تفتح الثلاجة ولا تدوس على زرار النور،تسمع:عفوا لقد نفذرصيدكم

حاجة غريبة جدا - استمرار لسياسة تقليب المواطنين المنتشرة حاليا - بدءت شركة الكهرباء بعد ما (شروة) العدادات الديجيتال المشبوهة خلصت والي تكررت الشكاوي انها بتقرأ غلط وبتزود الاستهلاك المقروء

بدءت شركة الكهرباء فعليا دلوقتي وبدون أي اعلان اعتماد عدادات جديدة تعمل عن طريق كروت شحن - يعني الكارت يخلص - عندك سماح من 5 بالليل ل 10 الصبح وبعدين يقطع الكهرباء

الكوميدي - انك لازم تروح بالكارت بتاعك علشان تشحنه في أي من فروع شركة الكهرباء - يعني مشوار مرهق على الفاضي - لا كمان بتتكرر ان الكروت ماتتشحنش صح وتضطر ترجع تاني وتتخانق علشان الكارت يتشحن تاني

الكلام ده يتقال عليه إيه غير انه تهريج.....؟؟؟؟؟؟؟

أنا واحد صاحبي عنده شاليه في عين السخنة و القرية هناك ماشية بنفس الموضوع

بس هو بيشحن كل مرة بـ500 جنيه علشان مايروحش كذا مرة

بَص طبعا كفكرة.....زبالة طبعا

ماله العداد القديم أو العادي يعني محدش اشتكى منه خالص

حاجة تقرف

اروح فين؟ شركة الكهرباء؟ المفروض انه يتباع زى كروت الموبيل فى اى حتة

وهل النظام ده حيطبق قريب ولا اختيارى؟

بغض النظر عن فرضية وجود أخطاء بالعدادات دي...و مش عارف إذا كان موضوع الشحن ده حقيقي ولا الكروت بتتباع علطول
انا شايف انها ممتازة و أريح بكتير من النظام العادي و ده لأنك هاتقدر تحسب إستهلاكك بالظبط و تقدر تيجي عند نقطة معينة من الشهر مثلاً و تجبر نفسك على تقليل الإستهلاك و في الأخر توفير لينا
ده غير نقطة إنتهاء عصر المحصلين و قرفهم و الخطورة اللي ممكن تيجي من وراهم لو سايب مراتك أو الأطفال في البيت ممكن الموضوع مايبقاش أمان قوي

ده غير انه بيعمل كذا تحذير قبل نفاذ الرصيد:
عند 25% لمبة حمراء بتنور
عند 10% اللمبة الحمراء بتنور و تطفي

و بعد كده مقفلش في وشك الكهرباء...لأ ده هايديك من 5 بعد الظهر لحد 10 الصبح اللي هو الوقت اللي معظمنا بنبقى فيه في البيت...و القصة دي هاتقعدلها يوم بالكتير لحد ما تجيب الكارت

الكارت ممكن تبعت البواب في تاكسي يجيبه أو تجمعوا العمارة كلها مرة واحدة و يروح يجبهم مرة واحدة و خلاص

إحنا عندنا العداد ده في العين السخنة و شايف انه ممتاز و مريح جداً

طب في شالية واماكن الواحد مش بيقعد فيها باستمرار ماشي - لكن في البيوت حاجة غريبة جدا

دلوقتي أي حد يروح يقدم على عداد أو يطلب تغيير عداد - مافيش غيره...؟؟

و بعد فترة يطبقوا نظام سلفنى شكراً , اصل الكهرباء قطعت و عايز اكمل المسلسل :)

اقتباس:

---

المشاركة الأصلية كتبت بواسطة Terrible_DaRsH

و بعد فترة يطبقوا نظام سلفنى شكراً , اصل الكهرباء قطعت و عايز اكمل المسلسل :)

---

كهربني شكرا

اقتباس:

---

المشاركة الأصلية كتبت بواسطة Sh_sunsea

كهربني شكرا

---

:Oc_sun1[1]:

حسبى الله ونعم الوكيل

اقتباس:

---

المشاركة الأصلية كتبت بواسطة nadernabil

بغض النظر عن فرضية وجود أخطاء بالعدادات دي...و مش عارف إذا كان موضوع الشحن ده حقيقي ولا الكروت بتتباع علطول
انا شايف انها ممتازة و أريح بكتير من النظام العادي و ده لأنك هاتقدر تحسب إستهلاكك بالظبط و تقدر تيجي عند نقطة معينة من الشهر مثلاً و تجبر نفسك على تقليل الإستهلاك و في الأخر توفير لينا
ده غير نقطة إنتهاء عصر المحصلين و قرفهم و الخطورة اللي ممكن تيجي من وراهم لو سايب مراتك أو الأطفال في البيت ممكن الموضوع مايبقاش أمان قوي

