يا باشا لما الصيني منتجاته تتعدل في مصر ساعتها ابقى أفكر فيها....
لكن حرام ادفع مليم واحد في الصيني دلوقتي......
[info] ولا حتى في أي حاجة صيني.....في مصر![/info]
عرض للطباعة
يا باشا لما الصيني منتجاته تتعدل في مصر ساعتها ابقى أفكر فيها....
لكن حرام ادفع مليم واحد في الصيني دلوقتي......
[info] ولا حتى في أي حاجة صيني.....في مصر![/info]
أنا بس هانقلكم حكاية من منتدى آخر عن تجربة واحد معاة نيسان صني مش معنى كدة ان الصني وحشة بس عايز اقول ان المشاكل ممكن تظهر في الغالي قبل الرخيص الكمال لله وممكن يظهر في الغالي مشاكل أكبر من اللي بتظهر في الرخيص مش هاطول عليكم...
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
سلام عليكم
بدون مقدمات كفايه قوي سلام عليكم وتكفي
بجد مش علشان انتم ناس لا تستحق اكثر من السلام
ولكن بجد لاني قرفت وبجد انا مش عارف اقول ايه
لاني يا جماعه مش شاري عربيه صيني
ولا شاريها تيواني
انا شاري عربيه المفروض ان بيتقال عليها ياباني
تقفيل ,,,,,,, مصر
بس معلشي اسمها ياباني
لكن الي بيحصل ده تهريج وربنا تهريج
لما في اول الف كيلو الفرامل تسيب وانا رايح الصيانه
واقول ماله ياواد عادي حصل خير المهم صحتك واخش التوكيل احكيلهم وبكل برود يقولولي هانصلحهالك
وبعد شويه يدهالي يقولولي كله تمام
اجي بعد كم يوم من الصيانه مكملتش اسبوع حتي
لاتقي العربيه فراملها سابت علي الطريق تاني
ليه هو انا راكب ايه باظبط
بجد يا جماعه حد يرد عليا
انا شاري عربيه صيني هي الصني نيسان صني بقت صيني وبقت معفنه للدرجه دي
دا والله حرام اقول انها صيني بقي ده الصيني عدل علي كده
والنهارده اخش التوكيل بكل هدواه ويعني بيستفذوني بس مش بحب يطلع مني العيب
يقولي سيبهالي وخدها يوم الاحد نشوف فيها ايه
او تعالي يوم الاتنين بس الصبحيه علشان ندخلهالك الصيانه
ليه هي من اسبوع كانت بتعمل ايه
بتستحمي يعني ولا كانت في صيانه بردوا
انا مش عارف ده بقي ايه الي بيحصل ده
غير موضوع الفرامل
صوت الماتور عالي بطريقه فظيعه
كمان اجي اجري بالعربيه لان عليا امتحان وطلعت متاخر من البيت من المنصوره
وعليا امتحان في اكتوبر
والمفروض انه oral (شفوي) المفروض متاخرشي
واجري بالعربيه اتلاقيها مش راضيه تزود عن 120
ليه هو موتسكل ولا ايه النظام يعني
وتوصل لل120 بطلوع الروح
ومش راضيه تزود عن كده وصوت الماتور عالي بطريقه تخليه تكره الدنيا
وخد عندكم بقي
السماعات بتطلع لخفشه كده اكنها مخرومه
وكمان الكاسيت ( كينود ) بيعلق وبيهنج اكن الشريت سف ( هو اسطوانات اساسا بس بدي مثال للسف )
وكمان المرايات واحده بتقفل قبل التانيه
لا وكمان التقفيل من جوه ..... بمعنه الكلمه اتمني المشرفين ميزعلوش دي بجد اقل كلمه نفسي اقولها والله لان في شتايم نفسي اقولها علي العربيه والتوكيل بس علشان بس محرجشي حد
لما اتلاقي من تحت التابلوه الفرش الي في الارض من الجنب مش لازم في الباب وفيه فتحه بتاعت 5 سنتيميتر وعالمه خرم كده فاتح علي الكابوت
يبقي اسمه ايه ده بقي استهبال
اصل انا لما روحت اشتريت العربيه دفعتلهم جنيه
مش 105 الف جنيه
اصل احنا بنتلاقي 100 الف كده مرمين في الشارع
علشان اروح اشتري عربيه اجي ادوس فرامل اتلاقيها سابت لا وايه بعد ما اتصلحت تاني مره تعمل كده
والله انا ماني عارف اقول ايه ولا ايه
غير بجد شتايم هاقولها كده في التوكيل والناس الي هناك ومصر كلها لان بجد اسهبال الي بيحصل ده لان حياتي مش لعبه يتحكم فيها استهبال حته مهندس ولا صيعي ولا راح ولا جه علشان ميشتغلشي بضمير
هاسيبلكم بجد الكلام
لاني هاروح يوم الاتنين والله لقلبهم الدنيا وخلي بنئادم منهم يبقي يتكلم ربع كلمه علشان يعرفوا ان الله حق
وان حياه الناس مش لعبه في اديهم
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ
ده اللينك:
تحذير:
ممنوع وضع لينكات لمنتديات منافسة
الادارة 1
ash257 إنت جايب عربية تقفيل مصري طب إنت عاوز إيه منها.....
مهوا ده التقفيل المصري....علشان كده الناس بتكره تقفيل مصري....
فـمابالك بقى....عربية صيني تقفيل مصري....هتبقى إيه.....عربية كشك !!!!!!!
زملائى الأعزاء الهدف من المشاركات فى المنتدى الأستفادة لنا جميعاً نحن أعضاء المنتدى و عليه لو أى زميل بيتحدث عن حالة فردية خاصة به هو فليس من المنطقى أن يعمم الموضوع بالكامل على سمعة سيارة قد تكون سيارة محترمة جداً لأنه من الأخر أى حالة فردية لن تدمر سمعة أى سيارة محترمة مهما حدث .
بالنسبة للعربيات الكورية و كذلك جميع الصناعة الكورية بما فيها صناعة العربيات مبنية على المواصفات القياسية اليابانية و هى صناعة محترمة وواعدة و الدايو و الهيونداى دليل على ذلك و أى صناعة مهم جداً لها لكى تنجح أن تكون مبنية على مواصفات قياسية محترمة تضمن معايير الجودة
اتفق مع حضرتك في الجزء ده
وانا لما قولت مشاركتي ماكنش الغرض منها التقليل من النيسان كعربية محترمة ولا الصني دي حالات فردية بس يا ريت العربيات الصيني كمان تتعامل نفس المعاملة
ملحوظة:
أنا مش معايا عربية صيني حاليا بس كان معايا فلاير سابقا وبعتها علشان ظروف سفري من حوالي سنتين وبفكر لما ارجع اني اجيب m11 أو لوجان أو اي عربية احس انها كويسة وقريبة من امكانياتي وتحققلي اللي احتاجة يعني ما اخدتش موقف من العربيات الصيني مع اني كان معايا عربية من اقل العربيات الصيني جودة في السوق ده حتى بطلو ينزلوها
اتمني ان كل واحد يدخل في القسم المهتم بيه مش يدخل علي قسم الصيني و الغرض من دخوله الهجوم فقط
هذا القسم او اي قسم في المنتدي له عدة اهداف
1- نقل تجارب اصحاب السيارات و تجارب التعامل مع التوكيل
2- التعريف بالسيارات التابع لها القسم و نقل اخبار و موضوعات عنها
3- الأستفسار عن السيارات التابع لها القسم سواء عن السيارة نفسها او الأجزاء الميكانيكية او اكسسوارات
فدخول الناس لمجرد التشكيك في السيارات يسبب بلبلة للأشخاص الذين يريدون التعرف علي السيارة مما ينتج عنه حكم خاطئ او اهمال للمنتدي لأنه يحس ان الناس بتتكلم بدون ادلة او تجارب مما يفقد مصداقية الموضوع و خصوصا اللي بيشتري سيارة صيني بيحتاج يعرف تجارب الناس السابقة علشان يقدر يلم موضوع السيارة اللي شايف انها مناسبة ليهز
فلازم اللي يدخل في اي موضوع يضيف معلومة مفيدة و الا فان مجهوده و مجهود الناس اللي بتابع هذا الموضوع ضائع بدون فائدة
في نقطة تانية الناس اللي بتهاجم الصيني ناسياها ان مش كل الناس معاها امكانية الشراء لسيارات كوري او ياباني و خصوصا ان الصيني متوفر منه موديلات كبيرة بسعر مناسب لناس كتيرة ما تنفعهاش حاجة صغيرة زي BYD F3 و speranza A516 و tiggo و بردوا الهاتشباك منه باسعار ارخص من اي سيارات اخري و متميز باحجام معقولة زي ال A113 و Geely panda و FRV 1300
اخي العزيز:
جميل جدا إنك تكتب مشاركتك في شكل نقط وده يسهل الرد نقطة نقطة :
1-في نقطة حضرتك نسيتها في أهداف المنتدى , وهي إن الجزء النقاشي في المنتدى هو قلب المنتدى لان الفكرة إن دي مش مجتمعات صغيرة معزولة عن بعض.. وإن تصادم الأفكار والاراء دي حاجة مفيدة للناس كلها وخاصة الناس اللي عايزة تشتري , فـاغفال النقطة دي مش في صالح المنتدى والنقطة اللي لازم تتقال هو لما حضرتك شايف إنك صح والباقيين غلط ...ايه المشكلة لما حد يناقشك فيها ... ده بالعكس .... لما حد يناقشك وإنت توضح وجهة نظرك وتثبت إنك صح حتفيد حد وكمان حيزيد ايمانك باللي إنت مقتنع بيه ....
