الموضوع: في حد راح العريش قبل كده ؟؟

المشاركة الأصلية كتبت بواسطة theking2690

ايوه فعلا بقوا يسهروا للصبح و بقى فيه كافيهات واساسا الحته اللى عند حديقة مبارك ديه بتبقى صاحيه للصبح علشان بقى فيها تأجير موتسيكلات و عجل

بس ايه ده يا جماعه انتوا بتقعدوا فى المساعيد ولا فين؟؟؟

انا لما بروح مع صحابى بننزل فى المساعيد فى شقه خال صاحبى ولما بنروح عائلى بنزل فى ظلال النخيل المرحله الاولى او احيانا الثالثه عند شاليهات هيئه قناه السويس

المشاركة الأصلية كتبت بواسطة dr zezo

دا في الصيف مش الشتاء

صح ؟!

اذا كان في الصيف فهي من زمان كده

الحركة في الصيف مختلفة كتير عن الشتاء

شوف بقي حضرتك الكورنيش اللي علي الطريق اللي داخل للعريش نفسها ده لو مشيت هناك شوية عند شاليه المحافظ و شركة الكهرباء و قبل مسجد الرحمة

شقتنا هناك بقي جنب الشاليهات و هي تعتبر العمارة الوحيدة في منطقة الشاليهات دي

لا انا مجربتهاش فى الشتا خالص , كنت بنزل اتمشى على الكورنيش هناك بس قليل معظم قعدتى فى الناحيه التانيه من البلد

المشاركة الأصلية كتبت بواسطة dr zezo

خلاص خدنا الجنسية و بقينا نفهم اللهجة :oc_sun1[1]:

بس حضرتك قابلت البدو فين و لا تقصد العرايشية ؟!

خط المساعيد و شاليهات البحر مفيش فيها المشاكل دي

الميه حلوة علي طول

المشاكل ديه في وسط البلد و الضاحية و الرائد العربي و حي الريسة

البدو ملهمش تعامل مع حد فى الشارع لكن العرايشيه كويسين جدا ولسانهم حلو ومتسامحين ويحبو الهزار قوى

بس لو خبطت فى حد فيهم بتبقى ليله مش معديه واسخن من الصعايده فى الخناق

الميه فعلا كانت مشكله من كام سنه بس خلاص دلوقتى بقت عادى فى القرى كلها

بجد تسلم ايديكم على المعلومات الجميلة ديه عن البلد
والله الواحد بيفكر يقضى شهر العسل هناك بدل المناطق المعروفه
ومنه تغير ومنه كمان هدوء وجمال طبيعى