بدون استخدام فيميه للزجاج
عرض للطباعة
بدون استخدام فيميه للزجاج
طبعا سأغطيها لسببين بعيدأ عن الشمس ...
أولاً : علشان العربية متتسرقش .
ثانياً : لأني مش هلاقى مكان ظل أركن فيه علشان الكل بيدور على الضل يركن فيه .
السؤال صعب قوى لأنى بيبقى نفسى اغطيها بس ده ضياع للوقت علشان تنزل من بيتك الصبح تشيل الغطاء و تروح الشغل تحط الغطاء و لو عندك مشوار فى الشغل هاتنزل تشيل الغطاء و ترجع تحطه لما ترجع الشغل و بعدين تنزل تشيله و تروح تحطه و لو نازل المغربيه تشيله و بالليل ترجع تحطه علشان تشيله تانى يوم ... ده غير انك ممكن تعمل كذا مشوار هاتفضل تشيل و تحط و ايدك تتبهدل من الغطا المبهدل اساسا ...... ده ايه الغلب ده ؟؟ هههههههه
و بعدين اساسا مش هاتلاقى مكان ضل علشان تركن فيه ...... فأنا هاسبها تولع فى الشمس يا هابيعها و اخلص من وجع الدماغ ده و اخلى الغطاء ابقى اتغطى بيه انا فى الشتا هههههههههههههههههههههههه
a7'ookom
Sherif
هههههههههه
شكرا أ . شريف :lol: ضحكت من قلبي والله :lol:
محاولة الركن فى الظل بقت صعبة جدا
فى الاختراع الجديد V.Cool ده كويس جدا وده عبارة عن ستيكر للزجاج زى الفيميه وفى منه درجات للشفافية هو غالى شويه بس فعال جدا وبيقلل نسبة الحرارة داخل العربية وده بيحافظ على صالون العربية و كفاءة التكييف وفيه كمان منه لكبوت العربية
اركنها في الظل واركب ستارة خلفية وشماسة من الامام وممكن برضة طقم شماسات جابني 4 قطع ب40 جبية واركن فالشمس براحتي.
يا سلام بقى لو تلاقى جراج تركن فيه العربية
يبقى انت كده فى الامان
بيتجاب منين ؟ و لو حضرتك تعرف الأسعار , يا ريت تقولها . شكراًاقتباس:
المشاركة الأصلية كتبت بواسطة Midzy
آه و بالنسبة للمرور بيتكلموا عليه و للا لأ ؟
على فكره يا جماعة انا كنت سمعت ان الشمس بتقوى صاج العربيه
لكن بتبوظ التابلوه
عشان كده افضل حل تسيبها فى الشمس بس تحط شماسه
و تكون كرتون مش المفضضه
لان المفضضه بتزود معدل الانعكاسات و ممكن تخلى الزجاج يفرقع
(تاثير الصوبه الخضراء) :D
بالنسبة للV.cool هو موجود فى مدينة نصر عند محطة وطنية قبل سيتى ستارز هناك المكتب بتاعهم و التركيب كمان
فى اكتر من موديل انا مش فاكر الاسماء لأن الموضوع انا عملته السنة الى فاتت بس هما مقسمين حسب درجة الشفافية ودرجة حجب الحرارة
والاغلى طبعا الاعلى شفافية وهو بيكون شفاف لدرجة انه مش باين انك مركب اى حاجة و بيكون كمان اكبر قدرة لحجب الحرارة وده بيكون غالى طبعا اوى تقريبا يكلف 5000 للعربية كلها
بس هما عاملين حركة لطيفة اوى انك ممكن تركب مثلا للزجاج الامامى اعلى درجة والخلفى و الابواب درجة اقل و تدفع اقل ممكن 1800
وكمان فى النوع الرخيص خالص ممكن تعمل العربية كلها ب600 بس ده بيكون غامق واكيد المرور هيغلسوا عليك وكمان الجودة بتاعته منخفضة
وهما كمان بيدوا ضمان مدى الحياة
والتركيب بياخد حوالى ساعتين بس لو اتأخرت طبعا شوية فى الصيف بيبقى زحمة جدا ممكن تاخد ميعاد بعد اسبوع
انا ازود على الخمسه دول واحد كمان و اجيب سيات ابهدلها فى الشمس و احافظ على العربيه الأساسيه بتاعتى و ما اخرجش بيها الا بالليل ههههههههههاقتباس:
والاغلى طبعا الاعلى شفافية وهو بيكون شفاف لدرجة انه مش باين انك مركب اى حاجة و بيكون كمان اكبر قدرة لحجب الحرارة وده بيكون غالى طبعا اوى تقريبا يكلف 5000 للعربية كلها
a7'ookom
Sherif
الله عليك يا أ/شريف لقد أضحكتني كثيراً ... يا عم كفاية متعلقنيش بيكم أكتر من كده ..
