السلام عليكم ورحمة الله وبركاتة
انا عايز اشترى اسبرنزا تيجو
يريت تنصحونى اجبها ولالا
لان انا خايف ادفع فلوس على الفاضى والصينى الناس بتقول وحش
وخوفونى منها
يريت حد ينصحنى اجبها ولالا
والف شكر لكم
عرض للطباعة
السلام عليكم ورحمة الله وبركاتة
انا عايز اشترى اسبرنزا تيجو
يريت تنصحونى اجبها ولالا
لان انا خايف ادفع فلوس على الفاضى والصينى الناس بتقول وحش
وخوفونى منها
يريت حد ينصحنى اجبها ولالا
والف شكر لكم
بلاش تسأل في المنتدى هنا لحسن حتلاقي الموضوع اتقلب بخناقة وهاتتعقد ومش هاتشتري عربيات خالص
هههههههههههه
طبعا بهزر معاك
شوف هو في ناس بتشكر فيها وفي ناس ضد الصيني عموما
انا رحت اتفرجت عليها هي شكلها من بره تحفة بصراحة بس خامتاتها من الداخل مش قد كدة يعني تقريبا مستوى A516 لو مش فارق معاك SUV يبقى انصحك بالm11 اتفرج عليها
و زيادة علي كلام اخونا اقولك بس ان التيجو مش full time off road car يعني متجيبهاش لا 80 ولا 82 و تفتكر انك راكب لاندكروزر ولا هامر
العربيه فعلا suvيعني متعددة الاستخدامات بس خفيف خفيف .... هيه بس عاليه ....
انا شوفتها وانا بجيب نقاوة "m11" بس بصراحة عارف اعلان"i avio" انا ال m11 كنت خلاص هاتقولي اشتريني
و ربنا اللي عالم انا استخرت اد ايه من نقطة الصيني دي .. والحمد لله ربنا مخزلنيش ... هيه صحيح اتخبطت من :eee:..بس برضه الحمد لله زي الفل
و الله لو نويت المغامرة و حاتجرب الصينى يبقى هات m11 بس لا تظلمها و إستمتع بها دون أن تقارنها بعربيات أخرى لا يوجد وجه مقارنة بينهم اصلاً
توكل علي الله و جيبها
بس لازم تتابع الصيانه في التوكيل
و هتلاقي عيوب تقفيل بسيطه
طبعا اداء العربيه مش رياضي بالمره
يعني التسارع بطئ جدا
طيب يريت تقرير على سيارة اسبرنزا تيجوا
وشكرا
والله من انسب الحلول لشوارع المحروسة
تعرف انها أصلا مصممة لتحمل موتور 2400 سي سي زي ما بتنزل في الخليج ؟
تعرف انها علي شاسيه التويوتا راف4 ؟
تعرف ارتفاعها عن الأرض اكتر من 19 سم ؟
تعرف سمك الصاج اتخن من العربيات العادية 50 % ؟
تعرف الموتور ال 1600 النمساوي أقوي واحد في فئتة ؟
بس لازم تعرف برضه ان تقفيلها سيء لدرجة بعض المسامير ممكن تكون مش متربطة
بس كا المشاكل اعتقد بتتحل في اول 1000 كيلو
نصيحه لوجة الله اوعي تفكر تشتري العربية التيجو والله هتندم ندم عمرك وبلاش علي فكرة انا مش بقول اي كلام انا شغال في توكيل اسبرانزا وكفاية انك تغير كاتينة كل 30 الف كليو وتكلفك 1000 جنية اواكتر
وغير العفشة الي زي الزفت والي هتشتكي منها غير ان العربية مش مريحة خااااااااااااااااااالص في السفر ونشفة جدااااااااااااااااااااااا اااااااااااااا
عايز تجيب هات كيا كارينز ومش هتندم وهتدعيلي انشاء الله
والله كانت دخلة العربية دماخى اوى
عقتونى منها
طيب اانا اعمل ايه يعنى اجبها ولامجبهاش
طب يا solom_eslam طالاما كده بقي و انت يا باشا في التوكيل .... ال m11 عاملة معاكو ايه ؟؟؟؟؟؟
