المشاركة الأصلية كتبت بواسطة slim_shika
في كام حاجة عايز اقولها, بعد ماقريت مواضيع فيها مقارنة بين الالماني و الياباني, ده رأيي الشخصي :
-الالماني من غير كلام سابق العالم في تكنولوجية العربيات ,
-الياباني هو اللي ينفع تشتريه في مصر (من غير ماأكتر ) إنت عايز عربية - مابتسخنش - تكيف قوي - توكيل نضيف - موفرة في البنزين - قطع غيار : (1-معمرة 2-مش غالية ) - عربية مش اغلى من 150 ألف .
-لما تيجي تشتري عربية إنت محكوم بالبيئة اللي إنت عايش فيها , يعني لو ساكن في حتة مكسرة متجبش عربية واطية , لو 75% من مشاويرك جوه البلد متجبش عربية cc عالي و هكذا..
حاجة اخيرة , أنا ولا فارق معايا مين اللي هيكسب في المقارنة (ده لو في حد هيكسب) اللي هيفرق معايا مين اللي هيعمل المميزات اللي فوق ديه ارخص , الماني - ياباني - هندي , كلهم مش بلدي و أنا ما عنديش انتماء ليهم كده كده ...