2- النقطة اللي عايز اضيفها إن الأعضاء اللي بيشتكوا إن الحوار غير موضوعي وغير منطقي مش بيتكلموا بموضوعية ... وردهم بيبقى بيدور في دايرة إنت مالك ...احنا مبسوطين ... حد سألك رأيك ... لازم تسوق العربية فترة كافية علشان تحكم وده جملة غير صحيحة بالمرة .... على قد فلوسهـا ...يا جماعة احنا مش بنشحت واحنا اللي بندفع الفلوس ....ماحدش بيتصدق علينا ... وبلاش النظرة بتاعت الحمدلله إن احنا لاقينا عربية بالسعر ده , لإن في كل الدنيا التوكيل اللي بيدور على الزبون ..مش بيتنك عليه.
3-أما موضوع إن ده الموجود بالسعر ده ...فـلاسف ده كلام مردود لان كل عربية صيني ليها بدل البديل 10 وقلناهم قبل كده ..وممكن نقولهم للي عايز ومش حنضايق لما حد يسأل....
4-النقطة الأخرى وأشكر لك سعة الصدر ..... إن احنا لما بناقش حد , مش غرضنا مش إن احنا نضايق ملاك العربية .... بس الغرض إن احنا نوضح عيوب الحاجة للي لسة حيشتري وحاول تاني ...في ملاك العربية ربنا يباركلهم فيها ويا رب تكون فيها البركة ... ويكفيهم ربنا شر العين وشر الطريق
اللي عايز يشتري العربية ومقتنع بيها ومش فارق معاه أي عيب .... فـبرده نفس الكلام ربنا يباركلهم فيها ويا رب تكون فيها البركة ... ويكفيهم ربنا شر العين وشر الطريق
انا بوجه كلامي للي شايفها اختيار قدامه وبيفكر فيها .. فـبوضح له مساوئ العربية والمتحمسين بيشكروا فيها ..وهو عنده عقل و هو حر ...يقتنع باي وجهة نظر ..... وعلى فكرة أنا لما بنصح حد بعربية ...بقوله ادي رأي واحد شايف العربية دي كويسة ... شوف بقى حد شايف العكس واسأله ...لإن لازم يبقى في وجهتين نظر ... ومن حق كل واحد يدافع عن وجهة نظره
ومعذرة للاطاله وربنا يوفقنا للخير إن شاء الله
انا موضح ان المناقشة الهادفة مرحب بيها بس يجيب معلومة مفيدة و علي المستطاع موثوق سواء عن مزايا و عيوب السيارة و دا موجود في كل الموضوعات ما عدا الصيني
مش مجرد يقول انا قريت مرة علي النت او سمعت من سواق تاكسي مش معاه العربية الصيني او واحد معرفة من بعيد
مثال علي ذلك لما بحثت في البروتون عن الواجا لاقيت مكتوب مزاياها وعيوبها من ملاكها و مفيش حد دخل في الموضوع و قال ان الواجا ماليزي و هما علي قدهم في التطوير او الكلام دا و دا فدني جدا اني اعرف السيارة كويس و احدد قراري (انا كنت ناوي اشتريها مستعملة)
انت جبت من ناحية اللي بيتكلم عن الصيني و ما جبتش الناجية التانية اللي بيقول ان الصيني كله زبالة و عامل زي فوانيس رمضان و البريليانس اللي خدت صفر و الكلام دا
و انا قايل من تجارب الناس علشان لو انت ما جربتش العربية هتعرف ازاي مميزاتها و عيوبها لأن السوق المصري مليان اشاعات و بعض الناس بيحكم علي الشيء بمصدره فيقولك مادام السيارة صيني تبقي زبالة و لو ياباني تبقي زي الفل و زي ما انا موضح ان المنتدي هنا هدفه الأساسي هو عرض مزايا و عيوب السيارة مش مجرد المناقشة الغير موضوعية
و دا موجود في تجارب الناس اللي بتعمل تجارب الصيني و مداخلة الناس علشان مجرد يقول الصيني زبالة بتجبر العضو علي الرد عليه بالسابق (يعني انت نقلت رد الفعل و سبت الفعل نفسه) و دا اللي بتكلم عنه من الطرفين ان التجربة الخاصة بالسيارة يرد عليها اصحاب السيارة او من قاموا بتجربتها و يرد عيهم الأعضاء الأخرين في حالة ان الكلام غير منطقي
و قولي توكيل واحد في مصر مش بيتنك علي الزبون الرينو اللوجان حجز بال6 شهور و اوفر برايس و الكيا اوفر برايس 5 في سيراتو و 12 في الكارينز و التويوتا بيغلي عربياته جامد و بروتون مش متوافر عنده قطع الغيار و لازم تستني شوية و كمان غالية انت في مصر لازم نتكلم بواقعية
و رغم كده في توكيلات صيني محترمة زي ابو الفتوح و في توكيلات بتحسن من نفسها زي BYD
بردوا ما ذكرتش امثلة للسيارات البديلة للسيارات الصيني (من غير ما تذكر لو سمحت زود شوية و هات كذا) لأن في كتير من الأحيان قد يكون 50 ال 60 ال 70 الف اقصي مبلغ يستطيع توفيره سواء قسط أو كاش و يكون يه احتياجات خاصة (كمثال انا كنت بقارن اللوجان مع byd f3 لأني محتاج سيارة كبيرة تكفي 5 اشخاص كبار والدي و والدتي و اخواتي و لقيت اللوجان مش مناسبة ليا و انسب حاجة ليا لانسر او النترا او كورولا او اوبترا و دول بادئين من 90 الف جديد و 70 الف مستعمل)
و شكرا لسعة صدرك
ولإن الرد نقطة نقطة ده عجب الناس فـحيبقى ردودي كده إن شاء الله
1-مع احترامي لكل ملك العربية وأي عربية ...بس هم مش مقياس ... ال customer satisfiction ده مجرد عامل من 9 عوامل في تقيم أي عربية ...وفي أماكن مش بتاخد بيه ...لان شهادة أصحاب العربية أولا مجروحة ...ثانيا بتبقى مجرد اعجاب واحد مش متخصص ومش على أي أساس علمي ...الدنيا كلها كده .... أما موضوع إنك قريت رأي الناس وماحدش قال إنهم متاخرين في التكنولوجيا .... السؤال هو كام واحد في الشارع أو في أغلب منتديات يعرفوا العالم وصل لفين في موضوع التكنولوجيا ...ياراجل ده ناس لسة لحد انهاردة بتقولك مشتريش عربية فيها تكنولوجيا علشان التراب ....
2-أنا مابقولش أنا سمعت ...أو سألت سواقين التاكسي ...انا دايما بأقول أنا شفت أو أنا سقت ... و معنديش مشكلة مع الصين ... وزي مابأقول لو في أي نوع ياباني أو اوروبي مصنوعة في الصين ...حشتريها ...أما صيني لأ.... يا راجل ده بعد السنين دي كلها ولو سألتني ايه رأيك في الكوري , حقولك لأ برده ..... إنت لازم تكون مضطر علشان تشترها وأي بديل ياباني أو اوروبي أحسن.
