ايها اشد فى التحمل و الاعتماديه لوجان&فرنا
لانى باسوق 504 من زمان (من سنة 1995) و هيه حمالة اسيه و عاوز اغير و الاختيار بين الاتنين دول طبقا للميزانية.
عاوز عربيه تتحملنى انا و اسرتى (5افراد) نرجوا التصويت مع ذكر الاسباب
عرض للطباعة
ايها اشد فى التحمل و الاعتماديه لوجان&فرنا
لانى باسوق 504 من زمان (من سنة 1995) و هيه حمالة اسيه و عاوز اغير و الاختيار بين الاتنين دول طبقا للميزانية.
عاوز عربيه تتحملنى انا و اسرتى (5افراد) نرجوا التصويت مع ذكر الاسباب
لوجان طبعا
بدون كلام
الفيرنا دي سيارة الموت
وصاجها ضعيف جدا وضيقة
ومفيش حاجة اصلا اسمها فيرنا دي اكسنت 2005
لوجان تكسب
الفيرنا حمارة شغل ! و صيانة سهلة و قطع غيار رخيصة و موتور اقوى !
اللوجان تكسب فى حاجتين اعلى عن الارض يعنى متحكش مع التحميل و اوسع بدرجة كبيرة
لوجان يا جميل
عاليه
الماتور معقول جدا
اسم فرنساوى مرموق
توكيل محترم الى حد ما (احسن من غبور)
مصممه للبلاد الناميه وعفشتها حماله اسيه
واسعه
\
بالنسبه للعيب الى فيها
شكلها من بره مش رائع
بس الفيرنا بردوا مش حلوه يعنى :shyy:
راى الاعتماديه فيرنا علشان اللوجان لسه جديده فى السوق نسبيا اكتر عربيه هتلقيها عامله 60 الف وده مش عيب فى اللوجان بس علشان هى جديده
حماله اسيه انا هقولك على موقف حصل معايا شخصيا واحكم حضرتك
كنا طالعين اسكندريه بعربيتن لانوس وفيرنا العربيه لانوس شاء ربنا انها تعطل وكنا عند قريه الاسد رجعنا من قريه الاسد لحد مدينه نصر قاطر الانوس بفيرنا تخيل كل المسافه دى وقاطر العربيه بجد الموقف ده اثبتلى انها عربيه حماله اسيه ومتقولش لا
اللوجان صعب تحكم عليها فى النقطتين دول مش علشان هى وحشه علشان هى لسه جديده وربنا يوفق فى الاختيار
قوجان افضل
فيرنا سياره سيئه جدا على حسب كلام ناس مستخدمينها
انترشرت فقط لسعرها الرخيص
اللوجان يا باشا
لانها امتن من الفيرنا
و لا تنسي صلاه الاستخاره
بص الفيرنا الميزة الى بتميزها على اللوجان انخفاض اسعار قطع الغيار (ده طبعا غير ماتور ذات قدرة حصانيه عاليه على وزن العربية وديه ميزة وعيب فى نفس الوقت )
ارخص قطع غيار عربية من العربيات الحديئة الى بعد سنة 2000 فى مصر عشان انتشارها الراجع لسعرها الرخيص
بس اكيد اللوجان شويه وهتبقى اكتر م الهم على القلب وتلاقيها عند البقالين وهتأخذ اكصدام مع اى علبة سمنه
الفيرنا جيده
بص يا باشا انا معايا لوجان و ارشحهالك بصراحة
ليه
اولا عالية عن الارض و مبتتاثرش بالتحميل
موتورها حلو جدا عليها (هي بتنزل بره بموتور 1400 على نفس البودي)
وكيلها محترم جدا
سعرها منافس و لو كانت بجكارك كانت ممكن تدخل في اخر ال70 بداية ال80 و بالتالي دي تبقى فقة سعرية مختلفة
واااااااااااااااااااااااا اااااااااسعة جدا جدا
عفشتها تحفة (ناعمة و قوية و كلها حنية :) )
ثباتها ممتاز
استهلاك للبنزين رائع بالرغم من ان تكنولوجيا الموتور من سنة 99 (موتور ميجان 1)
امان كويس جدا (ايرباج في الفل اوبشن)
فرامل احسن من الفرنا
قطع غيار حاليا اسعارها عند الوكيل معقولة ما بالك مع انتشار العربية برة هتبقى عاملة ازاي؟!