ده غير انه بيعمل كذا تحذير قبل نفاذ الرصيد:
عند 25% لمبة حمراء بتنور
عند 10% اللمبة الحمراء بتنور و تطفي

و بعد كده مقفلش في وشك الكهرباء...لأ ده هايديك من 5 بعد الظهر لحد 10 الصبح اللي هو الوقت اللي معظمنا بنبقى فيه في البيت...و القصة دي هاتقعدلها يوم بالكتير لحد ما تجيب الكارت

الكارت ممكن تبعت البواب في تاكسي يجيبه أو تجمعوا العمارة كلها مرة واحدة و يروح يجبهم مرة واحدة و خلاص

إحنا عندنا العداد ده في العين السخنة و شايف انه ممتاز و مريح جداً

---

مؤيدك تماما فى ان الفكرة دى ممتازة و معجب بيها
و حتكون سبب رئيسى فى تقليل إستهلاك الفرد للكهرباء

انا قرأت انها هتتنفذ كمان فى عدادات المياه وبصراحة ياريت علشان نرشد فى استهلاك المياه

الفكره طبعا فاشله , بس مش علشان اشحن وحول رصيد والكلام ده

ده علشان طبعا طبعا وكعادتنا كمصريين مش هيبقى فى تخطيط وهيبقى بقا شباك شحن واحد فى الكهرباء وكل مصر عايزه تشحن والموظف هيعيش التناكه على الناس ويبقى بدل ما بنرخص كل 3 سنين علشان نستريح من المرور هنشحن ب 10000 جنيه علشان نستريح من قرف الكهرباء

الطوابير الجديدة الي هاتظهر في شحن الكروت دي هاتخلي الواحد يجيب مولد كهرباء أرحم - ده غير ان الكهرباء زادت تاني في الحركة دي

والسؤال هنا موضوع شرائح الاستهلاك الي كنا بنتحاسب عليها - هايعملوا فيها إيه

هى البلد مالها عمالة تتطور ويطلع فيها حاجات غريبة كدة لية

العداد ده عند عمتي من زمان وهو حتى الآن حلو ومفيهوش مشاكل لأنه عدده قليل بس لما يزيد والطوابير تزيد وطبعاً مع التخطيط الجامد بتاع بلدنا (شباك واحد لكل مصلحه ) هيبقى عليه معارك
والحل انهم يبيعو كروت في المحلات زي كروت الموبايل او تبقى بالفيزا من على النت

اقتباس:

---

المشاركة الأصلية كتبت بواسطة eng_mostafa_89

هى البلد مالها عمالة تتطور ويطلع فيها حاجات غريبة كدة لية

---

اصل عباقرة البلد حلوا كل مشاكلها من محو امية الى مشاكل الناس العامة و كل شيء بقي تمام علشان كدا بيفكروا يطوروها بقي ..

بالمناسبة احنا غيرنا العداد من فترة و حصلت مشاكل مع الشركة كتير جدا و فى الاخر بعتوا واحد عمل حاجات غريبة كده و العداد بقي بيعد من غير ما يشتغل ازاى متفهمش :)

مش ملاحظين ان مفيش حاجه بتطور في البلد دي غير وسائل اخد الفلوس!!
يعني عدادات وضرايب ومرور ورادارات واشارات وكاميرات كل الحاجات دي عندنا منها احدث حاجه في العالم!!!

العداد ده مليان في العين السخنة زي ما قال نادر نبيل

زي عند صاحبي بالضبط

بس زي مانتوا بتقولوا هيبقى كابوس لما يبقى منتشر خصوصا في القاهرة

سيبكوا من السخنة أهو الواحد بيروح هناك فين و فين لكن حرام حرقت الدم

الواحد هيلاقيها من طابور العيش ولا التليفونات ولا الكهربا ولا ولا ........