ايه يا استاذ محمد اوعى يكون عندك سيات و عايز تبعهالى هههههههاقتباس:
الله عليك يا أ/شريف لقد أضحكتني كثيراً ... يا عم كفاية متعلقنيش بيكم أكتر من كده ..
a7'ook
Sherif
هو في فكره تانيه ممكن نعملها هو ان نفتح الزجاج بتاع العربيه شويه علشان نعمل تهويه داخل العربيه ( بس اوعي تفتح كتير احسن العربيه كلها تتهوا ) هههههه
انا عن نفسي بغطي العربيه مش علشان الضل لاء علشان الاطفال البريئه لما تعدي و هيا ماسكه مسمار و تنقش البويه و لا اي اتنين حبيبه بيعملو قلوب ععلي العربيه ولا حاجه.بجد حاجه تنرفز الناس فاكره العربيه دي جزء من الشارع يعني ملك الحكومه و ليهم حق يعملو فيها اللي عاوزينه بس انا بغطيها بالليل بس و العصر انما لو في اي مشوار مش معقول كل ما انزل حغطيها بس بقدر الامكان احافظ عليها مش علشان لما كمان اركب يبقي جوها لطيف لاء علشان البويه ما تتبهدلش من الشمس
موش بيفرق معاياالموضوع ده خالص
أولاً شكراً علي المعلومات .اقتباس:
المشاركة الأصلية كتبت بواسطة Midzy
ثانياً : أنا أروح أفيّم العربية كلها و أشحن التكييف تمام , يبقي أوفرلي :D :D
5000 جنيه لـــــــــــيـــــــــه ؟؟؟؟؟؟؟؟
طب ما تحط عليهم كمان 10 وتعمل عربية سبيشيال اوردر بزجاج ملون ومحدش فى المرور هيقدر يفتح بقه معاك.
سبيشال اوردر منين بس
احنا في مصر مش في فلوريدا
دا التوكيل مابيبقاش عارف مواصفات العربية بتاعته
و لو حبيت تجيب لون نادر (لووون) يقوللك مش ممكن
تقوللي سبيشال اوردر؟؟؟؟؟؟
والله الموضوع ده ملوش سكه معروفه يعني انت وحظك لقيت مكان ظل بتركن فيه ملقتش بضطر تركن في الشمس ولازم بقي يكون معاك طقم شماسات امامي وخلفي ولو مش معاك يبقي ربنا يسترها بقي برده انت وحظك علي حسب حاله الجو ههههههههههه بس عايز اقولك اني المشكله مش في الشمس وبس لاااااااااااااااااااااااا ااااااا طب قولي انت بتعمل ايه في التراب اللي بتلاقيه رادم العربيه وخاصتا بعد ما تكون لسه غسلها او ملمعها يااااااااااا سلام دا سعات الواحد بيموت من الحصره وقيس بقي علي كده كتيرررررررررررررررررررررر
أنا بركنها ساعات فى الشمس وساعات فى الظل بس مش معايا شماسات ولا أى حاجه
علشان لسه جايبها جديد جبت إسبراى لتلميع التابلون وهاجيب شماسات وباقى الأدوات
لما بغسلها ومخليها تلمع وفرحان باللمعه بعد 4 دقايق ألاقيها مردومه كأنى ساكن فى
الجبل ده حتى جايبها باللون السيلفر ماكونتش عايز أجيبها أسمر علشان التراب أتارى
التراب ملاحق العربيه مهما كان لونها . أنا بفكر أجيب عيل أقعده فوق العربيه كل شويه
يمسح فيها هههههههه علشان أنا زهقت ومليت وقال إيه لسه جديد فى حوار العربيه
أمال لما يعدى عليا شهر أو شهرين هاعمل إيه .
مهما كان بردوا يا جماعة ... الشمس بتبهدل العربية ...
أنا معايا 128 مو 97 ومن يوم ما جت زيرو وهيا بتتركن في الجراج ... وما شاء الله تعالوا اتفرجوا على الصالون بتاعها ... كأنه لسه زيرو ...
لكن الركنة في الشمس وكده بيجيبوا أجل العربية والتابلوه بدري
الحل إن كل واحد يدور على جراج حتى لو بعيد شوية عن بيته ... على الأقل مش كل ما تركن العربية شوية في الشمس وتنزل تركبها تتلسع وسخنة أح والكلام ده :049:
اي شماسة والسلام ..
