الحمد لله على كل شئ عملت حادثة باللينيا جابت فيها مقص وذراع توجيه مبدئيا ربنا يستر على القنطرة
بكرة هبقى أجبلكو صورة المقص معوج ٩٠ درجة أنا لسا جي من التوكيل دلوقتي:11:
واضح إن العربية واخده :eee: جامدة قوي
عرض للطباعة
الحمد لله على كل شئ عملت حادثة باللينيا جابت فيها مقص وذراع توجيه مبدئيا ربنا يستر على القنطرة
بكرة هبقى أجبلكو صورة المقص معوج ٩٠ درجة أنا لسا جي من التوكيل دلوقتي:11:
واضح إن العربية واخده :eee: جامدة قوي
الف حمد الله على سلامتك
المهم انت بخير
بس على فكرة انت غاوي جري وشد جامد جدا
اهدى شوية
لا حول ولا قوة الا بالله.... قدر الله وما شاء فعل هتعمل ايه
يا ترى حضرتك مأمن؟ أو سألتهم الأجزاء دي تتكلف عندهم اد ايه؟؟؟
ولو عزت ممكن تبقى تحكلنا عن طبيعة الحادث؟؟
عموما هي أكيد عين بس الحمد لله انها جت على اد الحديد
الف حمد الله على سلامتك يا احمد
و كويس انك بخير
و إن شاء الله تتصلح و ترجع زي الاول و مدايقش نفسك
بس نصيحة من صديق كفاحك القديم بطل جري شوية
الف سلامة ربنا يخلف عليك بلخير ويعوضك يا ريت لما تروق تحكلنا اية الى وصل الموضوع للمقص واخبار قطع الغيار اية ولو فية صور للافادة ربنا يعوضك خيير ان شاء الله
والله ما كنت بجري خالص كنت ماشي على ١٢٠ بالكتير
للأسف كنت هروح بكرة ءأمن قدر الله وما شاء فعل
أنا كنت ماشي في الوسط (طريق السندباد) وجيه أوبترا حمرا بيجري من اليمين ومرة واحد كسر شمال ففديته وروحتشمال وفرامل لقيته بيكلبش فرامل معايا عشان يخش الu-turn لحد ما لقى إننا هنلبس في الu-turn ﻷإنه بارز في أخر لحظة قام لامم يمين وجري وأنا لبست في الرصيف
واللـــــــــــــــــــــ ـــــــــــــــــــــــــ ـــــــــــــــــه ما كنت بجري
ما هو كده أجري وميحصلش حاجة ويا تتخبط وهيا واقفة يا وأنا ماشي محترم:H_angry[1]:
ياريت تجيبلك قل اعوذ برب الفلق و علقها في المراية و ياريت دايما تقراها و بجد فعلا انا زعلت جدااا لأنك بصراحة فعلا من ضمن الناس المحترمة في المنتدي و مش بتتأخر
ربنا يستر ان شاء الله و ابقي امن عليها
و علي فكرة انا قبل كده كنت لسة مخلص الأونو و فرحان بيها و ماشي و دماغي وزتني اني اشد هاند بريك و كان في واحد باصيصلي حتت بصة
بعدها علطول دخلت بارفرف في نص نقل
الف سلامه عليك يا كبير
قدر الله و ما شاء فعل
المهم انت و فداك مليون عربية لانك فعلا من الناس الممتازين اخلاقيا و عمرك ما بخلت بأى معلومة سواء كانت عندك او بحثت عنها و كثيرا ما استفاد منك كثيرين و انا اولهم
انشاء الله التكلفة تبقى بسيطة و ترجع تنور تانى المنتدى بالف سلامة
حمد لله على سلامتك وحصل خير
ان شاء تتصلح فى التوكيل وترجع زى الاول واحسن
هو انت قصدك على مكان الحادثه عند اليوترن اللى ادام الحناوى بتاع العفش هناك حصلت الحادثه
حمد الله على سلامتك وان شاء الله الخسائر تكون بسيطه وترجع أحسن من الأول
قدر الله ماشاء فعل والمهم ان انت بخير وفداك اى حاجه تانى
اعمل زييى لما اركب عربيتى او اى عربيه بمجرد انى امسك الدريكسيون