أنا بندم اشد الندم إني نزلت مصر وسبت كندا

لما رحت السفارة شفت كمية الناس العوزة تهج وتسافر

حرام البيحصل ده فينا بجد حرام

فكرة حلوة بس طرقعة اوى انهم يعملوا الموضوع دة ولجهل ناس كتير لية بس يارب بقى ميبقاش فى مشاكل زى الرصيد خلص بسرعة والرقم الذى ادخلتة غير صحيح الرصيد متفعلش بعد الشحن وخدمة عملاء زبالة ودة كهرباء مش هزار انا سمعت الكلام دة من فترة بس كان عن المية اية اللى خلاهم يرجعوة تانى للكهرباء الفراغ وحش لا حول ولا قوة الى بالله

الفكرة ديه مطبقة هنا في الخرطوم فقط بس بشكل مختلف شوية وهو:
فيه مكاتب في كل منطقة وحي بتفتح في مواعيد العمل الرسمية تروح في أي وقت بمجرد إعطاء الموظف رقم العداد والبملغ المراد شراء كهرباء به بيديك وصل جديد فيه رقم سري بدخله في العداد اللي عندك وشكرا.
طيب لو حصل وقطعت الكهرباء بليل مثلا؟؟؟بيبقى فيه مكتب رئيسي لكل منطقتين أو 3 شغال 24 ساعة.
منكرش إن النظام رخم بسبب إنك بتقف في طابور بس بجد الطابور عمره مابييعدي 5 دقائق على بعض.

بالمناسبة كان زمان من حوالي سنتين كده نفس النظام ده مطبق هنا بس عن طريق كروت دفع مقدم بتلاقيها بتتباع في أي سوبر ماركت بس إتلغى وتم تطبيق النظام الحالي.

اقتباس:

---

المشاركة الأصلية كتبت بواسطة Sh_sunsea

كهربني شكرا

---

جامدة جدا

ههههههههههههههههههههههههه فكرة طريفة مش اكتر

اقتباس:

---

المشاركة الأصلية كتبت بواسطة elpasha009

الفكرة ديه مطبقة هنا في الخرطوم فقط بس بشكل مختلف شوية وهو:
فيه مكاتب في كل منطقة وحي بتفتح في مواعيد العمل الرسمية تروح في أي وقت بمجرد إعطاء الموظف رقم العداد والبملغ المراد شراء كهرباء به بيديك وصل جديد فيه رقم سري بدخله في العداد اللي عندك وشكرا.
طيب لو حصل وقطعت الكهرباء بليل مثلا؟؟؟بيبقى فيه مكتب رئيسي لكل منطقتين أو 3 شغال 24 ساعة.
منكرش إن النظام رخم بسبب إنك بتقف في طابور بس بجد الطابور عمره مابييعدي 5 دقائق على بعض.

بالمناسبة كان زمان من حوالي سنتين كده نفس النظام ده مطبق هنا بس عن طريق كروت دفع مقدم بتلاقيها بتتباع في أي سوبر ماركت بس إتلغى وتم تطبيق النظام الحالي.

---

اديك قلتها 5 دقائق بس لكن هنا في أم الدنيا ابقى قابلني لو مشيت قبل ساعة أو مش قبل ساعتين

:Ka_che1[1]:

و علي كده ممكن استلف ب 3 جنيه كهربا لغايه ما تفرج

طبعا الفكره فى الاساس ممتازه ..ومع طبيعه المصريين تساعد اننا نوفر وتخلى بالنا من الاستهلاك...
لكن المهم تطبيق الفكره جيدا قبل تعميمها....وممكن نشارك ببعض الاقتراحات كمان..واول إقتراح.
1- يتم شحن الكارت بواسكه الفيزا من على النت..
2- الشحن من خلال مكاتب البريد زى إتصالات..
..

اقتباس:

---

المشاركة الأصلية كتبت بواسطة ahmed0nouh

الفكره طبعا فاشله , بس مش علشان اشحن وحول رصيد والكلام ده

ده علشان طبعا طبعا وكعادتنا كمصريين مش هيبقى فى تخطيط وهيبقى بقا شباك شحن واحد فى الكهرباء وكل مصر عايزه تشحن والموظف هيعيش التناكه على الناس ويبقى بدل ما بنرخص كل 3 سنين علشان نستريح من المرور هنشحن ب 10000 جنيه علشان نستريح من قرف الكهرباء

---

+1

الفكرة كفكرة حلوة لكن مع مصر هتبقى عذااااااااااااااااااااااا اب و خصوصا لو قاعد فى الشقة ست او راجل كبار فى السن

انا هقولكم على حاجة من واقع دراستى فى سنة البكاليوس المعلومة دى اكدها لى كذا دكتور وهى ان الاستهلاك قرب على التساوي مع الانتاج يعنى استهلاكنا ممكن مع التطور و استخدام اجهزة التكييف يفوق انتاجنا - معظم احمال مصر من الكهرباء سكنية و بتمثل 65 % من مجموع الاحمال -