و الله انا ماعنديش شكاوي الحمد لله بس انا عندي باب ورا مخبوط .... و انا مأمن .... عايز اعرف الباب بتركيبه بدهانه بكام لو قدرت تفيدني اكون شاكر .... ولا بتغيروا طبله باب براني و خلاص و لا ايه النظام؟؟؟؟؟؟؟
و صحيح يا باشا الله يكرمك ... انت في توكيل ابو الفتوح و لا ابوغالي و اللي فين؟؟؟؟؟ ؟؟؟؟؟
من الاخر مفيش عربية بالسعر لحد 150/160000 جنيه ممكن تقارن بيها بالنسبة لمميزاتها مقابل عيبوبها
ياريت تخش على اللينك دة, فيه تقييم للعربية عن تجربة للميزاتها و عيوبها و متسمعش اللى بيردد كلام و خلاص بس علشان العربية صينى او مثلا ياخد عيب بسيط و يضخم فيه و خلاص مع العلم ان فيه عربيات يابانى و المانى عيبوها كتير برده بس مش بتتهاجم كدة طبعا علشان الاسم فقط
http://www.nilemotors.net/Nile/103690-a.html
ياجماعة ياريت الى يدخل يكتب نصيحة او مشاركة ويقول العربية فيها وفيها ويقول انة شغال فى التوكيل ومينصحش بيها يدخل يكمل الرد علشان ميعلقش صاحب الموضوع وشكرا لكل من قاموا بالرد بحيادية ونصيحة العضو بالm11 افضل من التيجوا وطبعا قبل ماتشترى لازم تركب الاتنين وتسال اصحابهم عن العيوب اللى فيهم وعلى الاساس دة قرر ومتستعجلش فى قرار الشراء
ياجماعة انا اميلي solom_eslam_2008@yahoo.com
اي حد عايز يستفسر عن اي حاجة انا موجود بعد الساعة 9 مساء
طبعا عربية جديدة لسة مظهرش فيها عيوب بس فراملها احسن وعفشتها تكاد تكون انعم من 516 بس تقفيل العربية سيء والفنش بتاع العربية تعبان جدااااااا
وفي صوت في طلمبة الباور زنة ولسة اكتر عربية جات تعمل صيانة يدوب 10 الف
ملحوظة: صوت الباور عالي في المرسيدس و البيجو
بالصدفة البحتة انا شفت التوبيك دا قبل توبك تانية وهية هنا http://www.nilemotors.net/Nile/114421-5000.html
هو مش كل العربيات m11 فيها صوت في الباور بس اغلب العربيات موجود فيها بس الاخ الي بيسأل اجيب تيجو ولا لاء انا قولتك بلاش خالص وانا هكتب اميلي تاني علشان اي حد عنده استفسار عن اي حاجة يكلمني علي الميل لان بصراحة الوقت عندي مش كبير
solom_eslam_2008@yahoo.com
طب ما تكمل جميلك واشرح بقي .... انت بتفكرني باللي بيبعت sms و مش عيز يكسر ال كام حرف بتوعها علشان مايعديش ال 50 قرش ..... :)
قول يا اخي ايه حلو وايه وحش ولا انت مأجر الk-board
السلام عليكم ورحمة اللة وبركاتة
انا معايا التيجو اتوماتيك 4x2 منذ1/1/2009 وعامل بيها حتى الان اكتر من10000كيلو متر وبركبها انا ومراتى، وجربتها فى السفر(4مرات)وداخل المدينة، وبالطبع مريت على مراكز الخدمة، يعنى اتعرضت لكل الظروف معاها تقريباً. علماً بان علاقتى بالسيارة الاسبيرنزا بدأت منذ 7/11/2006 وهو تاريخ استلام اول سيارة اسبيرنزا اشتريها، علماً بان التيجو هى ثالث سيارة اسبيرنزا اركبها بعد (516،620) ،يعنى تقدروا تقولوا خبرة فى الاسبيرنزا او ادمان.
