اقتباس المشاركة الأصلية كتبت بواسطة tlrsiap مشاهدة المشاركة
سلام عليكم
الاخوة ملاك الفيرنا ... انا عايز افهم ايه المشكلة ان فيه عربية نازلة جديد تفوقت على العربية اللي الواحد فينا راكبها في شوية حاجات ؟؟

هو عشان فيه عربية نزلت بمميزات احسن ... يبقى انت راكب عربية وحشة ؟؟؟
عربيتك فيها مميزات اكيد تناسبك و تناسب ناس كتير و الا ما كانتش اتباعت ... و اللي هايشتري النهارده هايقارن بين العربية دي و دي من حيث اهمية مميزات كل واحدة له ....
و الله اللي يهمه التسارع و اسعار قطع الغيار و اعادة البيع اكتر من ثبات العربية و تقفيلها و صاجها و عشفتها هايشتري الفيرنا , و اللي العكس هايشتري اللوجان

نفس الشخص ممكن في ظروف معينة يجيب لوجان , في ظروف تانية يجيب فيرنا , في ظروف تالتة يجيب عربية تانية خالص ...
مش كده يا جدعان يعني
روح يا شيخ ربنا يفتح عليك وينورلك طريقك كمان وكمان ويزيدك من العقل والعلم اكتر واكتر
دة كلام الناس العاقلة ... العربية اللوجان انا واحد من الناس اللى اشتريتها والعربية الحمد لله جميلة
الناس عايزانا نقول عليها عربية مش كويسة بالعافية ... مش عارف ليه
ربنا اكرمنا بعربية سعرها حنين وكويسة ايه الداعى اننا ننصح بعدم شرائها مع ان منافسينها معروفين للجميع
واغلبنا سبق له على الاقل تجربة قيادة لمنافسينها اللى مميزات اللوجان طاغية على مميزاتهم الا فى ما يخص اسعار قطع الغيار
.......................
وعموما شكرا يا باشا على كلامك العاقل و توضيحك لفكرة الاحتياجات من السيارة وما يناسب كل شخص عن الاخر