الموضوع: بدون تعليق

المشاركة الأصلية كتبت بواسطة m_s_h_a

لا تعليق بردوا لا تعليق
ادى لانسر وتويوتا وهامر وبى ام اوعو يا جماعه تشتروا العربيات دى لحسن وحشه وبتتكسر وبتقلب وادى الرابط اللى فيه الصور ҳ̸Ҳ̸ҳ صور حوادث من مصر ( متجدده ) ҳ̸Ҳ̸ҳ - أهلي كايرو
وشوفوا اللانسر بومه معجونه علشان عامت من صاحبها على 170
يا سيدى الفاضل انت اكتر من هاجم السياره ودى حقك ولكل احترامى وتقديري لشخصك فالاختلاف فى السيارات لا يفسد للود قضيه لكن راجع مواضيعك عن الكارينز والنيو سيراتو http://www.nilemotors.net/nile/112081-a.html (سيراتو تاني :(()

http://www.nilemotors.net/nile/107109-a.html (نصيحه لوجه الله ...بلاش كارينز)
بالاضافه لموضوع وش السلندر
انا لازم تانى ااكد احترامى الكامل لشخصك وخلافى معاك فى الراى
حفظنا الله وحفظك من كل سؤ

لا حضرتك انت قعدت تقول حاقدين ومش عارف ايه
ولازم يبقي فيه دليل ان في حوادث فعلا
انا جبت دليل بس اني مش بخترع
العربيه غير مقصوده
انا عارف ان اي عربيه ممكن يحصلها كده
كامل احترامي ليك وطز في اي عربيه
بكره ربنا يفتح عليك وتجيب واحده احسن منها ويمكن تكون خارج قسم كيا فمالوش لازمه
ان الاعضاء تخسر بعض علشان عربيات
وعلي فكره اقسم بالله انا مش بخترع في مواضيعي عن الكارينز والسيراتو
بس هو الظاهر ان الواحد مفروض كده مايقولش كل حاجه يعرفها
ياريت بلاش مواضيع تسخنا علي بعض
وربنا يباركلك في عربيتك
تقبل تحياتي

المشاركة الأصلية كتبت بواسطة hobiko

أهو دة إلي بيخلي الواحد يتأكد إن فيه ناس بينها و بين العربية دي حاجة
حضرتك يا در.عمرو مصور عربية cerato عاملة حادثة

طيب حلو أوي

أنا حاعمل موضوع أحط فيه صور لكل العربيات و هي عملة حوادث و على رأسهم لانسر بومة
و بكدة تبقى كل العربيات فاشلة و مش نافعة

فيه إيه

أنا بجد مش فاهم إيه إلي مفروض يعني إن يوصلنا من الصور دي

عربية ذي أي عربية في الدنيا عادي عملة حادثة من أول audi مروراً بال-bmw و حتى العربيات الصيني

بصو يا جماعة ....... إلي عنده دليل إن العربية فيها مشكلة معينة أو عيب صناعة واضح و صريح يكلم المعندوش بس حاسس و سامع و بيتهيألو مش حاقول ميتكلمش دة منتدى حر كل الناس تقدر تكلم بس من فضلك لو سمحت بلاش تضايق ملاك العربية بكلام مش مبني على أي دليل

على فكرة أنا برضه مش بفترض في حضرتك أي سؤ ظن بس أنا حاسس إن حضرتك سخنت شوية زيادة على حاجة مش مستاهلة

هههههههههههه ماشي يا معلم حلو الايموشن اللي بيغيظني ده
انا قلت نا مش هدفي العربيه تماما
انا ولا شغال في تويوتا ولا هيونداي ولا اي شركه
انا كل هدفي كان بعيد عن العربيه تماما وهو احترام كلام الاخر وعدم افتراض سوء النيه فقط
الايموشن ده شكله احلي

المشاركة الأصلية كتبت بواسطة baskota

اى عربية ممكن تعمل حادثة وتدمر فيها وتتلغى معالمها
الهدف اللى حضرتك تقصده وصل يا دكتور انك تثبت وجهه نظرك بالدليل لكل من يشكك فى رأيك من وجهه نظرك
و اعتقد ان حضرتك لا تهدف الاساءة للسيراتو او مالكيها
تقبل مرورى

تماما هذا ماقصده
فقط عدم الاساءه الي الاراء بدون دليل
تقبلي تحياتي

المشاركة الأصلية كتبت بواسطة dido76

اعتقد ان الهدف من هذا المنتدي هو تبادل المعرفة بين جميع الاعضاء المهتمين بالسيارات
سواء المالكين اوحتي غيرهم
من مبدأ الاهتمام كلنا بندور علي سيارة احلامنا
كل واحد ليه طريقة تفكير
في ناس بتدور علي الامان -- اخرين يبحثون عن السعر -- اخرين عن السرعة الي اخر الامكانيات
في ناس بتدور علي اكتر من حاجة

انا عارف ان كل واحد بيدافع عن سيارته ولن يقبل اي مشكك فيها واري ان د.عمرو يتكلم من مبدا خوفه علي زملائه من تعرضهم لنفس ماواجههه
واحب افكر كل الناس ان الاحتياط واجب واي كانت مواصفات السيارة فحدوث مشاكل واقع ملموس

كل السيارات ممكن يحصل فيها عيب صناعة وكلنا فاكرين ديانا والمرسيدس -- وان مرسيدس سحبت الموديل كله لوجود عيب تصنيع بس ده لن يقلل من احترامنا لمرسيدس

كيا سيارة محترمة وليها باع كبير في مصر وقدرة تسويقية وسمعة عالية ومافتكرش سيارة غيرها السنة دي قدرت تقاوم العثرة المالية الحالية
ممكن يكون فيه نسبة مشاكل موجودة
واعتقد ان حسب التقارير الجمركية تم خروج 770 سيارة في شهر اكتوبر
فخلونا نعمل استفتاء بين مالكي سيارة وخاصة الملاك اللي بقالهم 4-5 شهور ونشوف اكبر مشاكل قابلوها ونشوف لو فيه مشكلة متكررة

اسف علي الاطالة

والله ربنا يكرمك علي الكلام اللي قلتله
الحمد لله اني وجدت من يفهمني فعلا
والله انا لا اقصد سوي ماقلته ويشهد ربي علي ذلك
(( انا عارف ان كل واحد بيدافع عن سيارته ولن يقبل اي مشكك فيها واري ان د.عمرو يتكلم من مبدا خوفه علي زملائه من تعرضهم لنفس ماواجههه ))
بس هو كان صعب ان الاعضاء تفهم كده
انا قلت قبل كده والله ماتفرق عربيات معايا
اللي يفرق اللي عنده مشكله في عربيته يراجع التوكيل
انتم الملاك الحقيقين وانتوا اللي تقدروا تحكموا العربيه فيها عيوب او لأ
الحمد لله ان ربنا بعتلي اللي يوضح وجهة نظري لأن الناس فاكره اني بهاجم العربيه

العربيات الجديدة كلها بتحتاج معاملة خاصة
حتى الهامر بيحصل فيها مشاكل
شوف كده الفيديو ده

[youtube]http://www.youtube.com/watch?v=S8Etx7W1GpY[/youtube]