تكيفها على خلاف الاوروبي تحفة و بصراحة كان مفاجأة ليا (انا كنت في عز الصيف بشغلو على 2 و شوية و اسقع و اطفيه) و مبيأثرش على سحب العربية خااااااااالص
واخدة 3 نجوم امان في اختبارات Euro NCAP
عربية شغالة في المغرب تاكسي (دليل على اعتماديتها)
مش معقدة ميكانيكيا
=====================================
نيجي للعيوب (اللي لا اعتبرها عيوب و لكن للأمانة)
صوت الموتور عالي نسبيا (في فترة التليين بعد كدة على حسب كلام الناس اللي عدو ال 5000 هدي بكتيير)
الموتور كامة واحدة 8 صباب (تكنولوجيا قديمة)
رعشة بسيطة في الفتيس (في عربيات و عربيات لأ)
حرارة عند الدواسات نتيجة مواسير التكييف السخن (ليها عازل عند الوكيل و بيحطها للناس اللي بتشتكي من الموضوع ده)
الكاسيت Audio بس و بعض العربيات فيها mp3 (دفعات و دفعات بس نفس الماركة)
مكان زرار الكالكس بعض الناس مش حباه بس مع التعود خلاص
مكان زراير الازاز الكهرباء (بردو مسألة تعود)
==================================
اعتقد اني وضحت لحضرتك مميزات اللوجان و عيوبها و لو عاوز نصيحتي تبقى لوجان
و لو حضرتك حابب تسأل على اي حاجة انا تحت امرك و هتلاقي مواضيع كثير أوي في منتدى رينو توضح ليك كل اللي عاوز تعرفوا عنها
الفيرنا احسن فى نظرى
تحية لحضرتك على أمانه العرض وعدم التحيز للوجان وعدم اغفال عيوبها
بس احب اضيف أن معظم العيوب ديه لناس لسه ما خلصتش فترة التليين ومعملتش 5000 كيلو الى بعدها العربية بيبقى ادائها طبيعى وفقا لكلام مانيوال العربية وكمان مع توكيل قوى زى توكيل رينو يبقى الواحد بأذن الله مطمئن أن اى مشكلة أن شاء الله هتتحل
ابعد عن الرينو حاجتهم غاليه ومش كل حاجه لاقدر الله فى حوادث لن تجدها ومحدش بيصلحها الا التوكيل لانه محتكر قطع الغيار . وبعدين هناك مشاكل فى هز عصايه الفتيس ومثبته هنا فى المنتدى دة غير ان شكل السيارة غير عاطفى . الفيرنا سيارة شيك وشكلها ما يقدم . العربيه اعتماديه ممتازة وكل جزء فيها يمكن الحصول عليه بسهوله ورخيصه فى سعر قطع غيارها. سريعه جدآ وتكييف فى عز الحر بارد جدآ .
[quote=raedegypt;3872221659]ابعد عن الرينو حاجتهم غاليه ومش كل حاجه لاقدر الله فى حوادث لن تجدها ومحدش بيصلحها الا التوكيل لانه محتكر قطع الغيار . وبعدين هناك مشاكل فى هز عصايه الفتيس ومثبته هنا فى المنتدى دة غير ان شكل السيارة غير عاطفى . الفيرنا سيارة شيك وشكلها ما يقدم . العربيه اعتماديه ممتازة وكل جزء فيها يمكن الحصول عليه بسهوله ورخيصه فى سعر قطع غيارها. سريعه جدآ وتكييف فى عز الحر بارد جدآ .[/quote]
كلام مش مضبوط وقديم قوى اكل عليه الدهر وشرب قطع غيار اللوجان متوفره فى كل حته وكمان نزلت استيراد فى الحرفيين واحتكار ايه الى التوكيل محتكر قطع الغيار - ده كلا م حد مش عارف حاجة خالص -
اما بخصوص موضوع الحوادت- لاقدر الله - الى حضرتك بتقول عليها فهتلاقى قطع غيار متوفرة بأذن الله لان العربية مبلقهاش 6 شهور وقطع غيارها بره التوكيل وجوه التوكيل باسعار قريبة من الكورى
أما 4فى موضوع الحوادث فغالبا فالبرغم أنى مابحبش ابشر بس حضرتك بقى الى فتحت الموضوع - قلا قدر الله - الى كان راكب فيرنا وعمل حادثة مش هو الى بيجيب قطع الغيار والورثه هما الى بيتصرفوا عشان اللوجان 3 نجوم فى اختبارات الامان اما الفيرنا مدخلتش اختبارات امان من اصله وده احد الاسباب الى بيخلى جميع دول اوربا ترفض دخول الفيرنا ليها نهائيا بس الشعب المصرى الغلبان فرحان بكده
