عرض للطباعة
السلام عليكم
ازيكم يا جماعه
امبارح كنت رايح مشوار العربية كانت زي الفل طول السكة وصلت وبعد كده نزلت بعدها بساعة بدور العربية ما بتدورش المارش شغال لكن بدوس بزين مافيش اي حاجه المهم سيبتها ورحت ادور على ميكانيكي رجعت بدورها دارت الميكانيكي قالى دي كانت شرقانه لأنه طلعت دخان من وره كتير
عايز اعرف شرقت ازاي وازاي اخليها ما تشرقش ولو حصل وشرقت ايه الحل اللي اعمله وقتها أرجو الإفادة سريعا وشكرا
العربية بتشرق نتيجة انك بتدوس بنزين كثير( بتكارك بنزين كثير ) قبل ما تدورها و بالتالى بتشرق العربية و بتشم رائحة بنزين
علشان تدورها و هى شرقانة تعمل ايه ؟؟؟
تدوس على دواسة النزين لغاية اخر مشوارها و تدور العربية و انت دايس على الدواسة لغاية ما تدور العربية ترفع رجلك من على الدواسة
واظن ده في العربيات الكربراتير فقط
لان انجكشن فيه حساس بيحدد كمية البنزين مهما دوست علي الدواسة
بس ده مش معناه انك تفضل تدوس لحد ما الحساس يتجنن منك D:
طب ممكن أعرف الدخان دة كان لحظى ولا مستمر معاك لغاية دلوقتى- وممكن أعرف أزاى الميكانيكة دورها ليك :rolleyes:اقتباس:
المشاركة الأصلية كتبت بواسطة zalabany2007
العربيات الانجكشن ممكن تشرق برضة.... غريبة مش كدة؟؟ الحالة الوحية لحدوث الشرقان فى الانجكشن هو لو الرشاشات بتسرب و بالتالى اول ما تبطل العربية البنزين المضغوط فى دورة البنزين حيتسرب من الرشاشات و ينزل على البساتم و لما تيجى تدور حتلاقى نفس اعراض الشرقان لان باختصار الشرقان هو زيادة نسبة النزين للهواء زيادة كبيرة عن المعدل الطبيعى
MMamdouh
الميكانيكي ما لمسش العربية بعد ما سيبت العربية ساعه رجعت دورتها دارت لوحدها
تمام كدة فعلا كانت شرقانةاقتباس:
بعد ما سيبت العربية ساعه رجعت دورتها دارت لوحدها