3- ماحدش قال الأنواع الكويسة مفيهاش عيوب .... أبقى كداب ....بس في علم الهندسة في دايما نسبة عيوب .... جزء بيروح مع ال quality control وجزء لأ ...علشان كده كل الشركة المحترمة عندها RECALL policy لو في مشكلة كبيرة وعلى فكرة ال recall مش لازم يسحب العربية ....ده ممكن يعدل فيها في الصيانة الدورية
4-جزء من المناقشة الموضوعية سماع الرأي المعارض حتى لو مش عاجبك... لأن ده بيدي اللي حيشتري وجهة نظر مختلفة وهو حر ....أنا بأقول زبالة ...وإنت بتقول حلو ...لما إنت تقول حلو ليه وأنا أقول زبالة ليه ...هو يبقى عنده صورة كاملة وعقله في راسه يعرف خلاصه...معاك في واحد ييجي يقول زبالة ويمشي ...طنشوا يا سيدي ...كبر دماغك
5-في فرق إن العربية حلوة ... ووكيلها مش كويس.... و كل وحكل تاني كل الوكلاء اللي في مصر مش كويسين ومش بيراعوا ربنا في الناس ..... بس سؤال وده ممكن يبقى مشكلة في حد ذاته نعملها منتدى لوحدها .....دي مسئولية الوكيل بس ولا المواطن اللي مش بيراعي حقه ..ييه مكبر دماغه .
6- خيارات أخرى اتفضل يا سيدي
alto
celario
picanto
i10
verna
atos
spark
logan
lanos
كمان ولا كفاية.
مع خالص تحياتي على الحوار المتحضر
النقطة دي أنا حاحطها لوحدها
7- موضوع تقسيم العربيات بناءا على بلدها دي مش بدعة ده اللي العالم اتفق عليه
فيه 5 منطق بيعملوا عربيات , كل واحد ليه خصائص غير التانية علشان كده ال 5 مختلفين وحقولهم بترتيب الأفضل فـالاقل
1- أوروبا:
مساحة ضيقه ,سكان كتير ...جبال .. مستوى معيشة معيشة مرتفع ,متعودين على التكنولوجيا ,عندهم اقدم شركة في العالم , اسعار بترول غالية فـال عربيات هناك لازم تكون مريحة , ال handling بتاعها كويس , صغيرة , موفرة , ال HP بتاعها عالي , mpg عالي , فيها رفاهية في الإمكانيات gps و keyless entry والدلع كله
2-اليابان
نفس المشاكل متأخرين في الابحاث بتاعت العربيات عن اوروبا لدرجة إن الحاجة الوحدة اللي حتلاقيها معمولة بره اليابان بتبقى الحاجات اللي فيها تكنولوجية ,,, في ناس بتقول مبيحبش يغامروا في عربياتهم .... بس في الغالب بيقلدوا اوروبا في أغلب الحاجات .
3 امريكا
دي بقى العكس تماما ...أغلب الطرق خَط مستقيم ...مساحة واسعة ...شعب تخين .... بيحب العربيات الكبيرة وال كرسي الكبيرة ,,, وعندهم أغرب نظام بيع عربيات في العالم وهو نظام البيع التأجيري ..يعني تدفع قصة ثابت وتاخد عربية نفس النوع كل 3 سنين ... فـعربياتهم 3 سنين و بالسلامة ... وكبيرة ... سريعة في خَط مستقيم ... كارثية في المنحنيات ....
4- جنوب شرق اسيا
بيحاولوا ينافسوا الكل ...وسعرهم يكون أقل التلت ...فـده بيأثر على الجودة بشكل كبير ... وعاملين حسابهم إنهم يبيعوا للناس اللي مش معاها فلوس ...مبيعاتها اضعف بكتير من الياباني وال جودة كذلك .... بيفتقده لل R&D وبينقلوا من الياباني الليي هو نقل من الاوروبي ..فـال تكنولوجيا بتاخد 5 سنين علشان تروح اليابان و5 تانيين علشان تروح كوريا ...ومشاكلهم كتيرة من ناحية الأداء وقطع الغيار وال جدا بشكل عام
5 الصين :
لسة بدأين من 5 سنين وبيعتمدوا على التجميع من الشركات المختلفة .... وقلنا فيه كتيرفـمش حنعيده
انا مع حضرتك ان الكلام دا هو المفروض يكون بس كتير من مبيعات السيارات في مصر قايم علي تجارب الأشخاص :ma: كمثال علي ذلك اللوجان و السيراتو و البروتون و حتي الناس لما بتشتري سيارة في مصر كله بيسأل الناس اصحاب السيارة من معارفة عنها زي اللانسر و اللانوس و كمان عالميا في ناس كتير بتاخد معلومات عن السيارات من برامج متل توب جير و fifth gear و دي في تحليلها مش بيركز علي الناحية العلمية بل علي تجارب علي حلبة او بيعملولها تست
انا قلت ده كمثال و ليس للحصر و النقطة دي ذكرت في المنتدي في المقارنة بين السيارات الياباني و الماليزي
هو دا اللي عايز اقوله الموضوعية في المناقشة زي ما بردوا ذكرت لازم نذكر مزايا و عيوب السيارة مش مجرد اني اقول الصيني كله تعبان بدون ابداء السبب
انا قصدي ان الواحد لما يحدد العربية و أو الماركه دي كويسة ولا وحشة ما يجيبش كلام عجيب من هذه النوعية "العربية دي زبالة" و لعلمك حصلت كذا مرة في المنتدي ان واحد يسال عن عربية و واحد يرد و و يشتم فيها فالناس اصحاب السيارة و المهتمين بالموضوع ينكروا علي صاحب البوست و يطلبوا منه تفسير البوست طب اشمعني في العربيات الصيني بيعملوا كده " الشعب المصري للأسف بيوزن الأمور بمكيالين"
انا مقلتش ان حضرتك بتقول الكلام دا او بتعمله "مكتوبة فين اني بتهم حضرتك :girlsthink:" دا انا بتكلم عن الناس اللي بتعمل كده "كلامي كله عام:120105~352:"
بردوا العربية من الحاجات المهمة وغلو الأسعار في مصر بيضطر الواحد ابه يشتري عربية ايا كان مصدرها "مش كل واحد يقدر علي الياباني و الكوري و الأوربي"
المقارنة الحجم و الأسعار بجد ان الصيني ارخص في بعض موديلاته طبعا مع فارق الموتور و الأوبشنز
------------------------------------------------
هاتشباك
------
alto موتور 800 و 1100 عاملة من 44000 لحد 60000 (صغيرة عايزة شاب او لسه متجوز- موتور صغير- بدون كماليات)
spark عاملة 54000 (صغيرة عايزة شاب او لسه متجوز)
celario موتور 1000 عاملة من 55000 ل 70000 (صغيرة عايزة شاب او لسه متجوز)
يعني من 54 ل 70 الف لو استبعدنا الألتو ال800 سي سي
Geely panda موتور 1300 عاملة 48000 (صغيرة عايزة شاب او لسه متجوز - متور اكبر - فل اوبشن)
Chana Benni موتور 1300 عاملة 44000 (صغيرة عايزة شاب او لسه متجوز- متور اكبر - فل اوبشن)
اقل من 50 الف مع فارق قوة الموتور والأوبشن
-----------------------------------------------------------------
picanto موتور 1100 من 59900 ل 69900 (وسط)
i10 موتور 1100 من 58900 ل 71900 (وسط)
atos موتور 1100 عاملة 53500 (وسط - موديل قديم - بدون اوبشن)
يعني من 54 حتي 72 الف
speranza a113 موتور 1300 عاملة 50000 (وسط - متور اقوي - فل اوبشن)
Great Wall Peri موتور 1300 عاملة من 49900 ل 54900(وسط - متور اقوي)
idea موتور 1000و 1100 عاملة من 38000 ل 50000 (وسط - متور اقوي)
Lifan Mini موتور 1300 عاملة 52000 (وسط)
يعني من 50 ل 55 مع فارق المواتير والأوبشن
----------------------------------------
الصالون و الهاتشباك كبير
verna موتور 1600 من 65000 ل 75000
logan موتور 1600 من 55900 ل 70900
lanos موتور 1500 من 66500 ل 69990
يعني من 65 ال 75 الف مع استبعاد اللوجان الفاضية
BYD f3 موتور 1600 من 59000 ل 63000
speranza A516 موتور 1600 عاملة 67900
speranza m11 موتور 1600 عاملة 74900
Great Wall Florida موتور 1500 عاملة 66900 (كبيرة - متور اقوي - فل اوبشن)
brilliance FRV موتور 1300 و 1600 عاملة من 75000 ل 90000(صالون و مساحه داخلية كبيرة)
يعني من 60 ال 75 مع فارق الحجم والأوبشن مع استبعاد البريليانس
لما اركب موديل 2010-m11 - بسعر موديل 2002-toyota corola - ابقي بقول امين علي كلامك .... بس كسبت الضمان و في نفس الوقت كسبت العمر الافتراضي و التاريخ المرضي للعربية .... و بفرض ان العربية قطعها وحسة وده انا مش شايفه - و يا رب ما اشوفه ان شاء الله - هتبقي مش مستهلكه زي المستخدم من رجل غير رجلي.....