الشكل غير العاطفى ده اذواق وبعدين فى استطلاع هنا فى قسم المقارنات والناس الى مش عجباهم الفيرنا كتير جدا
ابتعد عن النعش الطائر
يا ترى مين أكثر تحمل و اعتمادية؟
سيارة أوروبية وألا سيارة كورية متقفلة في مصر على يد أسوأ توكيل سيارات في مصر والعالم ؟
سؤال محير بصراحة يا ترى أنهي ؟
بص يا فندم صاحب الموضوع هنا طالب نصيحة من ملاك العربيات لأنهم احسن ناس تقدر تقيم العربية و المعروف على رجالة المنتدى انهم الحمد لله بيدوا نصيحة مظبوطة لأننا منعرف صاحب الموضوع ولا لينا مصلحة من انو يشتري الفرنا او اللوجان غير اننا نكسب وحش جديد معانا
بالنسبة لأن قطع غيار اللوجان غالية فدي مش مظبوطة لعدة اسباب اولها ان العربية معمولة اصلا للدول النامية و تبقى رخيصة و صيانتها مش غالية و التوكيل مش محتكر قطع غيارها ولا حاجة لكن السبب في اننا بنروح التوكيل هو ان اسعارو مش غالية عن برة كثير و دول ناس فاهمة العربية تمام و حافظاها و معلومة بسيطة جدا ان اللوجان زي ما قلت قبل كدة انها غير معقدة ميكانيكيا خااااالص و بعدين اللي خلى الميجان في ناس بتصلحها برة اللوجان مش هتتصلح برة؟!:shyy:
بالنسبة لموضوع هزة عصاية الفتيس دي محدش نكرها لكن بردو مش مسببالنا اي مشاكل خالص و الفتيس سلس جدا في النقلات بتاعتو و مش مسبب اي مشكلة خالص بل تحس ان الفتيس ماسك نفسه و بيسيب النقلة و يروح للي بعدها بسهولة تامة و في نفس الوقت ماسك نفسو
قصة الشكل دي اذواق مش اكثر و على فكرة الفرنا ده شكل قديم من 2004 تقريبا و دي بردو لو انا بشتري العربية مش هتسببليس مشكلة طالما شكلها عاجبني و نفس القصة مع اللوجان اللي على فكرة بحب شكلها (اذواق بقلك)
و حضرتك قلت على ان الفرنا اعتمادية جدا و افترضت العكس في اللوجان لمجرد انها رينو؟! هقول لحضرتك حاجة واحد صاحبي معاه رينو 4 عربية مبتتشافش اصلا غير كل فين و فين و شكلها قديم و كهنة لكن ما شاء الله العربية ماشية معاه زي الفل و توارثتها اجيال يعني باباه و مامتو و اخوه و هو يعني مفحوتة و ما شاء الله ماشية كويس
بالنسبة لتكييف اللوجان فهو ممتاااااااز لأقصى درجة و مبيأثرش على السحب خالص
و نيجي لأهم 3 نقط
1- الوسع اللوجان اوسع بكثير جدا عن الفرنا و انا ركبت دي و ركبت دي و ركبت اللانوس و هي اوسعهم
2- الفرامل و دي في الفرنا ضايعة لأن الموتور قوي جدا (تحسب في صالح الفرنا) لكن على بودي خفيف (عيب في نفس الوقت) و فرامل بالنسبة لكدة تبقى على السرعات العالية متسعفش
3- و هي الاهم لو زي ماحضرتك بتقول لو عملت حادثة انهي الاهم العربية ولا حياتي و حياة اللي معايا؟ اكيد حياة البني ادم اهم بكثيييير من مليون فيرنا ولا لوجان لما نشوف الCrash test بتاع الفرنا و نشوف بتاع اللوجان اعتقد نقدر نحدد مين اللي هيبقى في الامان اكثر
و من فضل حضرتك متخليش كرهك لرينو يخليك تقول كلام مش مظبوط عليها بدون تجربة و لما تنقل حاجة من المنتدى (هزة عصاية الفتيس) انقلها مظبوط مش تقول فيه هزة و متقلش انها مش مأثرة على حاجة مش مبدأ (ولا تقربوا الصلاة)
الرينو اللوجان عربية عملية وماركة عريقة"
كفاية فيرنا بقى"
لو يهمك:انا عن نفسى اخترت الفيرنا علشان الخيارات اللى فى 1 كانت اهم بالنسبالى من الخيارات اللى فى 2
- الماتور الاحدث - السحب - رخص قطع الغيار - توافر قطع الغيار فى كل حته - سهولة الصيانة - سعر اعادة البيع - تكيف قوى يبقى فيرنا افضل.
