ساعدونى يا جماعة ازاى اشترى عربية مستعملة من معرض ؟؟؟؟؟
السلام عليكم و رحمة الله
انا قدامى عربية ماتيريا 2008 مانوال عاملة 48 الف كم و فول اوبشن و فابريكة برة و جوة ( ده كلام الراجل) و مطلوب 71 الف جندى
ايه اللى واحد يعمله عشان يطمن انه العربية زى م الراجل بيقول و الواحد يطمن قبل ما يشترى
العربية فيها كام خدش كده من قدام وورا و الباب الايمن من ورا ... انا خبرتى قليلة فى الموضوع ده ..... و عاوز اعرف هل الحاجات دى تريحة فى الركنة زى ما بيقول و لا العربية مخبوطة و الراجل بيضحك عليا.......
و الراجل على فكرة طلب حاجة غريبة منى قاللى انه عشان يطلع العربية تكشف يبقى لازم ادفع 1000 جندى تحت الحساب او عربون ..... و مصاريف الكشف عليا و لو العربية طلعت فابريكا زى ما بيقول يبقى لازم اتمم البيعة و الا ال 1000 تروح عليا .... و قاللى ده العرف فى المعارض دلوقتى ...... هل الكلام ده صح و لا دى حجة عشان يقفش منى ال 1000 جنيه و لا ايه النظام ؟؟؟
و ايه الاجراءات اللى تتعمل لما تيجى تشترى عشان الواحد يبقى ضامن حقه ....... الراجل مدينى على فكرة رقم الشاسيه و الماتور بتاع العربية و رقم العربية و اسم المالك بالكامل .... و العربية عاملة صيانة 25 الف كم فى التوكيل بس مش عامل صيانة ال 40 الف كم و دى فى التوكيل تعمل 1500 جنيه لو بزيت 5000 كم او 1700 لو بزيت 10000 كم ..... دول مين يدفعهم انا و لا هوا ؟؟؟؟؟؟؟
انا عاوز اشترى بما يرضى الله و رسوله و بالاصول و من غير ما اظلم و لا اتظلم عشان ربنا يبارك فى العربية ان شاء الله
و شكرا مقدما للردود