الموضوع: ماهي اقصى سرعة جبتها بعربيتك؟؟

208 ... سوبارو 2006
140 ... فيات 125

المشاركة الأصلية كتبت بواسطة Moe86

أنا مرة كنت ماشى 150 لاقيت بيجو 504 بتعدى جنبى طيارة, ماتقلش عن 180 !! عربية بقالها حوالى 35 سنة

عادي يا افندم مافيش مشكلة دي بتيقي صناعة متقنة
انا كان معايا مرسيدس خنزيرة 280 موديل 1968 كان امبيرها 220 و كنت باجيب بيها 200 و عادي ولا اكني ماشي 100
و الكلام دا كان سنة 2007 يعني بعد 39 سنة من تصنعها
و ممكن اوري حضرتك فيديو لعربية مرسيدس w116 450sel 6.9 موديل 76 بتجيب ال250 و مافيش مشاكل
هيا الفكرة ان هوا لما فكر يصنع العربية فكر ازاي يعملها عشان تعيش 30او 40 سنة

المشاركة الأصلية كتبت بواسطة ranger

امبارح راجع من المنوفية وكنت ماشي 120 عادي جدا
العجيبة ان كان ماشي ورايا بالظبط فيورا 127 وكان بيعدي شوية ويهدي شوية وكان لازق فيا لدرجة ان لع قدامي ميكروباص تويوتا فجأة على الطريق ففرملت جامد ونزلت من 120 ل 50 فجائي لفيته بنفس التلقائية والحرفية هدى برده ولم العربية عادي جدا
العجيب في المضوع اني اكتشفت ان اللي سايقها بنت مش ولد
وبقيت ماشي بضرب كف على كف بسبب اسلوب سواقتها وبتضرب غرز وماشية عادي جدا والعربية جايبة مبتقولش لا

زمان كان يقولك لو حد بيبيع العربيه و حالتها حلوه يقولك دي استخدام بنت
دلوقتي البنات بقو بيفرمو العربيات
كنت رايح الاسبوع ألي فات المهندسين فبعد مابتعدي رمسيس من علي كبري اكتوبر من فوق الكبري بيبقي 4 حارات انا بقولك ان بنت معاها جين 2 بص بهدلتني اخر بهدله غرز و سرعه 120 في حتت ضيقه و انا طبعا ماشي مش عاوز اسخن عليها عشان في عربيات كتير حواليا بس سواقه ماتطلعش من بنت خالص

180 كم/ساعة تويوتا كورولا 1993 على الطريق الدولى الساحلى
200 كم/ساعة فيرنا 09 على الطريق الدولى الساحلى وطريق السويس اسماعيلية الصحراوى
200 كم/ساعة لانوس 09 على الطريق الدولى الساحلى وطريق السويس اسماعيلية الصحراوى
كفانا الله واياكم شر السرعة