- وسع الصالون و الشنطة - عوامل الامان - كماليات زيادة زى كمبيوتر الرحلات - التوكيل افضل - خامات الصالون و التقفيل يبقى لوجان افضل.
مميزات اخرى للوجان
ارتفاع عن الارض وما تحكش فى المطبات ( الفيرنا واطيه شويه)
صاج قوى ودعامات فى الابواب والسقف والكابوت والشنطه ( افضل من صاج الفيرنا )
تكييف ممتاز لا يقل عن تكيييف الفيرنا الى تكييفها برضه ممتاز
ثبات ممتاز( افضل من ثبات فيرنا بكتير )
استهلاك بنزين قليل ( اقل من استهلاك الفيرنا شويه )
انتشار اوروبى وهو يعنى مطابقة لمعايير الجودة الاوربية
صيانة سهلة حيث ماتورها ماتور الميجان 99 يعنى مش ماتور جديد
رينو لوجان فى رأى افضل
لولا اختلاف الاراء لبارت السلع
لوجان احسن من فيرنا:3_3_102[1]:
مش ممكن بصراحة اللي بيحصل في نايل موتورز من تحامل على عربيات فقط بسبب بلد منشأها...
بجت بجت بتجت مش مصدق اللي بيحثل!!
حد يقارت برده عربية محركها من سنة 99 بعربية محركها احدث و اقوى لمجرد فقط و "اونلي" و "جست" ان مكتوب عليها رينو ؟
يا نهار اثود!
بجد يا جماعة قسم المقارنات دا مستفذ اوي
مش عشان انا راكب فيرنا ولا حاجة بس بجد عشان حاسس ان الناس معقدة من الماركات .. نفسي الناس تقول رأيها من غير ما تحسس ان البشر التانيين راكبين كاررو (وهما في الأصل مش عارفين بيتكلموا عن اية ..)
على فكرة العربية اللي مش إعتمادية اللي بتقولوا عليها دي انا بعمل لها صيانات كل 10000 كم و مش كل 5 الاف زي ما الوكيل بيقول و الحمد لله العفشة مفكتش مني ولا حاجة
و أخيراً...
هيونداي فيرنا... تقفيل مصري.... أم الأجنبي!!
يا باشا مفيش تحامل ولا حاجة على العربيات بسبب بلد المنشأ و احنا كل اللي بنعملوا اننا بنقول ميزات و عيوب كل واحدة مش اكثر من حق حضرتك توضح ميزات الفرنا و عيوبها بكل حيادية و من حق اي واحد يمتلك عربية معينة انو يعبر عن ميزاتها و عيوبها بردو
و يا باشا متزعلش نفسك مش شوية حديد هتخلي حد جميل زيك كدة يزعل او يدايق :)
صباح الفل ;)
صباح الورد يا باشا
والله بجد انا مش عارف اقول لحضرتك اية؟
الفكرة ان بعض الأعضاء مصممين برضه ان فيه عربيات كخه... مهما طلعت او نزلت كخه برضه.. من غير نقاش
و النوع دا من الأعضاء مش هعرف بجد اتناقش معاه و تقريباً كدا انا هتجنب ادخل اي موضوع بيتكلم عن العربية الكخة اللي اسمها فيرنا دي
انا الحمد لله مقتنع تماماً انها مش عربية سوبر ولا حاجة و قولت قبل كدا انها عربية مش سوبر ولا حاجة و قلت قبل كدا برضه ان لو كانت اللوجان موجودة ايام ماكنت بشتري كان ممكن الإختيار يقع عليها... هو انا قريب غبور يعني؟؟
و برضه اتكلمت عن عيوب الفيرنا و مميزاتها قبل كدا (عادي ..مهي زي اي عربية)
الأسلوب المستفز اللي بعض الأعضاء بيتبعوه و بيكرروه و يعيدوا و يزيدوا فيه و اللي بيه بيحسسوا اصحاب بعض العربيات (مش بس الفيرنا على فكرة) انهم راكبين كاررو هو الأسلوب المستفز:fdsa:
شكراً لحضرتك و آسف لو كنت حاد شوية
يا باشا ولا يهمك الفكرة كلها ان بعض الاعضاء بيحبو عربياتهم زيادة قوي و ده شئ كويس و انا واحد منهم لكن اللي مش كويس هو اني اطلع بالعربية السما بالمميزات بتاعتها و مقلش العيوب بتاعتها يبقى انا كدة بضلل الراجل اللي بيقارن بين العربيتين و مش بساعدو و بعدت عن الهدف + ان هتلاقي الناس كلها من الاعضاء ردوا على النوعية دي.
