه و ماشيه و المفروض تتكهن من 20 سنه
مش عارف ايه اللى جاب سيرتها دلوقتى
العلم بيتطور و انت بتدفع فلوس عشان تاخد بيهم جوده و منتج كويس
اختلاف الايدلوجيه هنا حول ماذا تريد مقابل المال
عربيه واسعه و موتور اكبر و تتخلى عن الامان اللى هو متطلب اساسى دلوقتى و تتخلى عن اعتماديه ؟ و تجرب حظك فى عربيه الناس بتقول عليها قرف و نصيب
و بعدين ايوه الناس ديه بتجرب العربيات فينا
كل شويه هيغيروا لغايه مايوصلوا لمعادله جيده
و تانى مش معنى ان سواق تاكسى فرحان بيها ان هيه كويسه
نظره سائق التاكسى لا تعنيه اى شئ سوى ان السياره لا تستهلك الكثير و يدفع فيها تمن واطى
ما لسه بيشتروا لادا ده معناه ان المفروض فيه ناس فى 2010 لسه مقتنعين ان لادا فله و عربيه الناس تدفع فيها خمسين الف
طبعا كلام فاضى
لان لو هتاخد بكلام سواقين التاكسى يبقى هات عربيه 1100 ولا 124 ولا حتى شاهين
و ده بسبب المجتمع اللى احنا فيه اللى خلاك ترضى بحاجه متساويش عشان مافيش فرصه تانيه
يعنى الناس تخاف من اللوجان عشان اخوتها الكبار غاليين فى الصيانه
و ده عشان احنا اصلا مش متعلمين نعمل صيانه صح و عايزين نشترى عربيه مانصرفش عليها و تفعد 10 سنين و نبيعها و نكسب فيها كمان
المشكله كبيره يا سيدى الفاضل و فى النهايه احنا مش سوق مستهدفه من الصين ولا اى حاجه و العربيه الصينى ديه عباره عن سبوبه كبيره للشركات
و تانى حاول تقرا تعليقات الناس اللى شاريه الصينى و شوف الاغلبيه بتقول ايه عشان ماتقولشى انى مش من مالكى و الكلام ده
سواقين التاكسي مش بيهتموا بس بالحاجات اللي حضرتك ذكرتها بل بيهتموا جدا ان العربية بتكون اعتمادية و تستحمل المشاوير مش كل شوية بتفتح بقها و قطع غيار رخيصة علشان اكيد هي بتستهلك اكتر من الملاكي
و كون وجود عربيات تاكسي صيني يدل ان العربية بتستحمل
دا مرسيدس في المانيا فخورة ان ليها عربيات تاكسي عشان دا بيثبت كفائتها و قوة تحملها
سواق التاكسي كان جاي من إيه
من فيات قديمة أو أو......
هوا قدامه إيه
a516
لادا
لانوس
فيرنا
بيجو
الراجل قال أجيب حاجة فيها كماليات علشان تبقى أحسن من الباقي
وبعدين a516
اوسع من الباقيين
لكن طبعا مش هتعمر مع السواق
وبعدين أنا سألت سواق على لانوس قال لي أنا بجيب قطع غيار صيني لللانوس فمابالك بقى الراجل هيجيب حاجة صيني مضروبة علشان يحطها في عربية صيني إزاي؟
في سعودية و دبي و الكويت ........ كل دوول عندهم تاكسيات مش اقل من تويوتا كامري أو أو........