ولا انا بتكلم غلط......
هيه عملية دماغك ايه و دماغي ايه و كل واحد و جراءته .... و ربك هوا اللي بيسبب الاسباب
يمكن الكلام ده شكله جميل ...بس للاسف في كذا عامل حضرتك متجاهله (أو متجاهالاه)
وهما عامل العمر الإفتراضي .... يا ترى العربية دي حتعيش اد ايه ..يعني عربيات بتبقى في الحالة دي بعد سنة وسنة ونص بعد 5 حيبقى فاضل فيها اد ايه ......
وده بيقودنا للعامل التاني ...الاهلاك ... العربية دي بتخسر قد ايه من كافأتها كل سنة ...في الاوروبي 10 % ...يا ترى في الصيني كام؟؟؟؟
العامل التالت.... هو أنا بجيب عربية على أي أساس ...الكماليات ...الموتور... صحيح الموتور من أهم العوامل ..بس للاسف هو مجرد عامل ...جودة المنتج عامل...عمره .... اسم الشركة عامل ....مراكز الصيانة عامل .... انتشار العربية عامل .... عمر قطعة الغيار ده عامل ... الامان ده عامل .... الثبات ده عامل ....ال handling ده عامل .. الحجم ده عامل ... والقائمة طويلة ... وبصراحة ...أنا معايا 60 ألف جنيه انهارده ياترى حاجبهم تاني بعد اد ايه ...آه ممكن الاختيارات اقل شويتين... بس اضمن وأأمن لفلوسي ...وده المهم ...
بردوا العربية من الحاجات المهمة وغلو الأسعار في مصر بيضطر الواحد ابه يشتري عربية ايا كان مصدرها "مش كل واحد يقدر علي الياباني و الكوري و الأوربي"
لأ طبعا ... لإن غلو الاسعار ده معناه إني حادفع اللي حيلتي في عربية ....أجيب على اد فلوسي آه ... بس في نفس مبوظشي الطبخة على ألف ولا إتنين .... ولو مش حقدر أعلى ... أنزل سِنة ... المهم الواحد يحفظ على استثماره في العربية .... ده اللي أنا حاعمله ...
أما topgear و fifthgear فـالعربيات اللي بيحطها على التراك بتاعهم هي العربيات الغالية أو السريعة ...يعني عمره ماحط ford fiesta على الترك وقالك دي كويسة ولا لأ ...حضرتك بس مش متابع البرنامج كويس ...اسألني أنا ,, أنا شفت كل ال 14 موسم بتوع topgear وحاجات كتيرة ل fifthgear , العربية العادية بيتعملها يا إما review عادي يا إما بيحطوا كذا واحدة في نفس الفئة و يقارنوا بينهم .... وعامةً سيبك من البرنامج ...المواقع بتاعت البرامج دي دايما فيها تقيمات نقطة نقطة وأرقام ومتوسط ....وكذا عربية قصاد بعض
الصينى زى الفل
ومعاية a516
هالكها سفر من القاهرة الى الاسكندرية فى الاسبوع تقريبا من مرتين الى ثلاث مرات
وزى الفل
سيبك من الناس ال مش راكبة العربية
ما هي حكاية العمر الأفتراضي دي كانوا زمان بيكلموا فيها عن السيارات الكوري و الياباني لما دخل مصر
اسمحلي"انا راجل مش ست :mahf(5):" اقول لحضرتك ان طول توافر قطع الغيار و المحافظة علي العربية السيارة ممكن تعيش ل 20 سنة و في امثلة كتيرة من واقعنا لعربيات اضعف من الصيني زي 128و الهيونداي اكسيل و الشاهين "ما دخلتش اوربا علشان الأمان صفر لغاية لما وقفوا تصنيعها سنة 2004 في تركيا"
انا عاوز حضرتك تفرق بين السيارات الصيني و بعضها يعني في سيارات صيني من الجيل الأول اللي دخل مصر زي الفلاير و جيلي الفروته و المابل و ck1 كل العربيات دي ضعيفة جدا وملهاش عمر افتراضي "كان واضح عليها و هي لسه جديدة ان صاجها ضعيف جدا و خامات تقفيل سيئة" :fdsa:
الجيل التاني و منهم الجالينا و سبيرانزاa516 و الأيديا دول لهم عمر افتراضي معقول
الجيل الثالث زي BYD F3 و جيلي باندا و سبيرانزا m11 و البريليانس FRV سيارات جديدة دول من الجيل الجديد في الصيني المهتم بتطوير الأداء والتصميم و الأمان و ان كانوا اقل من الأوربي بس قريبين جدا من الكوري و حضرتك ممكن تشوفهم في المعارض هتعرف قصدي و الكراش تيست ليهم جايبين درجات قريب من الكوري
بردوا الحاجات اللي حضرتك تجاهلتها هو اساس اختيار السيارة يعني انا لو عيلة كبيرة و جبنا سيارة صغيرة ما كل ما نستخدم السيارة هنبقي قرفانين غير ان السيارة مش هتكون مصممة للحمل دا (زي الفرنا) فدا هيهلك السيارة بسرعة
بردوا كلما كان الموتور اكبر لنفس الحجم كلما كان مرتاح اكتر و محتاجش اقرص عليه علشان بشيل الحمل بتاعة و دا يطول من عمر الأفتراضي للموتور (خصوصا الماروتي و الألتو ال800 سي سي)
و انا ذكرت الكماليات في المقارنة كعامل فرعي مش اساسي و لو حضرتك لاحظت في المقارنة تفوق الصيني علي الكوري في السعر في نفس الفئة بغض النظر عن الكماليات و لكن في الأساسيات مثل الموتور الأقوي و حجم داخلي اكبر في بعض الموديلات
بردوا بعض العوامل متوفرة في الصيني زي مركز الصيانة و انتشار العربية و عمر قطعة الغيار الرخيصة "عمرها مش طويل بس هيبقي ارخص من الياباني و الكوري" و الثبات و ال handling و الحجم يعني كتير من العوامل متوفرة
طب انتا كنت مقدم الفيرنا كبديل للصيني ازاي رغم انها مش ثابتة و خطيرة في الجري و اللوجان واخدة 3 نجوم فقط في اختيار Euro-NCAP يعني زي اللانسر 98 :whtauwant: و اللانوس 2.5 نجمة فقط
لو فعلا عاوز تحافظ علي فلوسك يبقي لازم ما نبصش الا للأوربي و الأمريكي والياباني فقط و مش اي عربية ياباني كمان موديلات 2009 اللي واخدة 5 نجوم في Euro-NCAP و طبعا لو عملنا كده يبقي لازم الواحد يبدأ يدور من 120 الف فيما فوق
كل واحد له اولويات في حياته و كل واحد حاطط رينج للسيارة و مش كل واحد يقدر يزود و يجيب حاجة اعلي و وجود عربية صيني جيدة يحل جزء من هذه الأزمة و طبعا لو قدر يجيب ياباني او اوربي يبقي احسن "زي اللينيا و البرسونا لو عاوز حاجة في رنج ال85 ل 100"
طب الياباني اثبت نفسه ...إنت شايف الكوري .... يستاهل ...حقولك لأ ...حتقولي أُمّال لما بنقولك صيني تقولنا كوري ليه ...حقولك نص العما ولا العما كله ..... وال حكم مابينا هو نظرة العالم كله للياباني والكوري
[/QUOTE]اسمحلي"انا راجل مش ست :mahf(5):"[/QUOTE]
أنا آسف دي غلطة من عندي ..امسحها فيا.
