جاى من الزراعى وكنت هاخد الدائرى
بس طالما كده أقصر يبقى اكمل احمد حلمى واخد اكتوبر
معليش تعبتكم .. شكرا
عرض للطباعة
لأ معلش.........واحدة واحدة كده
أنا أفتكرتك جاى من شبرا أصلاً ورايح مدينة نصر.
لكن طالما أنت جاى من طنطا يبقى ملهاش لازمة تدخل فى زحمة القاهرة و خليك من برة على الدائرى على طول.
ده رأيي الشخصى........و من أتجاه الزراعى الوصفة هتختلف شوية
لو تحب أقولهالك.
أوك يا ريت لو مفيهاش تعب
انا قلت كده كده زحمه لأن الدائرى برضو بيبقى ممل فا يبقى من وسط البلد مسافه أقصر وخلاص
بص يا باشا
أنت هتمشى فى الدائرى و المفروض أنك هتعدى من تحت طريق الأسماعيلية و بعد كده من فوق طريق السويس
بعد ما تعدى من فوق طريق السويس هتلاقى نفق فى الدائرى متنزلهوش....خد يمين من فوق النفق و هتلاقى على يمينك على الناصية قهوة عالية شوية أسمها الربوة ( و هى فعلاً على ربوة عالية ) هتدخل يمين من جنبها و هتلاقى موقف أتوبيسات على يمينك ده موقف الحى العاشر.......هتفضل ماشى فى الشارع ده طوالى مروراً بسوق السيارات و بعده الوفاء و الأمل كلهم على شمالك و بعدهم بشوية هتلاقى مبنى كبير على شمالك بتاع شركة أنبى.....هتكمل لأخر الشارع خالص و هتلاقى أنك لازم تدخل يمين.....هو ده شارع الطيران و تسأل فين المستشفى.
العفو يا باشا و توصل بالسلامة إن شاء الله