سبحان الذى سخر لنا هذا وما كنا له مقرنين وانا الى ربنا لمنقلبون
وقل اعوذ برب الفلق
والتوكل على الله
أيوه الu-turn الي قبل كوبري الحرفيين
ءامين يا رب
الحمد لله أنا كنت قايل الدعاء
بس كان شكلي مسخرة وأنا بفضي العربية من الخضار الي كنت شارية وواقف في التوكيل والكنبة الورانيه والشنطة كلهم خضار وأعد بنزل في الأكياس
زعلتني والله يا يوكو
ان شاء الله ترجع احسن من الاول
معلش ربنا يعوض عليك
وتذكر ان امر المؤمن كله خير
يمكن كان مثلا حصلك حاجه اوحش من كدا
الحمد لله وربنا يسترها علينا جميعا
بس 120 كتير برضه كفايه 80
معلش
ان شاء الله تبقي احسن من الاول
واللهِ زعلتني بس الح إنك تمام وال عربية تمام برضه وإن شاء الله الحاجات ده تبقى في الحنين وترجع زي ال أول وأبقى خد بالك يا yoko
ربنا يعوضك خير ويكفيك الحسد ان شاء الله واوعى تندم انك مآمنتش علشان اغلب الاراء ان التأمين حرام وكنت سمعت عن تأمين اسلامى مش عارف ظروفة اية بس كل الى اعرفهم مآمنيين مبيسلاموش من الحوادث وبتبقى قوية
طبعآ مش قاعدة بس حصلت مع ناس كتيير
الحمد لله انك بخير وانها جت بسيطه فى العربيه
انا مش عارف امتى ربنا هيتوب علينا من الاشكال الزباله اللى ماليه الشوارع دى , انا لو كان حصل معاى الموقف ده ولسه عربيتى ماشيه اقسم بربى ما كنت هسيبه لو جريت وراه لأخر لتر بنزين فى العربيه وكنت لازم البسه يا اتقلب انا وهو
انا دمى محروق فعلا علشانك ومتخيل الموقف عامل ازاى , بس المره الجايه لما حد يعمل معاك كدا متروحش على الرصيف
انا فى مره كنت هطير بقا وادخل فى عمود نور بسبب الحركه دى , حيوان جاى من ورايا وخد غرزه وطلع من يمينى وبعدين كبس فرامل وداخل على علشان يدخل يوتيرن شمال بينا وبينه بتاع 50 متر بس واتزنقت نفس زنقتك دى ولقيت نفسى هلبس رحت واخد يمين على الاخر وداخل فيه فى الرفرف اللى ورا خليته لف طلع فوق الرصيف وانا كسرتله الجنب الشمال كله وعربيتى الخساير فيها كانت ضعيفه لأنى دخلت فيه وهو اللى خد الخبطه كلها
واول ما نزل من العربيه لولا الناس اتلمت علينا كنت هكمل عليه
الف سلامة عليك ياحمد فدالك مليون عربية بس علمهك بعد كدا
معلش يا فندم حصل خير ,,
قدر الله و ماشاء فعل ,, قضا اخف من قضا و الحمد لله انها جت على قد كده
و ان شاء الله ترجع احسن من الأول بس اهم حاجه انك سليم و اسرتك كمان بخير ,, دى لوحدها بالدنيا
ما يموت وايه المشكله ؟
انا ساعتها لو كنت دخلت فى العمود الله اعلم كان ايه اللى حصلى فخلاص هفكر فيه ليه لما هو مفكرش فيا
موقف زى كدا لما يحصلك متفكرش فيه ان شاء الله حتى عربيتك تنفجر انت اللى ماشى سليم وفى حالك وهو اللى هجم عليك كدا يبقى يتحمل عواقب اللى عمله , سيبك بقا من بتوع الشعارات واللى يقولك يا عم اخبط عربيتك الحديد بس حافظ على حياته هو مسيره ربنا يهديه وبتاع
اللى يتعمد يقتلنى بغباءه يبقى اقتله واريح الناس منه احسن
قدر الله و ماشاء فعل وإن شاء الله ترجعلك ذي الأول و حمد الله على السلامة
لا حول ولا قوه الا بالله ...