[/QUOTE] اقول لحضرتك ان طول توافر قطع الغيار و المحافظة علي العربية السيارة ممكن تعيش ل 20 سنة و في امثلة كتيرة من واقعنا لعربيات اضعف من الصيني زي 128و الهيونداي اكسيل و الشاهين "ما دخلتش اوربا علشان الأمان صفر لغاية لما وقفوا تصنيعها سنة 2004 في تركيا"[/QUOTE]
لو إنت شايف إن ال 128 اللي اشتغلت 35 سنة اضعف من الصيني .... حيبقى ردي لا تعليق علشان مايتقالش إني بتريق عليك.... الاكسيل عندك حق فيها بس دي كوري .... ده الطبيعي منها بس شوف الكوري بعد 15 سنة عمل إزّي ...يا ترى الصيني حيستحمل اد ايه.
[/QUOTE]
انا عاوز حضرتك تفرق بين السيارات الصيني و بعضها يعني في سيارات صيني من الجيل الأول اللي دخل مصر زي الفلاير و جيلي الفروته و المابل و ck1 كل العربيات دي ضعيفة جدا وملهاش عمر افتراضي "كان واضح عليها و هي لسه جديدة ان صاجها ضعيف جدا و خامات تقفيل سيئة" :fdsa:
الجيل التاني و منهم الجالينا و سبيرانزاa516 و الأيديا دول لهم عمر افتراضي معقول
الجيل الثالث زي BYD F3 و جيلي باندا و سبيرانزا m11 و البريليانس FRV سيارات جديدة دول من الجيل الجديد في الصيني المهتم بتطوير الأداء والتصميم و الأمان و ان كانوا اقل من الأوربي بس قريبين جدا من الكوري و حضرتك ممكن تشوفهم في المعارض هتعرف قصدي و الكراش تيست ليهم جايبين درجات قريب من الكوري
[/QUOTE]
مفيش فرق ...لإن في أساسيات ...مازالت ناقصة عندهم ....زي مثلا مين اللي بيعمل الموتور...مفيش شركة صيني بتعمل موتورأما ال BYD فـزي ماقلتلك أنا مشوفتش عربية فيهم عدلة.... في اختبار كده جرب اعمله ...وال عربية في المعرض دوس دبرياج وجرب ادي النقلات
كده ....حتلاقي كلهم فيهم عضه ...وروح شوف أي عربية كوري اللي هي في رأيي برده متستاهلش ...واعمل نفس الكلام وشوف الفرق....
زائد حضرتك بعد ده كله مقدرتش تقول إنهم زي الكوري .... ضميرك مطوعكش .... وده اللي أنا بقوله ..هو أقل من الكوري اللي هو اقل من الامريكاني اللي هو اقل من الياباني اللي هو اقل من الأوروبي ..... اديك وصلت للي أنا بقوله من زمان وكلكم بتجدلوني فيه .
[/QUOTE]
بردوا الحاجات اللي حضرتك تجاهلتها هو اساس اختيار السيارة يعني انا لو عيلة كبيرة و جبنا سيارة صغيرة ما كل ما نستخدم السيارة هنبقي قرفانين غير ان السيارة مش هتكون مصممة للحمل دا (زي الفرنا) فدا هيهلك السيارة بسرعة
[/QUOTE]
ومين فينا ماكانش معرض إنه يشتري حاجة اقل من اللي نفسه فيها علشان الظروف..... بس في رأيي اللي ممكن أنزل فيه هو الحجم مش كفاية العربية وامانها...لان دي فلوس احنا طلعان عينينا فيها مش لاقينها في الشارع ..فـلازم بعد 5 سنين ألاقي حاجة أعرف ابيعها أو اصلحها....
[/QUOTE]
و انا ذكرت الكماليات في المقارنة كعامل فرعي مش اساسي و لو حضرتك لاحظت في المقارنة تفوق الصيني علي الكوري في السعر في نفس الفئة بغض النظر عن الكماليات و لكن في الأساسيات مثل الموتور الأقوي و حجم داخلي اكبر في بعض الموديلات
بردوا بعض العوامل متوفرة في الصيني زي مركز الصيانة و انتشار العربية و عمر قطعة الغيار الرخيصة "عمرها مش طويل بس هيبقي ارخص من الياباني و الكوري" و الثبات و ال handling و الحجم يعني كتير من العوامل متوفرة
[/QUOTE]
لأ طبعا ....العمر الافتراضي القليل باين في عربيات كتير ... بس عين المحب بقا....... وقطع غير الصيني مش رخصة لانك لما تجيب اسطوانة دبرياج كل سنة وتدفع فيها 1 جنيه وتشتري قطعة غير في الياباني مثلا ب 3 جنيه بش تعيش معاك 4 سنين إنت في الآخر كسبان ...بص على المدى الطويل يا صديقي .....
[/QUOTE]
طب انتا كنت مقدم الفيرنا كبديل للصيني ازاي رغم انها مش ثابتة و خطيرة في الجري و اللوجان واخدة 3 نجوم فقط في اختيار Euro-NCAP يعني زي اللانسر 98 :whtauwant: و اللانوس 2.5 نجمة فقط
[/QUOTE]
اختبرت ...في عندهم الفكر ...وزي ماقلتلك ال 3 نجوم كويسين مقبولة ...تدخل اوروبا أما الصيني فـلما داخلت جابوا 1 وده في أغلى واحدة فيهم ...الحاجات الرخصية مادخلش أساسا ... والفيرنا وحشة طلعها من الاختيار يا سيدي عندك من 2.5 ل 4 نجوم اختار براحتك
[/QUOTE]
لو فعلا عاوز تحافظ علي فلوسك يبقي لازم ما نبصش الا للأوربي و الأمريكي والياباني فقط و مش اي عربية ياباني كمان موديلات 2009 اللي واخدة 5 نجوم في Euro-NCAP و طبعا لو عملنا كده يبقي لازم الواحد يبدأ يدور من 120 الف فيما فوق
[/QUOTE]
كل الأوروبي وكل الياباني وأغلب الموديلات الجديدة اللي بعد 2003 في الكوري .... والمقبول هو الع نجوم فما فوق مش لازم 5 هو ياإما صفر يا إما 5
[/QUOTE]
كل واحد له اولويات في حياته و كل واحد حاطط رينج للسيارة و مش كل واحد يقدر يزود و يجيب حاجة اعلي و وجود عربية صيني جيدة يحل جزء من هذه الأزمة و طبعا لو قدر يجيب ياباني او اوربي يبقي احسن "زي اللينيا و البرسونا لو عاوز حاجة في رنج ال85 ل 100"[/QUOTE]
ماهو المشكلة إنها مش جيدة .... لو جيدة كان خير وبركة .... أنا حكرهلك ليه ... هو أنا حاخد حاجة لأ... يا راجل يعلم ربنا إن الكوري لسة بيقولوا يا هادي ...و أنا دلوقتي بقترحو عليك وأنا متضايق إن ده اللي قدامنا بس وصدقني أنا في نفس مشكلتك ...بس أنا اذيت نفسي لما قريت في العربيات ... وبقت بفهم فيها ... بس أنا حالتها ل نفسي لما ربنا يرزقني حجيب اوروبي ... حتى لو مستعمل ...ده اختياري ...ومقدرش انصحك بيه ...لأن أنا أعرف احضر العفريت وأعرف أصرفوا....ممكن إنت ممكن لأ ...ومش اخلاقي إني انصحك بنصيحة غبرة زي دي زاد إنك مش حتعملها ...
