إستفسار جديد جداً من أهل الخبرا في المرور

**CRX** · 24-12-2009 10:00 AM

المشاركة الأصلية كتبت بواسطة hondaaaa

يا ovo انت موتوسيكلك كام سى سى اصلا علشان يكتبلك 1000
لان فى مشكلة دلوقتى محدش واخد بالة منها لزم الموتوسيكل يتكتب فى الرخصة بتاعة او شهادة البيانات السى السى وعدد السلندرات الحقيقى لان بعد كدة لم بتروح تسجل بيحسبلك حق التسجل على حساب السى السى وعدد السلندرات اما الموديل تقريبا كل الموتوسيكلات الافراج مش مكتوب فيها الموديل الحقيقى علشان المستورد ميدفعش جمرك كتير فهيبقى تقريبا الموديل اقل من الحقيقى

ما هيا دي المصلحة يا باشا

كل الموتوسيكلات فئة وشريحة واحدة
يعني اللي بيرخص 1000 سي سي بيدفع ضريبة وتأمين إجباري زي اللي بيرخص 150 سي سي

بالظبط بالظبط هاتدفع كده
56 جنيه تأمين اجباري
125 تقريباً للنمر والضريبة
والسنة اللي بعدها وانتا بتجدد الرخصة هاتدفع 56+25(تقريباً) بس لإن النمر علقتها خلاص
+ المخالفات لو فيه

الكمين مش في الترخيص والمرور...
الكمين في العقد المسجل بتاع الشهر العقاري لما يكون الموتوسيكل إفراج ممكن يوصل حسب الموديل والسي سي لـ 700 أو 800 جنيه

**Merit** · 24-12-2009 11:34 AM

المشاركة الأصلية كتبت بواسطة crx

ياريت كده وبس... دا الرخصة اللي بالكمبيوتر مكتوبلي عليها 150 سي سي

انا افتكرتها غلطة ... ولما سألتهم قالولي هيا فئة واحدة 150 سي سي بتتكتب على كل الرخص!!!

شريحة واحدة بضريبة واحدة ما بتفرقش ترخيص الـ 150 سي سي من الـ1800 سي سي
كله فئة واحدة!!! (مرور مدينة نصر)
مع ان الرخصة القديمة اللي كانت مكتوبة بخط الإيد مكتوب عليها السعة بتاعة البايك الحقيقية!!

بس كل الفئات بتترخص عادي

الكلام ده مش مضبوط الcc الحقيقى لازم بيتكتب في الرخصة وأنا مكتوب عندي مضبوط ، إنت كدة عندك غلطة بس الي رد عليك كدة في المرور مكسل يصلحلك الغلط وريح نفسه وقالك كدة

**CRX** · 24-12-2009 11:40 AM

المشاركة الأصلية كتبت بواسطة merit

الكلام ده مش مضبوط الcc الحقيقى لازم بيتكتب في الرخصة وأنا مكتوب عندي مضبوط ، إنت كدة عندك غلطة بس الي رد عليك كدة في المرور مكسل يصلحلك الغلط وريح نفسه وقالك كدة

انتا بتتكلم على الرخصة الصغيرة اللي بالكمبيوتر؟؟
ولا الرخصة المكتوبة بخط الإيد..

أصل معتقدش ان دي غلطة.. لإن كل اللي في المرور يوميها دفع 25 جنيه.. وده اللي بيثبت انها شريحة واحدة.. وكل رخص الموتوسيكلات يوميها كان مكتوبلهم 150 سي سي

مع ان جواب الافراج مكتوب السي سي الحقيقي بتاع الموتوسيكل !!
طيب الناس اللي معاهم رخصة بالكمبيوتر ايه رأيهم؟؟
أنا مرخص في مرور مدينة نصر

**morfahd** · 24-12-2009 01:13 PM

انا بشكر كل الناس الي افدوني في الموضوع دا وأرجوا لو في أي معلومة جديدة يا ريت يبفدني ويفيد كل شباب الي موجودا معانا هنا وشكراً

**hondaaaa** · 24-12-2009 04:35 PM

انا اقصد ان لزم عدد السلندرات والسى سى بتاع يكون مضبوط دا اهم حاجة والا استلم رخصة جديدة وفيها غلط يصححها فى وقتها اما الموديل لاما يكون نفس الموديل الحقيقى لاما اقل مفيش مشكلة فى دى..ناس هتقولى اشمعنا السى سى وعدد السلندرات مهم ..اقولهم علشان لم تيجى سنه الا هتفحص فيها امورك تمشى على طول اما الا فى الشباك شاف ان فى الملف بتاع الماكنة مكتوب فية 4 سلندر مثلا وفى الرخصة 2 سلندر هيبعتك لمهندس الفحص تانى وهتدخل فى اجراءات ووجع دماغ

**OVO** · 24-12-2009 04:51 PM

انا 1000cc بس كان حيكتب 100

عموما كل ده مش مهم وعادي جدا

انا بس بريح دماغي زبخليها يكتب صح مع ان ال 4 سلندر و 1000 سي سي الضريبه اغلى بكتير من ال 100 سي سي

بس بخليهم يكتبوا الصح عشان لما احب ابيعه الي ببعله ميقلقش

يحسن يفتكر ان ضارب اي رخصه وخلاص وحبيع