بس دوول بيبقوا شغالين تبع شركات زي تاكسي العاصمة لكن في تاكسيات عادية برده بس مش صيني زي هنا
ده حتى هنا في نقل صيني وميكروباصات صيني حاجة زفت واللهِ
ناقص نجيب حديد صيني و اسمنت صيني و بوية صيني
احنا بقينا مقلب زبالة الصيني
نفسي أشوف حملة ضد المنتجات الصيني مش الحملات الهبلة الناس بتعملها
يا استاذ Human انا جبت سيرت ال 128 عشان اقول بس انها مع انها زي منتا بتعتبرها مش عربيه الا انها اكيد مش احسن من الصيني يعني كده بالمنطق الصيني مش حتفك من بعضها زي مالكلام ده بيتقال و كان بيتقال على الكوري انه حيفك من بعضه بعد 5 سنين
بعدين انا قولت سواق التاكسي عشان اصلا كان قدامه حاجات كتير بنفس السعر
كان ممكن يجيب فيرنا او لانوس او لادا و كده بقى حيكون اسمه مش بيغامر بحاجه مش معروفه زي محضرتك عايز تقول ولا ان تمنها واطي فجابها
ايه اللي خلاه يجيب صيني لو عنده شك انها مش حتكون اعتماديه و ان تمنها فيها
في مشاركه تانيه حضرتك ذكرت فيها ال 620 و انها مش ماسكه نفسها و هيا ماشيه
يعني مثلا ماشيه بيقع منها حاجات ولا مش ثابته ولا ايه
انا ساكن في شارع فيه 3 معاهم 620 من اول مطلعت و اوتوماتيك و ملاحظتش انها متفككه من بعضها ولا دهانها اتمسح ولا بترقص و هيا ماشيه
اخيرا حقولك حاجه
سيادتك مش وصي على اللي عايز يشتري صيني او غيره
دي آراء بس مش عارف ليه بلاحظ انك بتهاجم دايما اللي بيشكر في العربيات دي و اللي يشتم فيها بتكون معاه مش فاهم ليه ميكونش في موضوعيه و ان حضرتك تسأل الناس اللي بتشكر دي ليه بتشكر؟ هل تعتقد يعني اللي بيشكر ده شغال مع ابو الفتوح مثلا؟؟؟
انا شفت هنا ناس كتير لما حد بيشتم في العربيه بيردو عليه بموضوعيه عشان يعرفوا ايه مشكلته عشان جايز تكون حاجه فرديه لكن محدش بيهاجم و اهاجمه ليه اصلا هيا العربيه دي طالعه من مصنعي مثلا و انا خايف اخسر؟؟؟
و شكرا جزيلا ليك
هيه ديه الفكره
بس انه فكر فى اعتماديه و موتور و اداء ابدا ابدا
و بعدين عشان الناس تبقى عارفه معظم سواقين التاكسيات حنيين جدا على العربيه يعنى لا حرق ولا ضغط و الدنيا راحتها خالص و تاتا تاتا على المطبات
هيه الفكره ان ساعات العمل طويله
عايز تشوف العربيه شوفها مع واحد من اللى بيسوقوا الفيرنا (رغم كرهى ليها) و ممكن يشنشها فى كام يوم
مش هجوم يا عزيزى
بس هيه انا زعلان على الوضع اللى احنا فيه
زعلان على الناس و عليا و على ولادى اللى بيجيلهم اردأ حاجه و يدافعوا عنها
يا استاذى لو الافيو (رغم ان ديه مش عربيه اصلا) ب 50 الف كنت اشتريتها و ماحدش جه جنب الصينى
الفكره ان البضاعه رديئه و توكيل مش فارق معاه المنتج اصلا و و منتج مبالغ جدا فى تمنه و مايساويش الفلوس ديه و فى الاخر من مصنع لسه بيجرب و ماعندوش معادله لسه ثابته للانتاج
يعنى حرام كل ده
ما كل الناس عارفه الافيو عامله ازاى و عندى هنا اتنين صحابى طايرين بيها السما اكنها جاجوار و كل واحد فرحان بحاجته بس هل ده يقول ان العربيه كويسه؟ لا طبعا بس بيقول ان فيه ناس مبسوطه بيها و ده شئ منطقى فى ظل تعدد الازواق
بس ان احنا نقول ان العربيه ديه تكتسح السوق او ان هيه لقيه او ان ديه حاجه فذه و الناس مبسوطه فده ماينفعش
يعنى كام واحد ممكن يتأثر بالكلام ده و ممكن يبنى اعتماده على الشرائ عشان الناس بتقول مستريحه فى عربيه انا لما اجيبها هيطلع عينى (و ناس كتير من هنا قالوا كده)
انا ماليش مصلحه اذا كانت حلوه او وحشه
