الموضوع: عايز اكلم حد جرب 1.8 gdi

انا كده بقى مش هاغير المتور غير لما اجيب فلوس المتور الاف تي او
متور ستة سلندر 2000 سي سي اربعة كامة واربعة وعشرين صباب
غير كده انا بصراحة مش لاقي حاجة تخطفني بما فيهم المايفيك ال2400 لاني مبحبش المواتير الكامة الواحدة

المشاركة الأصلية كتبت بواسطة ahmed-moga

الأخ الكريم evo كنت عايز اسأل حضرتك سؤال لأن باين ماشاء علي حضرتك ان عندك خبرة كبيرة في انواع المواتيير وتسقيطها علي انواع مختلفة من موديلات السيارات وانا سألت ناس كتير في كذا موضوع عن السؤال التالي لكن لم يجاوبني اح والسؤال هو
انا عربيتي لانسر 1300 اتوماتك موديل 2008 ينفع اسقط ماتور 1600 اتوماتك بالفتيس الستربتونك الجديد اللي نزل في مصر مؤخرا بعد مانزل في بلاد تانية ولو ماينفعش ممكن اسقط ماتور اية وهايتكلف حوالي كام ولو تعرف شخص ذو ثقة بيشتغل في الموضوع دة ممكن تقولي علية وهل المرور هايسمح بأثبات الماتور الجديد في الرخصة لو كان اكتر من 1300
وآسف علي الأطالة وشكرا جزيلا لحضرتك

ممكن طبعا يتسقط
الموتور ال 1600 موجود لكن بالفتيس الاوتوماتيك العادي أما الستبترونيك هتلف عليه شوية وصدقني ان شاء الله هتلاقيه في واحد سقط في الشارك موتور ال 2000 مايفك مع النقلات من الدريكسيون بس لف شوية على مالقاه
هتدفع فرق عن الحاجات اللي في عربيتك حوالي 4000 جنيه ان شاء الله

في مواتير تانية بس كبيرة زي ال 2400 المايفيك وال 2000 ال جي دي أي بس ماعتقدش هينفعوك

ممكن تروح لسيد حماد في الحرفيين جنب الجامع الكبيرراجل بيعرف ربنا واسعاره كويسة أو نصار

بس تاخد الحاجة كاملة مطور بفتيس بفرامل بعفشه ومتنساش فاتورة مختومة من التاجر وعليها اسمك ورقم رخصتك ومعاها الافراج الجمركي بتاع الموتور

في المرور مفيش أي مشاكل نهائي بتقدم الورقتين اللي اخدتهم من التاجر دول وبترخص العربية بالموتور الجديد في يومها ان شاء الله

لو ناوي ان شاء الله ممكن اخلي بعض المعارف يسألولك في بورسعيد كمان وربنا يوفقك
مع إني افضل إنك تجيب كل حاجة من الحرفين علشان بتاخد ضمان أسبوع أو 10 أيام على الحاجة ولو طلع فيها حاجة لا قدر الله بترجعها
أما لو جبتها من بورسعيد هتضطر تشيلها لحد هناك تاني