معلش يا يوكو ..
حصل خير ...
هى عين جامده ...
و ان شاء الله التكاليف تبقى بسيطه ...
اهم حاجه الخضار بخير ؟؟هههههه
الحمد لله أن ربنا نجاك بالسلامة من الحادثة دي .. وربنا فدا حاجة بالحادثة دي ..و أهم حاجة أنك سليم ومفكش أي حاجة .
وحياة الغالي عندك .. وأستحلفك بالله العظيم .. انك تبطل جري شوية .. و120كم في طريق زي ده كتير قوي عليه .. انا بقرأ مشاركاتك كلها عن الجري والشد والكلام ده .. انا عارف أنك شاب ولازم تحب الجري .. بس في الأخر يا ريت تحط في دماغك انك توصل بالسلامة أنت وعربيتك .. وسواء بالجري أو بالعقل حتوصل .
عاوزك تفكر (لا قدر الله) لو حصل ليك مكروه .. كان موقف اهلك حيبقى أيه .. وكان مدى زعلهم وزعل أحبائك كان حيوصلهم لفين .. حتلاقي نفسك مش بتجري لو فكرت في كدة .
على فكرة أنا كنت بحب أجري جداً (على قد عربيتي) .. بس اكتشفت أن زي ما في الجري متعة كبيرة .. برضه المشي بالعقل فيه متعة من نوع آخر وممكن تكون أحسن من متعة الجري .. يا ريت تجرب اللي بقولهولك ده .. وكفاك وكفى أعضاء المنتدى شر أي مكروه .
والف سلامة عليك مرة تانية .. وفكر في كلامي ده كويس
ألف سلامة يا يوكو و إن شاء الله الوحش يرجع تانى يزأر و يقطع الطريق
قدر الله وما شاء فعل
اهم حاجه ان انت بخير ومنه لله بتاع الاوبترا
و ان شاء الله العربيه ترجع زى ماكانت واحسن
ويارب تبئا اول وااخر حادثه تعملها باللينيا الجميله
وابئا طمننا عليها اول باول
الف حمد الله على سلامتك
و قدر الله وما شاء فعل
انا والله بقالي يومين سايق براحة ومبعديش ال١٢٠ خالص ولا حتى على الدائري
وربنا يكرمك على النصيحة الغاليه دي
الله يسلمك
الحمد لله وإن شاء الله تبقى أول وأخر حادثة
الله يسلمك
أنا اتصدمت أول لما شوفت الموضوع قدر الله وما شاء فعل أنا عارف إن آخر حاجة إنت محتاجها هيا المواساه
لو عايز أي حاجة كلمني أنا برضه بقيت بعرف اتعامل مع التوكيل و أنا فاضي اليومين دول لو عايزني اتابع معاهم ممكن أروح لو إنت مش فاضي
انا زعلت !
حمد الله علي السلامة يا باشا .
و احمد ربنا انك بخير وانك راكب للينيا :)
انا كنت راكب مع واحد صاحبي في حادثة مشابهة بالظبط بس كانت بيجو 307cc . و دخلنا بالجنب في الرصيف .
البودي متلمش برده .. بس العربية اتكلفت تقريبا 15 الف جنيه ! ( 2 جنط - كاوتش - مساعدين - مقص - قنطرة خلفية - شوية سنسورس فرنساوي حلوة كدة ) .
فلو انت بتتكلم في 1000 جنيه ده سعر خيالي . بس ياريت توافينا بالتفاصيل و ان شاء الله تبقى حاجة بسيطة !
أنا ريحلهم بكره لو تحب تيجي ومتخفش أنا بقيت أعرف التوكيل من أصغر واحد لأكبر واحد
الحمد لله الجنط محصلوش حاجة غير شويه خدوش لكن ماتعوجش حتى بس الكاوتش أتقطع من الجنب ٣ قطعات وهيه جت في جنب واحد المساعد الحمد لله سليم المقص متدمر دراع التوجيه عمل ٨ القنطرة الله أعلم
وهي الحمد لله مش جامده قوي دخلت بالكاوتشة اليمين بس وكانت سرعة العربية نزلت جامد مع الفرملة