أولاً/ تجربتى مع الاسبيرنزا بشكل عام اقدرالخصها فيما يلى:
ثانياً/ بالنسبة للسيارة التيجو:
- السيارة الاسبيرنزا سيارة بدرجة جيد مرتفع وليس امتياز.
- اغلب مشاكل السيارة-ان وجدت - ترجع الى التقفيل المحلى وليس مشاكل فنية.
- الاهتمام بالسيارة والخدمة يتحسن من جانب الوكيل بشكل كبير يوم بعد يوم، ولكن المشكلة فى الناس - على طول معترضة.
- السيارة متينة جداً وثابتة جداً ودرجة الامان فيها عالية جداً،والمشكلة فيها لو جدت بتكون محصورة بشكل كبير فى العفشة،بتتفكك بسرعة شوية.
- نقدر تقول ان السيارات اليابانية او الكورية اكثر جودة- ولاكن موش بدرجة فرق السعر العالى(مثلاً الفيترا المعادلة للتيجو وبنفس الموصفات تقترب من200 الف جم - وهى احسن من التيجو، بس موش بدرجة فرق يصل الى ضعف السعر).
- يعنى انتى راكب سيارة بمواصفات وامكانيات اكثر من السعر المدفوع فيها تحت اى مسمى – ودة الخلانى بغير بنفس النوع (مناسب جداً لامكانياتى وموش ممكن يتناسب فى اى عربية تانية).
- اعادة البيع ليها وعن تجربة جيدة جداً.
- معظم الناس العيبت فيها اصلاً لم تركبها - واعترضت عليها من باب الاعتراض وبس.
فاللى عاوز يشتريها يتوكل على اللة وميدقش فى الملاحظات البسيطة الممكن يلاقيها، وهى على فكرة ممكن تلاقيها العربيات الاخرى اسيوية او اوربية - بس احنا موش بنسامح على اساس انها صينى ولو فى عربية تانية بنقول عادى.
- ارتفاعها وحجمها وامكانيتها، تجعل قيادتها ممتعة جداً ومناسبة جداً لشوارع مصروسعرها لمثيلاتها ببلاش ، وطبعاً مراتى بعد سواقتها باعت عربيتها الاسبيرنزا516 واستولت عليها، لسهولة سواقتها لان ابعادها مع ارتفاعها وحجمها بتسهل التحكم فيها خصوصاً مع شوارع وزحمة مصر وارتفاع الارصفة، وانا سوقت على طريق العين السخنة على سرعة اكتر من 170 كيلو متر ، ومكملتش عشان مراتى كانت جنبى وخافت.
- طبعاً فى تحميل الشنط اوالاشخاص وخلافة - بتشيل بتشيل (عربية نص نقل)- خصوصاً لو تم طى الكراسى الخلفية.
- مشاكلها منحصرة فى عيوب التقفيل المحلى ، زى الابواب بتشخشخ شوية عن القفل والفتح والزجاج نازل والابواب الخلفية تقيلة شوية فى الفتح والقفل - وهى عيوب بسيطة وموش فى كل السيارات- وبتحتاج تربيط عفشة بسرعة شوية .
- التكييف كافى واستهلاك البنزين بالنسبة للمحرك ال2000 سى سى معقول وموش اكتر من مثيلاتها اوى.
- من الاخر هى سيارة مناسبة جداً وجيدة جداً وليست ممتازة وموش ممكن تركب اى سيارة بدفع ثنائى وبالامكانيات والكماليات وقوة المحرك دة بالسعر دة .