بركنها في عز الشمس و الحرارة و بنزل الاقيها سخنة جدااااااااااااااااااااااا اااااا:)
الشماسات يا جماعة ... الموضوع مش متعب و لما اخلص مشاويري اغطيها و ربنا يخليلي الحارس اديله رنة علي الموبايل يعرف اني خارج يقوم يشيل الغطا علطول
انما المحافظة علي العربية مهمة جدا جدا
محمد فهمي
طيب يا رجالة الحل اللي واضح من معظم ردودكم
شماسة
الفى كول ده جامد موت لانه فعلا مبيخليش العربية سخنة من جوة احنا مركبينه وماشاء الله زى الفل تعد جوة العربية بعد ما كانت فى الشمس فترة طويلة تعد حس بشوية حرارة وانا شوفتوا فى المحطة الى جنب مول سيتى ستارز محطة البنزين
انا والحمد لله عارف توقيت الشمس عندى تحت الشغل و عند البيت و اماكن الظل يعنى عارف ان الظل هايجى الساعه 12 فى الحته دى يبقى اركن فيه و مش مشكله لو ركنتها شاعه واحد فى اليوم فى الشمس و نفس الموضوع عند البيت
هههههههههههههههه. انتم ناس طيبين اوي اوي. بتخافوا تركنوا العربيات بتاعتكم في الشمس في مصر اللي جوها رائع وصيفها مش حر اوي. امال لو روحتوا دولة خليجية هاتعملوا اية؟ هنا في قطر درجة الحرارة كل يوم 50 درجة مئوية دة غير الرطوبة وللاسف باضطر اني اسيب عربيتي في الشمس في الشغل كل يوم من الصبح للساعة واحدة الظهر وبعد كدة لما بروح بسيبها ادام العمارة اللي انا ساكن فيها بردة في الشمس لاني من الصعب ايجاد مكان ظل. قولولي بقي لو حد منكم مكاني ها يعمل اية؟
عن نفسى الاتنين مهمين يعنى مهم انى اركن فى مكان ظل ده مهم وممكن اغطيها لما اكون لسه ملمعها وغاسلها وخايف تتبهدل بسرعة
بينى وبينك لو كنت مكانك كنت افتكست ليها اى افتكاسة لانى مش بيهون عليا انى اسيب العربية تتنقع فى الشمس بالمنظر ده
يعنى مثلا لو فى غطا للعربية سطحه عاكس ولو مش موجود زى ده يبقى احاول اعمله لنفسى
بص احنا المصريين بتوع الافتكاسات كلها ولو وصلت معايا انى اعمل لها زى تانده فوقيها بتتفك وتتركب هعملها
يا اخواني افضل حل للتابلوه من الشمس وحمايته حاجتين
1- ملمع تابلوه نظيف يا عني تكون نسبة الزيوت فيه كويسة ويفضل الs.t.p
لانه افضل حاجة
2- شماسة ب10 جنيه
ولو انت عايز ممكن غطاء وتحطه لما توصل البيت
سيارتى لومش دايرة حاجة من أثنين يأما فى الجراج اومتغطيه
الاول كنت بدور علي حتة ضل في الجامعة اركن فيها وده اول ما جبت العربية وكانت النتيجة كالتالي
بلاقي نص الكليه قاعدين علي العربية ز ده علي الكبوت وده مع دي علي الرفرف وعينك ما تشوف الا للنور
دلوقتي بدور علي اشمس حتة واركن فيها مع شماسة وكل عام وانتم بخير
الا ايه رايكم في القعدة علي العربيات عمليه بقت مقرفة جدا كل ام تركن في حته تطلع تلاقي واح
ولا اتنين قاعدين علي الكبوت
والا المعفن اللي قعد عي كبوت عربيتي وشرب شاي وقام مطلع الباج ولازقهالي علي الزجاجة الامامي
حاجة تقرف
و فين اساسا الامكان اللي فيه ضله حوالين الguc يا محمد....يا راجل دده انا لسه متخرج أهو و بقالي 4 سنين بركن و عمري ما لاقيت ضليلة واحدة:)اقتباس:
الاول كنت بدور علي حتة ضل في الجامعة اركن فيها وده اول ما جبت العربية
انا شايف الناس تركب شماسه وتغطي العربيه
هو دة الحل المثالي مش مشكله شويه تعب فيتغطيه العربيه
انا بغطي العربيه واشيل الغطاءفي اقل من دقيقه
اموضوع تعود وبعد كدة هتلم الغطاء بطريقه معينه وتفردة بطريقه معينه
وممكن حد يجييلم ليك الغطاء تزعل علشان هتتبهدل لما تجي تفردة(مش هتكون عارف فين الناحيه اللي قدام من اللي وراء )
اولا : انا متفق تماما مع الناس الي بتقول اننا المفروض نحافظ على السيارات من اي عوامل خارجيه سواء كانت الشمس او التراب او الناس الي بتقعد على السيارات تمام وده فعلا بيفرق في شكل السياراة من الداخل والخارج . انا راي ان الواحد يستخدم عربيته طول اليوم زي ما هو عاوز بس يكون معاه شماسه يحطها لما يركن في الشمس
ولما يروح بالليل وعارف انه مش نازل تاني يغطيها اذا كانت مركونه في الشارع عادي واذا كانت في جراج مغلق مش محتاج انه يغطيها . انا عن نفسي راكنها في جراج رابعه الي في مدينه نصر طبعا الجراج مفتوح لا متغطي ولا حاجه وبضطر اغطيها بالليل اي نعم بضايق في حالة لما لكون غاسل العربيه وبرجع اغطيها بسبب عدم نظافة الغطاء وبيبهدل العربيه تاني لكن الشمس بتخليني اغطيها عربيات الجراج كلها :)