عارف الفرق بين الصيني وال يباني ايه.... زي المهندس اللي لسة متخرج ...ممكن يكون عبقري ...بس المهندس اللي عنده خبرة ... يفرق كتير .... الخبرة ليها دور كبير في موضوع العربية ...من اصغر مسمار لحد الموتور.... خبرة سنين تفرق برده
وتحياتي الحارة ليك وربنا يوفقنا ليلي فيه الخير إن شاء الله
هو الصينى مش لما بيقع بينكسر -:120105~352:
يا ريت اللى يقول رأيه يكون ركب العربيه فعلا لانه من عدم الامانه انى اضلل الناس من غير لازمه
م/نبيل
عن تجربه
بلاش الصيني
كلمة حق لوجه الله
يا جماعة انا مش عارف التحامل على الصيني بقه جامد ليه كده .. يا شباب احنا قلنا عربية معينة بتتقفل في مصر كماليتها كذا وكذا وكذا .. وخاماتها متوسطه .. واداءها كويس .. وعيوب الصناعة واردة في اي شركة .. ومعلش يعني هناخد مثال على سبيل الحصر .. السيارة التيجو:verygood: .. هاتولي شركة واحده عملت عربية بنفس المواصفات .. مع العلم ان شركة كبيرة زي دايهاتسو .. عملت عربية اسمها تيريوس .. والتيجو تتفوق عليها في كل شئ ما عدا خامات الصالون فقط .. وفرق السعر حوالي 40 الف ..زمان سنة 99 كان اللي يجيب دايو ولا هيونداي كنا بنضحك عليه .. ودلوقتي غبور مسيطر على اكتر من 34 % من السوق المصري :36_1_34[1]:.. مفيش مانع اننا نمنح الناس دي فرصة .. مع العلم ان اكبر شركات الصناعة ورموزها اتجهو للصين وفتحو مصانع ليهم هناك .. وعددهم اكبر من ان يحصى .. وبعدين في الاول والاخر لوحد قال الصيني وحش .. فا هي عربية عادية زيها زي اي عربية على أد ما تدفع فلوس هتلاقي بيها خدمات ومواصفات في العربية .. :_Alshmokh08[1]:و لا انتو عايزين تدفعو 80 الف وتركبو بي ام .. وتقبلوا فائق تحياتي:star1:
مبدئيًا : أنا مش عايز اكرر الكلام اللي اتقال قبل كده ...بس في للاسف أنا شكلي كده مضطر ...
1- استخدامك كلمة تحامل كان غير موفق ... لان الموضوع مش حاجة شخصية لأن أنا مش هجيب عربية بالمستوى السيء ده , فـال موضوع محسوم بالنسبة ليَّ شخصيا....
أُمّال ايه المشكلة ؟؟؟؟
المشكلة إن في ناس كتير فاكرة إن التوكيلات في عاملة فيهم جميلة ... ودي أول المصايب لان لو حضرتك دورت فين العربية دي بتنزل حتلاقي في الصين ومصر وكام بلد تانية .... ده يديك فكرة احنا ترتيبنا ايه في العالم ...والمصيبة الأكبر مش كده المصيبة الناس اللي شايفة إن ده أحسن حاجة وبتدافع عن أسوأ عربيات في الدنيا , اللي الناس في الدنيا كلها مردتش تشتريها ...ويا ريت بيشتروها بسعر رخيص لأ ده ب 80 ألف جنيه , لو حضرتك شايف إنه مبلغ بسيط ...الناس اللي زيي شايفين إنه كتير ... لإن حضرتك لو في انجلترا مثلا ممكن تشتري بال 80 ألف جنيه دول :
fiat 500 ---> 68,795
opel corsa ---->67,775
ford fiesta ---> 86,589
renault clio --->79,405
مش عايز أتكلم على اسعار المستعمل علشان المرارة ......بس BMW 2001 لما تبقى ب 19000 ده كتير ...
2- .. وخاماتها متوسطه .. واداءها كويس .
لأ خاماتها سيئة ... واداها أسوأ ....وتقفلها أسوأ وأسوأ.... بص على الفرق بين الباب والتابلوه من الناحيتين وشوفهم اد بعد ولا لأ .... وعصاية الفطيس اللي حتة بلاستيك لو قرصت عليها تنكسر ....
لما تقبل أي حاجة وخلاص ... توقع إنك مش حتاخد أي حاجة ... لانك قبلت إنك تاخد أسوأ حاجة من الأول....
3- مع العلم ان شركة كبيرة زي دايهاتسو .. عملت عربية اسمها تيريوس .. والتيجو تتفوق عليها في كل شئ ما عدا خامات الصالون فقط .. وفرق السعر حوالي 40 الف .
دايهاتسو شركة على قدها ...دي مجرد جزء صغير من تويوتا , سواء في عدد الموديلات ...عدد المبيعات .... ورغم إني شايف إن ال terios دي أصلا عربية تعبانة .. السوزوكي jimmy أحسن منها بس هو مين فهم حضرتك إن التيجو أحسن ..... ولو كده يا ريت تثبتلي بالأرقام ...وبلاش الكلام المرسل ده .....وعلى فكرة التريوس حتعيش أكتر من التيجو ده 10 أو 15 سنة .....مش بس فرق خامات .
4-زمان سنة 99 كان اللي يجيب دايو ولا هيونداي كنا بنضحك عليه .. ودلوقتي غبور مسيطر على اكتر من 34 % من السوق المصري
و طبعا لانك شايف إن الصيني كويس ..فـطبعا الهيونداي لازم تبقى حاجة كويسة ..... معلش يا باشا ... الكوري لسة تعباااااااااان .... أما موضوع ال 34 % فـعلشان الناس في البلد دي ربنا مبتلها باللي يسرقهم وهم يعملوله دعاية .
5- مفيش مانع اننا نمنح الناس دي فرصة
وذنبهم ايه الناس اللي حيقروا كلام حضرتك أو أي حد من اللي بيشجعوا الصيني ...ويلبس العربية علشان حضرتك تدي الصيني فرصة .....
6-مع العلم ان اكبر شركات الصناعة ورموزها اتجهو للصين وفتحو مصانع ليهم هناك .. وعددهم اكبر من ان يحصى ..
كلام حق يرد بيه باطل ..... لان لو حضرتك ليك في الإقتصاد كنت عرفت إن الكلام ده علشان العمالة هناك ارخص .... إنما بياخدوا معاهم ال quality control وquality assurance و كل الكلام الجميل ده معاهم .... والخامات والسبايك وكل حاجة بتبقى بنسبة 90% زي اللي بتطلع من أي مصنع للشركة في أي بلد تانية ....علشان في process شغالين بيها وفيه process control ....ولو حضرتك بتفهم في الهندسة كنت عرفت العيب اللي يبقى في كل الموديلات ... ميبقاش عيب صناعة ...ده يا إما عيب تصميم يا عيب process ...
7- هي عربية عادية زيها زي اي عربية على أد ما تدفع فلوس هتلاقي بيها خدمات ومواصفات في العربية
لا يا باشا ....حضرتك مسروق في مبلغ محترم في كل عربية بتشتريها ....
8- أيوه عايز ادفع زي الدنيا كلها وآخد عربية زي الناس كلها ......
9- أنا مش بشحت من حد علشان يتفضل عليا.... أنا بدفع بفلوسي ...فـلازم آخد حاجة محترمة ...وآخد خدمة محترمة ...وصيانة محترمة .... ويبقى عارف إن اللي هم فيه من فلوس الناس ...... وطول مافيه ناس بتفكر بالطريقة بتاعت حضرتك مع احترامي ليك ...البلد دي حتفضل كده ....
10-هو ابوالفتوح وولاده ...راكبين اسبرانزة ....مجرد سؤال بريء...!!!
مع عدم أعترافي بأغلب العربيات الصيني اللي موجودة في السوق المصري حاليا إلا كام عربية يتعدوا على الصوابع و منهم الأسبرانزا بتاعة أبو الفتوح ........ و الأف أر في بتاعة البرليانس .... و التيجو ...... أما الباقي ( مش معترف به )
و لكن في حاجة نفسية عند الناس
لو العربية الصيني أتشقلبت و طلعت القمر ........... هاتفضل وحشة علشان صيني .
و ده عيب من الصين في الأساس بالاضافة لهواجس نفسية عند الناس .
الصين من الأول مكنش بيهمها الجودة و مازالت لا تهتم بها ( إلا لو حاجة صيني من شركة عالمية زي المنتجات الياباني أو الصهيونية الأمريكية ) ....... إنما غير كدا ........ الصين = عدم وجود جودة في الغالب و ليس على الاطلاق .
و العيب الثاني و هو الهاجس النفسي .
فيه ناس عندها أن الأوروبين هما اللي بيعرفوا يعملوا عربيات و أي بلد تاني تعمل عربية ...... هاتكون وحشة حتى لو أحسن من العربية ألأوربي .... لأن خلاص الحكم صادر لا محالة حتى بدون النظر على السلعة .
و طبعا جزء من الهاجس ده هو سُمعة الصين الللي سابقها في كل مكان .
أما عن صناعة السيارات الصيني .......
أنا أرى أنها ليست بهذا السوء .......... أهم شئ هو توافر قطع الغيار و يبطلوا التقليد الأعمى .و هما لهم مستقبل باهر .