انا اللى هاممنى الناس اللى ممكن تجيبها و التوكيل اللى بيمص دمى و دمك
انا زميلى معايا فى المكتب عندهم التيجو و بيندم كما اوضحت
http://www.nilemotors.net/Nile/3872151818-post52.html
http://www.nilemotors.net/Nile/image...t-top-left.gif اقتباس http://www.nilemotors.net/Nile/image...-top-right.gif
http://www.nilemotors.net/Nile/image...ot-by-left.gif المشاركة الأصلية كتبت بواسطة medo1986 http://www.nilemotors.net/Nile/image...t-by-right.gif
http://www.nilemotors.net/Nile/image...p-right-10.gif
السلام عليكم انا اخوكم ميدو انا قصدت ادخل مخصوص فى مواضيع الاسبيرانزا
ارجو الاهتمام والاستماع.اوعى تشترى اسبيرانزا حتى لو ب 10000ج انا كان معايا اسبيرانزا 2008 كنت شاريها 69000 بعتها 50 عر بيه زباله اخر حاجه ومع احترامى الشديد لصديقى اللى جايب اسعار قطع الغيار كل الاسعار دى مش حقيقيه اطلاقا اطلاقا اولا شوف اتفه حاجه فى العربيه انا غيرتها مراية الجنب ب 480ج اقسم بالله ولو مش مصدقين ابعتلكم صورة الفاتوره دى عربيه خربت بيتى عمود الدريكسيون بيخبط طلعو عينى 6مرات اروح التوكيل ويقولو صرفنالك عمود على حساب الضمان اروح اركبه يقولو طلع صغير طلع مفوت طلع مش مطابق لغاية ما ر ئيس المهندسين المهندس وليد الباجورى قالى مين صر فلك عمود قلتله المهندس اللى فى الاستقبال تصوروا قالى ايه قالى دا حمار تصورو مهندس حمار بيشتغل فى توكيل المهم عشان ما اطولش عليكم اصل انا عاشرت العربيه دى ارجو من الاستاذ اللى جايب الاسعار يشيل الاسعار دى دى مش حقيقيه مهما كانت العر بيه صينى ليه تتساوى باليابانى دى سيور الكاتينه ب 2400 اغلى من كاتينة الاوكتافيا اللى العجله فيها بعر بيه اسبيرانزا ا رجوكم ماتتسرعو فى شراء اسبير انزا بجد عاوز تتسر ع انزل سوق الجمعه الاسبيرانزا هناك عامله 12000 كيلو 40000 الف ج انا بلعن اليوم اللى اشتر يتها فيه بصراحه التوكيل فيه شوية حراميه ومش فاهمين حاجه فى شغلهم ارجوكم انا خايف عليكم انا خسرت 19000 فى اقل من سنه روحت التوكيل اكتر من 20مره يا جماعه اصبروا واختارو عر بيه حلوه بلاش اسبيرانزا عمود دريكسيون مش عار فين يعالجوه والاخر بيقولى المهندسين حمير مش بيفهمو لو دست على ظلطه اللى قاعد جمبى يقولى ايه الصوت دا قالولى دى مساعدين الهوا عاوزه تتغير بمساعدين زيت واحنا خلاص جبنا مساعدين الانسر وهنركبلك 2 هيخلو العفشه والعمود ايه زبده قلت خير ركبوهم وبجرب العر بيه والله التخيط زاد عن الاول وشوف بيوهمك انه هيركبلك مساعد يبانى هههههههههه يالهوى .....انا كدا خلصت ضميرى منكم واللى هيتسرع ويشترى ذنبه على جمبه وقطع الغيار دى اسعا رها كلها كلام فاضى انا شوفت الاسعار الحيقيه ودفعتها ومعايا فواتيرها وشكرا ............ميدو
http://www.nilemotors.net/Nile/image...t-bot-left.gif
الصينى لا يحترم ابدا
لا شكل ولا اداء ولا اى حاجه
تقفيل زباله واشكال وتصميمات عربيات ضاله
تصميمات الصينى لما تقارنها بأى عربيه فى السوق مهما كانت هتحس ان اللى صممها كان بيصمم عربية كبده او عربية فول والموضوع تطور منه لعربيه
انا مش بحترم اى عربيه صينى بإستثناء ال briliance
وسعرها مبالغ فيه جدا
ياريت الادارة تقفل المضوع ده علشان كدة بقت سخافة اوووى
انا غلطان من الاول .. فى ناس ماتستحق المناقشة و هيفضلوا طول عمرهم كدة
السلام عليكم يا اخوانا ....
