ما تأثير إستخدام بنزين 92 أو 90 على النيو فوكس 2010

**msaad701** · 20-12-2009 06:31 PM

إلى مالكي الفوكس 2008 و2009
المفروض استخدام بنزين 95 كما بالكتالوج وكما مكتوب على التانك ولكن أعرف صديق لي يستخدم 92 بدون مشاكل وقالي إن في التوكيل قالوله مافيش مشكلة
أنا أريد شراء سيارة فوكس ولكن موضوع البنزين ده مقاق وبرضه لو لازم 95 يبقى التوكيل كده بيكدبوا و لوده حقيقي يبقى عار !!!!!!!والا اييييييييييييييييييييه!!!!!! !!!

**aYaBooY** · 21-12-2009 10:14 AM

عاوز تشتري عربية زي الفوكاس مفيش مشكلة عربية جميلة بس نوع البنزين مرتبط بنسب ابعاد غر الحريق في الموتور و لا يمكن تعديلة
بس فيه اختيار في برنامج العربية بيتعمل في التوكيل لتعديل ميعاد الشرارة زي الحركة البلدي بتاعت اللعب في الاسبراتير الي بتتعمل في العربيات الفيات القديمة
عموما نوع البنزين الاقل هايديلك اداء اقل في العربية و هايقلل من العمر الافتراضي للموتور و ممكن يعرضك لشوية مشاكل بس طبعا فرق السعر رهيب بين ال 92 و 95
و عموما ممكن تنتظر رد حد كان معاه العربية

**m_s_h_a** · 22-12-2009 10:10 AM

زى ما قال الزميل
انت مرتبط بنسبة انضغاط الموتور
وانسى لازم بنزين 95 اولا زى ما زميلنا قال بالاضافه انك هتسمع اصوات تسقيف عجب واداء العربيه هيبقى شلل وحتى لو غيروا فى الكمبيوتر بتاع العربيه الاوكتان بردوا مش هيغير كتير لكن اداء العربيه مع بنزين 95 رائع

**zomin3r** · 22-12-2009 11:51 PM

والله الموضوع عادى العربية معيا بقلها سنة و بستخدم 92 و مفيش مشاكل

**egytamer** · 23-12-2009 12:30 PM

اعتقد انو لو لازم بنزين 95 يبقي بيحكمو علي العربية بالفشل الزريع لان ناس كتير هتصرف النظر عنها

**zoms** · 01-01-2010 01:42 AM

هيا مفهاش مشاكل هوا بس الفرق فى الكمبريشون ريشيو ( معامل الأنضغاط ) ودا عشان الكفائه بتاعت المحرك والفرق بين ال 92 وال 95 مش كبير زى منتو متخييلين الفرق 3 % نورمال هيبتان مش الى هيقصر على المحرك بالكلام الى أنتو متخيلينه دا لا عادى وكلام التوكيل صح وعادى خالص ومفهاش اى مشاكل انا معايا فوكس 2009 واهى الحمد لله ماشيه وزى الفل شد و محرك زى الفل و 92 ومعاد الحريق دا يا معالى الباشا بيتظبط لوحده ان الاسبارك تدى الشحنه بتعتها بتتظبط مع الدوسه بتاعتك على دواسه البنزين ودى علاقتها بالانجيكتور والأسبارك والكامات دا حوااااااااااار كبير عايز كلام كتير انا معلش طولت شويه بس عشان مخليش اى حد معاه فوكس يقلق من الحوار دا و السلام ختام ..... سلام

**zoms** · 01-01-2010 02:23 AM

اه نسيت بس للامانه ان الفرق بين ال92 و ال95 بيبان فى المحركات 1400 سى سى( تى أس أى) فقط لا غير الى تحس بالفرق الكبير والمحركات دى مبتنزلش مصر اساسا الا بالطلب ولو حد متابع للأوكتافيا ايه 5 الجديده ( فانتزيا ) المحرك بتعها فى مصر هوا هوا نفس المحرك القديم بتاع الأيه 5 العاديه لاكن بره الفانتزيا الفيس ليفت بتنزل 1400 تى اس أى ودا لان ال95 عندهم متوفر مش زى عندنا و.....شكرا

**ashrafsadany** · 01-01-2010 03:51 AM

بص يا باشا علشان متحيرش نفسك من تجربة عملية مع العربية فى بداية الامر العربية ممكن تسقف شوية بس هيا بتظبط نفسها اوتماتك وللعلم اغلب السيارات بعد 2005 كلها نازلة 95 او 98 منها الميجن وكل العربيات الاوربى وغالبية العربيات اليبانى وخاصة الخليجى وناس كتير راكبين العربيات دى وفيهم ناس مايعرفوش دا زى واحد صحبى جايب اللنسر البوما خليجى وميعرفش انها 95 المهم ان اغلب السيارات بعد 2005 اساسآ 95 والناس اغلبها بيحط 92 وانا منهم والسيمبول كمان 95 وعمرى محطتلها غير 92 بلتوفيق