مهم

**ramyar** · 24-12-2009 04:15 AM

ايه الورق الي المفروض اخده وانا بستلم العربيه

**abo3bdolrahman** · 24-12-2009 04:20 AM

الإفراج الجمركى و عقد كده يشبه الفاتورة إن سيادتك إشتريت السيارة ذات المواصفات الفلانية و ركز فى المواصفات دى أوى لأنى رجعت من المرور فى مدينة السلام لأبورواش قبل كده لأن رقم المحرك كان غلط لازم كل البيانات دى تبقى مطابقة للبيانات فى الإفراج الجمركى و بعدين تطلع على المرور يعملوا لك جواب المرور و تاخده و معاه عقد الشراء من البائع أو الوكيل و مختوم بختم البائع أو الوكيل و تروح ترخص و مبروك عليك العربية

**ramyar** · 24-12-2009 05:15 AM

المشاركة الأصلية كتبت بواسطة abo3bdolrahman

الإفراج الجمركى و عقد كده يشبه الفاتورة إن سيادتك إشتريت السيارة ذات المواصفات الفلانية و ركز فى المواصفات دى أوى لأنى رجعت من المرور فى مدينة السلام لأبورواش قبل كده لأن رقم المحرك كان غلط لازم كل البيانات دى تبقى مطابقة للبيانات فى الإفراج الجمركى و بعدين تطلع على المرور يعملوا لك جواب المرور و تاخده و معاه عقد الشراء من البائع أو الوكيل و مختوم بختم البائع أو الوكيل و تروح ترخص و مبروك عليك العربية

انا مش فاهم حاجه
يعني انا اخد الافراج +الفاتوره واروح المرور الي انا تبعها اختم وبعدين

**abo3bdolrahman** · 24-12-2009 05:28 AM

لأ العقد ده بتاخده مختوم بختم الوكيل أو الموزع و ده هاتسلمه للمرور علشان ترخص العربية و الإفراج الجمركى بتاخده بردوا من الوكيل أو الموزع و بتروح تطلع بيه جواب المرور من المرور التابع ليه البائع أو الوكيل يا رب تكون كده المسألة وضحت و أى سؤال أنا تحت أمرك و ربنا ييسرلك الأمور و تستلم العربية و ترخصها و مبروك عليك