هاجس نفسي ....
لا أعتقد .... لأني بحكم بناءا على معاير محدده ..... ثم لما حضرتك شايف الصين مش مهتمة بالجودة ولسة غالبا بيعملوا أي حاجة .... فين الاختلاف ... حضرتك نقطتك ايه بالضبط ؟؟؟
هو حضرتك شايف إن الصينيين غيره حاجة أو حسينوا حاجة من ناحية الجودة في الاسبرنزا مثلا
أما موضوع إن الاوروبي أحسن حاجة .... أيوه هو أحسن حاجة .... هم اللي بيطوروا وهم اللي بيعملوا التكنولوجيا .... والباقي بينقل منهم .... دي الحقيقة للاسف ...و على فكرة اليابنيين مثلا عمرهم ما انكروا ده ....
من الملاحظ ان حضرتك بتهاجم العربيات الصينية و خلاص و مش مستعد انك تستقبل اى وجهة نظر اخرى
وبالنسبة لمقارنة التيجو بالتيريوس فعلا كما قال الاخ GHOST فان التيجو تتفوق و بمراحل كمان و دى مقارنة بسيطة عن تجربة و بالارقام يعنى مش كلام مرسل و خلاص
فالتيجو بتتفوق فى اشياء كتير عن التيريوس حتى ولو تساووا فى السعر
التيجو كموتور و سحب و عزم و صاج و قوة العفشة و الثباااااااااااااااااات و راحة فى الركوب فان التيجو 1600افضل من التيريوس
بالنسة لابعاد و حجم العربيتين كالتالى (منقول) :
...........................التيجو ............................................الت يريوس II
الطول ...............4285............................... ....................4095......................ال تيجو أطول بحوالى 20 سم
العرض .............1756................................. ..................1695......................الت يجو أعرض بحوالى 6 سم
الإرتفاع............1715.................. ........ .........................1740..................... .التيريوس أعلى ب 3 سم
الوزن ..............1390................................ ...................1150......................ال يج و أثقل ب 240 كيلو
يعنى التيجو اعرض و اتقل وده اللى بيديلها ثبات اقوى
و التيريوس تتفوق من حيث الخامات الداخلية والتقفيل و الاعتمادية (النقطة دى تتفوق مؤقتا فقط الى ان نرى التيجو بعد 3 او 4 سنين)
فتصميم موتور التيجو من شركة avl النمساوية اللى بتصمم مواتير المعدات الثقيلة والاودى(الالمانى) و الفولفو(السويدى)
ثانيا عفشة التيجو اريح و اقوى (و ده عن تجربة للعربيتين و كمان كفاية ان التيجو دخلت اكتر من رالى فى الصحراء و كملت السباق و اخدت مراكز كمان)
ثالثا ان التيجو تتفوق بكتير جدا عن التيريوس فى الثبات و ده من اراء اللى جربو التيريوس اللى اكدوا ان ثباتها ضايع بعد 100 و ده راى احد الاخوة اللى جربو التيريوس ده غير ان حضرتك ممكن تخش قسم الدايهاتسو و تشوف اراء مجربى العربية ,
أما بالنسبة لتقييم السيارة فعن تجربة ثلاثة أيام كاملة (قمت باستبدال سيارتي الأوكتافيا مع صديقي صاحب السيارة الجراند تريوس) وكان ذلك بسبب أنني كنت أقوم ببناء فيلا بمدينة من المدن جديده وكانت الطرق غير ممهدة بشكل كامل في الجزء التي تقع فيه قطعة الأرض التي أملكها
وتحججت بهذا السبب لكي أجرب الجراند تريوس التي يملكها صديقي وأتفقت أن تظل معي السيارة لمدة شهر أو شهرين طوال فترة الإنشاءات
ولكننني بعد ثلاثة ايام قمت بإرجاع السيارة وأنا كلي خجل من صديقي الذي كان يمدح فيها ويعتبرها من الأساطير
أولا اكتشفت أن السيارة دفع خلفي فقط وليست دفع رباعي
ثانيا السيارة خشنه جدا جدا
ثالثا العزل سيء جدا لدرجة أنك تشعر وكأنك تقود ونش وليش سيارة يبانية
رابعا الموتور صغير جدا على هذا الحجم الكبير (1600cc) مما يجعل السحب سيء للغاية
خامسا السيارة معدومة الثبات بعد سرعة 100كم
لذلك لم أحتمل بقاء السيارة معي اكثر من 3 أايام
وده برده مش معناه ان التيريوس وحشة لان اكيد برده فيها مميزات تانية بس بمقارنة مميزاتها و عيبوها بالنسبة لمميزات و عيوب التيجو فكما ذكرت قبل كدة ان التيجو تتفوق بمراحل
و فيه حاجة كمان مش ابو الفتوح واولاده بس اللى مش بيكبربو العربيات اللى هما اخدين توكيلها ممكن بردو تشوف اصحاب التوكيلات االتانيةاراكبين ايه
لان معظم اصحاب التوكيلات بيفضلو الفئات العالية من المرسيديس او العربيات المعدية ال مليون جنيه زى البورش او الجاجوار
يعنى ده ميعبش العربيات اللى هما اخدين توكيلاتها اطلاقا ولا بقى كانت تبقى الاوبل فاشلة علشان مثلا ان منصور مش راكب اوبل ولا ايه ....
مش دائما مخترع الشئ هو أفضل صانع له .............
و مش دائما مبتكر و مطور الشئ هو أفضل صانع له
بالاضافة أن التعميم مش صح .
يعني ماركة زي هوندا مثلا ............. أبتكارتها في مجال المحركات لا ينكرها أحد و هي من أفضل السيارات في العالم مع أنهم مش أوروبيين و الهوندا أفضل من سيارات أوروبية كثيرة .........
و عندك مثلا التويوتا .......... و النيسان ............ سيارات أعتمادية و لها سمعة أكثر من ممتازة و في أوروبا نفسها .
أنا كنت راكب نيسان في أنجلترا ....... كانت عاملة 180 ألف ميل ( مش فاكر بالظبط كام )
و كانت زي الفل .............. و مكنتش محتاجة غير مارش فقط لا غير ..........
و ركبت فورد .............. و فيات ( جديد ) .............. و مش شايف أي فرق خالص
و حاليا معايا جين 2 في مصر ................. و مش شايف أي فرق بين اللي الأوروبي اللي ركبته و أمتلكته و بين الياباني الآخر اللي أمتلكته و بين الجين 2 اللي حاليا معايا .
كلهم عربيات و أهم شئ هو وجود قطع غيار ........... و خامات معقولة و تعيش عمر كويس ....
و كل شئ بثمنه .....
و إلا بقى كانت ألمانيا أول مخترع للسيارة بقوا أفضل ناس بتعمل عربيات مع أنهم من أفضل الصانعين و ليس أفضل الصانعين ......
و أنا شايف أن أي شركة ممكن تعمل عربية مرتفعة الجودة بالأعتماد على شركات مغذية محترمة و ما على الشركة إلا تطوير محرك محترم و شاسيه جيد .
و الباقي كله من شركات مغذية .
على فكرة أنا عمري ما أشترت عربية صيني و لا هاشتري ..... علشان أنا مش بثق في الصيني علشان عندي هاجس نفسي بسبب معدة صيني ......... غلبتني في قطع الغيار .
أنجلترا هي مخترع القطار
و لكن ليست أفضل صانع للقطارات
أفضل صُناع القطارات هم الفرنسيين ........ و اليابانيين بالتساوي ......... و يليهم الأمريكان الصهاينة ( لعنة الله عليهم )
أول سيارة حديثة تم أنتاجها من فورد و مع ذلك أنا شايف شركات يابانية كتير أفضل من الفورد في الأداء و الأعتمادية .....
و مع ذلك الشركات اليابانية لها أبتكارات كثيرة في مجال السيارات و لكني لست متخصص و مش فاكر قوي فبس حبت أشرح وجهة نظري العامة
و مخترع التليفزيون هو أسكتلندي و مع ذلك أسكتنلندا ملهاش في صناعته .
مخترع الفيديو تقريبا أمريكي و مع ذلك اليابان كانت متفوقة عليهم جميعا في فترة السبعينيات في الصناعة هذه .