واى استفسار انا تحت الامر،،،،،،،،،،،،،،،،،،
بص ياباشا انتا كل كلامك حلو وزي الفل بس حكاية الراحة دي اشك فيها مع احترامي لرأيك والعفشة سيْة جدااااااا والخامات والتقفيل رديء والعربية نشفة بطريقة صعبة دي حاجة وخلينا في الاهم الفرامل سيئة جداااااااااا والاهم والاهم انك انشاء الله لما تيجي تغير الكاتينة تعرف اد اية ان العربية دي صيانة غالية جدااااااااااااااااااااااا ا انتا انشاء الله بالميت كدة صيانة 30000 يدوب هتدخل في حوالي 1500 جنية انشاء الله اذا مكنش اكتر ممكن بس اعرف انتا كنت راكب عربية اية قبل الاسبرانزا
ممكن بس اعرف انتا كنت راكب عربية اية قبل الاسبرانزا ?????????????????????????????????????????????????? ??????????
انا معاك ان الخامات و التقفيل مش اد كدة بس خلى بال حضرتك ان فيه عربيات معدية 200الف جنيه و خاماتها برده مش اد كدة و مش فخمة اوى من جوة مثال لذلك nissan x trail بس طبعا مش بتتهاجم زى التيجو علشان يابانى و سعرها عالى
بالنسبة لعيوب التقفيل و تقل الابواب بيظبطوها فى صيانة الالف فى التوكيل فده ميعتبرش عيب قوى لعربية بالسعر ده
الحاجة التانية العفشة بتاعتها كويسة جدا و لا هى ناشفة ولا هى ناعمة (العربية معايا حوالى 6 شهور الحمد لله مشوفتش منها حاجة خالص من ناحية العفشة
و الفرامل كمان ممتازة جدا و اثبتت ده معايا فى كذة موقف منها كنت على طريق السفر(بورسعيد/اسماعلية) و عربية نقل كانت طايرة من جنبى و فجأة راح كاسر علياو الحمد لله روحت مفرمل جامد العربية نزلت من سرعة 110 تقريبا الى 20 فى لحظة و الحمد لله ربنا ستر فلو مكنتش الفرامل كويسة الله اعلم ايه الل كان ممكن يحصل
اذا كان موضوع السيارة الركبتها قبل الاسبيرنزا هيفرق معاك، احب اقولك انى ركبت الاتى(فيورا/فورد/بولو/اوبل/ابيزا/نوبيرا)- يعنى من الاخر ركبتها بعد عربيات محترمة ، وبالتالى لما اقول عليها جيدة موش عشان اول مرة اركب عربية او مشفتش عربيات قبل كدة،بس انا احب احكم على الحاجة لما اجربها بنفسى موش لما واحد فى الشارع الورانا يجربها، وفى النهاية دى اراء واختلاف الراىْ لا يفسد للود قضية.
وكل سنة وانتى طيب،، واشكرك على المشاركة،،،،،،،،
اذا كان موضوع السيارة الركبتها قبل الاسبيرنزا هيفرق معاك، احب اقولك انى ركبت الاتى(فيورا/فورد/بولو/اوبل/ابيزا/نوبيرا)- يعنى من الاخر ركبتها بعد عربيات محترمة ، وبالتالى لما اقول عليها جيدة موش عشان اول مرة اركب عربية او مشفتش عربيات قبل كدة،بس انا احب احكم على الحاجة لما اجربها بنفسى موش لما واحد فى الشارع الورانا يجربها، وفى النهاية دى اراء واختلاف الراىْ لا يفسد للود قضية.
