يعني إيه العربية تشرق وازاي اخليها ما تشرقش

**ZALABANY** · 02-12-2007 10:24 AM

السلام عليكم
ازيكم يا جماعه
امبارح كنت رايح مشوار العربية كانت زي الفل طول السكة وصلت وبعد كده نزلت بعدها بساعة بدور العربية ما بتدورش المارش شغال لكن بدوس بزين مافيش اي حاجه المهم سيبتها ورحت ادور على ميكانيكي رجعت بدورها دارت الميكانيكي قالى دي كانت شرقانه لأنه طلعت دخان من وره كتير
عايز اعرف شرقت ازاي وازاي اخليها ما تشرقش ولو حصل وشرقت ايه الحل اللي اعمله وقتها أرجو الإفادة سريعا وشكرا

**ihab** · 02-12-2007 10:34 AM

العربية بتشرق نتيجة انك بتدوس بنزين كثير( بتكارك بنزين كثير ) قبل ما تدورها و بالتالى بتشرق العربية و بتشم رائحة بنزين
علشان تدورها و هى شرقانة تعمل ايه ؟؟؟
تدوس على دواسة النزين لغاية اخر مشوارها و تدور العربية و انت دايس على الدواسة لغاية ما تدور العربية ترفع رجلك من على الدواسة

**noble911** · 02-12-2007 11:08 AM

واظن ده في العربيات الكربراتير فقط
لان انجكشن فيه حساس بيحدد كمية البنزين مهما دوست علي الدواسة
بس ده مش معناه انك تفضل تدوس لحد ما الحساس يتجنن منك D:

**eng_mkhalaf** · 02-12-2007 02:43 PM

المشاركة الأصلية كتبت بواسطة zalabany2007

السلام عليكم
ازيكم يا جماعه
امبارح كنت رايح مشوار العربية كانت زي الفل طول السكة وصلت وبعد كده نزلت بعدها بساعة بدور العربية ما بتدورش المارش شغال لكن بدوس بزين مافيش اي حاجه المهم سيبتها ورحت ادور على ميكانيكي رجعت بدورها دارت الميكانيكي قالى دي كانت شرقانه لأنه طلعت دخان من وره كتير
عايز اعرف شرقت ازاي وازاي اخليها ما تشرقش ولو حصل وشرقت ايه الحل اللي اعمله وقتها أرجو الإفادة سريعا وشكرا

طب ممكن أعرف الدخان دة كان لحظى ولا مستمر معاك لغاية دلوقتى- وممكن أعرف أزاى الميكانيكة دورها ليك

**MMamdouh** · 02-12-2007 03:13 PM

العربيات الانجكشن ممكن تشرق برضة.... غريبة مش كدة؟؟ الحالة الوحية لحدوث الشرقان فى الانجكشن هو لو الرشاشات بتسرب و بالتالى اول ما تبطل العربية البنزين المضغوط فى دورة البنزين حيتسرب من الرشاشات و ينزل على البساتم و لما تيجى تدور حتلاقى نفس اعراض الشرقان لان باختصار الشرقان هو زيادة نسبة النزين للهواء زيادة كبيرة عن المعدل الطبيعى

MMamdouh