و حضرتك اكيد متأكد ان الاعضاء هنا كلهم بيساعدوا بعض بدون اي سبب و لا سابق معرفة في كثير من الاحيان
خلاص انتهى النقاش عن الفيرنا وشكرا
الفيرنا عربية زبالة و معفنة و بتلعب و تعوم و واطية و بتحك وضيقة وملهاش توكيل و قطع غيارها ضايعة وصناعة كورى زبالة وتقفيل ازبل مصرى وصاج علبة كانز وبتصدى وبتاكلها البارومة
خلاص.... سيبونا حبة بقى احنا اللى ربنا ابتلانا بالفيرنا نعرف (نبلعها) وعقبال ما ربنا يفتح علينا ونركب المرسيدس الاوروبى اللوجان و شكرا
ولصاحب الموضوووع ابعد كل البعد عن الفيرنا
اهدى يا .ashouhdy معلش وامسحها فيا المرادى
لا بجد حاجة تفقع المرارة وتحبط الواحد .. انا مش عايز اتناقش مع حد لان الموضوع بقى يزهق
وبعدين انا اختلف معاك فى كل اللى بتقوله :mahf(5):
اولا العيال السيس الللى بيمشوا على البحر معاهم فيرنا بيقطعونى يا ashouhdy يا خويا :fdsa:
انا بقى ناوى اخليك تدينى كورسات فى شد المواتير ومش حلاقى حد احسن من واحد معاه فيرنا يعلمنى ازاى اشد مواتير :120105~352:
روق بقى اومال احنا بندخل المنتدى نرفه شوية مش نحبط بعض :colsmil: انا عايز رد على المشاركة
دى يكون فيها ايموشن بيضحك :36_1_1[1]:عشان انام وانا مطمن على اخويا :majd(2):
لا لا يا باشا مالكش حق تكره فيرى اللى مقطعة نص عربيات البلد والكل بيعملها حساب :36_3_18[1]:
مش عايزين ننسى ابدا ان الفيرنا دى ياما خدمت جزء كبير من الشعب المصرى
انا اعتقد ان كل عائلة فى مصر فيها اسرة عندهم فيرنا :M_yes[1]:
وانا حدخل انام انا كمان واحلم بحتة لامبورجينى وحقطعك بقى الليلة دى :B4_048:
هييييييييييي لاقيت واحد اقطعه :44:
تصبح على خير يا باشا :120105~352:واحلام سعيدة داخل فيلم
:3mla: .the fast & the furious .. ringoo vs ashouhdy
طيب يا ريت مقارنة تقنية بين البوجاتى واللامبورجينى ..
بس يا ريت نعرف فى الأول فيه حاجة من الاتنين كــورى ؟؟ :mahf(5):
.
.
.
.
.
:36_6_3[1]:
1000 حصان يالهوى :banghead: واحنا قاعدين نتخانق على 90 و 110 حصان جتنا نيلة فى حظنا الهباب :fdsa:
طيب ما يوزعوا على الشعب الغلبان دة شوية حصنة من اللى فى البوجاتى او مش لازم حصنة ممكن حمير اى حاجة تشد الماتور :knight:
وبعدين تعالى هنا بوجاتى مين اللى تكسب انا شوفت الفلم وانا نايم بس شوفت الجزء التانى منه وانا كان معايا لوجان معدلة 1500 بقرة مش حصان :POINTI~2[2]: وقطعطك وانت بالبوجاتى :khd:
امممممممم عايز مقارنة عن البوجاتى واللمبورجينى :shyy:
لعلمك بقى اللمبورجينى افضل عشان مش بتحك فى المطبات والبوجاتى اسعار قطع غيارها غالية
لكن اللمبورجينى حتلاقى قطع غيارها فى السوبر ماركت :120105~352:
اللمبورجينى افضل بمراحل عن تجربة شخصية للاتنين :colsmil: مصرى مصرى يعنى :3mla:
واى استفسار بالنسبة للطيارتين دول انا تحت امرك :satelite:
logan logan logan