وكل سنة وانتى طيب،، واشكرك على المشاركة،،،،،،،،
لو لا تعدد الاراء لبارت السلع
معلش انا الاسبرانزا دي ما تدخلش في زمتي بشلن مع اني شغال في توكيها بس دي وجهت نظري وعلشان تكون عارف في عربيات مشاء الله ماشية زي الفل وعربيات ممكن تعقد صحابها وناس كتير قرفانة من العربية وناس تانية بتقول العربية دي مفيش زيها ولا قبلها بس معلش معظم الناس دي اصلا كانت ركبها عربيات 128 وعربيات تعبانة في دي بالنسبة ليهم تحفة وبعدين انا مش بشتغل وخلاص انا بيجيني عيوب ومشاكل في العربيات تجننك
انا هقولك علي مشكلة في عربية اسبرانزا عربية جات العربية دي ما بدورش قبل الساعة 1.15 ظهرا يعني لو دورتها الساعة 1.10 مدورش واقسم بالله العربية عقدت عندنا في التوكيل اسبوع علشان العيب دة ماعلينا وعلي العموم ربنا يباركلك فيها
عايز اقول لحضرتك ان موضوع ان عربيات ماشية كويس و عربيات تعقد اصحابها ده موجود برده فى عربيات يابانى مثال لذلك التويوتا ياريس فيه ناس ماشية معاهم كويس وناس تانية مش مبسوطين منها خالص
واما كنت فى مركز صيانة الاهرام فى الاسماعيلية المهندس هناك قالى مفيش اى شكوى جوهرية من العربية و قالى العربية ماشية مع الناس كويس و زى الفل
حاجة تانية حضرتك بتقول ان معظم الناس اللى عجباهم التيجو كانو راكبين عربيات 128 مع الاحترام الكامل لملاك العربية
بالنسبة للعربيات اللى كنت بركبها مابين مرسيدس موديلات 82 و e280 2007 :36_7_7[1]:
و جيب شيروكى ليبرتى موديل 2004 و شيروكى الشكل الجديد 2008
و تويوتا كورولا موديل 94
و كيا سيفيا موديل 93
و فيه اخونا هنا فى المندتى د/شامل معاه subaru اللى هى تعتبر من احسن العربيات اليابانى و مع ذلك جاب التيجو و معجب بيها جدا
اظن مفيش بعد كدة و لا ايه:shyy:
دليل نجاح العربية دى ان بلد زى بورسعيد (بلد الهوندا و الجولف) مابيركبوش اى عربية و بالذات لو عربية تقفيل مصرى حتى لو المرسيدس او النيسان صنى يقلك عليها مش اد كدة
ومع ذلك التيجو بدأت تنتشر جدا فى بورسعيد و ناس كتير بتحبها هنا رغم تقفيلها المصرى
لو لا تعدد الاراء لبارت السلع
معلش انا الاسبرانزا دي ما تدخلش في زمتي بشلن مع اني شغال في توكيها بس دي وجهت نظري وعلشان تكون عارف في عربيات مشاء الله ماشية زي الفل وعربيات ممكن تعقد صحابها وناس كتير قرفانة من العربية وناس تانية بتقول العربية دي مفيش زيها ولا قبلها بس معلش معظم الناس دي اصلا كانت ركبها عربيات 128 وعربيات تعبانة في دي بالنسبة ليهم تحفة وبعدين انا مش بشتغل وخلاص انا بيجيني عيوب ومشاكل في العربيات تجننك
انا هقولك علي مشكلة في عربية اسبرانزا عربية جات العربية دي ما بدورش قبل الساعة 1.15 ظهرا يعني لو دورتها الساعة 1.10 مدورش واقسم بالله العربية عقدت عندنا في التوكيل اسبوع علشان العيب دة ماعلينا وعلي العموم ربنا يباركل