طبعا فيه كذا طريقة لتخفيض الاحمال اهمهم انك فى وقت الذروة يبقى اعلى سعر للكيلوات و ده هيجبر الناس للتخلى عن الاجهزة اللى مش محتاجها فى هذا الوقت

وزى الربط الكهربى زى اللى مصر عمله مع الاردن و الربط القادم مع السعودية - المشروع بيتاجل كل فترة لاسباب سياسية -

و استخدام اللمبات الموفرة وحملات التوعية - مش هتجدى مع المصريين لان الناس كرهة نفسها وكرهة بلدها -

و فيه اكتر من طريقة للتوفير و مكنتش اتوقع فى يوم من الايام انهم يستخدموا فكرة العداد ابو كارت لان فيه افكار احسن منه كتييييييييييير

اقتباس:

---

المشاركة الأصلية كتبت بواسطة maka

+1

الفكرة كفكرة حلوة لكن مع مصر هتبقى عذااااااااااااااااااااااا اب و خصوصا لو قاعد فى الشقة ست او راجل كبار فى السن

انا هقولكم على حاجة من واقع دراستى فى سنة البكاليوس المعلومة دى اكدها لى كذا دكتور وهى ان الاستهلاك قرب على التساوي مع الانتاج يعنى استهلاكنا ممكن مع التطور و استخدام اجهزة التكييف يفوق انتاجنا - معظم احمال مصر من الكهرباء سكنية و بتمثل 65 % من مجموع الاحمال -

طبعا فيه كذا طريقة لتخفيض الاحمال اهمهم انك فى وقت الذروة يبقى اعلى سعر للكيلوات و ده هيجبر الناس للتخلى عن الاجهزة اللى مش محتاجها فى هذا الوقت

---

+1111111111111

رشدوا استهلاكم يرحمكم الللللللللللللللللللللللل للللللللللللله:b4_611:
المياه والكهرباء بتتكلف اد كده فى انتاجها وتوصيلها

فارجوكم استعملوها بما يرضى الله

مش حقولك متفتحش النور ولا المياه

بس افتحها بالعقل ولا متعوزهاش اقفلها

يا جمعاة ده لا سحر ولا شعوذة ، العالم كله ماشى كدة ومن سنين طويلة جدا، كله حاجة بيندفع تمنها بكروت شحن ، كهرباء وغاز ومية وتليفون ارضى وكل حاجة، علشان لا حدا ياخد حاجة سفلقة ولا حد تتراكم عليه ديون ولتوفير مصاريف التحصيل
بس كدة هيسرحوا قارئى العدادات والمحصلين

اقتباس:

---

المشاركة الأصلية كتبت بواسطة sab3aawy

بس كدة هيسرحوا قارئى العدادات والمحصلين

---

ممكن يقعدوهم على الشباك يبيعوا الكروت...و كده يبقى حلينا مشكلة التزاحم على شرائها :)

اقتباس:

---

المشاركة الأصلية كتبت بواسطة NaderNabil

ممكن يقعدوهم على الشباك يبيعوا الكروت...و كده يبقى حلينا مشكلة التزاحم على شرائها :)

---

هما لو فكروا لو للحظة واحدة انهم يبيعوها من خلال شركة الكهرباء بس يبقى اخر ذكاء:11:

بالظبط كما لو موبينيل او فودافون تقول اللى عايز يشحن يجى الفروع بتاعتى:fun_36_3_4[1]:

مش هينفع نطبق نفس النظام بتاع المحمول على الكهربا

دلوقتي لما اروح لي أي كشك بشتري مثلا كارت أم 50 جنيه بحوالي 51 جنيه

لكن أنا اروح أجيب كارت 500 جنيه للكهربا وادفع 510 لصاحب الكشك؟؟؟!!!!

