الموضوع: الحقوق الدستورية للسائق المصري

الحقوق الدستورية للسائق المصري

يظن البعض أن القيادة في مصر هي شطارة و فهلوة و فتونة

و لكن القيادة لها قواعدها المثبتة في الدستور المصري

1 لو عربيتك كبيرة أو قديمة أستخدم المبدأ القانوني الدستوري ( اللي خايف على هربيته يوسع ) اللي خايف يروح

2 قاعدة بوز العربية ....... اللي يدخل ببوز عربيته الأول للتقاطع هو صاحب أولوية المرور

3 الإشارات تكشف نواياك للأعداء ..... أياك أن تستخدمها

حاول خداع أعدائك – قائدي السيارات الأخرى – عن طريق الاشارات فمثلا لو أنت ناوي الاتجاه لليمين اعط اشارة شمال و هكذا ......... هذه تسمى قاعدة التمويه و الخداع

4 لا تترك مسافة أمان بينك و بين السيارة التي أمامك لأن هذا له عدة مخاطر

- عربية تانية من عربيات الأعداء هاتملاء الفراغ اللي أنت سيبته و يبقى معملتش حاجة و برضة ما يبقاش فيه مسافة أمان بينك و بين اللي قدامك و كمان هاتدي فرصة للعيال علشان يعملوا غرز قدامك

- و كمان المشاة كلهم هايغمضوا عينهم و يعدوا في الفراغ

- و اللي وراك هايقعد يزمر –لو كان مؤدب –أو تسمع شوية أسامي حيوانات لو كان السواق غير مؤدب أو سواق تاني يخبطك من ورا لو كان ميكروباص

5 الاشارات مش معمولة علشان المرور دي معمولة علشان تحلي و تجمل الشوارع بس مش أكتر

6 و تنطبق نفس القاعدة السابقة على الخطوط التي على الطريق و علامات السرعة و منع الركن و خلافه

7 اعتمد على العساكر مع تحملك كامل المسئولية لو واحد منهم شاورلك تعدي و بلدياته الناحية التانية راح فاتح للوري

8 إذا كنت مش واقف في الاشارة في الصف الأول أعمل حسابك تزمر بشكل جنوني و هستيري و متواصل أول ما الاشارة تفتح لأن الناس اللي واقفين قدام بيكونوا واقفين بقالهم مدة كبيرة و نسيوا و ناموا كمان

9 معظم الحوادث تحدث في التقاطعات أول الاشارة ما تحمر كل ما كسرت الاشارة الحمرا بسرعة زادت فرص نجاتك من حادثة

10 الشارع مكان مقرف سوق بأسرع سرعة ممكنة في السيارة حتى تتخلص من هذا القرف

11 من حقوقك الدستورية أن تركن أمام المحل الذي تريد أن تشتري منه أي شئ و إذا سبقك واحد ابن ستين في سبعين و ركن قدام الباب فمن حقك الدستوري الأصيل أن تركن صف تاني و تقفل عليه و إن كان هناك أصلا صف تاني فمن حقك إنك تركن صف تالت و رابع كمان و مش مهم لو الشارع أتقفل

12 أيه يعني لما الناس تتعطل عشرة و لا حتى نصف ساعة علشان حضرتك تستمتع بحقوقك الدستورية هي يعني الدنيا طارت و لا كان وراهم الديوان

1. 13 من حقك الدستوري أيضا أن تخرج من مكان انتظارك في أي لحظة تشاء اكسر الدريكسيون شمال و ناحية الشارع و أطلع و خلاص و أي حد ماشي في الشارع لازم يقف لسعادتك فورا ... راجع البند السابق من حقوقك الدستورية

المشاركة الأصلية كتبت بواسطة tutankhamoun

شكرا يا باشمهندس على التنويه
و لكن هذا ليس خبر !!!!!!!!! و لكن شخص ما بيسخر من السائقين المصريين و أنا بالفعل كنت أريد أن أضعه في قسم الأخبار المنقولة و لكني وجدت أنه ليس خبر على الاطلاق
يعني مثلا لو أنا قرأت موضوع عن سيارة معينة لن أضعه في قسم الأخبار المنقول بل سأضعه في القسم الخاص بالسيارة و سأكتب تحته منقول
و بعدين أنا حاسس إن حضرتك مستنيلي أي غلطه ماشي يا باشا :)

:)
لا واللة بس أنا شايف أن أقسام المنتدى بالذات العام بقت رز بلبن وساعات بتبقى مهلبية من المواضيع التى لا علاقة لها بالعربيات زى
*** إعـــــــلان هـــــــــــــام لكل الأعضـــــــــــاء ***
الفيس بووك ومقابلات نايل موتورز-هام لكل الاعضاء
مقابلة شهر ديسمبر 2007 على ال FaceBook
عدم ظهور التوقيع
ترتيب أي Website على مستوى العالم.....
الحقوق الدستورية للسائق المصري
بخصوص Logo نايل موتورز الجديد
إعلان ليـنك المنـتــــدي الجـديــــد-هام لكل الاعضاء
على الرغم من التنوية التالى
-أخــــبار سيارات -مناقشــات -منوعـــــات كل ما يخص السيارات
:p
كل دة ومش عايز الواحد يضايق