يعني ايه اسقط نقلة :B4_048:
الموضوع ده مجنني
يعني مثلا اكون ماشي علي الغيار الرابع اقوم جايب التالت ولا ايه ؟!!!!!!
مع العلم اني لو عملت كدة العربية هتقفش :120146b!!!!!!
ياريت يا جماعة حد يفهمني الموضوع ده
شكرااااا
عرض للطباعة
يعني ايه اسقط نقلة :B4_048:
الموضوع ده مجنني
يعني مثلا اكون ماشي علي الغيار الرابع اقوم جايب التالت ولا ايه ؟!!!!!!
مع العلم اني لو عملت كدة العربية هتقفش :120146b!!!!!!
ياريت يا جماعة حد يفهمني الموضوع ده
شكرااااا
يا باشا كلامك مظبوط, تسقيط نقلة يعنى ترجع للغيار اللى قبل العربية وخداه, من الرابع للتات او من التالت للتانى, ده لما تتزنق فى غرزة و عاوز العربية عزمها و سحبها يزيد معاك, يعنى لما تحتاج عزم اكبر, بس خلى بالك من حاجة, لو انت مثلا مدى العربية الرابع, و الرابع عندك من 70 ل 100 مثلا, متعملش كدة و انت على 100, ممكن تعمل كدة لو نزلت ل 70 أو أقل و عاوز تشد تانى, أرجو انى أكون عرفت أشرح لحضرتك
تسقيط النقله زى ما أنت قولت بالضبط يعنى تكون ماشي على الثالث على ار بي ام 3 مثلاً وتكون عاوز تشد مع سيارة تانية أو بتتجاوز سيارة على طريق سفر بتروح مسقط النقله اللى قبليها وبتجيب التاني هتلقى الـ ار بي ام وصل مثلاً على 5 وتجيب بنزين للأخر هتلقي استجابه السيارة بقت أسرع من أنك لو دوست بنزين للأخر وأنت على النقله الثالثة ..المهم تفضل حارق لحد مايوصل الـ ار بي ام قبل المنطقة الحمراء والعربية تفصل غالباً بيكون الـ ار بي ام عند 6.5 بعد كدة بتنقل على السرعة اللى بعديها لحد الأخر وهكذا لكن يجب مراعاه التالي انك مينفعش تسقط من الرابع للأول أو من الخامس للثاني هتلقى الفتيس طار منك يعنى تسقط نقله وتنزل نقله واحدة فقط و مع عدم كثرة استعمال هذه الطريقة حفاظاً على الفتيس والماتور واستهلاك البنزين.
شكرااااااااااااا علي اهتممكوا بالموضوع و سرعة الرد
تمام انا ابتديت افهم بس انا مرة عملت كده لقيت العربية قفشت لحظات كده
هي طب ليه عملت كده هل انا عملت حاجة غلط ولا هو لازم تقفش كده ولا اية ؟!!!!
معلش انا عارف ان اسالتي كتير و زهقتكوا معلش انا ا اسف
حضرتك لما تسقط نقلة لازم تكون العربية بدأت تبطأ على سرعة الغيار, و تدوس بنزين كتير علشان تحرق على الغيار العكسى اللى انت سقطلة
شكرا يا باشا انا اللي فهمته من حضرتك ان انا مثلا لو كنت علي الرابع و العربية هديت لحد 65 كده و عايز اشد بدل ما ادوس بنزين و انا لسة علي الرابع
انزل للتالت و احرق عليه بعد كده انقل للرابع تاني
صح كده ؟؟؟
ايوة صح كدة أنما موضوع القفش ده بيحصل للحظات قبل ماتدوس على البنزين (الوقت مابين تعشيق الفتيس للغيار الأقل ومابين ترك رجلك الشمال للدبرياج ودوس البنزين برجلك اليمين) بس تنزل غيار واحد مش اكثر زى ما اتفاقنا .. و لو لقدر الله كنت ماشى والفرامل هربت منك تستخدم الطريقة دى لو ماشى على الرابع وملقيتش معك فرامل بسرعة تجيب ثالث بعد كدة على طول ثانى وبعده الأول لحد ما العربية تقف
والله يا رجاله انا اللي اعرفه مش زي مانتو قلتو كده
انك تنزل من الرابع للتالت او من الخامس للرابع او كده مع ثبات السرعه ده اسمه غيار عكسي مش تسقيط نقله