ده غير ان الشحن لازم بالكارت بتاعك - تاخده من العداد للشركة تشحنه وترجع بيه - لازم في الشركة مش في أي مكان - وضيف عليها الراجل بيفطر- ولا الجهاز عطلان - والطابور الي مصدقت ارتحت منه من ساعة ما عرفت ان ممكن أدفع فاتورة التليفون من على النت

والموضوع بصراحة ليس له أي علاقة بترشيد استهلاك الطاقة - يعني الموضوع ده هايخليني أقفل التكييف الي كنت بشغله في العادي ولا أطفي النور الي كنت بسيبه منور - الفلوس الي بتدفع على الفاتورة هي الي هادفعها بس وانا بتعذب علشان أدفعها - وغير كده - العداد بيحاسب الكيلووات ازاي - العادي كان شرائح وكل ما استهلاكك يزيد شهريا سعر الكيلو وات بيزيد - هنا بقى هاتتحسب ازاي ..؟؟؟؟

الحكومة تسعى جاهدة وتبذل قصارى جهدها لارهاق المواطن المصري وتكفير سيئاته في الدنيا علشا يدخل الجنة حدف

اقتباس:

---

المشاركة الأصلية كتبت بواسطة نور القمر

الحكومة تسعى جاهدة وتبذل قصارى جهدها لارهاق المواطن المصري وتكفير سيئاته في الدنيا علشا يدخل الجنة حدف

---

والله عنديك حق :Ka_che1[1]:دا انا بروح والله عشان ادفع المياة فى الشركة سعات مش بيرضى ياخد منى الفلوس ولا حتى يدينى الوصل عشان مكسل يقوم ولا معاه موبيل او بيخلص شغلانة تانية :eee:ويقولى فوت علينا بكره ويقعد يرميلى اى كلام ادارى يروشنى بيه وكمان اول حاجة هنلاقى الكروت تنزل السوق السوداء وتضرب فى العالى وفى وسط الزحمة نلاقى شركة الكهرباء زودة قيمة الاستهلاك وبالمرة تحساب على تكلفة تركيب العداد الجديد:049: وتاخدلها كام مليار على الماشى وبعد كده تامين على الكارت تاخد لها كام مليون على الماشى برضو واول ما يحصل حاجة فى العداد يقولونا دا على اي سي ماينفعش يتصلح والزبون يشيل تمن واحد جديد ويدفع كمان غرامة وممكن على ايام الامتحانات الثانوية العامة حد يجى من اتحاد الكرة يلم التذاكر كلها من السوق اقصد الكروت كلها ويبعها بالغالى جنب سور الجامعة وعمار يا حكومة ياذكية يا نظيفة . :36_1_50[1]:
وارجو من الاخوة الاعضاء وضع تحزيرات مضر جدا بالصحة فى اسم الموضوع فى المنتدى فى الاخبار الى زى دى عشان بقى فى شباب كتير جلها امراض عصبية مصاحبة بحالات تشنج مزمنة من التطور الرهيب فى الحياة المصرية .وااااااااااااااااااه يابلد.:H_angry[1]:

اقتباس:

---

المشاركة الأصلية كتبت بواسطة nadernabil

ممكن يقعدوهم على الشباك يبيعوا الكروت...و كده يبقى حلينا مشكلة التزاحم على شرائها :)

---

او يشغلوهم لخدمة الشحن المنزلى مقابل 10 او 20 جنية او نسبة مئوية من مبلغ الشحن

اقتباس:

---

المشاركة الأصلية كتبت بواسطة sh_sunsea

والموضوع بصراحة ليس له أي علاقة بترشيد استهلاك الطاقة - يعني الموضوع ده هايخليني أقفل التكييف الي كنت بشغله في العادي ولا أطفي النور الي كنت بسيبه منور - الفلوس الي بتدفع على الفاتورة هي الي هادفعها بس وانا بتعذب علشان أدفعها - وغير كده - العداد بيحاسب الكيلووات ازاي - العادي كان شرائح وكل ما استهلاكك يزيد شهريا سعر الكيلو وات بيزيد - هنا بقى هاتتحسب ازاي ..؟؟؟؟

---

ما هو حضرتك لما تتعذب فى طابور الشحن هتقول اقعد فى الحر شوية ولا اهدى الاضاءة على الاخر تاجيلا لعذاب الطابور و بكده لا طولت عنب اليمن ولا بلح الشمال

و حوار كروت الشحن هيفتح المجال لضعفى النفوس و الضمائر لسرقة الكهرباء طالما مفيش قرايات ومراجعة و استهلاك حالى وسابق

اقتباس:

---

المشاركة الأصلية كتبت بواسطة نور القمر

الحكومة تسعى جاهدة وتبذل قصارى جهدها لارهاق المواطن المصري وتكفير سيئاته في الدنيا علشا يدخل الجنة حدف

---

حتى دى فى مصر مش مضمونة لان الناس بتنحرف نتيجة الكبت

بكره نلاقى الكروت سوق سودا .

