بص يا ريس دى اول مشاركة ليا ومش عايز اطول عليك ولا على نفسى هجاوب بالترتيب كده
1- العربية كويسة جدا لحد ال 200 بس تكون ماشى ستريت يعنى على خط مستقيم لو فى ملف نصيحة متزودتش عن ال140 هتبقى معاك زى الفل برضة
2- العفشة نشفة شوية علشان غاز بس بتدى ثبات وعلى فكرة اخدت بيها كذا مطب ونقرة بس من اللى قلبك بيتقطع وانت بتاخدهم والحمد لله محصلش اى حاجة
3-استهلاك البنزين قبل ال 120 يعنى جوه المدينة ممتاز لكن لو مسافر وناوى تجرى شوية يبقى فول قبل ما تتطلع وخد معاك اربع صفايح بنزين كمان احتياطى انا روحت العين السخن بنص التنك وكنت ماشى 180
4-صاجها بسم الله ما شاء الله عليه كويس جدا انا اخدت كذا خبطة فى الرفارف وكنت بنزل اقول الرفرف راح فى دهيه بس الحمد لله كل اللى بلاقيه لون العربية اللى خبطتنى بس معلم عندى وكمان فية قضبان فولاذ فى الابواب حماية يعنى
5- العربية من برة تحس انها ضيقة بس تركبها من جوة تلاقى العكس ... انا من يومين كنت راكب ومعايا 4 اصحابى منهم 3 اوزان فوق ال 100 كيلو وواحد ذيى كده حاجة وسبعين كيلو ... حسيت بفرق فى السحب لكن مفيش ولا مطب كان بيحك وكنت باخد نقر برضة والحمد لله محصلش حاجة
فى حاجة كمان عايز اقولك عليها
- صوت الموتور وانت واقف مش هتسمعه خالص لدرجة انك مش هتعرف اذا كانت دايرة ولا لا وعموما كل العربيات الجديدة كدة بس النيو اكسنت صوتها عالى شوية عند ار بى ام 3 وبعد ال 3 كمان صوتها بيعلى اكتر فى ناس حبت الصوت وفى ناس محبتوش وانا مع الناس الاخيرة دى
- مشوار النقلات حلو جدا بس فية عضة فى الاول و المارشدير ... ممكن يكون ده عندى انا بس
- الفرامل بتاعتها ممتازة جدا ... شالتنى كذا مرة وربنا ستر الحمد لله
- التجميع بتاعها حلو اوى اوى لحد 160 بعد كده هتحس بملل لحد ما تجمع ال 200
- واخر حاجة علشان طولت عليك اوى مش هتندم انك جبت العربية دى فى الفئة السعرية دى
المفضلات