السلام عليكم يا اخى انا مهندس صيانه فى احد توكيل رينو ومعروف ان العربية الرينو عربيه ممتازه وهى العربيه رقم واحد فى فرنسا يعنى قبل البيجو والستروين ومع ذلك العربيه مليانة مشاكل صغيره وكبيره من التكييف مرورا بعلبة الدركسيون الخ مش معنى كده انها عربيه وحشه بس اعتقد انك علشان شغال فى التوكيل وشايف كل المشاكل وده بيعطيك هذا الانطباع وانا عندى نفس الانطباع بالنسبه للرينو :Y_hi_3[1]:
العربية كويسةبالرغم من مشاكلها والموضوع كلة سوء توكيل والتجميع المصرى بدون رقابة جودة
يا راجل حرام عليك
باءة بتقارن النيسان اكس تريل بالتيجوا
انت كده عامل زى اللى بيقارن بيجهاز موبايل صينى من اللى الهيئة الاتصالات و قفت التعامل بيه و بين البلاك بيرى ( طبعا لو كنت تعرفه) زى مانت عارف النيسان
لو سمحتم لا تحاولوا تقارنوا عربيات ابو الفتوح باى ماركة تانية
وعلى فكرة عوامل الامان فيها ضائعة تماما -- فى واحد كان نعايا عند حماية المستهلك الراجل و هو ماشى على ال 120 الجنط اتشرخ و اتكسر من ناحيه الصره و النتيجة العربية قلبت منه على الطريق
وهو الموضوع فى النيابه و تم احاله الى اللجنة الفنيه لحمايه المستهلك للتاكد من عيوب الجنوط وللاسف فعلا جنط العربية بايظ
نصيحة لوجه الله بدون تحيز لاحد دور على مركة فى السوق و توكيل محترم و متسترخص
اوعى تقول على قد الفلوس لو مش معاك هتها مستعمله
و الله انت الكسبان
تصدق اول مرة اخد بالي اني شخص بيئة!!!
مش بس عشان معايا التيجو الجميلة..يمكن عشان عربيتي التانية رينو ميجان
وعربياتي قبل كده كانو سكودا و هوندا
و لما بحثت ف اني دكتور ابن دكتور ودكتورة ووكيل وزارة..تأكدت فعلا من تدني مستوايا ليناسب المستوي المتدني لاسبرانزا
اللي لا يرقي لمستوي جارنا الجزار اللي معاه مرسيدس
..حقيقي مستوي منحط و متدني من الحوار عندما يربطها بمستوي الاشخاص
[QUOTE=egypt0777;3872837931]يا راجل حرام عليك
باءة بتقارن النيسان اكس تريل بالتيجوا
انت كده عامل زى اللى بيقارن بيجهاز موبايل صينى من اللى الهيئة الاتصالات و قفت التعامل بيه و بين البلاك بيرى ( طبعا لو كنت تعرفه) زى مانت عارف النيسان
لو سمحتم لا تحاولوا تقارنوا عربيات ابو الفتوح باى ماركة تانية
دى مش مقارنة بين النيسان xtrail و التيجو , المقصود ان خامات النيسان تحس انها مش اد كدة و مش فخمة لدرجة ان يدفع فيها فوق ال220 الف جنيه (ده توضيح للاخوة الاعضاء المشاركين فى الموضوع مش ليك)
لأنك اقل من ان يترد عليك لان اسلوبك مش محترم
لمعلوماتك ان البلاك بيرى ده كان معايا من قبل ماانت اصلا تسمع عنه
لأنك اقل من ان يترد عليك لان اسلوبك مش محترم
لمعلوماتك ان البلاك بيرى ده كان معايا من قبل ماانت اصلا تسمع عنه[/QUOTE]
عموما يا سيدى
شكرا و كتر خيرك
والحمد لله انك كان معاك البلاك بيرى قبل ما انا اسمع عنه
و الحمد لله ان النيسان اكس تريل سعرها مش على قدها
زى التيجو اللى انت بتقنع نفسك بيها
عموما طول ما انت مبسوط بيها خليها معاك
انا بعد اذنك لما تحب تتكلم على النيسان ابقى روح اركبها مش تتفرج عليها فى المعرض و انت تعرف الفرق مش كلام و خلاص :majd(4):