بس بدون زعل كده و خلينا حلوين ....
لو كل واحد بدأ ب"انا ركبت وحصل معايا" بدل " انا واحد صاحبي جاب و بيقول" كان بقي الكلام له مصداقية اكتر بدل ما كله بيزعل من كله واحنا كلنا اخوان في الاخر.....
اكيد كل واحد نفسه يركب احسن حاجة .. بس برده يدفع اقل حاجة .. و هوه ده اللي بندور عليه best value for money بغض النظر عن جنسية او نوع المنتج عربية ولا حتي رجل كرسي....
احنا المفروض يبقي هنا هدفنا نعرف الفلوس بتاعت تمن كل حاجة بتدينا ايه ... مش نقول ده يع و ده مشتريهوش وده كخة ....
اللي عارف "مش حاسس" حاجة يقول سواء خير او شر
انما مش هتعمر و مش هتزمر و مش هتقمر ده كلام اكيد هيزعل اللي شايف انه صح لما اشتري صيني لان اللي بيتكلم بيتكلم من هوا واللي راكب شايف واقع عكس كدة
انا اشتريت صيني و الحمد لله مش ندمان و بقول ان لو ربنا كرمني ب 75000 من السما هاجيبها تاني ... لأني شايفها تساوي المبلغ ده .....
لسه في واحد عامل موضوع بيقول انه غيرولو علبة دريكسيون .... علشان بس البور صوته بيعلي في الملفات يمين .... هل كدة التوكيل وحش؟؟؟؟ بالنسبالي لا
هل المنتج وحش؟؟؟؟ جايز اه .... مع اني معايا نفس العربية و الحمد لله ماشية بربند بالرغم من انها اترزعت خبطة زي الفل ...وجايز لا لأن ممكن الزمن يثبت العكس..... يعني انا مش هاقول انها اللي ملهاش مثيل ...لا لسة ... انما لغاية حالا هيه فله معايا ما شاء الله
القصد ان احنا نخلي الكلام واقعي مش افتراضات عن احساسات.....لان كده هما بيطوروا واحنا بنركب الصابونة
و ربنا يكرم الجميع باحلي كل حاجة باقل مبلغ ممكن و ربنا يبارك للجميع
السلام عليكم
يا جماعة اصبروا على الصينى قادم بقوة
2009 Toyota Yaris adds 2 doors but still comes up short - USATODAY.com
يابانى و دور :B4_556:
من ويكيبيديا
The new Yaris is built in Japan, France, and Thailand.
اللينك
Toyota Vitz - Wikipedia, the free encyclopedia
العربية نازله بكذا اسم فيتز و يارس و ايكو و بلتا للصالون في امريكا
The Toyota Vitz a 3 and 5-door hatchback (sold in different markets as the Toyota Yaris and formerly as the Toyota Echo) is a line of subcompact cars first launched by Toyota in 1999, designed by Sotiris Kovos. In Europe, the Americas, Australia, New Zealand and South Africa, the Vitz is sold as the Yaris Liftback (or simply Yaris).
