اوبل كورسا وحاجة غريبة فى عداد ال rbm

**romeeoo** · 03-12-2007 01:11 AM

سلامو عليكو
انا عندى اوبل كورسا 1200سى سى موديل 95 فيها عداد اربى ام الطبيعى بتاعه على 850 لفة فى السلانسيه ون اسبوعين كده بقيت لما اروح مشوار واقف الاقيه على 1100 لفة ومش عايز ينزل وصوت المكنة عالى وبتسحب بنزين لما اطفى وادور تانى يرجع طبيعى وهكذا رحت للكهربائى فكلى ال اى دى بتاع البنزين حاجة كده متوصلة بفيشة قد الزلطة بيقولى ده اللى بينظم هوا المكنة ونضفه كويس وركبه مشيت كام يوم ورجعت المشكلة تانى رحتله تانى عمل نفس الحركة وبرضه كام يوم ورجع تانى ايه الحل؟

**remonxxx** · 02-02-2008 05:02 AM

انا بس هقولك عشلن انت اسمك علي اسمي بص يا باشا انا علي حد علمي يعني اللي هي صغيرة اوي انا من راي تبص وتراجع علي الفلتر بتاع الهوا بتاعك او تروح لميكانيكي محترم وكويس يراجع الدايرة الكربراتير والهوا والبنزين كويس انت عندك الكربراتير هو اللي انجكشن يعني اللي هو انجكتور وده بيتظبط علي الكمبيوتر روح ودور وشكلها هتتطلع حاجة هايفة إن شاء الله وربنا يقويك

**HISHAM80** · 02-02-2008 07:56 AM

check cst may throttle position sensor

**Ahmad Allawy** · 03-02-2008 10:44 AM

السلام عليكم..
هو انا الموضوع ده كان بيحصل معايا فعلا من فترة كده اول ما اخدت العربية اللي معايا
هي 1200 برضه موديل 97
وراحت خالص لما غيرت فلتر الهوا..
بص كده ع الفلتر وشوف لو متوسخ قوي غيره.. هو مش غالي حوالي 35 جنيه انضف نوع..
وربنا يسهل ان شاء الله وتتحل..

**Ahmad Allawy** · 03-02-2008 10:45 AM

اه بالمناسبة بقي..
انا عندي سؤال بخصوص الار بي ام برضه..
هل لما المروحة بتشتغل عندك و العربيه واقفة ع السلانسيه.. العديد بينزل كده سنة صغيرة..؟؟
انا بيحصل عندي كده.. و كمان الموتور بيرج رجة جامدة شوية..
لو حد عنده رأي اهلا بيه..

**abouzahra** · 01-10-2008 02:59 AM

المشكلة دى

عندك مشكلة فى

idel air control

اى حساس السلانسية

**abouzahra** · 01-10-2008 03:00 AM

المكنة دى بتستهلك خساس الايدال و الماف

**MohamedGM** · 01-10-2008 04:24 AM

المشكلة حاجة من اثنين
اما موتور السلانسية Idle Air Motor
و اما حساس البوابةTPS
انت لازم تروح التوكيل علشان يكشفوا بالجهاز عليها
عزيزي ابو زهرة لا يوجد ماف فى هذة السيارة

**abouzahra** · 01-10-2008 04:29 AM

المشاركة الأصلية كتبت بواسطة MohamedGM

المشكلة حاجة من اثنين
اما موتور السلانسية Idle Air Motor
و اما حساس البوابةTPS
انت لازم تروح التوكيل علشان يكشفوا بالجهاز عليها
عزيزي ابو زهرة لا يوجد ماف فى هذة السيارة

اخى الكريم محمد

السيارة بها ماف

mass air flow

ةبيعمل حوالى 1100 جنية

وهو لو عايز يكشف عليها

ممكن يجى لنا عندنا جهاز تك 2