مخترع أول محاولة لكامير ........ هو الحسن بن الهيثم ....... و مع ذلك العرب أفشل العالم في أي صناعة
للأسف معلوماتك مش مظبوطة .... هو ألمانيا أحسن الصانعين ... وده معروف
معاك إن مش لازم مخترع الحاجة يبقى أحسن فيها ... بس الاوروبيين هم اللي بيزقوا صناعة العربيات في العالم ...هم اللي عندهم المبادرة ....وبعد 5 سنين لما اليابنيين ينزلوا الحاجة ...بتكون قدمت ..... ويكونوا نازلوا حاجة تانية .... آه الياباني مفيش جدال من أحسن الشركات واكترهم مبيعا ...ويمكن معمرة أحسن من الاوروبي .... بس ده مش كفاية علشان تبقى نمرة واحد ...
وال نقطة التانية : هو حضرتك مش شايف فرق بين الجين 2 والياباني ...مش حاقول الاوروبي ... فـده يمكن لان اهتماماتك في العربيات ممكن تكون مختلفة عن واحد زيي ... إنما أنا شايف فروق كتيرة وكبيرة ... واعتقد إن ده الفرق بينا
آخر نقطة : اقتصاديا مش أي شركة ينفع تعمل مصنع عربيات ...لإن أي شركة حتفكر تنتج موتور علشان توصل لنقطة التعادل break even اللي هي النقطة اللي لو إنت كسبت جنيه بعدها يبقى مكسبك جنيه ولو قلة عنها يب خسرت جنيه ... لازم تبيع نص مليون موتور وأول موتور بعد كده هو مكسبك ...لان صناعة العربية تكلفتها الثابتة عليَّ جدا ...... علشان كده أي عابر سبيل بيروح ل ميتسوبيشي يقولها أنا عايز موتور تقوله من عينا...... علشان كده لسة مفيش موتور صيني ...
أصلي مش حبدل وجهة نظري بواحدة تانية أنا عارف إنها غلط....
حد بيقارن عربيتين ميجبش معلومة واحدة عن الموتور ... و sorry بس كل الكلام ده مش معناه آية حاجة ...كام حصان ...عزمها كام ...من 0 ل 100 في اد ايه ....أنا حتى مش حناقش دقة المعلومة دي ...لسة الجاي أحلى .
المعلومة دي غلط للأسف ...AVL بتعمل drive train , أدوات اختبارات , سوفت وير ,وحاجات تانية كتير .... وعملت موتور ل شركة روسي YaMZ 536 .... وعلى فكرة مالقيتش حاجة عن التيجو....
Audi مواتيرها بتعملها بنفسها ...أو بالتعاون مع فولكس.....واعتقد نفس الكلام فولفو ... أنا دورت في الموقع بتاع AVL على أي حاجة بتقول كده مالقيتش .......
أول سنة عربية صيني تدخل رالي داكار كان السنة دي ... ولسة المرحلة أولي خلصنا ...وماخدتش مراكز ولا حاجة .... ده كانوا عاملين فرح إنهم كامله المرحلة الأولي....
يا ريت تحري الدقة في المعلومات ...خاصة لو أنا في الموضوع :star1:
خلاص التريوس وحشة .... بس برده حتعيش عن التيجو ولمعلوماتك دي دفع رباعي بس .... مش حتى soft offroader ...ده حاطينه بس علشان الدفع الرباعي بيزود الثبات .... وحتأكد إذا كانت بتنزل دفع امامي ...علشان أنا معنديش معلومة في النقطة دي
المفروض طباخ السم يدوقه.....:_Alshmokh08[1]:
تحياتي للجميع
أي شركة في العالم عندها فلوس و سوق طبعا تقدر تعمل عربية و موتور .....
و حضرتك برضه أخدت كلامي ووجهته في حتة تانية ( منطقة التسويق و البيع ) في حين أني قصدت الصناعة نفسها
أي حد معاه شوية فلوس ........ ممكن يجيب مهندسين و يقعدوا يعملوا أبحاث و في الآخر هايوصلوا لصناعة الموتور
زي باكستان و الهند ........
صرفوا فلوس علشان يعملوا القنبلة الذرية ........ و عملوها ............ و بأمان تام .....
ممكن تكون كلفتهم كتير جدا جدا ........... بس في الآخر وصلوا للي هما عايزينه .....
و صناعة موتور عربية مش قضية كبيرة ............ الأهم التسويق زي ما أنت ذكرت
امسك عندك ... كله في مكانه ... لما ندور online ندور صح.....
Chery ACTECO engine - Wikipedia, the free encyclopedia
ACTECO is an automobile engine brand created by Chery Automobile of China. Engines range in size from 800 cc to 4.0 L with architectures including a straight-4 and V8. The range was developed with the Austrian company, AVL.[1]
In November, 2006, Fiat announced that it would use Chery-produced 1.6 L and 1.8 L ACTECO engines starting with the Fiat Linea.[2]
cheryاللي هيا اسبيرانزا بتعمل مواتيرها بنفسها مش بتروح تتمحك في مش عارف ميتسوبيشي تكنولوجي ولا فولكس موتورز ....
اكيد الصين تستاهل اللي متشنع عليهم بسبب ان هما غزاة للاسواق بطريقة اقل جودة و اقل سعر ....بس في العربيات الشيري و بالذات اللي بتدخل باسم اسبيرانزا مع توحة في فرق....
محدش سأل نفسه ليه مابيجيبش qq ولا crown ??اللي هيا a11في مصر؟؟؟؟
علشان هوا عايز بأي و سيلة يرجع اسمه و مكانته زي مكانت.... بيحاول يستنضف ..... يبقي منعممش و منقولش مافيش شركة صيني بتعمل مواتيرها ... لا اهه فيه و مش من الموقع بتاعهم لا دي ويكيبيديا
أخ tut
لأ نقول تاني ...ألمانيا أحسن الصانعين.....بص على الشركات اللي تحت مرسيدس , و BMW و VW وشوف كده كام شركة بره ال 3 مجموعات دي ....
ونفترض إنهم مش أحسن .... أُمّال حضرتك شايف مين أحسن ؟
أما معروف لمين لكل الناس اللي مهتمة بالعربيات ...وبتقرا فيها ....
أما تبقى رقم واحد إزّي ... بص على مرسيدس وحتعرف يعني ايه تبقى نمرة واحد .... والفرق بين مرسيدس ورينو وسيتروين إن مرسيدس هي اللي اخترعت كل حاجة مهمة في العربيات .... ABS. ebd,esp.... radar guidance ....الخ
أما موضوع مصاريف العربية وإن الكوري أو الماليزي 1/10 من مصاريف الاوروبي ...بالرغم إن النسبة غلط ...بس مش تيل الفرامل هو اللي بيحدد .... لان تيل الفرامل من المصاريف المستمرة ... بمعنى إنها زي البنزين بتشتريه كتير .... والتيل بتاع الاوروبي في الغالب هو هو نفس التيل اللي بتحطه في الكوري ...ده لو إنت بتحط تيل محترم ...مش بتاع الشركة ايا كان...
أما المقارنة بتتقال في حاجة زي اسطوانة دبرياج مثلا .... لما بتغير اسطوانة في الكوري لازم حتغيرها كل سنتين تلاتة ... وده لإن قطع الغيار ... بتبقى تايواني ... ودي معرفة ل كل اللي عنده كوري ...لما بتغير حاجة جاية من المصنع في الكوري ...عمر اللي بتتركب مابتبقى زيها ... ومتقوليش معرفة ل مين .....أما الاوروبي والياباني .. فـقطعة الغيار بتحطها وتنساها ... ودي معرفة برده.... ده غير إنك بتبقى مطمن للحاجة اللي إنت جايبها .
فـلما تحسبها ...حتعرف إن في الآخر إنت دفعت اقل في الاوروبي .. ده لو إنت بتبص ل بعيد شوية ....نش بنظام احييني النهارده وموتني بكرة ....
أما موضوع الموتور .... فانا عايز أقولك إن أي مجموعة طلبه في هندسة سيارة لو معاهم فلوس ومسبك محترم يعرفوا يعملوا موتور .... المشكلة مش كده ... ومتقدرش تفصل اقتصاديات الصناعة عن الصناعة نفسها ... لإن الناس دي مش عاملين شركة علشان يخسروا ....وهي مش شركة النصر ...معمولة علشان أسباب سياسية ...يا صديقي الموضوع دراسة جدوى ..وحسابات مكسب وخسارة .... فـطول ماصناعة موتور مش بتجيب عائد مش حيعملوه ......