بس اللي بتيجي مصر مش مذكور اذا كانت ياباني ولا تايلندي ولا فرنساوي
لازم الواحد يتناقش بموضوعيه
و خصوصا في موضوع
العربيات الصيني ده
لانه مثار للجدل
الصيني درجات
يعني على قد فلوسك تاخد Quality
المشكله في النناس هنا في مصر علشان تكسب بتجيب ارخص خامات الصين
انما الصين تقدر تعمل الجوده العاليه بس مش عندنا اوروبا كلها صيني وانضف من حاجات تانيه
م شعارف ليه انا مشوفتش اى تعليق من أ/egyptmafia و اى حد من الاخوة اللى بيهاجمو و خلاص على المشاركة دى
اهلا بيك أ/ egyptmafia
انا عايز اقول لسيادتك حاجة قبل مااجيب التيجو كنت زيك حضرتك كدة مكنتش حابب العربيات الصينى و مفكرتش ان احطها اصلا من ضمن اختياراتى نظرا للخلفية المسبقة عن جودة المنتجات الصينى اللى موجودة عند اغلب الناس و مضحكش عليك كنت عايز حاجة اعتمادية و موثوق فيها
و كنت من ضمن العربيات اللى كنت حاططها من ضمن اختياراتى التويوتا ياريس full option manualو كنت حجيبها مش علشان جربتها او حاجة كنت حجيبها بس علشان يابانى 100%
لغاية اما روحت شفتها على الطبيعة لقيت صاجها ضعيف جدا و اكصدامتها زى الكرتون دة غير اللى سمعته من ملاكها عن رداءة دهان العربية و عدم ثباتها بعد ال 100 مع ان ممكن يبقى ليها مميزات تانية زى جودة التقفيل و قوة الموتور مع انه 1300 سي سي و علوها كويس عن الارض بس حسيت ان كتير عليها اوى 94000 جنيه فصرفت النظر عنها
بالنسبة لموضوع الثقة فى العربية و انها ممكن تعيش فطرة طويلة من عدمه حقول لحضرتك تجربة بسيطة بالنسبة لموضوع الاعتمادية دة
من حوالى 11 سنة او اكتر شوية كنا بندور على عربية مستعملة (تكون منطقة حرة استعمال برة) فكان الللى موجود وقتها عندنا فى بورسعيد فى منطقة الاستثمار اوبل موديل 90/92 و هوندا 93/94 و جولف 90/ 92 و كان لسه العربيات الكورى نازلة بورسعيد بقالها يمكن سنتين او ثلاتة زى الدايو نوبيراو الهيونداى avent و accent و alentra والكيا سيفيا موديل 92/94 كانت لسه يادوب نازلة وقتها اما جربنا كل دول عحبتنا جدا الكيا سيفيا موديل 93 عن العربيات المذكورة لاسباب مختلفة اهمها ان كان سعرها قليل اوى بالنسبة لعربية بكماليتها و كان العداد عامل حوالى 65000 كيلو فروحنا جايبينها على طول(وكان الفرق مش كبير ينها و بين الهوندا حوالى 2000 او 3000 الاف جنيه مع وجود كماليات اكتر فى الكيا)
المهم الناس عندنا فى بورسعيد كانو بيتكلمو عن الكورى زى اما اغلبية الناس بتتكلم على الصينى اللواقتى
يقولك ايه حد يسيب الجولف و الاوبل و الهوندا و يروح للكورى :rolleyes2:
بقى حد عربية اسمها كيا و كمان ايه :eee: كورى
مش عايز اقلك ان العربية ماشاء الله بعد اكتر من 11 سنة استعمال هنا داخل البلد بشوراعها بحفرها بمطباتها+5 سنوات استعمال برة يعنى بقالها شغالة اكتر من 16 سنة و الحمد لله زى الفل لحد اللواقتى بالرغم من الاستعمال القاسي ليها و استعمالها احيانا كعربية نقل :fun_36_3_4[1]:
يعنى بعد كل السنين دى نقدر نقول ان بعض العربيات الكورى(مثال لذلك الكيا سيفيا) اعتمادية و يثق بها زى بعض العربيات الالمانى و اليابانى
المهم اما اتلاقيت التيجو معروضة فى معرض و كانت ال 1600 لسه نازلة قلت اما ادخل ابص عليها مش حخسر حاجة المهم عجبنى اوى شكلها و علوها عن الارض و قوة صاجها و معجبنيش قفل الابواب و انها مش فخمة اوى من جوة بس فى نفس الوقت مريحة اوى فى الركوب و كانت ب82000 جنيه
باختصار بعد اما سالت عليها و دورت فى النت لقيت ان فعلا سعرها قليل عليها اوى عليها بالنسبة لمميزاتها و عيوبها فمتردتش ورحت شاريها على طول
حضرتك يتقول مينفعش اروح بالتيجو الصحرا و كدة
للعلم التيجو دخلت الرالى مرتين قبل كدة و تخيل ايه كمان:eee: ,,,,,
كملت السباق :Oc_sun1[1]: و اخدت مراكز كمان
و كمان ايه حتدخل رالى داكار مع اضافة بعض التعديلات :B4_033:
الخلاصة ان بعض الشركات الصينى بتثبت نفسها يوم عن يوم و سنة ورا سنة
والسنين و الايام مع كثرة التجربة هى التى سوف تحكم