ألف شكر لاستاذ احمد و استاذ نادر و استاذ خالد فاروق و طبعا الاستاذ كريم منير و كل من شارك بجهوده لعمل التقرير الوافي المحايد و الى الامام نايل موتورز و في انتظار تقرير ا/نادر
عرض للطباعة
ألف شكر لاستاذ احمد و استاذ نادر و استاذ خالد فاروق و طبعا الاستاذ كريم منير و كل من شارك بجهوده لعمل التقرير الوافي المحايد و الى الامام نايل موتورز و في انتظار تقرير ا/نادر
أحمد بك اسماعيل... تقبل تحياتي
أولا: الشكر و كل الشكر ليك و للأستاذ نادر على المجهود الأكثر من رائع و لمنتدى نايل موتورز و الأستاذ كريم منير و المهندس خالد فاروق و توكيل كيا...
ثانيا: تقييمك كان حيادي جداا و فعلا كان واقعي, بمعنى... اسمحلي اتكلم كمالك للعربيه...
1- الفرامل بالفعل ممتازه و فعاله.
2- الدركسيون تقيل على السرعات العاليه و مش بيتحرك ابدا ( باور هيدروليك ), و ده ممتاز.
3- الجلوس متعب في الكنبه الخلفيه نظرا لنظام التعليق (torsion beam) و الجنط, و العفشه ناشفه, و بتحس بأي حاجه في الطريق, و كل ده طبيعي, و فعلا الموضوع ممكن التأقلم عليه...
4- انا ماحستش عندي في العربيه بأي سخونه في الكونسول (الحق يتقال) و انا قلت في تقرير عملته عن العربيه ان العزل الحراري بين الموتور (او الكابوت) و الكابينه ممتاز, و كل اللي حسيت بيه ((دفئ)) في التابلوه (ده عندي و من وجهة نظري)
5- جرب العربيه بعد الـ1000كم, و انت تعرف السحب عامل ازاي, بجد ممتاز, ده سحب الـD أحسن من التيبترونيك... و الكيك داون ممتاز و مش بطئ الاستجابه...
6- المقص هو اللي انا مش فاهم حاجه بخصوصه (هو غريب شويه زي ما تفضلت و قلت, بس غريب ازاي او بمعنى ايه؟؟)
7- حضرتك قلت ان الاستاذ نادر حس ان فيه حدفه شمال (لازم نشوف الموضوع ده سببه ايه, العربيات زيرو و فيها حدفه شمال ليه؟؟)
8- هل حسيت ان العربيه ينقصها الـ esp و حضرتك داخل النعطفات او بتلف يو ترن على سرعه معقوله؟؟؟؟ او بتعمل مناوره على سرعه عاليه؟؟؟ (بس خاللي بالك ان الجنط الـ17" مدي العربيه ثبات, فالموضوع عايز شويه تركيز مع العربيه مش اكتر)...
9- محستش ان الدبه الجامده بتاعة العفشه بعد النقره ممكن تقلق او تعمل مشكله مثلا؟؟؟
اخيرا... اسف على الأسئله الكتير و اني سألت دلوقتي, بس انا قلت اسجل تعليقي و حضرتك رد عليه براحتك... و بردو والله انا كلامي و اسئلتي بكل حياديه (مميزات و عيوب) و ربنا يعلم...
100000 سلامه عليك يا باشا و شفاك الله و عافاك...
انا لما قلت للناس ان منتدى نايل موتورز ده اكبر منتدى سيارات في مصر, و الأعضاء أحسن أعضاء و هما الصفوه بجد, انا مكدبتش والله
شكرااا بجد على التقرير المحترم جداا و الحيادي و المقنع, و في انتظار تقرير أستاذ نادر ان شاء الله...
و اتمنى ان كل اللي معاه العربيه يستمتع بيها... و ربنا يديكوا خيرها و يكفيكوا شرها
تقرير جميل ومستنى تقرير نادر
شكراً على الحيادية و التقرير الجيد و أتمنى أن تكون هذه التجربة متكررة لسيارات أخرى فى مختلف أقسام المنتدى لأنها ستكون مفيدة جداً لجميع أعضاء المنتدى
تسلم إيدك يا ابوحميد على التقرير الموضوعي لكن أسمحلى باعتباري أحد ملاك العربية اختلف معاك بشدة في حكابة "الفتيس كسول والتسارع بطىء " دي بل على العكس تماما التسارع أكثر من رائع واستحابة الفتيس عالية، ودي نقطة تتحط في خانة مميزات العربية مش عيوبها...لكن طبعا الله ينور على تقريرك وانا معجب جدا جدا بالمبادرة بتاعتك لأن هي دي التصرفات العملية المحترمة اللي بتجيب نتيجة.تحياتي.
الف شكر مجهود وتعاون لكم عليه كل الشكر والتقدير
اعتقد ان الاسئله والنقاش لن تكون منطقيه الابعد تقرير م نادر نبيل
علشان الانطباع يكون اكتر شموليه ومتعدد الوجهات
اعتقد ان التسارع هيكون اعلى بالنسبة لفئة ال ex علشان الجنط 16 وزنه اقل من ال 17
متشكرين جدا على التقرير , تحية و تقدير لمجهوداتكم
تقرير ممتاز والله
ومجهود مشكور
ألف شكر يا أحمد باشا
ربنا يجزيك خير على الوقت والمجهود والتقرير المفصل الحيادي
تقرير ممتاز
والف شكر لكل من ساهم في ظهور هذا الموضوع
تحياتي