لو عضو جديد .. أهلا بيك في منتدى ميتسوبيشي

**emanayman** · 15-12-2008 09:08 PM

الف شكر علي ردك واهتمامك يا باشمهندس طارق
السبت الماضي قدر الله وشاء ان عربيه نصف نقل كانت ماشيه معاكس علي شمالي وواحد قطع عليه الطريق فراح هربان منه فجاه وهو جانبي
انت عارف انهم بيحطوا اكصدام عباره عن ماسوره حديد بارزه شويه في الخلف
وهو بيهرب كبس عليا ورالماسوره كانها اتعلقت عندي شمال
كسرت الفانوس والاكسدام وعوجت الرفرف الامامي وقطعت حته في وش الباب الاماي الايسر وحكت الباب الخلفي وسابني بعد حوالي شبر في الرفرف الخلفي بدون دهان وجري ملحقتش اشوف حتي نمره
قدر الله ما شاء فعل والحمد لله
كلمت التامين قالي اعمل محضر وودي العربيه الضمان تتصلح
روحت الرواس في شارع النيل الصبح الساعه 8ص قالولي مينفعش اسيب العربيه عندهم تتعملها مقايسه لازم اكون موجود وبعد ما تتعمل المقايسه اجيب مهندس التامين ويناقشها معاهم
بس انا مشكلتي ان شغلي من 8ص الي 5م كل يوم ومش بعرف اسيبه
بس انا جمعه وسبت اجازه بس التامين مش شغالين السبت
وبعدين انا حاسس ان التصليح في مصريه قليوب حيكون احسن وححس ان شاء الله انها حترجع زي ما كانت (العربيه عامله 460 كم)فقط
وهل ينفع لو جبتهالكوا في قليوب اسيبها يتعملها مقايسه ومهندس التامين يبقي يجلكوا واي حد يبلغني وتصلح
ولا لازم اكون جنبها
وان شاء الله ان حصل ممكن تاخد وقت اد ايه
حضرتك عارف ديه لسه جديده وانا ملحقتش افرح بيها
من فضلك يا باش مهندس انا محتاج رايك ومسعدتك
وهل ممكن بعد التصليح ان شاء الله اعمل صيانه الاف بالمره
اسف علي الاطاله
وشكرا علي اي مساعده