حكومة اليكترونية بعشوائية لشعب زهق من كل حاجه منها

بالمرة كمان:

الأهرام

24/12/2009
تشغيلها نهاية العام المقبل
‏600‏ بوابة عبور جديدة بالمترو بكروت قابلة لإعادة الشحن

كتب ـ محمود داود‏:‏
تعاقدت الشركة المصرية لادارة وتشغيل المترو علي شراء وتعديل‏600‏ بوابة عبور جديدة ممغنظة تعمل بتكنولوجيا الكروت اللاتلامسية وذلك بتكلفة‏45‏ مليون جنيه‏..‏ كمرحلة أولي ستشمل بعض البوابات بجميع محطات مترو الأنفاق‏.‏

صرح بذلك المهندس محمد رئيس مجلس الادارة والعضو المنتدب للشركة‏,‏ وأضاف أنه سيتم تخصيص هذه البوابات بالمرحلة الأولي للمشروع لشريحة مستخدمي الاشتراكات التي تمثل‏40%‏ من راكبي المترو‏.‏

وشرح الشيمي أن الكروت اللاتلامسية ستحل تدريجيا محل التذاكر الورقية وتتميز عنها بأنها قابلة للاستخدام عدة مرات‏,‏ كما أنها قابلة لإعادة الشحن بمبالغ مادية مختلفة طبقا لعدد مرات الاستخدام لتفتح البوابة ويعبر الراكب مع احتفاظه بالكارت‏.‏

وأوضح شيمي أن مشروع البوابات اللاتلامسية تم التعاقد عليه مع احدي الشركات الأسبانية المتخصصة في تكنولوجيا المعلومات لشركات النقل‏,‏ وجار حاليا تصنيع المعدات‏,‏ ومن المتوقع تركيب البوابات وبدء تجارب التشغيل أواخر العام المقبل‏,‏ تمهيدا لتعميم المشروع في كل محطات المترو بخطيه الأول والثاني‏.‏

اقتباس:

---

المشاركة الأصلية كتبت بواسطة nadernabil

بالمرة كمان:

الأهرام

24/12/2009
تشغيلها نهاية العام المقبل
‏600‏ بوابة عبور جديدة بالمترو بكروت قابلة لإعادة الشحن

كتب ـ محمود داود‏:‏
تعاقدت الشركة المصرية لادارة وتشغيل المترو علي شراء وتعديل‏600‏ بوابة عبور جديدة ممغنظة تعمل بتكنولوجيا الكروت اللاتلامسية وذلك بتكلفة‏45‏ مليون جنيه‏..‏ كمرحلة أولي ستشمل بعض البوابات بجميع محطات مترو الأنفاق‏.‏

صرح بذلك المهندس محمد رئيس مجلس الادارة والعضو المنتدب للشركة‏,‏ وأضاف أنه سيتم تخصيص هذه البوابات بالمرحلة الأولي للمشروع لشريحة مستخدمي الاشتراكات التي تمثل‏40%‏ من راكبي المترو‏.‏

وشرح الشيمي أن الكروت اللاتلامسية ستحل تدريجيا محل التذاكر الورقية وتتميز عنها بأنها قابلة للاستخدام عدة مرات‏,‏ كما أنها قابلة لإعادة الشحن بمبالغ مادية مختلفة طبقا لعدد مرات الاستخدام لتفتح البوابة ويعبر الراكب مع احتفاظه بالكارت‏.‏

وأوضح شيمي أن مشروع البوابات اللاتلامسية تم التعاقد عليه مع احدي الشركات الأسبانية المتخصصة في تكنولوجيا المعلومات لشركات النقل‏,‏ وجار حاليا تصنيع المعدات‏,‏ ومن المتوقع تركيب البوابات وبدء تجارب التشغيل أواخر العام المقبل‏,‏ تمهيدا لتعميم المشروع في كل محطات المترو بخطيه الأول والثاني‏.‏

---

أنا مش فاهم حاجة.....أنا دلوقتي بركب المترو مرة في الشهر مثلا.....ليه أجيب البتاع دي....

مالها بس التذكرة أم ورق......مين التيت الإشتكى منها بس.......ولا هي حاجة كده و سلام.....وبعدين مايطوروا المترو الاول وبعد كده نشوف موضوع التذاكر ده حاجة غريبة واللهِ

المفروض ان الكروت دى للناس بتاعت الاشتراكات لكن اللى بيركب المترو بصورة عشوائية يبقى ظلم