قدر الله وما شاء فعل -عملت حادثة باللينيا-

**gouda** · 29-12-2009 04:01 PM

طيب ماتقولنا عين مين عشان
لما نلاقيه اونلاين ننفد بجلدنا

**yoko** · 29-12-2009 06:54 PM

المشاركة الأصلية كتبت بواسطة crazylambada

حمد لله على السلامه يا استاذ يوكو
و المهم انك سليم انا حصلت معايا نفس ظروف الحادثه بتاعتك بس الفرق ان كان فيه ميه بجاز في الطرق فعربيتي عومت و انا على التمانين و لفت بيها قبل ما البس في الرصيف من ناحيتي و ترود و البس في الرصيف تاني قبل ما عربيتي تقف في عكس الاتجاه
بس تصدق بقى عربيتي المقص محصلهوش حاجه خااااااالص
بس المساعد و الشمعدان اتكسروا و الجنط اتنى حاجه بسيطه
و رديته بعشره جنيه و عملتله ترصيص بخمسه جنيه
دا غير الاكصطدامات و الفوانيس و ان روحت المستشفى
فاحمد ربنا و طلع حاجه لله
بالنسبه للجنط يتعدل عادي و لو عاوز تغيره روح الوكاله او الحرفيين و جيب واحد استيراد مش حيتخير عن بتاعك

حاجه اخيره بالنسبه لكاوتش الاستبن
في كتالوج الاوكتافيا كاتبين ان كاوتش الاستبن مخصص لاستخدام الطوارئ و الوصول لاقرب مركز خدمه و ليس للمشي عليه
فشوف الكاتالوج بتاعك ممكن يبقى فيه نفس التحذير لان ساعتها لازم تمشي من غير الاستبن

الحمد لله وفي التوكيل قالولي إمشي بيه عادي تاني حاجة مينفعش أبقى ماشي ب٣ جنوط شكل وال٤ شكل تاني وكمان نقشة الكاوتش دي مش موجوده في مصر فأنا هحاول أصلح الجنط وأجيب الكاوتش من التوكيل (مش معقول هغير ٣ كاوتشات بريدجستون سرعات جداد)
والحمد لله على كل شئ
والمقص إتكسر لإني دخلت في الرصيف رشق بزاوية ٤٥ مش حكيت في الرصيف

المشاركة الأصلية كتبت بواسطة gouda

طيب ماتقولنا عين مين عشان
لما نلاقيه اونلاين ننفد بجلدنا

٣ شباب من حلوان (قبل الحادثة بساعة أعدو يلفو على العربية ويتفرجوا عليها ويتوشوشو وأنا من ساعت ما شفتهم قلبي إنقبض مش عارف ليه-مع إن في ناس كتير إتفرجت على العربية قبل كده عادي-)

**MohabSaeed** · 30-12-2009 01:23 AM

لا حول ولا قوة اله بالله

معلش قدر الله و ماشاء فعل و الحمد لله ان انتا سليم و الخسائر ما فتحتش فى اكتر من كده .

حاول تستعدل الجنط و ان شاء الله حيرجع زى الاول .

**yoko** · 30-12-2009 01:26 AM

المشاركة الأصلية كتبت بواسطة mohabsaeed

لا حول ولا قوة اله بالله

معلش قدر الله و ماشاء فعل و الحمد لله ان انتا سليم و الخسائر ما فتحتش فى اكتر من كده .

حاول تستعدل الجنط و ان شاء الله حيرجع زى الاول .

الحمد لله وإن شاء الله أول ما ستلم العربية هأمن وهستعدل الجنط وهطلب من النوكيل فردة كاوتش لو ملقيتش نفس النوع عند بريدجستون

**yoko** · 30-12-2009 09:27 AM

المشاركة الأصلية كتبت بواسطة eng_mostafa_89

فى مركز كبير فى الزقازيق اسمة شيبوب بتاع استعدال جنوط وزوايا واتزان وترصيص كنت بشوفة شغال فى جنوط الومنيوم متدغدغة وبيظبتها وكمان كنت بشوف عندة عربيات جمارك كتير لومينا وعيون جيبين جنوطهم يستعدلوها عندة
وعلى فكرة الجنوط الاسبور بتترص رصاصة بتتلزق من جوة مش بتركب على الشفة زى الجنوط العادية

الله يخليك وانا هحاول أظبط الدنيا(الزقازيق بعيدة قوييييييييييي)

المشاركة الأصلية كتبت بواسطة moe86

فعلا لو استعدال الجنط ينفع يبقى كويس جدا , لأنى سألتهم قبل كدة على جنوط 16 للبونتو بتاعتى , الواحد سعرة معدى 1600.

سؤال للأعضاء: الجنوط اللى عندى حاليا 15 اندونيسى فيهم واحد اتدمر تماما فى حادثة , ممكن ألقى واحد عند الناس اللى بيستعدلوا الجنوط ؟ لأنى عايز أبيع الطقم على بعضه و مش عارف

إبعتلي صورة الجنط ولو لقيته هبلغك

**yoko** · 30-12-2009 01:37 PM

المشاركة الأصلية كتبت بواسطة Eng_Mostafa_89

انا كنت فاكر برضة انها بعيد بالنسبة ليا
بس لما رحت هناك لقيت مفاجئة تكسيات من اسماعيلية راحة تظبط زواية فقط هناك وخد من دة كتييييييييير ناس من القاهرة وجيزة وطنطا وبورسعيد تقريبا ناس من محافظات كتير بتروحلة

أصل أنا مبصدق مخرجش من البيت يوم الأجازة هدب مشوار للزقازيق الفكرة مش في طول المشوار ما أنا كل يوم في حلوان بس الفكرة إني نفسي أقعد في البيت يوم

-

-

-

الموضوع: قدر الله وما شاء فعل -عملت حادثة باللينيا-

LinkBack

أدوات الموضوع

عرض

-

-

-

-

المواضيع المتشابهه

انا عملت حادثة باللوجان -قدر الله ومشاء فعل-

الحمد لله - عملت حادثة - قدر الله و ماشاء فعل

انا عملت حادثة وقدر الله وما شاء فعل والحمد لله

قدر الله وما شاء فعل , عملت حادثة بالميجان

قدر الله و ما شاء فعل.....عملت حادثة بسيطة

الكلمات الدلالية لهذا الموضوع

المفضلات

المفضلات

ضوابط المشاركة