تسقط نقله يعني مثلا تكون عالتاني وتجيب الرابع دون المرور عالتالت فانت كده سقطت نقله اللي هيا التالت (يعني سقطها من التسلسل الطبيعي)
ونرجع برضو نقول هنستني اهل العلم يفيدونا فالموضوع ده
لما تكون ماشي ع سرعه الرابع وتيجي تنزل للتالت ليه ماهوا كدا الرامبس ع يعلى اكتر وصوت الماتور يطلع
فيه حاجة
لو ماشى طبيعى وعايز تنقل لغيار اعلى
وانت بتشيل رجلك من الدبرياج بتدوس سنة بنزين
وبرده ده اللى بتعمله لو بتنقل لغيار اقل
لو هتعمل الغيار العكسى للفرامل مش تدوس سنة بنزين
خد بقى نصيحه من اخوك اللى ضيع نص عمرو فى الجرى ههههههه لو بتفكر تجرى وتشد جمد قلبك واوعى تخاف حتى لو لقيت نفسك لا قدر الله لا قدر الله داخل فى اى حاجه بردو متخفش عشان تعرف تتصرف لو الخوف سيطر عليك صدقنى مش حتكمل معاك على خير لا قدر الله ولو حسيت انك مش عارف تتغلب على الخوف هدى وسوق بالراحه .. فى عالم الشد والجرى اللى بيخااااااف بيلبببببببس ..
دايمآ قبل ما تاخد غرزه تبقى شايف كويس اوى اوى انت حتطلع على فين .. بمعنى انك ممكن تاخد غرزه مثلا مالشمال لليمين ( غير محبذه لو فى اماكن بيقف فيها مشاريع كتير ) وتلاقى تاكس راكن ولا مشروع ولا اى حاجه !!! لازم الاول تبقى شايف سكتك مفتوحه ولا لا لو مش شايف اصبر لحد ما تشوف .
وخدها وحده وحده كدا الاول متدخلش سخن علاطوول واحفظ ابعاد عربيتك كويس اوى اوى اوى اوى واوعى تشد مع حد وتدخل غرزه وراه دايمآ خليك يا ادامو يا اما وراه بشويه متلزقش فيه لانو ممكن يحط فرامل خطر فى اى لحظه . وفى نفس الوقت لو انت ادامو حاول متخلهوش يلزق فيك بردو عشان بردو انت ممكن تحط فرامل يقوم هوا يتأذى واللى متردهوش على نفسك مترداهوش على غيرك .
خليك فاهم دايمآ ان دى مش معركه وانك فى الاخر مش حتاخد كاس ولا درع الدورى ههههه فى بنى ادمين ودى حياه ناس ملهاش ذنب ممكن تتأذى بسببك فكر فى كل حاجه كويس قبل ما تعملها .
دايمآ استخدم الغيار التانى والغيار التالت فى الشد لان دول من اقوى الغيارات والعربيه بيكون عزمها غير طبيعى مع الغيارين دول بالذاااااات بس طبعآ ابقى هات الرابع وهدى العربيه شويه وارجع هات التالت تانى وكمل جرى وهكذا ..
ربنا يستر طريقك يارب
مشكوووووور والله يعطيك الف عافيه
ميرسي يا باشا علي النصائح الغالية دي و ربنا يستر طريقنا كلنا يا رب
شكرا علي مرورك الكريم يا فندم
شكرا علي اهتمام حضرتك
بجد دا احسن منتدي شوفتوا في حياتي عشان الناس المحترمين اللي فيه مفيش حد بيبخل علي حد بحاجة
المعلومة وصلت يا رجالة و جربتها كمان انهارده :Oc_sun1[1]::B4_611: و كلوا تمام
شكرا بجد علي اهتممكوا و سرعة الرد
المهم فى تسقيط النقلة حسب قوة الموتور يعنى متكنش بتحرق او قربت تحرق الغيار وتروح مسقط نقلة دة يكون غلط كبير عليك وعلى العربية المقصود بتسقيط النقلة فى موضوع الشد والجرى تكون لسة فى اول او فى نص الغيار ميكونش انت دايس على الغيار جامد وبكدة تقدر تسقط نقلة وتحرق على الغيار اللى انت سقطت علية وبكدة تقدر تعدى وتعمل غرز بس جربها بعيد عن الطريق ولاحظ الفرق ولما تتمكن ربنا يسهلك بقى ويسترها معاك